ദേവസ്വം ബോര്ഡ് തെരഞ്ഞെടുപ്പുമായി ബന്ധപ്പെട്ടു് ബോര്ഡംഗങ്ങളെ ഹിന്ദു എംഎല്എമാര് വോട്ടുചെയ്തു തെരഞ്ഞെടുക്കുന്ന വ്യവസ്ഥയ്ക്കെതിരെ ബല്റാം ഉയര്ത്തിയ വിമര്ശനം ഫേസ്ബുക്കിലും പുറത്തും വലിയ ചര്ച്ചയായിക്കഴിഞ്ഞിരിക്കുന്നു. ഇത്തരം നിലപാടുകള് കോണ്ഗ്രസിലെ തന്റെ സ്ഥാനത്തിനു് ഇളക്കമുണ്ടാക്കാം എന്നതുകൊണ്ടുതന്നെ (ഒരു വള്ളത്തില് രണ്ടാന്റണിയോ? ആരവിടെ...) വിപ്പിനു വഴങ്ങുമ്പോള് പോലും അതു സ്വേച്ഛയാലല്ല എന്നു തുറന്നുപറയാന് മടികാട്ടാത്തതിലൂടെ ബല്റാം ഒരു റിസ്ക് എടുക്കുന്നുണ്ടു് എന്നു് പലരും വിശ്വസിക്കുന്നു. എന്നാല് ഇതില് എന്തു തുടര്ച്ചയുണ്ടാവുന്നു എന്നു കൂടി നോക്കിയിട്ടു് മാത്രമേ, അതു് കേരളപൊളിറ്റിയില് ഗുണപരമായ പോളറൈസേഷനു് ഇടയാക്കുന്നുവോ എന്നുറപ്പിക്കാന് കഴിയൂ.
