പെരുന്നാള്‍പ്പിറയുദിക്കുമ്പോള്‍

­റം­സാന്‍ ­പെ­രു­ന്നാള്‍ വന്ന­ണ­യു­ക­യാ­ണ്‌. കര്‍­മ­ശു­ദ്ധി­യു­ടെ­യും ബോ­ധ­ശു­ദ്ധി­യു­ടെ­യും ചി­ന്താ­ശു­ദ്ധി­യു­ടെ­യും തീ­വ്ര­വ്ര­ത­മായ ഒരു­മാ­സ­ത്തി­നു ശേ­ഷ­മാ­ണ്‌ റം­സാ­ന്റെ ആഘോ­ഷം. ആ ആഘോ­ഷ­ത്തി­ലേ­ക്ക്‌ ശു­ദ്ധ­ച­ര്യ­ക­ളി­ലൂ­ടെ മാ­ത്ര­മേ പ്ര­വേ­ശ­ന­മു­ള്ളൂ. ഇസ്‌­ലാം എന്ന മതം ജീ­വി­ത­ച­ര്യ­ക്ക്‌ വള­രെ പ്രാ­ധാ­ന്യം കൊ­ടു­ക്കു­ന്ന ഒന്നാ­ണ്‌. ശു­ദ്ധി അതി­ന്റെ മു­ഖ്യ­പ്ര­മാ­ണ­ങ്ങ­ളി­ലൊ­ന്നാ­ണ്‌. ദി­വ­സം അഞ്ചു നമ­സ്‌­കാ­ര­ങ്ങ­ളു­ള്ള­തില്‍ ഓരോ­ന്നി­നും മു­ന്നേ ശരീ­ര­ത്തെ അം­ഗ­പ്ര­ത്യം­ഗം ശു­ദ്ധ­മാ­ക്കു­ന്ന­ത്‌ അനു­ഷ്‌­ഠാ­നം പോ­ലെ ക്ര­മ­പ്പെ­ടു­ത്തി­യി­ട്ടു­ണ്ട്‌. അത്‌ ശരീ­ര­ത്തി­ന്റെ ശു­ദ്ധി­യു­ടെ കാ­ര്യ­മാ­ണെ­ങ്കില്‍ നോ­മ്പ്‌ ആത്മാ­വി­ന്റെ ശു­ദ്ധി­യു­ടെ കാ­ര്യ­മാ­ണ്‌. തനു­മ­ന­ങ്ങ­ളൊ­രു­പോ­ലെ ശു­ദ്ധ­മാ­കു­ന്ന ഒരു ജീ­വി­ത­ച­ര്യ­യാ­ണ്‌ ഇസ്‌­ലാ­മി­ന്റെ ജീ­വി­ത­ദര്‍­ശ­ന­മെ­ന്ന്‌ ലളി­ത­മാ­യി പറ­യാം.

