ഗോലിപ്പട്ടണം

(അ­പ്ര­തീ­ക്ഷി­ത­മാ­യി വി­മാ­ന­യാ­ത്ര തര­പ്പെ­ട്ട നമ്മു­ടെ അമ്മാ­വ­ന് അബ­ദ്ധം പറ്റി­ക്ക­യ­റു­ന്ന­ത് തെ­റ്റായ വി­മാ­ന­ത്തില്‍. സഹ­യാ­ത്രി­ക­യു­ടെ പെ­രും­പൊ­ങ്ങ­ച്ചം കേ­ട്ട് തല­പെ­രു­ത്ത അമ്മാ­വന്‍ അടു­ത്തി­രു­ന്ന സാ­യി­പ്പി­നെ പോ­യി തോ­ണ്ടി. യാ­തൊ­രു പരി­ച­യ­വു­മി­ല്ലാ­തി­രു­ന്ന സാ­യി­പ്പ് ദേ­ഷ്യ­പ്പെ­ട്ടി­ല്ലെ­ന്നു മാ­ത്ര­മ­ല്ല, അമ്മാ­വന്‍ കഴി­ഞ്ഞ ജന്മ­ത്തി­ലെ സഹോ­ദ­ര­നാ­യി­രു­ന്നു എന്നു വെ­ളി­പ്പെ­ടു­ത്തു­ക­യും ചെ­യ്യു­ന്നു. സാ­യി­പ്പി­ന്റെ വാ­ക്കു­വി­ശ്വ­സി­ച്ച് തങ്ങ­ളു­ടെ പൂര്‍­വ്വ­ജ­ന്മ­ത്തി­ലെ മറ്റൊ­രു സഹോ­ദ­ര­നെ കാ­ണാന്‍ ഗോ­ലി­പ്പ­ട്ട­ണം എന്ന സ്റ്റോ­പ്പില്‍ ഇറ­ങ്ങു­ന്നു) [അ­മ്മാ­വന്‍ കഥ­കള്‍, ഭാ­ഗം 1: വിമാനയാത്ര.]

ആകാശത്ത്‌ വി­മാ­ന­ത്തി­ന്‌ ഒരു സ്റ്റോ­പ്പു­ണ്ടാ­കും എന്ന്‌ സ്വ­പ്‌­ന­ത്തില്‍­പ്പോ­ലും അമ്മാ­വന്‍ വി­ചാ­രി­ച്ചി­രു­ന്നി­ല്ല. എന്താ­യാ­ലും വഴി­യില്‍­വ­ച്ച്‌ കണ്ട സാ­യി­പ്പി­ന്റെ കൂ­ടെ ഗോ­ലി­പ്പ­ട്ട­ണ­ത്തില്‍ ഇറ­ങ്ങാന്‍ തീ­രു­മാ­നി­ച്ച­തില്‍ അമ്മാ­വ­ന്‌ ഒട്ടും സങ്കോ­ചം തോ­ന്നി­യി­ല്ല. അമ്മാ­വ­നും സാ­യി­പ്പും മാ­ത്ര­മാ­ണ്‌ ആ സ്റ്റോ­പ്പില്‍ ഇറ­ങ്ങി­യ­ത്‌. ഗോ­ലി­പ്പ­ട്ട­ണം എന്ന നഗ­രം അവ­രെ സ്വീ­ക­രി­ക്കാ­നെ­ന്ന­വ­ണ്ണം നന്നാ­യി അണി­ഞ്ഞൊ­രു­ങ്ങി­യി­രു­ന്നു­.

­ഗോ­ലി­കള്‍ കൊ­ണ്ടാ­ണ്‌ ഈ നഗ­രം ഉണ്ടാ­ക്കി­യി­രു­ന്ന­ത്‌. വി­മാ­ന­സ്റ്റോ­പ്പ്‌ മു­തല്‍ എല്ലാം ഗോ­ലി­കള്‍­കൊ­ണ്ടാ­ണ്‌ നിര്‍­മ്മി­ച്ചി­രി­ക്കു­ന്ന­ത്‌. നട­പ്പാ­ത­യും മര­ങ്ങ­ളും കെ­ട്ടി­ട­ങ്ങ­ളും കട­ക­ളും അങ്ങ­നെ എല്ലാം ഗോ­ലി­കള്‍­കൊ­ണ്ട്‌. ഗോ­ലി­പ്പ­ട്ട­ണ­ത്തില്‍ ആദ്യ­മാ­യി വരു­ന്ന­വര്‍­ക്ക്‌ വീ­ഴാ­തെ നട­ക്കാ­നാ­യി പരി­ശീ­ല­നം കൊ­ടു­ക്കു­ന്ന കോ­ളേ­ജി­ലേ­ക്കാ­ണ്‌ സാ­യി­പ്പ്‌ ആദ്യം കയ­റി­യ­ത്‌. അമ്മാ­വ­നെ ഒരു ദി­വ­സ­ത്തെ നട­പ്പു­ദീ­ന­കോ­ഴ്‌­സി­ന്‌ ചേര്‍­ത്ത്‌ നട­ക്കാന്‍ പഠി­പ്പി­ച്ചു­.

