സാം വാൾട്ടന്റെ യൂജിയൻ തൊഴുത്ത് – വാൾമാർട്ട്!

­തോ­മ­സ് എഡി­സന്‍ തൊ­ട്ട് സ്റ്റീ­വ് ജോ­ബ്സ് വരെ­യു­ള്ള അമേ­രി­ക്കന്‍ പ്ര­ശ­സ്ത­രു­ടെ പട്ടി­ക­യില്‍ എന്തെ­ങ്കി­ലും സ്വ­ന്ത­മാ­യി കണ്ടു­പി­ടി­ച്ച് മാര്‍­ക്ക­റ്റില്‍ ഇറ­ക്കി വി­പ്ല­വ­ക­ര­മായ വി­ജ­യം വരി­ച്ച­തി­ന്റെ കഥ­യു­ണ്ട്. ­സാം വാള്‍­ട്ടണ്‍ ഒന്നും പു­തു­താ­യി കണ്ടു­പി­ടി­ച്ചി­ട്ടു­മി­ല്ല വി­പ്ല­വ­ക­ര­മായ മാ­റ്റ­ങ്ങള്‍­ക്ക് അവ­കാ­ശി­യു­മ­ല്ല; എന്നാല്‍ തന്റെ എതി­രാ­ളി­യു­ടെ കണ്ടു­പി­ടു­ത്ത­ങ്ങള്‍ തന്റെ കട­യില്‍ കോ­പ്പി­അ­ടി­ക്കു­ന്ന­തി­ന് കു­പ്ര­സി­ദ്ധ­നാ­ണ്!

­വാള്‍­മാര്‍­ട്ടി­ന്റെ വി­യ­ജ­യ­ഗാ­ഥ­യു­ടെ ശി­ല്പി അതി­ന്റെ സ്ഥാ­പ­കന്‍ സാം വാള്‍­ടണ്‍ ആണ്. 1945 ല്‍ ഒരു ഗ്രോ­സ­റി കട­യു­ടെ ഫ്രാ­ഞ്ചൈ­സി അര്‍­ക്കാന്‍­സ­യി­ലെ ന്യൂ­പോര്‍­ട്ടില്‍ തു­ട­ങ്ങി­ക്കൊ­ണ്ടാ­ണ് സാം വാള്‍­ട്ടണ്‍ കച്ച­വ­ട­ത്തി­നി­റ­ങ്ങു­ന്ന­ത്. വി­ജ­യി­ച്ച ചെ­റു­കിട കച്ച­വ­ട­ക്കാ­രന്‍ എന്ന നി­ല­യില്‍ അദ്ദേ­ഹം ഒരു കാ­ര്യം മന­സ്സി­ലാ­ക്കി: തങ്ങ­ളു­ടെ റീ­ട്ടെ­യില്‍ ഷോ­പ്പു­ക­ളില്‍ സാ­ധ­ങ്ങള്‍ ഏറ്റ­വും നന്നാ­യി വി­ത­ര­ണം­ചെ­യ്യു­ന്ന­തില്‍ പ്ര­ശ­സ്ത­രായ സി­യേ­ഴ്സ്, എ ആന്‍­ഡ് പി തു­ട­ങ്ങിയ അമേ­രി­ക്ക­യി­ലെ വലിയ കച്ച­വട സ്ഥാ­പ­ന­ങ്ങള്‍ വലിയ അള­വില്‍ സാ­ധ­ന­ങ്ങള്‍ വി­റ്റു­തീര്‍­ക്കു­വാന്‍ തങ്ങ­ളു­ടെ സാ­ധ­ന­ങ്ങ­ളു­ടെ വില ക്ര­മാ­തീ­ത­മാ­യി കു­റ­യ്ക്കു­ന്നു. ഈ പ്ര­ക്രി­യ­യി­ലൂ­ടെ ഇത്ത­രം സ്ഥാ­പ­ന­ങ്ങള്‍ ധാ­രാ­ളം പണം സമാ­ഹ­രി­ച്ച് തങ്ങ­ളു­ടെ സ്ഥാ­പ­ന­ങ്ങള്‍ ആധു­നി­ക­വ­ത്ക­രി­ക്കു­ക­യും പു­തിയ ബ്രാ­ഞ്ചു­കള്‍ തു­റ­ക്കു­ക­യും ചെ­യ്യു­ന്നു. ഈ ആശ­യം വാള്‍­ട്ട­ന്റെ കച്ച­വ­ട­ത്തി­ന്റെ അടി­സ്ഥാന തത്വം ആയി ക്ര­മേണ മാ­റി­.

“­സാം വാള്‍­ട്ടണ്‍ മെ­യ്ഡ് ഇന്‍ അമേ­രി­ക്ക” എന്ന തന്റെ ആത്മ­ക­ഥ­യില്‍ അദ്ദേ­ഹം അര്‍­ക്കാന്‍­സ­യു­ടെ വട­ക്കു­പ­ടി­ഞ്ഞാ­റന്‍ പ്ര­ദേ­ശ­ത്തെ സ്ത്രീ­ക­ളെ അടി­വ­സ്ത്രം ധരി­പ്പി­ക്കു­വാന്‍ സാ­ഹ­സ­പ്പെ­ട്ട കഥ വള­രെ മനോ­ഹ­ര­മാ­യി പറ­യു­ന്നു­ണ്ട്. സ്ത്രീ­ക­ളു­ടെ അടി­വ­സ്ത്രം ഏറ്റ­വും വി­ല­കു­റ­ഞ്ഞ സ്ഥാ­പ­ന­ങ്ങ­ളില്‍ നി­ന്നും വാ­ങ്ങു­വാന്‍ അദ്ദേ­ഹം ആയി­ര­ക്ക­ണ­ക്കി­നു മൈ­ലു­കള്‍ ഡ്രൈ­വ് ചെ­യ്തു. ഒരു ഡോ­ള­റി­ന് മൂ­ന്നു­ജോ­ഡി എന്ന വി­ല­യ്ക്ക് കു­റ­വു­ജോ­ഡി­കള്‍ വില്‍­ക്കു­ന്ന­തി­നേ­ക്കാള്‍ ഒരു ഡോ­ള­റി­ന് നാ­ലു­ജോ­ഡി നല്‍­കി കൂ­ടു­തല്‍ എണ്ണം വില്‍­ക്കു­ന്ന­താ­ണ് കൂ­ടു­തല്‍ ആദാ­യ­ക­രം എന്ന് അദ്ദേ­ഹ­ത്തി­നു നല്ല തി­രി­ച്ച­റി­വു­ണ്ടാ­യി­രു­ന്നു­.

­സാം വാള്‍­ട്ടണ്‍ അര്‍­ക്കന്‍­സാ­സില്‍ ആദ്യം തു­ട­ങ്ങിയ റീ­ട്ടെ­യല്‍ സ്റ്റാള്‍ : ഇതാ­ണ് വാള്‍­മാര്‍­ട്ടി­ന്റെ മുന്‍­ഗാ­മി­യാ­യ­ത്

1962 ല്‍ ആണ് വാള്‍­ട്ടണ്‍ തന്റെ ആദ്യ ­വാള്‍­മാര്‍­ട്ട് ഡി­സ്‌­കൌ­ണ്ട് സി­റ്റി അര്‍­ക്കാന്‍­സ­യില്‍ ആരം­ഭി­ക്കു­ന്ന­ത്. 1970 ആയ­പ്പോ­ഴേ­ക്കും അദ്ദേ­ഹം അര്‍­ക്കാന്‍­സ­യ്ക്കു വെ­ളി­യി­ലേ­ക്കു­വ­ള­രു­ക­യും 32 ശാ­ഖ­കള്‍ ഉള്ള ഒരു വ്യാ­പാര ശൃം­ഘ­ല­യാ­യി മാ­റു­ക­യും ചെ­യ്തു. 1980ല്‍ 276 ശാ­ഖ­ക­ളോ­ടെ­യും 1990 അയ­പ്പോ­ഴേ­ക്കും 1528 ശാ­ഖ­ക­ളോ­ടെ­യും അമേ­രി­ക്ക­യി­ലെ 29 സം­സ്ഥാ­ന­ങ്ങ­ളി­ലേ­ക്ക് വാള്‍­മാര്‍­ട്ട് വളര്‍­ന്നു­.