­പ­ല­രും കരു­തി­യി­ട്ടു­ള്ള­ത്‌ നോ­മ്പെ­ന്ന­ത്‌ പട്ടി­ണി­യി­രി­ക്ക­ലാ­ണ്‌ എന്നാ­ണ്‌. എന്നാല്‍, ഭക്ഷ­ണ­വു­മാ­യി നോ­മ്പി­ന്‌ സത്യ­ത്തില്‍ പരോ­ക്ഷ­ബ­ന്ധ­മേ­യു­ള്ളൂ എന്ന­താ­ണ്‌ സത്യം. ഭക്ഷ­ണ­വും ജല­വും ഉപേ­ക്ഷി­ക്കു­ക­യെ­ന്ന­ത്‌ വെ­റും അട­യാ­ളം മാ­ത്ര­മാ­ണ്‌. ശരീ­ര­ത്തി­ന്റെ­യും മന­സ്സി­ന്റെ­യും അക­ത്തേ­ക്ക്‌ കൊ­തി തോ­ന്നി­പ്പി­ക്കു­ന്ന­തും പ്ര­ലോ­ഭ­ന­പ്ര­ദ­ങ്ങ­ളു­മായ ഒന്നും കട­ത്തി­വി­ടാ­തെ, അവ­യെ പരി­ത്യ­ജി­ക്കു­ന്ന­താ­ണ്‌ നോ­മ്പ്‌. അതി­ന്റെ പ്ര­ത്യ­ക്ഷ അട­യാ­ളം മാ­ത്ര­മാ­ണ്‌ അന്ന­പാ­നീ­യ­തി­ര­സ്‌­കാ­രം. നോ­മ്പി­ന്റെ നി­ബ­ന്ധ­ന­ക­ളി­ലെ ഇള­വു­കള്‍ എന്തൊ­ക്കെ­യാ­ണെ­ന്ന്‌ മന­സ്സി­ലാ­ക്കി­യാല്‍ ഇതി­ന്റെ അന്ത­രാര്‍­ത്ഥം ഗ്ര­ഹി­ക്കാ­നാ­കും. ഒരാള്‍ നോ­മ്പി­ലി­രി­ക്കെ, മറ­വി പറ്റി ഭക്ഷ­ണം കഴി­ച്ചു­വെ­ന്നി­രി­ക്ക­ട്ടെ, അയാ­ളു­ടെ നോ­മ്പു മു­റി­യു­മോ? ഇല്ലെ­ന്നു­ള്ള­താ­ണു വാ­സ്‌­ത­വം. ഭക്ഷി­ച്ചു­കൊ­ണ്ടി­രി­ക്കു­മ്പോ­ഴാ­ണ്‌ അയാള്‍­ക്ക്‌ പൊ­ടു­ന്ന­നെ താന്‍ നോ­മ്പി­ലാ­ണെ­ന്ന കാ­ര്യം ഓര്‍മ വരു­ന്ന­തെ­ങ്കില്‍, ആ നി­മി­ഷം ആഹാ­രം ഉപേ­ക്ഷി­ച്ചാല്‍ നോ­മ്പു മു­റി­യി­ല്ല. അതേ­സ­മ­യം, എന്താ­യാ­ലും വാ­രി­പ്പോ­യ­ത­ല്ലേ, ഈ ഉരുള കൂ­ടി കഴി­ച്ചേ­ക്കാം എന്നു കരു­തി ഒരു വറ്റെ­ങ്കി­ലും നോ­മ്പി­ലാ­ണെ­ന്ന ഓര്‍­മ­യോ­ടെ കഴി­ച്ചാല്‍ നോ­മ്പ്‌ നഷ്‌­ട­പ്പെ­ടു­ക­യും ചെ­യ്യും. ഇതില്‍ നി­ന്ന്‌ വ്യ­ക്ത­മാ­കു­ന്ന­ത്‌, നോ­മ്പി­ലെ ആഹാ­ര­ത്യാ­ഗം പട്ടി­ണി­യെ ഉദ്ദേ­ശി­ച്ചു­ള്ള­ത­ല്ല, മറി­ച്ച്‌, സു­ഖാ­നു­ഭ­വ­ങ്ങ­ളെ തി­ര­സ്‌­ക­രി­ച്ചു­കൊ­ണ്ട്‌ ആത്മീ­യ­വി­ശു­ദ്ധി പ്രാ­പി­ക്കാ­നു­ള്ള മാര്‍­ഗം മാ­ത്ര­മാ­ണെ­ന്നു തന്നെ­യാ­ണ്‌.

ആ­ഹാ­ര­വും വെ­ള്ള­വും ഉപേ­ക്ഷി­ച്ച്‌, മത­മ­നു­ശാ­സി­ക്കു­ന്ന നോ­മ്പെ­ടു­ക്കു­ന്ന പല­രും നല്ല വി­ശ­പ്പു കയ­റി­ക്ക­ഴി­ഞ്ഞാല്‍ മറ്റു­ള്ള­വ­രോ­ടു കയര്‍­ക്കു­ന്ന­തും നി­സ്സാ­ര­കാ­ര­ണ­ങ്ങള്‍­ക്കു പോ­ലും കോ­പി­ഷ്‌­ഠ­രാ­കു­ന്ന­തും കാ­ണാം. ഇതൊ­ക്കെ നോ­മ്പ്‌ ആ വ്യ­ക്തി­ക്ക്‌ ഫലം ചെ­യ്യു­ന്നി­ല്ലെ­ന്ന­തി­ന്റെ തെ­ളി­വാ­ണ്‌. നോ­മ്പു­കാ­ലം ഹൃ­ദ­യ­ശു­ദ്ധി­ക്ക­ള്ള നാ­ളു­ക­ളാ­യി കണ­ക്കാ­ക്കു­ന്ന­വര്‍­ക്ക്‌ വി­ശ­പ്പു തോ­ന്നി­ല്ല. അവര്‍ കോ­പ­ത്തെ­യും മോ­ഹ­ത്തെ­യും ഒക്കെ ത്യ­ജി­ക്കു­ന്നു. ഭക്ഷ­ണ­ത്തി­ന്റെ മണം അവ­രെ സ്‌­പര്‍­ശി­ക്കുക പോ­ലും ചെ­യ്യി­ല്ല.