­പ­ഠി­ക്കാന്‍ പോ­കാ­തെ വട്ടു­ക­ളി­ച്ചു­ന­ട­ന്ന പി­ള്ളാ­രു­ടെ ഓര്‍­മ്മ­ക്കാ­യാ­ണ്‌ ദൈ­വം ഇങ്ങ­നെ­യൊ­രു നഗ­രം നിര്‍­മ്മി­ച്ച­ത്‌ എന്നാ­ണ്‌ പറ­യ­പ്പെ­ടു­ന്ന­ത്‌. അവ­രെ ശി­ക്ഷി­ക്കു­ന്ന­തി­നാ­യാ­ണ്‌ ഈ നഗ­രം ഉപ­യോ­ഗി­ക്കു­ന്ന­ത്‌. തങ്ങ­ളു­ടെ അനി­യ­നും പഠി­ക്കാന്‍ പു­റ­കാ­യി­രു­ന്ന­ല്ലോ. ചു­മ്മാ­ത­ല്ല തി­ര­മാല അവ­നെ ഒഴു­ക്കി ഇവി­ടെ കൊ­ണ്ടു­വ­ന്നി­ട്ട­ത്‌.

­തെ­റ്റു­കൂ­ടാ­തെ അക്ഷ­ര­മാല പറ­യാ­ന­റി­യാ­വു­ന്ന രണ്ടു­കു­ട്ടി­ക­ളെ­യാ­ണ്‌ ഗോ­പു­രം കാ­വാല്‍­ക്കാ­രാ­യി നിര്‍­ത്തി­യി­രു­ന്ന­ത്‌. അവര്‍ അമ്മാ­വ­നെ­യും സാ­യി­പ്പി­നെ­യും അക്ഷ­ര­മാല പറ­ഞ്ഞു­കൊ­ണ്ടാ­ണ്‌ സ്വാ­ഗ­തം പറ­ഞ്ഞ­ത്‌.

­ഗോ­ലി­പ്പ­ട്ട­ണ­ത്തില്‍ അന്ന്‌ നു­ണ­പ­റ­ച്ചില്‍ മത്സ­ര­മാ­യി­രു­ന്നു. അതി­നാ­ണ്‌ പട്ട­ണം അണി­ഞ്ഞൊ­രു­ങ്ങി­യ­ത്‌. മത്സ­ര­ത്തില്‍ ആദ്യം നുണ പറ­ഞ്ഞ­ത്‌ ഒരു ആഫ്രി­ക്കന്‍ പെണ്‍­കു­ട്ടി­യാ­യി­രു­ന്നു. അവള്‍ അവ­ളു­ടെ നാ­ട്ടി­ലെ ഒരു പണ­ക്കാ­ര­നെ­ക്കു­റി­ച്ചാ­ണ്‌ പറ­ഞ്ഞ­ത്‌. അയാള്‍­ക്ക്‌ സ്വ­ന്ത­മാ­യി ഒരു കട­ലു­ണ്ടാ­യി­രു­ന്ന­ത്രേ! എല്ലാ വൈ­കു­ന്നേ­ര­ങ്ങ­ളി­ലും അയാള്‍ തി­മി­ഗം­ല­ത്തി­ന്റെ പു­റ­ത്തു­ക­യ­റി ആ കട­ലി­ന്റെ അടി­ത്ത­ട്ടി­ലെ ചാ­യ­ക്ക­ട­യില്‍ കാ­ലി­ച്ചായ കു­ടി­ക്കാന്‍ പോ­കു­മാ­യി­രു­ന്ന­ത്രേ! ആ കട­യില്‍ ചായ ഉണ്ടാ­ക്കി­യി­രു­ന്ന­ത്‌ തെ­ര­ണ്ടി­യാ­യി­രു­ന്നു. കട­യു­ടെ അടു­ത്ത്‌ നീ­രാ­ളി­ക­ളു­ടെ ഒരു കു­ള­മു­ണ്ട്‌. ആ കു­ള­ത്തി­ലെ വെ­ള്ളം വാ­യില്‍­കൊ­ണ്ടാല്‍ ഒരി­ക്ക­ലും പല്ലു­തേ­ക്ക­ണ്ടെ­ന്നാ­ണ്‌ പറ­യ­പ്പെ­ടു­ന്ന­ത്‌. പല്ലു­തേ­ക്കാന്‍ മടി­യു­ള്ള പണ­ക്കാ­രന്‍ ആ കു­ള­ത്തി­ലെ വെ­ള്ളം വാ­യില്‍ കൊ­ണ്ട­തു­കൊ­ണ്ട്‌ പി­ന്നെ ഒരി­ക്ക­ലും പല്ലു­തേ­ക്കേ­ണ്ടി വന്നി­ട്ടി­ല്ല.