­സാ­ധ­ന­ങ്ങള്‍­ക്ക് വി­ല­കു­റ­വാ­യ­തി­നാല്‍ ഓരോ ആഴ്ച­യും ഏതാ­ണ്ട് 100 മി­ല്യണ്‍ ആളു­കള്‍ അല്ലെ­ങ്കില്‍ അമേ­രി­ക്കന്‍ ജന­ത­യു­ടെ മൂ­ന്നില്‍ ഒന്ന് വാള്‍­മാര്‍­ട്ടില്‍ കയ­റാ­റു­ണ്ട് എന്നാ­ണ് കണ­ക്ക്! വാള്‍­മാര്‍­ട്ട് ഉപ­ഭോ­ക്താ­വി­ന്റെ ശരാ­ശ­രി വാര്‍­ഷിക ­വ­രു­മാ­നം­ 35,000 അമേ­രി­ക്കന്‍ ഡോ­ളര്‍ മാ­ത്രം എന്ന കണ­ക്കും അതോ­ടു­ചേര്‍­ത്ത് വാ­യി­ക്കേ­ണ്ട­താ­ണ്. അതാ­യ­ത് വാര്‍­ഷിക വരു­മാ­ന­ത്തി­ന്റെ ദേ­ശീയ ശരാ­ശ­രി­യെ­ക്കാള്‍ തീ­രെ കു­റ­വും ദാ­രി­ദ്ര്യ­രേ­ഖ­ക്കു മു­ക­ളി­ലും ആയു­ള്ള ഒരു ജന­ത. വാള്‍­മാര്‍­ട്ടില്‍ കയ­റി സാ­ധ­നം വാ­ങ്ങു­ന്ന അഞ്ചില്‍ ഒരാള്‍­ക്ക് സ്വ­ന്ത­മാ­യി ഒരു ബാ­ങ്ക് അക്കൌ­ണ്ട് പോ­ലും ഇല്ല എന്നാ­ണ് ഒരു പഠ­നം ചൂ­ണ്ടി­ക്കാ­ട്ടു­ന്ന­ത്. ഇത് ദേ­ശീയ ശരാ­ശ­രി­യു­ടെ ഇര­ട്ടി­യാ­ണ് എന്ന വസ്തു­ത­യും ഇതോ­ടൊ­പ്പം കൂ­ട്ടി വാ­യി­ക്കേ­ണ്ട­താ­ണ്. വാള്‍­മാര്‍­ട്ട് ഉപ­ഭോ­ക്താ­വി­നെ­പ­റ്റി­യു­ള്ള ഒരു വലിയ വി­മര്‍­ശ­നം കൊ­ടിയ ദാ­രി­ദ്ര്യ­ത്തി­നി­ട­യി­ലും അവര്‍ രാ­ഷ്ട്രീ­യ­മാ­യി യാ­ഥാ­സ്ഥി­തി­കര്‍ ആണെ­ന്ന­താ­ണ്.

"സാം വാള്‍ട്ടണ്‍ തന്റെ ആദ്യ ക്ലര്‍ക്കിനു നല്കിയത് മണിക്കൂറിന് 50ഓ 60ഓ അമേരിക്കന്‍ നയാപൈസയാണ്. ആ കാലഘട്ടത്തിലെ അമേരിക്കയിലെ ഏറ്റവും കുറഞ്ഞ ശമ്പളത്തിന്റെ ഏതാണ്ട് പകുതിക്ക് അല്പം മുകളില്‍ മാത്രം വരും അത്. സംശായാസ്പദവും ചോദ്യം ചെയ്യപ്പെടാവുന്നതുമായ തൊഴില്‍ നിയമത്തിലെ നിരവധി പഴുതുകള്‍ ഉപയോഗിച്ചാണ് ഇതൊക്കെചെയ്യുന്നത്. ഇന്ന് വാള്‍മാര്‍ട്ടാണ് അമേരിക്കയിലെ ഏറ്റവും കുറഞ്ഞ വേതനം നിശ്ചയിക്കുന്നത് എന്ന് പരിഹാസ്യമായി പറയും."
വാള്‍­മാര്‍­ട്ട് ഉപ­ഭോ­ക്താ­വി­ന്റെ സ്ഥി­തി ഇതാ­ണെ­ങ്കില്‍ അവി­ടെ മണി­ക്കൂര്‍ വേ­ത­ന­ത്തി­നു തൊ­ഴില്‍ ചെ­യ്യു­ന്ന തൊ­ഴി­ലാ­ളി­യു­ടെ വാര്‍­ഷിക വരു­മാ­നം 18,000 അമേ­രി­ക്കന്‍ ഡോ­ളര്‍ മാ­ത്രം ആണ്. സാം വാള്‍­ട്ടണ്‍ തന്റെ ആദ്യ ക്ലര്‍­ക്കി­നു നല്കി­യ­ത് മണി­ക്കൂ­റി­ന് 50ഓ 60ഓ അമേ­രി­ക്കന്‍ നയാ­പൈ­സ­യാ­ണ്. ആ കാ­ല­ഘ­ട്ട­ത്തി­ലെ അമേ­രി­ക്ക­യി­ലെ ഏറ്റ­വും കു­റ­ഞ്ഞ ശമ്പ­ള­ത്തി­ന്റെ ഏതാ­ണ്ട് പകു­തി­ക്ക് അല്പം മു­ക­ളില്‍ മാ­ത്രം വരും അത്. സം­ശാ­യാ­സ്പ­ദ­വും ചോ­ദ്യം ചെ­യ്യ­പ്പെ­ടാ­വു­ന്ന­തു­മായ തൊ­ഴില്‍ നി­യ­മ­ത്തി­ലെ നി­ര­വ­ധി പഴു­തു­കള്‍ ഉപ­യോ­ഗി­ച്ചാ­ണ് ഇതൊ­ക്കെ­ചെ­യ്യു­ന്ന­ത്. ഇന്ന് വാള്‍­മാര്‍­ട്ടാ­ണ് അമേ­രി­ക്ക­യി­ലെ ഏറ്റ­വും കു­റ­ഞ്ഞ ­വേ­ത­നം­ നി­ശ്ച­യി­ക്കു­ന്ന­ത് എന്ന് പരി­ഹാ­സ്യ­മാ­യി പറ­യും­.

­വാള്‍­മാര്‍­ട്ടി­ന്റെ 2007 ലെ ലാ­ഭം 6.6 ബി­ല്യണ്‍ അമേ­രി­ക്കന്‍ ഡോ­ളര്‍ ആണ് എന്ന­ത് മറ­ക്ക­രു­ത്. എല്ലാ­വര്‍­ഷ­വും ലോ­കം മു­ഴു­വന്‍ പു­തിയ ബ്രാ­ഞ്ചു­കള്‍ തു­റ­ക്കു­ന്ന, 2007­ലെ കണ­ക്ക­നു­സ­രി­ച്ച് 220 ബി­ല്യ­ണില്‍ അധി­കം വാര്‍­ഷിക വരു­മാ­നം ഉള്ള ലോ­ക­ത്തി­ലെ ഏറ്റ­വും വലിയ റീ­ട്ടെ­യില്‍ സ്ഥാ­പ­നം ആണ് വാള്‍­മാര്‍­ട്ട്. അമേ­രി­ക്കന്‍ വം­ശ­ജ­രായ തൊ­ഴി­ലാ­ളി­കള്‍­ക്ക് അമേ­രി­ക്ക­യി­ലെ ഏറ്റ­വും വലിയ തൊ­ഴില്‍ ദാ­താ­വ് നല്കു­ന്ന വാര്‍­ഷിക വേ­ത­നം അമേ­രി­ക്കന്‍ ദാ­രി­ദ്ര്യ­രേ­ഖ­ക്കു താ­ഴെ­മാ­ത്രം ജീ­വി­ക്കു­വാ­നേ അമേ­രി­ക്കന്‍ പൌ­ര­നെ അനു­വ­ദി­ക്കു­ന്നു­ള്ളൂ എന്ന­ത് ഞെ­ട്ടി­ക്കു­ന്ന­താ­ണ്. വാള്‍­മാര്‍­ട്ടി­ന്റെ തൊ­ഴില്‍ ചൂ­ഷ­ണ­ത്തി­ന്റെ മറ്റു നി­ര­വ­ധി കഥ­കള്‍ പു­റ­ത്തു­വ­രു­ന്നു­ണ്ട്.

