ദൈവത്തിന്റെ സ്വന്തം നാടെന്ന മേല്വിലാസത്തില് കത്തയച്ചാല് കിട്ടുന്ന കേരളത്തിന്റെ തലസ്ഥാനമായ തിരുവനന്തപുരം ലോകസഞ്ചാരികളുടെ പ്രിയനഗരങ്ങളിലൊന്നാണ്. തിരുവനന്തപുരത്തു നിന്ന് 45 കിലോമീറ്റര് മാറി അറബിക്കടലിന്റെ നിതാന്തപരിലാളനയേറ്റുകിടക്കുന്നൊരു മനോഹരഗ്രാമമാണ് വര്ക്കല. ഹിന്ദുക്കളുടെ ആചാരപ്രാധാന്യമുള്ള പാപനാശം ബീച്ചുള്പ്പെടുന്ന കടല്ത്തീരങ്ങളുടെ തിരയാട്ടത്തില് ലാളിക്കപ്പെടുന്ന വര്ക്കലയുടെ തലപ്പൊക്കമായൊരു രാജകീയവസതി - അതാണ് വര്ക്കല താജ് ഹോട്ടല്.
തന്റെ പാപനാശാര്ത്ഥം പാണ്ഡ്യരാജന് ബ്രഹ്മനിര്ദ്ദേശമനുസരിച്ച് പന്ത്രണ്ടാം നൂറ്റാണ്ടില് പണിത ജനാര്ദ്ദനക്ഷേത്രവും ഇപ്പോള് താജുമാണ് വര്ക്കലയുടെ മുഖചിത്രങ്ങളെന്നു സംശയമില്ലാതെ പറയാം.
എത്തിച്ചേരാന്
വിമാനമാര്ഗമാണെങ്കില് തിരുവനന്തപുരം വിമാനത്താവളത്തില് നിന്ന് 50 കിലോമീറ്റര് താണ്ടാന് ടാക്സിയില് ഒരു മണിക്കൂര് മതി.
റോഡിലൂടെ സേലം- കന്യാകുമാരി എന്. എച്ച്. 47ല് കല്ലമ്പലം എന്ന പോയിന്റില് നിന്ന് 11 കിലോമീറ്ററാണ് വര്ക്കലയിലേക്ക്. പാലക്കാട്ടു നിന്ന് 332, തൃശൂര് നിന്ന് 265, എറണാകുളത്തുനിന്ന് 186, കൊല്ലത്തു നിന്ന് 39 എന്നിങ്ങനെയാണു റോഡുമാര്ഗമുള്ള കിലോമീറ്റര് കണക്ക്.
തീവണ്ടിവഴി വരുന്നവര്ക്ക് വര്ക്കലയില് തന്നെ തീവണ്ടിസ്റ്റേഷനുണ്ട്. മലബാര്, നേത്രാവതി, വേണാട്, പരശുറാം, ചെന്നൈ, വഞ്ചിനാട്, ഐലന്റ്, ജയന്തി ജനത തുടങ്ങിയ തീവണ്ടികള് ഈ വഴി കടന്നുപോകുന്നു.
.jpg)