ഒ­രു ദി­വ­സം പതി­വു­പോ­ലെ വൈ­കു­ന്നേ­രം ചായ കു­ടി­ക്കാ­നാ­യി തി­മിം­ഗ­ല­ത്തി­ന്റെ പു­റ­ത്തു­ക­യ­റി­വ­ന്ന പണ­ക്കാ­രന്‍ കാ­ണു­ന്ന­ത്‌ കട­യു­ടെ മു­മ്പില്‍ ഒരു സമ­രം നട­ക്കു­ന്ന­താ­ണ്‌. കാ­ര്യം ചോ­ദി­ച്ച­പ്പോ­ഴ­ല്ലേ പു­കി­ല്‌... ചാ­യ­ക്കാ­രന്‍ തെ­ര­ണ്ടി­യെ ആരോ തട്ടി­ക്കൊ­ണ്ടു­പോ­യ­ത്രേ! അപ്പ­നെ കണ്ടു­പി­ടി­ച്ചു­കൊ­ടു­ക്ക­ണ­മെ­ന്ന്‌ പറ­ഞ്ഞ്‌ തെ­ര­ണ്ടി­കു­ഞ്ഞു­ങ്ങ­ളാ­ണ്‌ സമ­രം ചെ­യ്യു­ന്ന­ത്‌. കട­യില്‍ ഇപ്പോള്‍ ചായ എടു­ക്കു­ന്ന­ത്‌ ഏതോ ചാ­യ­ക്ക­ട­യില്‍ കു­ശി­നി­പ്പ­ണി ചെ­യ്‌­തി­രു­ന്ന കട­ലാമ തള്ള­ച്ചി­യാ­ണ്‌.

­പ­ണ­ക്കാ­രന്‍ എന്താ­യാ­ലും അന്ന്‌ അവി­ട­ന്ന്‌ ചായ കു­ടി­ക്കുക തന്നെ ചെ­യ്‌­തു. കട­ലാമ തള്ള­ച്ചി­യു­ടെ ചായ എങ്ങ­നെ­യു­ണ്ടെ­ന്ന­റി­യാന്‍ വേ­ണ്ടി­യാ­ണ്‌ കു­ടി­ച്ച­ത്‌. എന്നി­ട്ടോ­... ഏഴ്‌ ദി­വ­സം തു­ടര്‍­ച്ച­യാ­യി തൂ­റോ­ട്‌ തൂ­റ്‌. പി­ന്നെ ആ കട­യി­ലേ­ക്ക്‌ പണ­ക്കാ­രന്‍ വന്നി­ട്ടേ­യി­ല്ല.

­വേ­റെ കട അന്വേ­ഷി­ച്ച്‌ നട­ന്ന പണ­ക്കാ­ര­ന്‌ നി­രാ­ശ­നാ­കേ­ണ്ടി വന്നു. പി­ന്നെ ചായ കു­ടി­ക്കാ­നാ­യി പണ­ക്കാ­ര­ന്‌ സ്വ­ന്ത­മാ­യി ഒരു കട തു­ട­ങ്ങേ­ണ്ടി­വ­ന്നു. എങ്ങ­നെ­യോ തി­രി­ച്ചെ­ത്തിയ ചാ­യ­ക്കാ­രന്‍ തെ­ര­ണ്ടി­ത­ന്നെ പു­തിയ കട­യി­ലും ചായ എടു­ക്കാന്‍ നി­ന്നു. തന്നെ ആരും തട്ടി­കൊ­ണ്ടു­പോ­യ­ത­ല്ലെ­ന്നും അല്‌­പം സമാ­ധാ­ന­ത്തി­ന്‌ വേ­ണ്ടി കു­റ­ച്ചു­കാ­ലം പു­ണ്യ­സ്ഥ­ല­ങ്ങള്‍ സന്ദര്‍­ശി­ക്കു­ക­യാ­യി­രു­ന്നു എന്നു­മാ­ണ്‌ തെ­ര­ണ്ടി പറ­ഞ്ഞ­ത്‌. തെ­ര­ണ്ടി­ക്കു­ഞ്ഞു­ങ്ങള്‍­ക്ക്‌ അവ­രു­ടെ അപ്പ­നെ കണ്ടു­കി­ട്ടിയ സന്തോ­ഷം അട­ക്കാ­നാ­യി­ല്ല. അവര്‍ അവി­ട­വി­ടെ മണ്ടി­ന­ട­ന്നു, മി­ണ്ടി­ന­ട­ന്നു. പി­ന്ന­ല്ലാ­തെ എന്തു­ചെ­യ്യാന്‍.