ഇ­ങ്ങ­നെ തൊ­ഴി­ലാ­ളി­യു­ടെ ശമ്പ­ള­വും കമ്പ­നി­യു­ടെ ലാ­ഭ­വും തമ്മി­ലു­ള്ള ഭീ­മ­മായ അന്ത­രം കാ­ര­ണം അമേ­രി­ക്ക­യു­ടെ ഒര­റ്റം മു­തല്‍ മറ്റേ അറ്റം വരെ­യു­ള്ള വാള്‍­മാര്‍­ട്ട് തൊ­ഴി­ലാ­ളി­കള്‍ കമ്പ­നി­യു­മാ­യി നി­ര­വ­ധി മേ­ഖ­ല­ക­ളി­ലാ­യി പോ­രാ­ട്ട­ത്തി­ലാ­ണ്. നാ­വ­ട­ക്കൂ പണി­യെ­ടു­ക്കു എന്ന നി­യ­മ­ത്തി­നെ­തി­രെ തൊ­ഴി­ലാ­ളി­യൂ­ണി­യ­നു­കള്‍ സം­ഘ­ടി­പ്പി­ക്കു­വാ­നു­ള്ള നി­ര­വ­ധി ശ്ര­മ­ങ്ങള്‍ യൂ­ണി­യന്‍ ബസ്റ്റേ­ഴ്സ് എന്ന­പേ­രില്‍ കു­പ്ര­സി­ദ്ധ­മായ വാള്‍­മാര്‍­ട്ടില്‍ ഇന്ന് സജീ­വ­മാ­ണ്. എല്ലാ തൊ­ഴില്‍ നി­യ­മ­ങ്ങ­ളും, വേ­തന നി­യ­മ­ങ്ങ­ളും ലം­ഘി­ക്കു­ന്ന­തി­നെ­തി­രെ അമേ­രി­ക്ക­യി­ലെ 27ല്‍ അധി­കം സം­സ്ഥാ­ന­ങ്ങ­ളില്‍ വാള്‍­മാര്‍­ട്ട് തൊ­ഴി­ലാ­ളി­കള്‍ കമ്പ­നി­യെ കോ­ട­തി­ക­യ­റ്റി­യി­രി­ക്ക­യാ­ണ്. ഓറി­ഗോ­ണില്‍ അങ്ങ­നെ ആദ്യ­മാ­യി കോ­ട­തി­യില്‍ വി­ചാ­ര­ണ­യ്ക്കു­വ­ന്ന കേ­സില്‍ കോ­ട­തി വാള്‍­മാര്‍­ട്ട് കു­റ്റ­ക്കാര്‍ ആണെ­ന്നു 2007 ഡി­സം­ബ­റില്‍ വി­ധി­ച്ചു. വാള്‍­മാര്‍­ട്ട് സ്വ­ന്തം തൊ­ഴി­ലാ­ളി­ക്ക് ഓവര്‍­ടൈം നല്കാ­തെ നാ­ലും അഞ്ചും മണി­ക്കൂര്‍ ദി­വ­സേന തൊ­ഴില്‍ എടു­പ്പി­ക്കു­ന്ന­തി­നെ­തി­രെ വന്ന കേ­സില്‍ ആണ് ഈ വി­ധി­.

­വാള്‍­മാര്‍­ട്ടില്‍ നട­ക്കു­ന്ന ലിംഗ അസ­മ­ത്വ­ങ്ങള്‍­ക്കെ­തി­രെ­യും അമേ­രി­ക്ക­യില്‍ കോ­ട­തി­ക­യ­റു­ക­യാ­ണ് ഈ അമേ­രി­ക്കന്‍ ബഹു­രാ­ഷ്ട്ര­ഭീ­മന്‍. സ്ത്രീ­കള്‍­ക്ക് പ്ര­മോ­ഷന്‍ നി­ഷേ­ധി­ക്കു­ന്ന­തി­നു തെ­റ്റായ കാ­ര­ണ­ങ്ങള്‍ പറ­യു­ന്ന­തി­നും പു­രു­ഷ­ന്മാ­രെ­ക്കാള്‍ കു­റ­ഞ്ഞ വേ­ത­നം സ്ത്രീ­കള്‍­ക്ക് നല്കി­യ­തി­നും 700,000 സ്ത്രീ­കള്‍ ഇത്ത­രം പരാ­തി­യു­മാ­യി രം­ഗ­ത്തു­വ­ന്നി­ട്ടു­ണ്ട്.

­വാള്‍­മാര്‍­ട്ടില്‍ തൊ­ഴി­ലാ­ളി­യൂ­ണി­യ­നു­കള്‍ ഉണ്ടാ­കു­ന്ന­തി­നെ­തി­രെ വള­രെ കു­റ്റ­ക­ര­മായ ക്രി­മി­നല്‍ പ്ര­വര്‍­ത്ത­നം തന്നെ നട­ക്കാ­റു­ണ്ട്. മാര്‍­ട്ടിന്‍ ലെ­വി­റ്റി­നെ­പോ­ലു­ള്ള മാ­നേ­ജ്മെ­ന്റ് കണ്‍­സല്‍­ട്ട­ന്റു­മാര്‍ പറ­യു­ന്ന­ത് അമേ­രി­ക്ക­യില്‍ ഒരു­ക­മ്പ­നി­യും ഇത്ര­യും കി­രാ­ത­മായ രീ­തി­യില്‍ യൂ­ണി­യ­നു­കള്‍­ക്കു­ള്ള തൊ­ഴി­ലാ­ളി­ക­ളു­ടെ ഭര­ണ­ഘ­ട­നാ­പ­ര­മായ അവ­കാ­ശ­ത്തെ ചവി­ട്ടി­ത്തേ­ച്ചി­ട്ടി­ല്ല എന്നാ­ണ്. അദ്ദേ­ഹം 35 വര്‍­ഷ­ത്തെ തന്റെ തൊ­ഴി­ലി­നു­ശേ­ഷം, വാള്‍­മാര്‍­ട്ടി­നെ യൂ­ണി­യന്‍ വി­രു­ദ്ധ­കു­ത­ന്ത്ര­ങ്ങള്‍ ഒരു­ക്കു­ന്ന­തില്‍ വി­ജ­യ­ക­ര­മാ­യി സഹാ­യി­ച്ച­തി­നു­ശേ­ഷം മന­സാ­ക്ഷി­ക്കു­ത്തു­മൂ­ലം എഴു­തിയ “കണ്‍­ഫ­ഷന്‍ ഓഫ് എ യൂ­ണീ­യന്‍ ബസ്റ്റര്‍” (തൊ­ഴി­ലാ­ളി യൂ­ണി­യ­നു­കള്‍ തച്ചു­ട­ക്കു­ന്ന ഒരു ഗു­ണ്ട­യു­ടെ കു­റ്റ­സ­മ്മ­തം) എന്ന തന്റെ പ്രാ­യ­ശ്ചി­ത്ത­പ്പു­സ്ത­ക­ത്തില്‍ പറ­യു­ന്ന­ത് വാള്‍­മാര്‍­ട്ടി­ന് സഹി­ഷ്ണ­ത­യ്ക്കു മാര്‍­ക്കി­ട്ടാല്‍ പൂ­ജ്യം ആയി­രി­ക്കും കി­ട്ടുക എന്നാ­ണ്.

"തൊഴിലാളികള്‍ യൂണിയന്‍ ഉണ്ടാക്കുന്നത് സ്ഥാപനത്തിലെ മാനേജര്‍മാരോടുള്ള വ്യക്തിപരമായ അപമാനമായി കാണണം എന്നാണ് വാള്‍മാര്‍ട്ട് പറയുന്നത്. ഒരു മാനേജരുടെ കീഴില്‍ ഉള്ള തൊഴിലാളികള്‍ യൂണിയന്‍ ഉണ്ടാക്കിയാല്‍ അത് വ്യക്തിപരമായി അയാളുടെ ചെവിട്ടത്ത് അടിക്കുന്നതിനു തുല്യമാണ്. അതിനാല്‍ വ്യക്തിപരമായി തന്നെ നിങ്ങള്‍ നടപടി എടുക്കുക എന്നാണ് വാള്‍മാര്‍ട്ട് പഠിപ്പിക്കുന്നത്. ബരാക് ഒബാമയുടെ പ്രസിഡന്റ് സ്ഥാനാര്‍ഥിത്തത്തെ പോലും അദ്ദേഹം അധികാരത്തില്‍ വന്നാല്‍ യൂണിയനുകള്‍ ഉണ്ടാകും എന്ന് ഭയന്ന് വാള്‍മാര്‍ട്ട് എതിര്‍ത്തു എന്നാണ് പറയുന്നത്. "
തൊ­ഴി­ലാ­ളി­കള്‍ യൂ­ണി­യന്‍ ഉണ്ടാ­ക്കു­ന്ന­ത് സ്ഥാ­പ­ന­ത്തി­ലെ മാ­നേ­ജര്‍­മാ­രോ­ടു­ള്ള വ്യ­ക്തി­പ­ര­മായ അപ­മാ­ന­മാ­യി കാ­ണ­ണം എന്നാ­ണ് വാള്‍­മാര്‍­ട്ട് പറ­യു­ന്ന­ത്. ഒരു മാ­നേ­ജ­രു­ടെ കീ­ഴില്‍ ഉള്ള തൊ­ഴി­ലാ­ളി­കള്‍ യൂ­ണി­യന്‍ ഉണ്ടാ­ക്കി­യാല്‍ അത് വ്യ­ക്തി­പ­ര­മാ­യി അയാ­ളു­ടെ ചെ­വി­ട്ട­ത്ത് അടി­ക്കു­ന്ന­തി­നു തു­ല്യ­മാ­ണ്. അതി­നാല്‍ വ്യ­ക്തി­പ­ര­മാ­യി തന്നെ നി­ങ്ങള്‍ നട­പ­ടി എടു­ക്കുക എന്നാ­ണ് വാള്‍­മാര്‍­ട്ട് പഠി­പ്പി­ക്കു­ന്ന­ത്. ബരാ­ക് ഒബാ­മ­യു­ടെ പ്ര­സി­ഡ­ന്റ് സ്ഥാ­നാര്‍­ഥി­ത്ത­ത്തെ പോ­ലും അദ്ദേ­ഹം അധി­കാ­ര­ത്തില്‍ വന്നാല്‍ യൂ­ണി­യ­നു­കള്‍ ഉണ്ടാ­കും എന്ന് ഭയ­ന്ന് വാള്‍­മാര്‍­ട്ട് എതിര്‍­ത്തു എന്നാ­ണ് പറ­യു­ന്ന­ത്. വര്‍­ഷ­ങ്ങള്‍ നീ­ണ്ട പോ­രാ­ട്ട­ങ്ങള്‍­ക്കു­ശേ­ഷ­മാ­ണ് ചൈ­ന­യി­ലെ വാള്‍­മാര്‍­ട്ടു­ക­ളില്‍ ഒരു തൊ­ഴി­ലാ­ളി­യൂ­ണി­യന്‍ കെ­ട്ടി­പ്പ­ടു­ത്ത­ത് എന്ന­ത് വാ­യി­ച്ചാല്‍ മന­സ്സി­ലാ­കും എത്ര ഭീ­ക­ര­മായ രീ­തി­യില്‍ ആണ് അമേ­രി­ക്ക­യില്‍ വാള്‍­മാര്‍­ട്ട് യൂ­ണി­യ­നു­ക­ളെ എതിര്‍­ക്കു­ന്ന­ത് എന്ന്.

