നാസ്കോംവഴി മൈക്രോസോഫ്റ്റ്, ലിനെക്സിനെ അട്ടിമറിക്കാന്‍ പുതിയ തന്ത്രം

ഇന്‍­ഫര്‍­മേ­ഷന്‍ ടെ­ക്നോ­ള­ജി സം­ഘ­ട­ന­യായ ­നാ­സ്കോം­ സര്‍­ക്കാ­രി­ത­ര­സം­ഘ­ട­ന­കള്‍­ക്ക്, അഥ­വാ, എന്‍­ജി­ഒ­കള്‍­ക്ക് ­മൈ­ക്രോ­സോ­ഫ്റ്റ് ഓഫീ­സ് 2010 സൗ­ജ­ന്യ­മാ­യി നല്‍­കു­ന്നു. സം­ഘ­ട­ന­യു­ടെ സന്ന­ദ്ധ­സേ­വന സം­വി­ധാ­ന­മായ നാ­സ്കോം ഫൗ­ണ്ടേ­ഷന്‍ വഴി­യാ­ണ് ഐ.­ടി. മേ­ഖ­ല­യില്‍ ദൂ­ര­വ്യാ­പ­ക­മായ പ്ര­ത്യാ­ഘാ­ത­ങ്ങ­ളു­ള­വാ­ക്കു­ന്ന ഈ ഉപ­ഹാ­ര­നീ­ക്കം നട­ക്കു­ന്ന­ത്.

ഈ സേ­വ­നം ആവ­ശ്യ­മു­ള്ള എന്‍­ജി­ഒ­കള്‍ www.BiGTech.in എന്ന സൈ­റ്റി­ലൂ­ടെ തങ്ങ­ളു­ടെ അപേ­ക്ഷ­കള്‍ സമര്‍­പ്പി­ച്ചാല്‍ മാ­ത്രം മതി. അവ­രു­ടെ സി­സ്റ്റ­ങ്ങ­ളില്‍ മൈ­ക്രോ­സോ­ഫ്റ്റ് ഓഫീ­സി­ന്റെ ഏറ്റ­വും പു­തിയ വേര്‍­ഷന്‍ സം­വി­ധാ­നം ചെ­യ്തു­കൊ­ടു­ക്കും. ­മൈ­ക്രോ­സോ­ഫ്റ്റ് ഓഫീ­സ് സ്യൂ­ട്ടി­ന് 18,000 രൂ­പ­യി­ലേ­റെ വി­ല­യീ­ടാ­ക്കി മാ­ത്രം പൊ­തു­വി­പ­ണി­യില്‍ വി­ത­ര­ണം ചെ­യ്യു­മ്പോ­ഴാ­ണ് ഇത്ത­രം വമ്പി­ച്ചൊ­രു സൗ­ജ­ന്യ­പ­രി­പാ­ടി ആസൂ­ത്രി­ത­മാ­കു­ന്ന­ത്. മൈ­ക്രോ­സോ­ഫ്റ്റ് വേ­ഡ്, എക്സല്‍, പവര്‍­പോ­യി­ന്റ് തു­ട­ങ്ങി ഡോ­ക്യു­മെ­ന്റേ­ഷന്‍, സ്പ്രെ­ഡ്ഷീ­റ്റ്, പ്ര­സ­ന്റേ­ഷന്‍ ആവ­ശ്യ­ങ്ങള്‍­ക്ക് ഉപ­യു­ക്ത­മാ­കു­ന്ന യൂ­ട്ടി­ലി­റ്റി­ക­ളാ­ണ് ഇങ്ങ­നെ സൌ­ജ­ന്യ­മാ­യി ലഭി­ക്കു­ക.

