വളന്തക്കാടും ആശങ്കകളും

­കേ­ര­ള­ത്തില്‍ കഴി­ഞ്ഞ മു­പ്പ­തു­വര്‍­ഷ­ത്തി­നി­ട­യില്‍ ആകെ­യു­ണ്ടാ­യി­രു­ന്ന കണ്ടല്‍­ക്കാ­ടു­ക­ളു­ടെ 94 ശത­മാ­ന­വും നശി­പ്പി­ച്ചു കഴി­ഞ്ഞു. കൊ­ച്ചി­ന­ഗ­ര­ത്തെ ചു­റ്റി­ക്കി­ട­ക്കു­ന്ന കടല്‍­പ്പ­ര­പ്പു­ക­ളു­ടെ പകു­തി­യും നഷ്‌­ട­പ്പെ­ട്ടി­രി­ക്കു­ന്നു. ഇനി­യും നി­ക­ത്ത­പ്പെ­ടാ­ത്ത ഒരേ­യൊ­രു ദ്വീ­പ്‌ വള­ന്ത­ക്കാ­ടാ­ണ്‌. ഒപ്പം അവി­ടെ ഇതി­നോ­ട­കം കണ്ടു­പി­ടി­ക്ക­പ്പെ­ട്ടി­ട്ടു­ള്ള 77­ത­രം സസ്യ­ജാ­ല­ങ്ങ­ളും 27 തരം ജല­ജീ­വി­ക­ളും. അത്ര­യും അനി­ത­ര­സാ­ധാ­ര­ണ­മായ ജൈ­വ­വൈ­വി­ധ്യ­മാ­ണ്‌ ­ഹൈ­ടെ­ക്‍ സി­റ്റി­ വന്നാല്‍ മണ്‍­മ­റ­ഞ്ഞു­പോ­കു­ന്ന­ത്‌. വി­ക­സ­ന­ത്തി­ന്റെ വി­ദൂ­ര­മെ­ങ്കി­ലു­മായ ഒരൊ­റ്റ ഗു­ണ­ഗ­ണ­ങ്ങള്‍­ക്കും പക­രം­വ­യ്‌­ക്കാ­നാ­കാ­ത്ത കണ്ടല്‍­ക്കാ­ടു­ക­ളാ­ണ്‌ ഇവി­ടെ നശി­പ്പി­ക്ക­പ്പെ­ടാന്‍ പോ­കു­ന്ന­ത്‌.

എ­റ­ണാ­കു­ളം, ആല­പ്പു­ഴ, തൃ­ശൂര്‍ എന്നീ ജി­ല്ല­ക­ളി­ലെ ഉപ്പു­വ­ള്ളം കയ­റാ­നി­ട­യു­ള്ള പാ­ട­ശേ­ഖ­ര­ങ്ങ­ളില്‍ മാ­ത്രം പ്ര­ചാ­ര­ത്തി­ലു­ള്ള­താ­ണ്‌ പൊ­ക്കാ­ളി­കൃ­ഷി. ജൂണ്‍ മു­തല്‍ നവം­ബര്‍ വരെ­യാ­ണ്‌ ഈ ­കൃ­ഷി­ നട­ത്തു­ന്ന­ത്‌. വെ­ള്ള­ത്തില്‍ ഉപ്പു­ര­സം കൂ­ടു­ത­ലാ­കു­ന്ന­തോ­ടെ ­നെല്‍­കൃ­ഷി­ കഴി­ഞ്ഞ്‌ ചെ­മ്മീന്‍ കൃ­ഷി ഇതേ സ്ഥ­ല­ത്ത്‌ സജീ­വ­മാ­കു­ന്നു. പരി­പൂര്‍­ണ്ണ­മായ ജൈ­വ­വ­ള­മു­പ­യോ­ഗി­ച്ചു­ള്ള പൊ­ക്കാ­ളി­നെ­ല്ല്‌ രണ്ടു മീ­റ്റ­റോ­ളം ഉയ­ര­ത്തില്‍ വള­രു­മെ­ങ്കി­ലും വൈ­ക്കോ­ലി­നെ വെ­ള്ള­ത്തില്‍ തന്നെ ചീ­ഞ്ഞു­പോ­കാന്‍­വി­ട്ട്‌ കതിര്‍ മാ­ത്ര­മാ­ണ്‌ കൊ­യ്‌­തെ­ടു­ക്കു­ന്ന­ത്‌. തു­ടര്‍­ന്നു വരു­ന്ന ചെ­മ്മീന്‍ കൃ­ഷി സമ­യ­ത്ത്‌ അനു­ബ­ന്ധ­മാ­യി താ­റാ­വ്‌ കൃ­ഷി­യും നട­ത്തു­ന്നു. ഈ വൈ­ക്കോല്‍ നല്ല­തീ­റ്റ­യാ­യി മാ­റു­ന്നു. ചാ­ക്രി­ക­മാ­യി തു­ടര്‍­ന്നു വരു­ന്ന ഈ മൂ­ന്നു കൃ­ഷി­ക­ളും ഹൈ­ടെ­ക്‍ നഗ­ര­ത്തി­ന്റെ ആവിര്‍­ഭാ­വ­ത്തോ­ടെ വി­രാ­മ­മാ­കാ­നാ­ണ്‌ സാ­ധ്യ­ത. സര്‍­ക്കാര്‍ ഇക്കാ­ര്യ­ത്തില്‍ ഉട­ന­ടി ഇട­പെ­ട്ട്‌ വള­രെ­യ­ധി­കം ഔഷ­ധ­ഗു­ണ­മു­ള്ള പൊ­ക്കാ­ളി­നെ­ല്ലി­ന്റെ കൃ­ഷി­യെ സം­ര­ക്ഷി­ക്കേ­ണ്ട­താ­ണ്‌.