അ­മേ­രി­ക്ക­യില്‍ വാര്‍­ഷിക വരു­മാ­നം 3 ലക്ഷം മു­തല്‍ 5 ലക്ഷം വരെ­യു­ള്ള­വര്‍­ക്കു­പോ­ലും ആരോ­ഗ്യ ഇന്‍­ഷ്വ­റന്‍­സ് ഇല്ലാ­തെ ഡോ­ക്ട­റെ കാ­ണു­വാ­നൊ, അശു­പ­ത്രി­യില്‍ പ്ര­വേ­ശി­ക്കു­വാ­നൊ ഭയ­മാ­ണ്. കാ­ര­ണം അത് അത്ര­ക്ക് ചെ­ല­വേ­റി­യ­താ­ണ്. വാള്‍­മാര്‍­ട്ടി­ലെ 18,000 ഡോ­ള­റില്‍ താ­ഴെ­മാ­ത്രം വാര്‍­ഷിക വരു­മാ­നം ഉള്ള തൊ­ഴി­ലാ­ളി രണ്ടാ­ഴ്ച­യില്‍ ഒരി­ക്കല്‍ കി­ട്ടു­ന്ന 550 ഓ 650 ഓ ഡോ­ള­റി­ന്റെ വേ­തന ചെ­ക്കില്‍ നി­ന്നും 85 ഡോ­ളര്‍ (ഏ­റ്റ­വും കു­റ­ഞ്ഞ­ത്) ഹെല്‍­ത്ത് ഇന്‍­ഷ്വ­റന്‍­സി­നു തന്റെ വി­ഹി­തം ആയി കൊ­ടു­ക്ക­ണം. കൂ­ടെ ആശു­പ­ത്രി­യില്‍ പോ­യാല്‍ ഭീ­മ­മായ ഒരു തുക അവ­ന്റെ പോ­ക്ക­റ്റില്‍ നി­ന്നും ഈ പോ­ളി­സി­യു­ടെ ഭാ­ഗ­മാ­യി കൊ­ടു­ക്ക­ണം. 40 ശത­മാ­ന­ത്തില്‍ അധി­കം തൊ­ഴി­ലാ­ളി­കള്‍ വാള്‍­മാര്‍­ട്ട് നല്കു­ന്ന ആരോ­ഗ്യ ഇന്‍­ഷ്വ­റന്‍­സ് വേ­ണ്ടെ­ന്ന് വച്ച­വ­രാ­ണ്. ഒരു വര്‍­ഷം അവര്‍­ക്ക് 2844 ഡോ­ളര്‍ വരെ പോ­ക്ക­റ്റില്‍ നി­ന്നും പോ­കും. 2011 ലെ സാ­മ്പ­ത്തിക പ്ര­തി­സ­ന്ധി­ക്കു­ശേ­ഷം തൊ­ഴി­ലാ­ളി­യു­ടെ പോ­ക്ക­റ്റില്‍ നി­ന്നും ഇടേ­ണ്ട വി­ഹി­ത­ത്തില്‍ വര്‍­ദ്ധന വരു­ത്തു­ക­യും ചെ­യ്തു­.

അ­മേ­രി­ക്ക­യി­ലെ യാ­ഥാ­സ്ഥി­ക­രും റി­പ്പ­ബ്ലി­ക്കന്‍ പാര്‍­ട്ടി­യും സര്‍­ക്കാര്‍ സാ­മൂ­ഹിക ക്ഷേ­മ­രം­ഗ­ത്തു­നി­ന്നും പൂര്‍­ണ്ണ­മാ­യി മാ­റി­നി­ല്ക്ക­ണം എന്ന് ആവ­ശ്യ­പ്പെ­ടു­മ്പോള്‍ തന്നെ­യാ­ണ് യാ­ഥാ­സ്ഥി­തി­ക­രു­ടെ ഉറ്റ­തോ­ഴ­രായ വാള്‍­മാര്‍­ട്ട് തങ്ങ­ളു­ടെ തൊ­ഴി­ലാ­ളി­ക­ളെ ചൂ­ഷ­ണം­ചെ­യ്ത് ദാ­രി­ദ്ര്യ രേ­ഖ­ക്കു താ­ഴെ സര്‍­ക്കാര്‍ ക്ഷേ­മ­പെന്‍­ഷ­നു­ക­ളു­ടെ സഹാ­യ­ത്താല്‍ ജീ­വി­ക്കു­വാന്‍ നിര്‍­ബ­ന്ധി­ക്കു­ന്ന­ത്.

ഐ­യൊ­വാ സ്റ്റേ­റ്റ് യൂ­ണി­വേ­ഴ്സി­റ്റി­യി­ലെ പ്രൊ­ഫ­സര്‍ കെ­ന്ന­ത്ത് സ്റ്റോണ്‍ നട­ത്തിയ പഠ­ന­ത്തി­നു­ശേ­ഷം പറ­ഞ്ഞ­ത് അമേ­രി­ക്ക­യി­ലെ ചെ­റിയ സി­റ്റി­ക­ളില്‍ തദ്ദേ­ശ­വാ­സി­കള്‍ നട­ത്തു­ന്ന ചെ­റു­കിട വ്യാ­പാര വ്യ­വ­സാ­യ­ങ്ങ­ളു­ടെ പകു­തി ഒരു വാള്‍­മാര്‍­ട്ട് വന്ന് പത്തു­വര്‍­ഷ­ത്തി­നു­ള്ളീല്‍ അപ്ര­ത്യ­ക്ഷ­മാ­കാ­റു­ണ്ട് എന്നാ­ണ്. നി­ര­വ­ധി യൂ­ണി­വേ­ഴ്സി­റ്റി­ക­ളി­ലെ അദ്ധ്യാ­പ­കര്‍ ഷി­ക്കാ­ഗോ­യി­ലെ ലയോള യൂ­ണീ­വേ­ഴ്സി­റ്റി­ക്കു കീ­ഴി­ലു­ള്ള ഡാര്‍­മൌ­ത്തി­ലെ ടക് ബി­സി­ന­സ്സ് സ്കൂ­ളി­ന്റെ നേ­തൃ­ത്വ­ത്തില്‍ നട­ത്തിയ പഠ­ന­ത്തില്‍ വ്യ­ക്ത­മാ­യ­ത് വാള്‍­മാര്‍­ട്ടും ചെ­റിയ സി­റ്റി­ക­ളി­ലെ വ്യാ­പാ­ര­വ്യ­വ­സായ സ്ഥാ­പ­ന­ങ്ങ­ളു­മാ­യു­ള്ള ദൂ­ര­ത്തെ അനു­സ­രി­ച്ചി­രി­ക്കും ചെ­റു­കിട കച്ച­വ­ട­സ്ഥാ­പ­ന­ങ്ങ­ളു­ടെ അട­ച്ചു­പൂ­ട്ടല്‍ എന്ന്.