­വിന്‍­ഡോ­സ് 7 ഓപ്പ­റേ­റ്റി­ങ് സി­സ്റ്റം ഒരു സി­സ്റ്റ­ത്തില്‍ ഇന്‍­സ്റ്റോള്‍ ചെ­യ്യു­ന്ന­തി­ന് 11,000 രൂ­പ­യാ­ണ് ലൈ­സന്‍­സ് ഫീ ഈടാ­ക്കു­ന്ന­ത്. ഇന്ത്യ­യില്‍ പൈ­റ­സി വ്യാ­പ­ക­മാ­ണെ­ങ്കി­ലും എന്‍­ജി­ഒ­കള്‍­ക്കും മറ്റും റെ­യ്ഡ് ഭയ­ന്ന് ഒറി­ജി­നല്‍ വേര്‍­ഷന്‍ തന്നെ ഉപ­യോ­ഗി­ക്കേ­ണ്ടി­വ­രു­ന്നു. ഇതി­നു­പു­റ­മേ ഓഫീ­സ് സ്യൂ­ട്ട് കൂ­ടി പണം കൊ­ടു­ത്തു­വാ­ങ്ങ­ണ­മെ­ങ്കില്‍ വീ­ണ്ടും 18,000 രൂപ ഒറ്റ സി­സ്റ്റ­ത്തി­നു­വേ­ണ്ടി മാ­ത്രം മു­ട­ക്കേ­ണ്ടി­വ­രു­ന്നു. ഹാര്‍­ഡ്‌­വെ­യര്‍ കോ­സ്റ്റി­നു പു­റ­മേ, സോ­ഫ്റ്റ്‌­വെ­യര്‍ ഡി­പ്ലോ­യ്‌­മെ­ന്റി­ന് ഇത്ര­യും ഭീ­മ­മായ തുക ആവ­ശ്യ­മാ­യി വരു­ന്ന­തു­മൂ­ലം എന്‍­ജി­ഒ­കള്‍ സ്വ­ത­ന്ത്ര ഓപ്പ­റേ­റ്റി­ങ് സി­സ്റ്റ­മായ ഗ്നൂ ലി­ന­ക്സി­ലേ­ക്കും സ്വ­ത­ന്ത്ര ഓഫീ­സ് സ്യൂ­ട്ടായ ഓപ്പണ്‍ ഓഫീ­സി­ലേ­ക്കും മറ്റും തി­രി­യാന്‍ തു­ട­ങ്ങി­യ­തോ­ടെ­യാ­ണ് തങ്ങ­ളു­ടെ മാര്‍­ക്ക­റ്റ് സാ­ന്നി­ദ്ധ്യം നി­ല­നിര്‍­ത്താ­നും കൂ­ടു­തല്‍ പേ­രെ തങ്ങ­ളു­ടെ ഉത്പ­ന്ന­ങ്ങ­ളില്‍ മാ­ത്ര­മാ­യി കു­ടു­ക്കി­യി­ടാ­നു­മാ­യി വി­വിധ സൌ­ജ­ന്യ­ങ്ങ­ളു­മാ­യി മൈ­ക്രോ­സോ­ഫ്റ്റ് ഇറ­ങ്ങി­യി­രി­ക്കു­ന്ന­ത്. ഇന്ത്യ­യി­ലെ സോ­ഫ്റ്റ്‌­വെ­യര്‍ വ്യ­വ­സാ­യി­ക­ളു­ടെ സം­ഘ­ട­ന­യായ നാ­സ്കോം, അവ­രു­ടെ ഫൌ­ണ്ടേ­ഷന്‍ വഴി, ഈ പ്രൊ­പ്രൈ­റ്റ­റി താ­ത്പ­ര്യ­ങ്ങള്‍­ക്ക് കു­ട­പി­ടി­ക്കു­ക­യാ­ണെ­ന്ന ആരോ­പ­ണം ഇതി­നോ­ട­കം ഉയര്‍­ന്നു­ക­ഴി­ഞ്ഞു. സ്വാ­ത­ന്ത്ര്യ­ത്തെ സൌ­ജ­ന്യം­വ­ഴി മറി­ക­ട­ക്കാ­നാ­ണ് ശ്ര­മം­.

­മൈ­ക്രോ­സോ­ഫ്റ്റ­ട­ക്കം നാ­ല­ഞ്ചു വമ്പന്‍ ഐടി കോര്‍­പ്പ­റേ­റ്റ് ഭീ­മ­ന്മാ­രു­ടെ സൗ­ജ­ന്യ­പ­ദ്ധ­തി­കള്‍­ക്കു ചു­ക്കാന്‍ പി­ടി­ക്കു­ന്ന ബി­ഗ്ടെ­ക്കാ­ണ് നാ­സ്കോം ഫൌ­ണ്ടേ­ഷ­നു­വേ­ണ്ടി ഈ പദ്ധ­തി­യു­ടെ­യും നട­ത്തി­പ്പ് ഏറ്റെ­ടു­ത്തി­രി­ക്കു­ന്ന­ത്. രാ­ജ്യ­ത്ത് 880 എന്‍­ജി­ഒ­കള്‍ ബി­ഗ്ടെ­ക്കില്‍ രജി­സ്ട്രേ­ഷ­നു­ള്ള­വ­യാ­യു­ണ്ട്. ഇതു­വ­രെ 6 കോ­ടി മതി­ക്കു­ന്ന സോ­ഫ്റ്റ്‌­വെ­യര്‍ സം­ഭാ­വ­ന­കള്‍ ബി­ഗ്ടെ­ക് ചെ­യ്തു­ക­ഴി­ഞ്ഞി­ട്ടു­ണ്ട്. ഇതില്‍ മൈ­ക്രോ­സോ­ഫ്റ്റ് ഓഫീ­സി­ന്റെ 2003, 2007 വേര്‍­ഷ­നു­കള്‍ നല്കി­യ­തും ഉള്‍­പ്പെ­ടു­ന്നു­.

­സോ­ഫ്റ്റ്‌­വെ­യര്‍ പൈ­റ­സി ഇല്ലാ­താ­ക്കു­ന്ന­തി­നു­ള്ള ശ്ര­മ­ത്തി­ന്റെ ഭാ­ഗ­മാ­യാ­ണ് ഈ സൗ­ജ­ന്യ­സേ­വ­നം എന്നാ­ണു മൈ­ക്രോ­സോ­ഫ്റ്റി­ന്റെ­യും ബി­ഗ്ടെ­ക്കി­ന്റെ­യും ഉന്ന­തര്‍ പറ­യു­ന്ന­തെ­ങ്കി­ലും, പൈ­റ­സി­യേ ആവ­ശ്യ­മി­ല്ലാ­ത്ത ­സ്വ­ത­ന്ത്ര­സോ­ഫ്റ്റ്‌­വെ­യര്‍ ലോ­ക­ത്തെ കീ­ഴ­ട­ക്കാ­തി­രി­ക്കാ­നു­ള്ള ഉപ­ജാ­പ­ക­മാ­യി­ട്ടേ ഈ നീ­ക്ക­ത്തെ പല­രും കാ­ണു­ന്നു­ള്ളൂ­.

0 Comments

Post new comment

The content of this field is kept private and will not be shown publicly.
CAPTCHA
This question is for testing whether you are a human visitor and to prevent automated spam submissions.
1 + 7 =
Solve this simple math problem and enter the result. E.g. for 1+3, enter 4.
To prevent automated spam submissions leave this field empty.
feedback