­കേ­ര­ള­ത്തി­ന്‌ ഇനി­യു­ള്ള കാ­ല­ത്തേ­ക്കെ­ങ്കി­ലും പി­ടി­ച്ചു­നില്‍­ക്കാ­നാ­വു­ന്ന ഈ രം­ഗം ടൂ­റി­സം വ്യ­വ­സാ­യ­മാ­ണ്‌. വി­ദേ­ശ­പ­ണം ആകര്‍­ഷി­ക്കാ­നു­ള്ള വെ­മ്പ­ലില്‍ സര്‍­ക്കാര്‍ കോ­ടി­ക്ക­ണ­ക്കി­ന്‌ രൂ­പ­യാ­ണ്‌ ചെ­ല­വ­ഴി­ച്ചു­കൊ­ണ്ടി­രി­ക്കു­ന്ന­ത്‌. എന്നാല്‍ വള­ന്ത­ക്കാ­ടി­നു ചു­റ്റും മണ­ക്കു­ന്നം, ഉദ­യം­പേ­രൂര്‍ മേ­ഖ­ല­യില്‍ വി­ക­സി­പ്പി­ക്കാ­വു­ന്ന ഇക്കോ­ടൂ­റി­സം സാ­ധ്യ­ത­ക­ളെ മന­സ്സി­ലാ­ക്കാ­തെ ഹൈ­ടെ­ക്‍ സി­റ്റി പോ­ലു­ള്ള ഹ്ര­സ്വ­കാല വി­ക­സന സം­രം­ഭ­ങ്ങ­ളെ മു­ന്നോ­ട്ടു­കൊ­ണ്ടു­പോ­കു­ന്ന­ത്‌ തി­ക­ച്ചും ആത്മ­ഹ­ത്യാ­പ­ര­മാ­ണ്‌. മറി­ച്ച്‌, ഈ മേ­ഖ­ല­യി­ലെ ജൈ­വ­വൈ­വി­ധ്യം ഉറ­പ്പു­വ­രു­ത്തി­ക്കൊ­ണ്ടു­ള്ള വി­നോദ സഞ്ചാര പദ്ധ­തി­യാ­ണ്‌ കൊ­ണ്ടു­വ­രു­ന്ന­തെ­ങ്കില്‍ അത്‌ ആരോ­ഗ്യം, കൃ­ഷി, ടൂ­റി­സം, വി­ദ്യ­ഭ്യാ­സം തു­ട­ങ്ങിയ മേ­ഖ­ല­ക­ളു­ടെ സര്‍­വ്വ­തോ­ന്മു­ഖ­മായ വി­ക­സ­ന­ത്തി­ന്റെ കൂ­ടി തു­ട­ക്ക­മാ­യി­രി­ക്കും­.