­വാള്‍­മാര്‍­ട്ട് നട­ത്തിയ ഒരു പഠ­ന­ത്തില്‍ പറ­യു­ന്ന­ത് തങ്ങ­ളു­ടെ വ്യാ­പാ­ര­കേ­ന്ദ്ര­ത്തി­ന്റെ സാ­ന്നി­ദ്ധ്യം ഒരു സ്ഥ­ല­ത്തെ തൊ­ഴി­ലാ­ളി കു­ടും­ബ­ത്തി­നു 2,500 ഡോ­ളര്‍ മി­ച്ചം ഉണ്ടാ­ക്കി­ക്കൊ­ടു­ക്കു­ന്നു എന്നും അതൊ­ടൊ­പ്പം 210,000 പു­തിയ തൊ­ഴി­ലു­കള്‍ അമേ­രി­ക്ക­ക്ക് നല്കു­ന്നു എന്നും ആണ്. അതേ­സ­മ­യം എക്ക­ണോ­മി­ക് പോ­ളി­സി ഇന്‍­സ്റ്റി­റ്റ്യൂ­ട്ട് പറ­യു­ന്ന­ത് 2001-2006 കാ­ല­ത്തു­മാ­ത്രം വാള്‍­മാര്‍­ട്ടി­ന്റെ ചൈ­ന­യു­മാ­യു­ള്ള വ്യാ­പാ­ര­ബ­ന്ധം അമേ­രി­ക്ക­ക്ക് 200,000 തൊ­ഴില്‍ ഇല്ലാ­താ­ക്കി എന്നാ­ണ്. മി­സൌ­റി യൂ­ണി­വേ­ഴ്സി­റ്റി നട­ത്തിയ മറ്റൊ­രു പഠ­നം പു­റ­ത്തു­കൊ­ണ്ടു­വ­ന്ന­ത്  താ­ത്ക്കാ­ലി­ക­മാ­യി ഒരു പു­ത്തന്‍ വാള്‍­മാര്‍­ട്ട് കേ­ന്ദ്രം 100 തൊ­ഴി­ലു­കള്‍ സൃ­ഷ്ടി­ക്കു­ന്നു എങ്കില്‍ അഞ്ചു­കൊ­ല്ല­ത്തി­നി­ട­യില്‍ അതില്‍ പകു­തി­യും ഇല്ലാ­താ­കു­ന്നു­വെ­ന്നും അതൊ­ടൊ­പ്പം സ്ഥ­ല­ത്തെ മറ്റ് ബി­സി­ന­സ്സ് സ്ഥാ­പ­ന­ങ്ങള്‍ പൂ­ട്ടി­കെ­ട്ടു­ന്നു എന്നു­മാ­ണ്.

­വാള്‍­മാര്‍­ട്ട് ഓര്‍­ഗാ­നി­ക് ഭക്ഷണ രം­ഗ­ത്തേ­ക്കു­വ­രു­ന്ന­ത് ഒരു വി­പ്ല­വ­ക­ര­മായ മാ­റ്റം എന്നാ­ണ് പല­രും വി­ശേ­ഷി­പ്പി­ക്കു­ന്ന­ത്. എന്നാല്‍ അമേ­രി­ക്ക­യി­ലെ സാ­ധാ­രണ കൃ­ഷി­ക്കാ­രന്‍ ഭീ­തി­യോ­ടെ­യാ­ണ് ഈ കച്ച­വ­ട­വ­മ്പ­ന്റെ ഓര്‍­ഗാ­നി­ക് പ്രേ­മ­ത്തെ കാ­ണു­ന്ന­ത്. സാ­ധാ­രണ കൃ­ഷി­ക്കാര്‍ സ്വ­ന്ത­മാ­യി കൃ­ഷി­ചെ­യ്ത് സ്ഥ­ല­ത്തെ ചന്ത­ക­ളില്‍ വി­റ്റ് തങ്ങ­ളു­ടെ ഉപ­ജീ­വ­നം നട­ത്തു­ന്ന­ത് ഇപ്പോള്‍ ഓര്‍­ഗാ­നി­ക് കൃ­ഷി­യി­ലൂ­ടെ­യാ­ണ്. ആ രം­ഗ­വും കോര്‍­പ്പ­റേ­റ്റു­വ­ത്ക­രി­ക്കു­വാ­നും തങ്ങ­ളു­ടെ ഉള്ള കഞ്ഞി­യില്‍ പാ­റ്റ­യി­ടു­വാ­നും ആണ് വാള്‍­മാര്‍­ട്ടി­ന്റെ തന്ത്രം എന്നാ­ണ് കൃ­ഷി­ക്കാ­രു­ടെ ഭയം. കാ­ലി­ഫോര്‍­ണി­യാ സം­സ്ഥാ­ന­ത്തും മറ്റും ഓര്‍­ഗാ­നി­ക് ഭക്ഷ­ണ­ത്തി­നു പ്രി­യ­മേ­റി­യ­തോ­ടെ കൃ­ഷി­ക്കാര്‍­ക്കു വരു­മാ­നം കൂ­ടി­യ­തി­ന്റെ ഫല­മാ­യി കൂ­ടു­തല്‍ കര്‍­ഷ­കര്‍ കീ­ട­നാ­ശി­നി­കള്‍ ഉപ­യോ­ഗി­ക്കു­ന്ന­ത് നിര്‍­ത്തി­യ­തും കൂ­ടു­തല്‍ കൃ­ഷി­സ്ഥ­ല­ങ്ങള്‍ ഓര്‍­ഗാ­നി­ക് കൃ­ഷി­ക്ക് ഉപ­യോ­ഗി­ക്കു­ന്ന­തും അതൊ­ടൊ­പ്പം എടു­ത്തു­പ­റ­യേ­ണ്ട­താ­ണ്.

"ശമ്പളം കൊടുക്കാതെ 8 മണിക്കൂറിനുശേഷം തൊഴിലാളികളെക്കൊണ്ടു തൊഴില്‍ ചെയ്യിക്കുന്നതിനു കുപ്രസിദ്ധരായ വാള്‍മാര്‍ട്ട് ആവശ്യത്തിനു തൊഴിലാളികളെ ഒരിക്കലും തങ്ങളുടെ സ്ഥാപനത്തില്‍ ജോലിക്കുവയ്ക്കാറില്ല. അങ്ങനെ തൊഴിലാളികള്‍ ഇരട്ടിപ്പണിയെടുക്കുവാന്‍ നിര്‍ബന്ധിതരാകുന്നു എപ്പോഴും. വെളുപ്പിന് 2 മണിമുതല്‍ രാവിലെ 11 മണിവരെയുള്ള സമയത്തെ ജോലിയാണ് അതികഠിനം എന്ന് തൊഴിലാളികള്‍ പറയും. ആ ഷിഫ്റ്റില്‍ ജോലിചെയ്യുന്നവരുടെ ചോര ഊറ്റും എന്നാണ് പറയാറുള്ളത്."
വാള്‍­മാര്‍­ട്ടു­പോ­ലെ­യു­ള്ള കോര്‍­പ്പ­റേ­റ്റു­കള്‍ ഓര്‍­ഗാ­നി­ക് കൃ­ഷി­ക്ക് ഇറ­ങ്ങു­മ്പോള്‍ സാ­ധാ­രണ കര്‍­ഷ­കര്‍­ക്കു കി­ട്ടു­ന്ന ലാ­ഭം കു­റ­യു­ക­യും അതി­ന്റെ ഫല­മാ­യി അവര്‍ ഓര്‍­ഗാ­നി­ക് കൃ­ഷി പാ­ടെ ഉപേ­ക്ഷി­ച്ച് പഴ­യ­പ­ടി കീ­ട­നാ­ശി­നി­ക­ളി­ലേ­ക്കു­തി­രി­യു­ക­യും ചെ­യ്യാ­നു­ള്ള സാ­ധ്യത തള്ളി­ക്ക­ള­യാ­നാ­വി­ല്ല. ഓര്‍­ഗാ­നി­ക് ഉപ­ഭോ­ക്താ­ക്ക­ളു­ടെ ദേ­ശീയ ഡയ­റ­ക്ടര്‍ ആയ റോ­ണി കു­മിന്‍­സി­നെ­പോ­ലെ­യു­ള്ള­വര്‍ വാള്‍­മാര്‍­ട്ടി­ന്റെ ഓര്‍­ഗാ­നി­ക് പ്രേ­മ­ത്തെ വള­രെ സം­ശ­യ­ത്തോ­ടെ­യാ­ണു­കാ­ണു­ന്ന­ത്. അദ്ദേ­ഹം പറ­യു­ന്ന­ത് വാള്‍­മാര്‍­ട്ട് ഓര്‍­ഗാ­നി­ക് കാര്‍­ഷി­ക­വൃ­ത്തി­യു­ടെ അടി­സ്ഥാന തത്വ­ങ്ങ­ളെ മാ­നി­ക്കു­ക­യി­ല്ല, അത് ആത്യ­ന്തി­ക­മാ­യി ഓര്‍­ഗാ­നി­ക് ഭക്ഷ­ണ­സാ­ധ­ന­ങ്ങ­ളു­ടെ വി­ല­കു­റ­യ്ക്കു­ക­യും കൃ­ഷി­ക്കാ­രെ നിര്‍­മാര്‍­ജ്ജ­നം ചെ­യ്യു­ക­യും ചെ­യ്യും എന്നാ­ണ്. ഏറ്റ­വും വി­ല­കു­റ­ഞ്ഞ സാ­ധ­ന­ങ്ങള്‍ വി­ല്ക്കു­ന്ന ഒരു കമ്പ­നി ഓര്‍­ഗാ­നി­ക് ഭക്ഷണ വി­ല്പ­ന­ക്ക് ഇറ­ങ്ങു­മ്പോള്‍ ആ വി­ല­ക്കു­റ­വി­ന്റെ തന്ത്രം നട­പ്പി­ലാ­ക്കു­വാന്‍ പറ്റിയ ഒരു സ്ഥ­ലം അല്ല ഓര്‍­ഗാ­നി­ക് കൃ­ഷി എന്ന­ത് മന­സ്സി­ലാ­ക്ക­ണം; അല്ലെ­ങ്കില്‍ അവര്‍ ചെ­റു­കിട കച്ച­വ­ട­ക്കാ­രെ അമേ­രി­ക്ക­യില്‍ ഇല്ലാ­താ­ക്കി­യ­തു­പോ­ലെ ഓര്‍­ഗാ­നി­ക് കൃ­ഷി­ക്കാ­രെ­യും നശി­പ്പി­ക്കും. വാള്‍­മാര്‍­ട്ടി­ന്റെ ഓര്‍­ഗാ­നി­ക് കൃ­ഷി ആളെ­പ­റ്റി­ക്കല്‍ ആണെ­ന്ന് അമേ­രി­ക്കന്‍ കൃ­ഷി­വ­കു­പ്പി­നു പരാ­തി­കി­ട്ടു­ക­യും അതേ­പ­റ്റി അന്വേ­ഷ­ണം നട­ക്ക­യു­മാ­ണ്.

