പറക്കില്ല എന്നു പറയാന് വരട്ടെ, ചില ഓന്തുകള് പറക്കുമെന്നാണ് ശാസ്ത്രം തെളിയിക്കുന്നത്. ഉരഗവര്ഗ്ഗത്തില്പ്പെട്ട ജീവികള് ഇഴഞ്ഞാണ് സഞ്ചരിക്കുന്നതെങ്കിലും പറക്കാന് കഴിവുള്ളവരും അക്കൂട്ടത്തിലുണ്ട്. അത്തരത്തിലൊന്നാണ് പറക്കും ഓന്ത് അഥവാ ഡ്രാക്കോ. ഒരു മരത്തില്നിന്ന് അടുത്ത മരത്തിലേക്ക് പറന്നുപോകാന് ഇവയ്ക്ക് കഴിയും. ഏഷ്യയിലും മറ്റു ചില പ്രദേശങ്ങളിലും ഇവ കാണപ്പെടുന്നു.
ഏകദേശം പതിനഞ്ചോളം ഇനത്തില്പ്പെട്ട പറക്കും ഓന്തുകളുണ്ടെന്നാണ് കണക്കാക്കപ്പെടുന്നത്. ഇരുണ്ട പച്ചനിറമാണ് ഇവയുടെ ശരീരത്തിനുള്ളത്. നമ്മുടെ നാട്ടിലുമുണ്ട് ഇത്തരത്തില് ഒരു പറക്കല് വിരുതന്. പറയോന്ത് എന്നാണ് അതിന്റെ പേര്.
ഡ്രാക്കോയുടെ മുന്കാലുകള്ക്കും പിന്കാലുകള്ക്കും ഇടയിലായി, ശരീരത്തിന്റെ രണ്ടു വശങ്ങളിലും ത്വക്ക് ചെറിയ ചെറിയ മടക്കുകളായി രൂപാന്തരപ്പെട്ടിരിക്കുന്നു. പറക്കല് ആരംഭിക്കുമ്പോള് ത്വക്കിന്റെ മടക്കുകള് ചിറകുകള് പോലെ വിടരുന്നു. അവയുപയോഗിച്ചാണ് ഇവ പറക്കുന്നത്. വിശ്രമസമയത്ത് ചിറക്, ശരീരത്തിനോട് ചേര്ന്നിരിക്കും.
.jpg)
.jpg)