­ചാ­യ­ക്ക­ട­യില്‍ കച്ച­വ­ടം പൊ­ടി­പൊ­ടി­ച്ചു. അടു­ത്തെ­വി­ട­യോ കെ­ട്ടി­ടം പണി­ക്കെ­ത്തിയ അന്യ­ദേ­ശ­ക്കാ­രായ നീ­രാ­ളി­കള്‍ എല്ലാ­ദി­വ­സ­വും കട­യില്‍ കയ­റി ചാ­യ­യും വട­യും മസാ­ല­ദോ­ശ­യും കഴി­ച്ച്‌ നീ­ളന്‍ കൈ­യ്യും വി­ടര്‍­ത്തി മട­ങ്ങി. അണ്ടര്‍­ഗ്രൗ­ണ്ടി­ലെ ഏറ്റ­വും വലിയ ചാ­യ­ക്ക­ട­ക­ളില്‍ ഒന്നാ­യി അത്‌ മാ­റി. പു­തിയ ജോ­ലി­ക്കാ­രാ­യി ചെ­മ്മീന്‍ കു­ഞ്ഞു­ങ്ങ­ളും മറ്റും എത്തി. പണ­ക്കാ­രന്‍ അപ്പോ­ഴും എല്ലാ വൈ­കു­ന്നേ­ര­ങ്ങ­ളി­ലും ചായ കു­ടി­ക്കാന്‍ എത്തു­ന്ന പതി­വി­ന്‌ മാ­റ്റ­മൊ­ന്നു­മു­ണ്ടാ­യി­ല്ല. ഒരി­ക്കല്‍ ആ പണ­ക്കാ­രന്‍ എന്നെ­യും ആ കട­യില്‍ ചാ­യ­കു­ടി­ക്കാന്‍ കൊ­ണ്ടു­പോ­യി­ട്ടു­ണ്ടെ­ന്ന്‌ പറ­ഞ്ഞ്‌ അവള്‍ നുണ പറ­ച്ചില്‍ അവ­സാ­നി­പ്പി­ച്ചു­.

ആ­ഫ്രി­ക്കന്‍ പെണ്‍­കു­ട്ടി­യു­ടെ നു­ണ­പ­റ­ച്ചി­ലോ­ടെ അന്ന­ത്തെ നു­ണ­പ­റ­ച്ചില്‍ ഉത്സ­വ­ത്തി­ലെ ഒന്നാം ദി­വ­സം അവ­സാ­നി­ച്ചു. രണ്ടാം ദി­വ­സം നേ­രം വെ­ളു­ക്കു­ന്ന­തി­നാ­യി നു­ണ­ത്താ­ര­ങ്ങള്‍ കാ­ത്തി­രു­ന്നു. സാ­യി­പ്പും അമ്മാ­വ­നും തങ്ങ­ളു­ടെ അനി­യന്‍ പറ­യാന്‍ പോ­കു­ന്ന നുണ എന്താ­യി­രി­ക്കും എന്ന്‌ ആലോ­ചി­ച്ച്‌ എവി­യെ­ടോ കി­ട­ന്ന്‌ ഉറ­ങ്ങി­പ്പോ­യി­...

(അ­മ്മാ­വന്‍ കഥ­കള്‍, ഭാ­ഗം 3: ചൊവ്വയിലെ മു­ല്ല­ക്കൃ­ഷി­)

0 Comments

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
11 + 7 =
Solve this simple math problem and enter the result. E.g. for 1+3, enter 4.
To prevent automated spam submissions leave this field empty.
feedback