­ശ­മ്പ­ളം കൊ­ടു­ക്കാ­തെ 8 മണി­ക്കൂ­റി­നു­ശേ­ഷം തൊ­ഴി­ലാ­ളി­ക­ളെ­ക്കൊ­ണ്ടു തൊ­ഴില്‍ ചെ­യ്യി­ക്കു­ന്ന­തി­നു കു­പ്ര­സി­ദ്ധ­രായ വാള്‍­മാര്‍­ട്ട് ആവ­ശ്യ­ത്തി­നു തൊ­ഴി­ലാ­ളി­ക­ളെ ഒരി­ക്ക­ലും തങ്ങ­ളു­ടെ സ്ഥാ­പ­ന­ത്തില്‍ ജോ­ലി­ക്കു­വ­യ്ക്കാ­റി­ല്ല. അങ്ങ­നെ തൊ­ഴി­ലാ­ളി­കള്‍ ഇര­ട്ടി­പ്പ­ണി­യെ­ടു­ക്കു­വാന്‍ നിര്‍­ബ­ന്ധി­ത­രാ­കു­ന്നു എപ്പോ­ഴും. വെ­ളു­പ്പി­ന് 2 മണി­മു­തല്‍ രാ­വി­ലെ 11 മണി­വ­രെ­യു­ള്ള സമ­യ­ത്തെ ജോ­ലി­യാ­ണ് അതി­ക­ഠി­നം എന്ന് തൊ­ഴി­ലാ­ളി­കള്‍ പറ­യും. ആ ഷി­ഫ്റ്റില്‍ ജോ­ലി­ചെ­യ്യു­ന്ന­വ­രു­ടെ ചോര ഊറ്റും എന്നാ­ണ് പറ­യാ­റു­ള്ള­ത്.

­സാം വാള്‍­ട്ട­ന്റെ വാള്‍­മാര്‍­ട്ട് ഒരു ആധു­നിക യൂ­ജി­യന്‍ തൊ­ഴു­ത്താ­ണ്. 90,000ല്‍ അധി­കം സാ­ധ­ന­ങ്ങള്‍ വി­ല്ക്കു­ന്ന ഒരു സ്ഥാ­പ­ന­ത്തില്‍  ഉപ­ഭോ­ക്താ­ക്കള്‍ കയ­റി ഇറ­ങ്ങി സാ­ധ­ന­ങ്ങള്‍ വാ­രി­വ­ലി­ച്ച് വി­ത­റി­യ­ത് രാ­വി­ലെ 2 മണി­ക്കു­ള്ള ഷി­ഫ്റ്റില്‍ എത്തു­ന്ന തൊ­ഴി­ലാ­ളി­യെ സം­ബ­ന്ധി­ച്ച് വൃ­ത്തി­യാ­ക്കു­വാന്‍ സാ­ധി­ക്കി­ല്ല. കാ­ര­ണം അതി­ന് ആവ­ശ്യ­മായ തൊ­ഴി­ലാ­ളി­ക­ളെ നി­യ­മി­ച്ചി­ട്ടി­ല്ല. അമേ­രി­ക്ക­യി­ലെ തൊ­ഴി­ലാ­ളി­വര്‍­ഗ്ഗ­വും ജീ­വി­ക്കു­വാന്‍ വേ­ണ്ടി ചോ­ര­നീ­രാ­ക്കു­ന്ന­വ­രാ­ണ്. സാം വാള്‍­ട്ട­ന്റെ കാ­ലി­ത്തൊ­ഴു­ത്ത് വൃ­ത്തി­യാ­ക്കു­വാന്‍ അവ­രൊ­ന്നും ഹെര്‍­ക്കു­ലീ­സ് അല്ല.

ഇ­വി­ടെ അവ­ശേ­ഷി­ക്കു­ന്ന ചോ­ദ്യം ഇത്ര­യു­മേ­യു­ള്ളു: ഈ വാള്‍­മാര്‍­ട്ട് ഇന്ത്യ­യില്‍ വരു­ന്ന­ത് ഗു­ണ­മോ ദോ­ഷ­മോ­?

­റെ­ജി പി. ജോര്‍­ജ്ജ്

9 Comments

"
“കണ്‍­ഫ­ഷന്‍ ഓഫ് എ യൂ­ണീ­യന്‍ ബസ്റ്റര്‍” (തൊ­ഴി­ലാ­ളി യൂ­ണി­യ­നു­കള്‍ തച്ചു­ട­ക്കു­ന്ന ഒരു ഗു­ണ്ട­യു­ടെ കു­റ്റ­സ­മ്മ­തം)
"

പുസ്തകത്തിന്റെ പേര് വിവര്‍ത്തനം ചെയ്തത് വാള്‍മാര്‍ട്ടില്‍ നിന്ന് വാങ്ങിയ സോഫ്ട്വെയര്‍ ആണോ? ഗുണ്ട എവിടുന്നു വന്നു? തൊ­ഴി­ലാ­ളി യൂ­ണി­യ­നു­കള്‍ തച്ചു­ട­ച്ചവന്റെ കു­റ്റ­സ­മ്മ­തം എന്നോ മറ്റോ പോരായിരുന്നോ?

Word to word translation is not necessary in all the cases. Rather than translating a word or a sentence as it is, the reader should get the feel of what is intented to be said through the word/sentence.ഗുണ്ട എന്നാ വാക്ക് ഉപയോഗിക്കുമ്പോള്‍ Union buster എന്നത് തൊഴിലാളി യുനിയന്‍ തച്ചുടച്ചവന്‍ എന്നതിലുപരിയായി അങ്ങനെ ചെയ്തത് ഒരു ഗുണ്ടാ റോളിലാണ് എന്ന സെന്‍സ് കൂടി കിട്ടുന്നു. അപ്പോള്‍ confession എന്ന വാക്ക് അര്‍ത്ഥവത്താകുന്നു. ആ ടൈറ്റില്‍ ലൂടെ അദ്ദേഹം പറയാന്‍ ഉദ്ദേശിക്കുന്നത് പെട്ടെന്ന് തന്നെ വായിക്കുന്നയാള്‍ക്ക്‌ മനസ്സിലാകുകയും ചെയ്യുന്നു. ഇതിലിപ്പോ എന്താ തെറ്റ്?

നന്ദി. നമ്മളീ പോക്കര്‍ടെക്നിക്കിലൊന്നും പഠിക്കാത്തത് കൊണ്ടാവാം, എഴുതുന്നുവന്‍ എഴുതുന്നത് പരിഭാഷപ്പെടുത്തുന്നതാണ് വിവര്‍ത്തനം എന്നാണു കരുതിയിരുന്നത്. വരികളില്‍ ഒളിച്ചിരിക്കുന്നത് കണ്ടെത്തേണ്ട ഉത്തരവാദിത്തം വായനക്കാരന്റെതാണ്. അവനറിയേണ്ടത് എഴുത്തുകാരന്‍ എന്തെഴുതിയെന്നാണ്, വിവര്‍ത്തകന്റെ ഭാഷ്യം എന്തെന്നല്ല.