­ഭ­ക്ഷ­ണ­പാ­നീ­യ­ങ്ങള്‍ ഉപേ­ക്ഷി­ക്കു­ന്ന­തു­പോ­ലെ പ്ര­ധാ­ന­മാ­ണ്‌ പ്ര­ലോ­ഭ­നം തോ­ന്നി­പ്പി­ക്കു­ന്ന മറ്റു പല­തി­നെ­യും പു­റം­ത­ള്ളു­ന്ന­ത്‌. സു­ഗ­ന്ധ­ലേ­പ­ന­ങ്ങ­ളു­ടെ­യും മറ്റും രൂ­ക്ഷ­ഗ­ന്ധ­ങ്ങള്‍ സ്വീ­ക­രി­ക്കു­ന്ന­തും കാ­മ­മു­ണര്‍­ത്തു­ന്ന പു­സ്‌­ത­ക­ങ്ങള്‍ വാ­യി­ക്കു­ന്ന­തും അത്ത­രം ചി­ത്ര­ങ്ങള്‍ കാ­ണു­ന്ന­തും അത്ത­രം സം­സാ­ര­ത്തി­ലേര്‍­പ്പെ­ടു­ന്ന­തു­മൊ­ക്കെ നോ­മ്പി­ന്റെ ഫല­ത്തി­നെ­തി­രാ­ണ്‌. എന്തി­നേ­റെ­പ്പ­റ­യു­ന്നു, പര­ദൂ­ഷ­ണ­ത്തി­ലേര്‍­പ്പെ­ടു­ന്ന­തു­പോ­ലും നോ­മ്പി­ന്റെ ഉദ്ദേ­ശ്യ­ത്തെ റദ്ദു­ചെ­യ്യു­ന്നു­.

­നോ­മ്പ്‌ മല­യാ­ളി­ക­ളായ പ്ര­വാ­സി­ക­ളു­ടെ ഒരു പ്ര­ധാ­ന­ജീ­വി­താ­നു­ഭ­വ­മാ­ണ്‌. ഇസ്‌­ലാ­മി­ന്റെ ഉദ­യ­ദേ­ശ­ങ്ങ­ളായ മദ്ധ്യ­പൂര്‍­വേ­ഷ്യ­യില്‍ കഴി­യു­ന്ന നാ­നാ­ജാ­തി­മ­ത­സ്ഥ­രായ മല­യാ­ളി­ക­ളും സ്വ­ന്തം ജീ­വി­ത­ത്തി­ന്റെ ഉര­ക­ല്ലാ­യി ഈ അവ­സ­രം കാ­ണു­ന്നു. ഇസ്‌­ലാം തന്നെ പ്ര­വാ­സ­ത്തി­ന്റെ മത­മാ­ണ്‌. ഇസ്‌­ലാ­മിക കല­ണ്ട­റായ ഹി­ജ്‌റ പ്ര­വാ­ച­ക­ന്റെ പ്ര­വാ­സ­ത്തി­ന്റെ സ്‌­മ­ര­ണ­യാ­ണ്‌. അതു­കൊ­ണ്ടു­ത­ന്നെ അറേ­ബ്യന്‍ നാ­ടു­ക­ളില്‍ കഴി­യു­ന്ന ആളു­കള്‍ ഈ മത­ത്തി­ന്റെ ഏറ്റ­വും പു­ണ്യ­ക­ര­മായ റം­സാന്‍­നാ­ളു­ക­ളു­ടെ പ്ര­വാ­സ­സ്‌­മൃ­തി­ക­ളാല്‍ ധന്യ­രാ­കു­ന്നു­ണ്ട്‌.