ആ­ഗോ­ള­താ­പ­ന­വും വാ­യു­മ­ലി­നീ­ക­ര­ണ­വും ഒരു­പോ­ലെ കശ­ക്കി­ഞെ­രി­ക്കു­ന്ന എറ­ണാ­കു­ളം പോ­ലെ­യു­ള്ള അതി­ജ­ന­സാ­ന്ദ്ര­ത­യു­ള്ള പട്ട­ണ­ത്തി­നു ചു­റ്റും ജൈ­വ­വൈ­വി­ധ്യ­മു­ള്ള സസ്യ­ജാ­ലം ഓക്‌­സി­ജന്‍ മാ­സ്‌­കു­പോ­ലു­ള്ള പ്ര­തി­രോ­ധ­മാ­യി­രി­ക്കു­മെ­ന്ന്‌ ഏതു കൊ­ച്ചു­കു­ട്ടി­യ്‌­ക്കു പോ­ലും ഊഹി­ച്ചെ­ടു­ക്കാ­വു­ന്ന­തേ­യു­ള്ളൂ­.

അ­ന്താ­രാ­ഷ്‌­ട്ര­ത­ല­ത്തില്‍ തന്നെ ഭീ­മന്‍ നഗ­ര­ങ്ങ­ളില്‍ എങ്ങ­നെ വൃ­ക്ഷ­ങ്ങ­ളു­ടെ പച്ച­പ്പ്‌ കൂ­ടു­തല്‍ സം­ര­ക്ഷി­ക്കാം എന്ന വി­ഷ­യ­ത്തില്‍ ഗൗ­ര­വ­മായ ചര്‍­ച്ച­കള്‍ നട­ന്നു­കൊ­ണ്ടി­രി­ക്കു­ക­യാ­ണ്‌. കലൂര്‍­പെ­രി­യാര്‍ വ്യ­വ­സായ മേ­ഖ­ല­യി­ലെ വി­ഷ­ക്കാ­റ്റ്‌ വല­യം ചെ­യ്യു­ന്ന കൊ­ച്ചി­യു­ടെ അന്ത­രീ­ക്ഷ­ത്തി­ലേ­ക്ക്‌ അല്‌­പ­മെ­ങ്കി­ലും ശ്വാ­സ­വാ­യു ക്ര­മീ­ക­ര­ണം ഇപ്പോള്‍ നട­ന്നു­കൊ­ണ്ടി­രി­ക്കു­ന്ന­ത്‌ വള­ന്ത­ക്കാ­ടു­പോ­ലു­ള്ള ദ്വീ­പ്‌ -ജ­ല­ഘ­ട­ക­ങ്ങ­ളു­ടെ സന്തു­ല­നം കൊ­ണ്ടു­മാ­ത്ര­മാ­ണ്‌. ഈ മേ­ഖ­ല­യില്‍ ഈ ജല­പ­ക്ഷി പാര്‍­ക്ക്‌ ആരം­ഭി­ക്കു­ക­യാ­ണെ­ങ്കില്‍ അത്‌ കു­ട്ടി­കള്‍­ക്കും ടൂ­റി­സ്റ്റു­കള്‍­ക്കും ഏറെ ഉപ­കാ­ര­പ്ര­ദ­മാ­കു­മാ­യി­രു­ന്നു­.

ഈ പദ്ധ­തി സര്‍­ക്കാ­രി­നും തദ്ദേ­ശ­സ്വ­യം­ഭ­ര­ണ­വ­കു­പ്പി­നും ആദാ­യ­ക­ര­മാ­കു­ന്നു­മാ­ത്ര­മ­ല്ല ജന­ങ്ങള്‍­ക്ക്‌ ഈ എക്കോ­പ­ദ്ധ­തി­യില്‍ നി­ന്നും വര്‍­ഷാ­വര്‍­ഷം എഴു­പ­ത്തെ­ട്ടു­കോ­ടി രൂ­പ­യോ­ളം വരു­ന്ന, ഗു­ണ­ഗ­ണ­ങ്ങള്‍ ലഭി­ക്കു­ക­യും ചെ­യ്യും. ഹരി­ത­ബ­ജ­റ്റ്‌ വി­ഭാ­വ­നം ചെ­യ്യു­ന്ന നമ്മു­ടെ ധന­മ­ന്ത്രി­ക്ക്‌ വലിയ ആശ്വാ­സ­മാ­യി­രി­ക്കും ഈ ധനാ­ഗ­മ­മാര്‍­ഗ്ഗം­.