ഖസാക്കിന്റെ ഇതിഹാസം ഇന്ഗ്ലീഷിലാക്കിയപ്പോള്‍ വിവര്‍ത്തകന്‍ പേര് The Reckless Legends of Khazak എന്നാക്കിയിരുന്നെങ്കില്‍...

എഴുത്തുകാരന്റെ ഭാഷ്യം വിവര്‍ത്തകന്‍ മനസ്സിലാക്കാത്തിടത്തോളം അയാള്‍ അത് വിവര്‍ത്തനം ചെയ്യുന്നതില്‍ അര്‍ത്ഥമില്ല. എഴുത്തുകാരന്‍ വിവര്‍ത്തകന് കൊടുത്ത അതെ ഫീല്‍ വിവര്‍ത്തകന് വായനക്കാരന് കൊടുക്കാന്‍ കഴിയണം. അതുകൊണ്ട് തന്നെ വാക്കുകള്‍ അതേപടി നിഘണ്ടു നോക്കി മാറ്റിയെഴുതിയാല്‍ ആവുന്നതല്ല വിവര്‍ത്തനം. പിന്നീടു അങ്ങോട്ടാണ് വരിക്കിടയില്‍ എന്തേലും ഒളിച്ചിരിക്കുന്നുണ്ടോ ഇല്ലയോ എന്നൊക്കെ വായനക്കാരന്‍ കണ്ടെത്തുന്നത്.

The example you have given here-'The Reckless Legends of Khazak' is not at all contextual. Moreover its a wrong translation. It is 'legend', not 'legends' and how can the legend of khazak be reckless then?

The Legend of Khazak is a book's name. When the translator first came through the book's name he never knew whether the legend of khazak was 'reckless 'or whatever. So his job here is to translate the name of book in a way the reader also gets the same feel when the reader first comes through the book. In the reader's case, the whole book was to follow. But in here, neither me nor you have read 'confession of a union buster'. I dont know whether Mr. Regi have read it or not, but we (anyone who read it) came to know about the book through what he have written about it in the article. So, we have to believe what Regi have translated for us. As the function of the book's title in the essay is not that of it when written on the cover of the book (If it was to be translated for that purpose, I would have agreed with what you have translated) but to convey to us the fact that martin levitt has written such a book in such and such context. So i believe that Regi have translated the name of the book well suiting to the context.

"Moreover its a wrong translation. It is 'legend', not 'legends'"..

മലയാളത്തിലെഴുതിയ വ്യക്തി തന്നെ ആ പുസ്തകം ഇംഗ്ലീഷിലേക്ക് പരിഭാഷപ്പെടുത്തി എന്നാണു എന്റെ ഓര്‍മ്മ. ആ ഓര്‍മ്മ ശരിയാണെങ്കില്‍ പരിഭാഷയുടെ പേരില്‍ "legends" എന്ന് തന്നെയായിരുന്നു. ഓര്‍മ്മ തെറ്റെങ്കില്‍ മാപ്പ്.

എന്റെ വായനയില്‍ അവ reckless തന്നെ ആയിരുന്നു താനും, പക്ഷെ ആ കണ്ടെത്തല്‍ എന്റെ പരിഭാഷയില്‍ explicit ആയി ഉണ്ടാവാന്‍ പാടില്ല എന്ന് ഞാന്‍ കരുതുന്നു.

പിന്നെ ലെവിറ്റ് ഗുണ്ടാപ്പണി ചെയ്തെന്നു പറയുവാന്‍ റെജിക്ക് ലേഖനത്തില്‍ പലയിടത്തും അവസരമുണ്ട്. അങ്ങനെ ചെയ്യുന്നതില്‍ അപാകതയുമില്ല. പകരം അയാളുടെ പുസ്തകത്തിന്റെ പേര് തിരുത്തി സൂചനകള്‍ കുത്തിക്കേറ്റുന്നതിന്റെ ശരി എനിക്കൊട്ടു മനസ്സിലാവുകയുമില്ല.....

റെജി- വളരെ നന്നായി പഠിച്ചു വിശകലനം ചെയ്തിരിക്കുന്നു. അഭിനന്ദനങ്ങള്‍. എന്തായാലും അവര്‍ ആരും ഉടനെ വരും എന്ന് പേടിക്കേണ്ട. BJP ക്കും കൂടി കിട്ടാനുള്ള കാശ് കൊടുത്താല്‍ മാത്രമേ അവരെ ഇവിടെ വരാന്‍ അനുവദിക്കൂ എന്ന് തോന്നുന്നു.

Anonymous - translation and transliteration are two entirely different things. It is not for Reji to decide what the name should be in Malayalam, he could have equally converted the text to malayalam by stating the translation for 'Confessions of a union buster' to 'യൂണിയന്‍ തച്ചുടക്കുന്നവന്റെ തത്വശാസ്ത്രം' here, both the words 'confession' and 'buster' can be bastardised at will. Given such scope of perspective, it is നെസിസ്സരി that the author would refrain from such theatrics.

'തൊഴിലാളി യൂണിയന്‍ തച്ചുടച്ചതു ഒരു ഗുണ്ടയുടെ റോളില്‍ എന്ന sense കിട്ടുന്നു' എന്നാണല്ലോ പറഞത്, അതായത് അതൊരു C.I.T.U രീതിയില്‍ ഇടിച്ചും പിടിച്ചും കാര്യം സാധിച്ചു എന്നാണോ? അത് തീര്‍ത്തും തെറ്റല്ലേ? 'Confessions of a ..' എന്ന പ്രയോഗം ഒരു കുറ്റസമ്മതം എന്നതിനേക്കാള്‍ ഒരു പ്രഖ്യാപനം എന്നേ കാണാന്‍ ആവൂ.

Regi P George's picture

@Theere Nannaayittund - ഞാന്‍ ആ വാക്കു പിന്‍വലിക്കുന്നു! താങ്കളുടെ വായനയെ ആ വാക്കു അലോരസപ്പെടുത്തിയതില്‍ എനിക്കുള്ള ഖേദവും അറിയിക്കുന്നു!

ഇത്തരം വാക്കുകളോടൂള്ള അപകര്‍ഷത വളരെ മനശാസ്ത്രപരമായ ഒരു കാര്യമാണ്! ഒരു തൊഴിലാളി യൂണിയനെ പറ്റി പറയുമ്പോഴൊ അല്ലെങ്കില്‍ ചുമട്ടുതൊഴിലാളികളെപറ്റി എഴുതുമ്പോളോ ആണ് ഗുണ്ടാ എന്ന വാക്ക് ഉപയോഗിച്ചതെങ്കില്‍ ഇങ്ങനെ ഒരു അപകര്‍ഷതയൊ, ബുദ്ധിമുട്ടൊ വായനയില്‍ വരും എന്ന് തോന്നുന്നില്ല!

പോക്കറ്റടിക്കാരനെ കള്ളന്‍ എന്നുവിളിക്കുവാനും ജനക്കൂട്ടത്തിനു തല്ലിക്കൊല്ലുവാനും ആ വാര്‍ത്ത വായിക്കുവാനും നല്ല സുഖമാണ്! എന്നാല്‍ രാജ്യത്തിന്റെ ഉന്നതസ്ഥാനീയരായ നേതാക്കളും കോര്‍പ്പറേറ്റ് കമ്പനികളുടേ ഉന്നതരും സാമ്പത്തിക അഴിമതികളിലൂടെ കോടികളുടെ വെട്ടിപ്പുകള്‍ നടത്തിയാലും അവരെ ക്രിമിനല്‍ എന്നുവിളിക്കുന്നതും ജയിലില്‍ അടക്കുന്നതും ഒക്കെ വളരെ അസ്വസ്ഥത തരുന്ന വാര്‍ത്തയാകാറുണ്ട്! എന്തെ പോക്കടിക്കാരന്‍ കള്ളനെങ്കില്‍ സാമ്പത്തിക കുറ്റവാളിയായ രാഷ്ട്രീയ നേതാവിനെയും കോര്‍പ്പറേറ്റ് മേധാവിയെയും കള്ളന്‍ എന്നു വിളിക്കുവാന്‍ ഒരു മടി? (ക്ഷമിക്കണം, മടിയല്ല നമുക്കുള്ളത് ഇത്തരം കള്ളന്മാരൊടു ഭയഭക്തി ബഹുമാനംതന്നെയാണുള്ളത്)

വളരെ കുറ്റകരമായ ഗുണ്ടാ മാഫിയാ രീതിയില്‍ ആണ് ഒരു കോര്‍പ്പറേറ്റ് സ്ഥാപനം തൊഴിലാളികളുടെ ഭരണഘടനാപരമായ അവകാശം തടഞ്ഞത് എന്ന് അതിനു നേതൃത്വം കൊടുത്ത ആള്‍ തന്നെ കുറ്റസമ്മതം നടത്തുകയാണ്! ബസ്റ്റര്‍ എന്ന വാക്കിന്റെ അര്‍ഥം എടുത്താല്‍ തന്നെ അത് മാഫിയാ എന്നൊ ഗുണ്ടാ എന്നൊ വിശേഷിപ്പിക്കാവുന്ന ഗാംഗ് (മലയാളത്തില്‍ ക്രിമിനല്‍ സംഘം എന്ന് വിശേഷിപ്പിക്കാം) എന്ന വാക്കുമായി ബന്ധപ്പെട്ടിരിക്കുന്നു എന്ന് കാണാം! ക്രിമിനല്‍ കുറ്റങ്ങള്‍ ആണ് ഗാംഗുകള്‍ സാധാരണ ചെയ്യാറുള്ളത് അല്ലെ? ഉദാഹരണമായി ദാവൂദ് ഇബ്രാഹിമിന്റെ ഗാംഗ് മെമ്പര്‍.

