ലണ്ടന്: 2012ലെ യൂറോ കപ്പ് ഫുട്ബോളിനുളള യോഗ്യതാ മത്സരങ്ങള്ക്ക് ഇന്ന് തുടക്കമാവും. യൂറോപ്പിലെ മുന്നിര ടീമുകളെല്ലാം ഇന്ന് കളത്തിലിറങ്ങും. 51 ടീമുകളാണ് യോഗ്യതാ റൗണ്ടില് മത്സരിക്കുന്നത്. സ്പെയ്നാണ് നിലവിലെ ചാമ്പ്യന്മാര്. 2012 ജൂണ് എട്ട് മുതല് ജൂലൈ ഒന്നു വരെ പോളണ്ടിലും ഉക്രൈനിലുമായാണ് യൂറോ കപ്പ് നടക്കുക. എട്ടു വേദികളിലായി നടക്കുന്ന ടൂര്ണമെന്റിലേക്ക് 16 ടീമുകളാണ് യോഗ്യത നേടുക.
കിരീടം നിലനിറുത്താന് ഒരുങ്ങുന്ന സ്പെയ്ന് ആദ്യ മത്സരത്തില് ലീചെന്സ്റ്റെയ്നാണ് എതിരാളികള്. ലോകകപ്പ് നേടിയ ടീമിനെ തന്നെയാണ് സ്പെയ്ന് യോഗ്യതാ മത്സരത്തിനും അണിനിരത്തുന്നത്. ലോകകപ്പ് ഫൈനലിസ്റ്റുകളായ ഹോളണ്ട് സാന് മാരിനോയെയും ഇംഗ്ലണ്ട് ബള്ഗേറിയയേയും ജര്മനി ബല്ജിയത്തെയും പോര്ട്ടുഗല് സൈപ്രസിനെയും ഫ്രാന്സ് ബെലാറസിനെയും ഇറ്റലി എസ്റ്റോണിയയെയും ഗ്രീസ് ജോര്ജിയയെയും നേരിടും.
ലോകകപ്പില് മിന്നുംകുതിപ്പ് നടത്തിയ യുവനിരയെ തന്നെയാണ് ജര്മനി കളത്തിലിറക്കുന്നത്. ഇറ്റലിയും ഫ്രാന്സും പുതിയ കോച്ചുമാര്ക്ക് കീഴില് ടീമിനെ ഉടച്ചുവാര്ത്താണ് എത്തുന്നത്. ഇംഗ്ലണ്ട് ടീമിലും കാര്യമായ മാറ്റമൊന്നുമില്ല.
.jpg)
.JPG)