ഇ­ത്ര­യും ചര്‍­ച്ച ചെ­യ്‌­ത­തില്‍ നി­ന്നും ഉരു­ത്തി­രി­ഞ്ഞു­വ­രു­ന്ന വസ്‌­തുത വള­ന്ത­ക്കാ­ട്‌ പദ്ധ­തി വേ­ണ­മോ വേ­ണ്ട­യോ എന്ന സം­ശ­യ­മ­ല്ല, മറി­ച്ച്‌, ഈ മേ­ഖ­ല­യി­ലെ ജൈ­വ­വൈ­വി­ദ്ധ്യം തകര്‍­ത്ത്‌ കൊ­ണ്ടു­ള്ള യാ­തൊ­രു വി­ക­സ­ന­പ­ദ്ധ­തി­ക­ളെ­യും കു­റി­ച്ച്‌ ആലോ­ച­ന­പോ­ലും പാ­ടി­ല്ല എന്ന വസ്‌­തു­നി­ഷ്‌­ഠ­മായ കണ്ടെ­ത്ത­ലാ­ണ്‌. സാ­ധാ­രണ ജന­ത്തെ സം­ബ­ന്ധി­ച്ചി­ട­ത്തോ­ളം ഈ വള­ന്ത­ക്കാ­ട്‌- മര­ട്‌­ദ്വീ­പു­മേ­ഖല ഉപ­ജീ­വ­ന­ത്തി­ന്റെ­യും പ്ര­കൃ­തി­ര­ക്ഷ­യു­ടെ­യും വി­ള­നി­ല­മാ­ണ്‌. പൊ­തു­ജ­ന­ന­ന്മ­യെ നി­രാ­ക­രി­ച്ചു­കൊ­ണ്ടു­ള്ള ഹൈ­ടെ­ക്‍ സി­റ്റി­പോ­ലു­ള്ള വി­ക­സന സം­രം­ഭ­ങ്ങള്‍ സാ­മൂ­ഹ്യ­സാ­മ്പ­ത്തിക പരി­പ്രേ­ക്ഷ്യ­ത്തില്‍ ദ്വി­ഗു­ണീ­കൃ­ത­ന­ഷ്‌­ട­മാ­ണ്‌ നട­ത്തി­വ­രു­ന്ന­ത്‌. അവ­രു­ടെ ഉപ­ജീ­വ­ന­മാര്‍­ഗ്ഗം അട­യു­ന്ന­തോ­ടൊ­പ്പം സാ­ധാ­ര­ണ­ക്കാര്‍­ക്ക്‌ നേ­രി­ട്ട്‌ ഒരു ഗു­ണ­വു­മു­ണ്ടാ­കാ­ത്ത സമു­ച്ചയ സം­രം­ഭം എന്തു വി­ക­സ­ന­സ്വ­പ്‌­ന­മാ­ണ്‌ മു­ന്നോ­ട്ടു­വെ­യ്‌­ക്കു­ന്ന­ത്? നിര്‍­മ്മി­തി­യു­ടെ­യും പ്ര­ച­ര­ണ­ത്തി­ന്റെ­യും പേ­രില്‍ അര­ങ്ങേ­റാ­നി­രി­ക്കു­ന്ന പൊ­തു­ഭ­ര­ണ­ത്തി­ലേ­യും സാ­മൂ­ഹ്യ­രം­ഗ­ത്തേ­യും അഴി­മ­തി­കള്‍ വേ­റെ­.