ചര്‍ച്ച ആവാക്കിനെപറ്റി ഒതുങ്ങരുത് എന്ന് ആഗ്രഹിക്കുന്നതിനാല്‍ ആവാക്ക് നിരുപാധികം പിന്‍വലിക്കുന്നു. എഫ്.ഡി.ഐ ഒക്കെ ഇന്ത്യയിലേക്കു വരുമ്പോള്‍ ഇന്ത്യയിലെ തൊഴിലാളി സംഘടനകള്‍ കുറ്റകരമായ നിശബ്ദ്ത പാലിക്കയാണ്! അമേരിക്കയില്‍ നിന്നൊക്കെയുള്ള അനുഭവങ്ങളുടെ വെളിച്ചത്തില്‍ ശക്തമായ തൊഴില്‍ നിയമങ്ങള്‍ക്കും ഇത്തരം സ്ഥാപനങ്ങള്‍ തുടങ്ങും മുമ്പുതന്നെ അവിടെ പണിയെടുക്കേണ്ടിവരുന്ന തൊഴിലാളികള്‍ക്കുവേണ്ടി ശബ്ദമുയര്‍ത്തുവാനും ഒക്കെ തൊഴിലാളി സംഘടനകള്‍ക്ക് ഉത്തരവാദിത്വം ഉണ്ട്. ചര്‍ച്ചകള്‍ ആ നിലയിലേക്ക് ഇന്ത്യയില്‍ വളരുവാന്‍ ഈ ലേഖനം സഹായിക്കും എന്ന പ്രതീക്ഷയില്‍ ആണ് എഴുതിയത്!

@ തോമസ് വിന്‍സന്റ്

നല്ല വാക്കുകള്‍ക്ക് നന്ദി! വാള്‍മാര്‍ട്ട് മാനേജ്മെന്റ് അടിച്ചും പിടിച്ചും ചെയ്തു എന്ന് പറയുവാന്‍ കഴിയില്ല! അമേരിക്കന്‍ സമൂഹത്തില്‍ അതൊക്കെ ഗുരുതരമായ കുറ്റം ആണ്! എന്നാല്‍ അതില്ലാതെ തന്നെ മനുഷ്യനെ ഭയപ്പെടുത്തുവാന്‍ കഴിയുമല്ലോ. തൊഴിലാളികള്‍ സംഘടിച്ചാല്‍ അവരെ പുറത്താക്കുക, കോടതികയറ്റുക നിങ്ങള്‍ മരിച്ചാലും കേസുതീരാതിരിക്കുക, ഉച്ചഭക്ഷണം കഴിക്കുവാന്‍ ഇരിക്കുമ്പോള്‍ അവിടെ ഗുണ്ടകളെപ്പോലെ കാവല്‍ ഏര്‍പ്പെടുത്തുക തൊഴിലാളികളുടേ സംസാരം ശ്രദ്ധിക്കുവാന്‍, തൊഴിലാളികള്‍ സ്വകാര്യമായി സംസാരിക്കുവാന്‍ സാധ്യതയുള്ള എല്ലാ കോണുകളിലും ഇതേപോലെ കാവല്‍ ക്യാമറകള്‍ സ്ഥാപിക്കുക പിന്നെ തൊഴിലാളിയൂണിയനുകള്‍ക്കെതിരെ ക്ലാസുകള്‍ എടുക്കുക! നിര്‍ബന്ധിത വീഡീയോ കാണിക്കല്‍, യൂണിയന്‍ പ്രവര്‍ത്തനം പാടില്ലാത്ത മാനേജ്മെന്റ് തസ്തികകളിലേക്ക് മാറ്റുക! അങ്ങനെ നിരവധി മാര്‍ഗ്ഗങ്ങള്‍ ഉണ്ടല്ലൊ ഒരു ജനാധിപത്യ സമൂഹത്തിന് അംഗീകരിക്കുവാന്‍ കഴിയാത്ത പലതും!

ഇതിനെല്ലാം നേതൃത്വം കൊടുത്ത ഒരാള്‍ സ്വയം കുറ്റസമ്മതം നടത്തി ഒരു പുസ്തകം എഴുതി പൊതുസമൂഹത്തോടു പറയുകയാണ് ഞാന്‍ വാള്‍മാര്‍ട്ടിനുവേണ്ടി ഇതൊക്കെ ചെയ്തു എന്ന്. അത് ആരും പ്രേരിപ്പിച്ചിട്ട് ചെയ്യുന്നതല്ല! കരിസ്മാറ്റിക് യോഗത്തിനുപോകുന്നവര്‍ സാക്ഷി പറയുവാന്‍ എഴുന്നേല്ക്കുന്നതുപോലെ അദ്ദേഹം സ്വയം സമൂഹത്തോടു തന്റെ കുറ്റസമ്മതം നടത്തുകയാണുണ്ടായത്!

യൂണിയന്‍ തച്ചുടക്കുന്നവന്റെ തത്വശാസ്ത്രം എന്ന് എങ്ങനെയാണ് അതിനെവിശേഷിപ്പിക്കുവാന്‍ കഴിയുക?
തച്ചുടക്കുന്നവന്‍ എന്ന വാക്കുതന്നെ അനുചിതമാണ് എന്നാണ് എന്റെപക്ഷം! (അങ്ങനെ ഞാന്‍ ഉപയോഗിച്ചു എങ്കില്‍ പോലും) പോലീസ് ബസ്റ്റഡ് എ ഗാംഗ് എന്നു പറഞ്ഞാല്‍ പോലീസ് ഒരു ഗാംഗിനെ തച്ചുടച്ചു എന്നു പറയില്ല ആരും! പോലീസ് ഒരു കൂട്ടം ക്രിമിനലുകളെ പിടികൂടീ എന്നാവും പറയുക അല്ലെങ്കില്‍ മനസ്സിലാക്കുക അല്ലെ? പ്രധാമന്ത്രി സാമ്പത്തിക കുറ്റവാളിയാണെങ്കില്‍ അദ്ദേഹത്തെ ക്രിമിനല്‍ എന്നുവിളിക്കാതിരിക്കയും പാവപ്പെട്ട പോക്കറ്റടിക്കാരനെ ക്രിമിനല്‍ എന്നു വിളിക്കുന്നതില്‍ സുഖം കാണുകയും ചെയ്യുന്ന “(സമൂഹ)മാനസികാവസ്ഥയാണ്“ പ്രശ്നം!

"എന്തെ പോക്കടിക്കാരന്‍ കള്ളനെങ്കില്‍ സാമ്പത്തിക കുറ്റവാളിയായ രാഷ്ട്രീയ നേതാവിനെയും കോര്‍പ്പറേറ്റ് മേധാവിയെയും കള്ളന്‍ എന്നു വിളിക്കുവാന്‍ ഒരു മടി?"

ആര്‍ക്കാണ് മടി/അസ്വസ്ഥത? Bernard Madoff, Raj Rajarathnam, Harshad Mehta, Hassan Ali Khan എന്നിവരെ ആരാണ് 'ഭയഭക്തി ബഹുമാനത്തോടെ' കാണുന്നത് ? കാശുള്ളവന് എന്തും ആവാം എന്നാ വാദവും ഇവിടെ പൊളിയുന്നില്ലേ? ഇവരാരും തന്നെ അധികാരത്തിന്റെ ഇടനാഴികളില്‍ അപരിചിതര്‍ അല്ലല്ലോ? വിഷയത്തില്‍ നിന്നും അകന്നതില്‍ ക്ഷമ ചോദിച്ചുകൊള്ളുന്നു.

Regi, താങ്കളുടെ വഴിയില്‍ ചര്‍ച്ച തുടരട്ടെ. വാക്കുകളെപ്പറ്റിയുള്ള അപകര്‍ഷതയെപ്പറ്റി മറ്റെവിടെയെങ്കിലും ചര്‍ച്ച ഉണ്ടാവട്ടെ.

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
1 + 0 =
Solve this simple math problem and enter the result. E.g. for 1+3, enter 4.
To prevent automated spam submissions leave this field empty.
feedback