­നോ­മ്പു­കാ­ല­ത്ത്‌ നോ­മ്പു വീ­ടു­ന്ന വൈ­കു­ന്നേ­ര­ങ്ങ­ളെ ആഹാ­ര­ധൂര്‍­ത്താ­ക്കി മാ­റ്റു­ന്ന ഒരു ശീ­ലം മല­യാ­ളി­ക്കു­ണ്ട്‌. പക­ല­ന്തി­യോ­ളം പട്ടി­ണി­യി­രി­ക്കു­ക­യും സന്ധ്യാ­നേ­ര­ത്ത്‌ അമി­ത­മാ­യി ഭക്ഷി­ക്കു­ക­യും ചെ­യ്യു­ന്ന­ത്‌ നോ­മ്പി­ന്റെ ഉദ്ദേ­ശ്യ­മ­ല്ല. നേ­രേ­മ­റി­ച്ച്‌, സമ്പു­ഷ്‌­ടി­യില്‍ സമ്പ­ന്ന­വും അള­വില്‍ മി­ത­വു­മായ ഭക്ഷ­ണ­മാ­ണു ഗു­ണം ചെ­യ്യു­ക. അതി­ന്‌ ഏറ്റ­വും പറ്റി­യ­ത്‌ മരു­ഭൂ­മി­ക­ളില്‍ വള­രു­ന്ന ഉണ­ക്ക­പ്പ­ഴ­ങ്ങ­ളാ­ണ്‌ (ഡ്രൈ ഫ്രൂ­ട്ട്‌­സ്‌). നോ­മ്പി­ന്റെ അട­യാ­ള­മാ­യി ഈന്ത­പ്പ­ഴ­വും കാ­ര­യ്‌­ക്ക­യും മാ­റു­ന്ന­ത്‌ അതു­കൊ­ണ്ടു­കൂ­ടി­യാ­ണ്‌. എഴു­പ­തു­ക­ളു­ടെ അവ­സാ­ന­വും എണ്‍­പ­തു­ക­ളു­ടെ ആദ്യ­വും ഗള്‍­ഫില്‍ സ്വ­പ്‌­ന­ങ്ങള്‍ കൊ­യ്യാന്‍ മല­യാ­ളി കട­ലു കട­ന്ന­തോ­ടെ­യാ­ണ്‌ കേ­ര­ള­ത്തി­ന്റെ നോ­മ്പു­വൈ­കു­ന്നേ­ര­ങ്ങ­ളി­ലും ഈന്ത­പ്പ­ഴ­വും കാ­ര­യ്‌­ക്ക­യും ഇടം­പി­ടി­ക്കു­ന്ന­ത്‌.

­നോ­മ്പ്‌ മൃ­ഷ്‌­ടാ­ന്ന­ത­യി­ലേ­ക്ക­ല്ല, സമ്പ­ന്ന­ത­യി­ലേ­ക്കാ­ണ്‌ നയി­ക്കു­ന്ന­ത്‌; ധൂര്‍­ത്തി­ലേ­ക്ക­ല്ല, മി­ത­ത്വ­ത്തി­ലേ­ക്കാ­ണ്‌. ഇന്ന്‌ ലോ­ക­ത്തി­ന്റെ ഒരു ചെ­റിയ ആള്‍­ക്കൂ­ട്ടം തി­ന്നു­ത­ടി­ക്കു­ക­യും തീ­റ്റ­പ്പ­ണ്ട­ങ്ങള്‍ വെ­റു­തെ കള­യു­ക­യും ഒരു വലിയ ആള്‍­ക്കൂ­ട്ടം തി­ന്നാ­നി­ല്ലാ­തെ മരി­ക്കു­ക­യും ചെ­യ്യു­ക­യാ­ണ്‌. ഈ കാ­ല­ത്തി­ന്‌ നോ­മ്പും റം­സാ­നും നല്‌­കു­ന്ന സന്ദേ­ശം വള­രെ വ്യ­ക്ത­മാ­ണ്‌. അതു ഗ്ര­ഹി­ക്കാന്‍ കഴി­യു­ക­യാ­ണ്‌ ഇന്ന്‌ കാ­ല­മാ­വ­ശ്യ­പ്പെ­ടു­ന്ന ഏറ്റ­വും വലിയ ശു­ദ്ധി­.

അന്‍­വര്‍ അബ്ദു­ള്ള

0 Comments

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
7 + 3 =
Solve this simple math problem and enter the result. E.g. for 1+3, enter 4.
To prevent automated spam submissions leave this field empty.
feedback