­കേ­ര­ള­ത്തി­ലെ സാ­മ്പ­ത്തിക രം­ഗ­ത്ത് ചീ­ഞ്ഞു­നാ­റി­ക്കൊ­ണ്ടി­രി­ക്കു­ന്ന കറു­ത്ത­പ­ണ­ത്തി­ന്റെ തോ­ത്‌ ഇത്ത­രം വന്‍­പ­ദ്ധ­തി­കള്‍ കാ­ര­ണം കൂ­ടു­ക­യേ­യു­ള്ളൂ. ഇത്‌ പൊ­തു­രം­ഗ­ത്ത്‌ ദൂ­ര­വ്യാ­പ­ക­മായ ഫല­ങ്ങള്‍ ഉള­വാ­ക്കി­യേ­ക്കും­.ആ­യ­തു­കൊ­ണ്ട്‌ കേ­രള സം­സ്ഥാന ജൈ­വ­വൈ­വി­ധ്യ ബോര്‍­ഡ്‌ ആഹ്വാ­നം ചെ­യ്യു­ന്ന­ത്‌ നി­ല­വി­ലി­രി­ക്കു­ന്ന നി­യ­മ­ങ്ങ­ളേ­യും നി­യ­ന്ത്ര­ണ­ങ്ങ­ളേ­യും കാ­റ്റില്‍ പറ­ത്തി­ക്കൊ­ണ്ട്‌ സര്‍­ക്കാര്‍ ഇത്ത­ര­മൊ­രു വി­ക­സ­ന­സം­രം­ഭ­ത്തി­നു­വേ­ണ്ടി വള­ന്ത­ക്കാ­ട്ടെ പരി­സ്ഥി­തി­മേ­ഖ­ല­യെ ബലി­യാ­ടാ­ക്ക­രു­തെ­ന്നാ­ണ്‌.

keraleeyam_masthead.jpg
ഒ­രു ­കേ­ര­ളീ­യം­ ലേ­ഖ­നം­. വാ­യ­ന­ക്കാ­രു­ടെ­യും പരി­സ്ഥി­തി പ്ര­വര്‍­ത്ത­ക­രു­ടെ­യും സഹ­ക­ര­ണ­ത്തോ­ടെ പതി­നൊ­ന്നു­വര്‍­ഷ­മാ­യി തൃ­ശു­രു­നി­ന്ന് പ്ര­സി­ദ്ധീ­ക­രി­ക്കു­ന്ന പരി­സ്ഥി­തി മാ­സി­ക­യാ­ണ് കേ­ര­ളീ­യം. സം­സ്ഥാ­ന­ത്തി­ന്റെ വി­വിധ ഭാ­ഗ­ങ്ങ­ളില്‍ നട­ക്കു­ന്ന പരി­സ്ഥി­തി സമ­ര­ങ്ങ­ളെ­യും, കൂ­ട്ടാ­ഴ്മ­ക­ളെ­യും അട­യാ­ള­പ്പെ­ടു­ത്തുക എന്ന ദൌ­ത്യ­മാ­ണ് ഈ പ്ര­സി­ദ്ധീ­ക­ര­ണ­ത്തി­നു­ള്ള­ത്. കേ­ര­ളീ­യ­ത്തില്‍ പ്ര­സി­ദ്ധീ­ക­രി­ക്കു­ന്ന ലേ­ഖ­ന­ങ്ങ­ളും മറ്റ് എഴു­ത്തു­ക­ളും malayal.amല്‍ വാ­യി­ക്കാ­വു­ന്ന­താ­ണ്. കേ­ര­ളീ­യം മാ­സി­ക­യ്ക്കും അതാ­തു ലേ­ഖ­ക­ന്മാര്‍­ക്കും പകര്‍­പ്പ­വ­കാ­ശ­മു­ള്ള ഈ ലേ­ഖ­ന­ങ്ങ­ളു­ടെ പൂര്‍­ണ്ണ ഉത്ത­ര­വാ­ദി­ത്വം കേ­ര­ളീ­യ­ത്തി­നാ­ണ്. മല­യാ­ളം (malayal.am) ന്യൂ­സ് പോര്‍­ട്ട­ലി­ന് ഈ വി­ഷ­യ­ങ്ങ­ളില്‍ ഇതേ അഭി­പ്രാ­യ­മാ­യി­ക്കൊ­ള്ള­ണ­മെ­ന്നി­ല്ല. കേ­ര­ളീ­യ­ത്തി­ന്റെ മേല്‍­വി­ലാ­സം : കേ­ര­ളീ­യം, കൊ­ക്കാ­ലെ, തൃ­ശൂര്‍ ‍- 21 : 9446576943, 9446586943, 0487-2421385 e-mail : robinkeraleeyam@gmail.com

0 Comments

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
5 + 3 =
Solve this simple math problem and enter the result. E.g. for 1+3, enter 4.
To prevent automated spam submissions leave this field empty.
feedback