സാമ്പത്തികം

കണക്കുകള്‍ പരിശോധിച്ചു വളരെ പിന്നിലേക്ക് പോയാല്‍ ചിലപ്പോള്‍ കേരളത്തിലുള്ള ചിട്ടിക്കമ്പനികളെ എണ്ണത്തില്‍ തോല്പ്പിക്കാന്‍ മറ്റു സംസ്ഥാനങ്ങളിലെ മുഴുവന്‍ ചിട്ടി കമ്പനികളും മതിയാവില്ല. ചിട്ടിചരിതം; ഒന്നാം ഖണ്ഡം എന്ന ആദ്യ ലേഖനം സൂചിപ്പിച്ചതു പോലെ മുളച്ചു പൊങ്ങുന്ന കൂണുകള്‍ പോലെയാണ് കേരളത്തില്‍ ചിട്ടികമ്പനികള്‍ പെരുകുന്നത്.

കേരളത്തില്‍ പൊതുവെയുള്ള ധാരണ ആത്മീയതയാണ് ഏറ്റവും മൂല്യമുള്ള ചരക്കെന്നാണ്. എന്നാല്‍ ആത്മീയതയെപ്പോലും എടുക്കാച്ചരക്കാക്കാന്‍ പോന്ന കച്ചവടമൂല്യം പണത്തിനു തന്നെയാണെന്നതാണു് അധികമാരും ശ്രദ്ധിക്കാതെ പോകുന്ന വസ്തുത. ഇടിവെട്ടി മഴപെയ്യുമ്പോള്‍ കൂണുകള്‍ മുളച്ചുപൊന്തുംപോലെയാണ്, ഏതാനും മാസങ്ങളായി ടി.വി ചാനലുകളില്‍ ചിട്ടിപ്പരസ്യങ്ങള്‍ പെരുകുന്നത്. അക്ഷരാര്‍ത്ഥത്തില്‍ ചിട്ടിക്കമ്പനികളുടെ ബാന്‍ഡ് വാഗണ്‍!

സാധാരണയായി സര്‍ക്കാര്‍/പൊതുമേഖലാ സ്ഥാപനങ്ങളുടെ തൊഴിലവസരം ആകര്‍ഷകമായി തോന്നുന്നത്, ആ ജോലി നല്‍കുന്ന നിശ്ചിതമായ ഉറപ്പുള്ള വരുമാനവും ഒപ്പം റിട്ടയര്‍മെന്റാനന്തരം ഒരു നിശ്ചിത തുക മുടക്കമില്ലാതെ പെന്‍ഷന്‍ ആയി കിട്ടുമെന്നതുമാണ്. ഈ സാമൂഹിക സുരക്ഷിതത്വം തന്നെയാണ് സര്‍ക്കാര്‍ രംഗത്തെ തൊഴിലിനെ എല്ലാവരും താത്പര്യത്തോടെ കാണാനുള്ള കാര്യങ്ങളില്‍ ഒന്ന്. എന്നാല്‍ നേരേ എതിര്‍വശത്ത് നില്‍ക്കുന്ന സ്വകാര്യ മേഖലയില്‍ പിരിച്ചുവിടല്‍ ഭീഷണി വാളായി തലയ്ക്ക് മുകളില്‍ തൂങ്ങുന്നു എന്നത് മാത്രമല്ല, വയസുകാലത്ത് കൃത്യമായ ഒരു തുക സഹായമായി കിട്ടാനുള്ള സാധ്യത വളരെ അപൂര്‍വമാണ്.

അടുത്ത വര്‍ഷം തന്നെ ആഗോളവ്യാപകമായി വലിയൊരു സാമ്പത്തികമാന്ദ്യം വീശിയടിക്കുമെന്നും കഴിഞ്ഞതവണ പിടിച്ചുനിന്ന ഇന്ത്യ പോലുള്ള രാജ്യങ്ങള്‍ പോലും ഈ രണ്ടാം മാന്ദ്യക്കൊടുങ്കാറ്റില്‍ കടപുഴകുമെന്നും വിലയിരുത്തല്‍. ഐക്യരാഷ്ട്രസഭ (യു.എന്‍.) ആണ് ഇത്തരമൊരു മുന്നറിയിപ്പു നല്‍കുന്നതെന്നതിനാല്‍ സംഭവം കൂടുതല്‍ ഗുരുതരമാണ്. ഇന്ത്യയുടെയും ചൈനയുടെയും കുതിച്ചുനീങ്ങുന്ന സമ്പദ്ഘടനകള്‍ക്കുവരെ ഈ കാലയളവില്‍ കടുത്ത തളര്‍ച്ചയനുഭവപ്പെടുമെന്നാണ് യു.എന്‍. റിപ്പോര്‍ട്ട്.

ജയ്പൂര്‍: പണപ്പെരുപ്പം നിയന്ത്രണവിധേയമാക്കാനുള്ള നിരവധി നടപടികള്‍ക്കിടയിലും നാണ്യപ്പെരുപ്പം ആശങ്കാജനകമായിത്തന്നെ തുടരുന്നുവെന്ന് റിസര്‍വ് ബാങ്ക് ഗവര്‍ണര്‍ ഡി സുബ്ബറാവു പറഞ്ഞു. റിസര്‍വ് ബാങ്കിന്റെ കേന്ദ്ര കമ്മിറ്റി യോഗത്തിനു ശേഷം ജയ്പൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

വാഷിംഗ്ടണ്‍: ലോകം വീണ്ടും സാമ്പത്തികമാന്ദ്യത്തിലേക്കാണോ എന്നു സംശയമുണരുന്നു. ആഗോളനിലയിലുള്ള സാമ്പത്തിക രംഗത്തെ വളര്‍ച്ചയില്‍ രാജ്യാന്തര നാണ്യനിധി (ഐ.എം.എഫ്) ആശങ്ക രേഖപ്പെടുത്തിയതാണ് വീണ്ടും മാന്ദ്യഭീഷണിയുയരുമോ എന്ന ഭയത്തിലേക്ക് ലോകത്തെ കൂട്ടിക്കൊണ്ടുപോകുന്നത്.

മുംബൈ: റിസര്‍വ് ബാങ്ക് റിപോ, റിവേഴ്‌സ് റിപോ നിരക്കുകളില്‍ വീണ്ടും അര ശതമാനം വര്‍ധിപ്പിച്ചു. കഴിഞ്ഞ മൂന്നുമാസത്തിനുള്ളില്‍ ഇത് മൂന്നാം തവണയാണ് ബാങ്ക് നിരക്കുകളില്‍ വര്‍ധന വരുത്തുന്നത്. പണപ്പെരുപ്പം നിയന്ത്രിക്കുന്നതിനുള്ള നടപടികളുടെ ഭാഗമാണിതെന്ന് റിസര്‍വ് ബാങ്ക് ഗവര്‍ണര്‍ ഡി സുബ്ബറാവു പറഞ്ഞു. ഇതോടെ വ്യക്തിഗത വായ്പകളുടെയും വ്യാവസായിക വായ്പകളുടെയും പലിശ നിരക്കില്‍ വര്‍ധനയുണ്ടാകും.

മുംബൈ: പണപ്പെരുപ്പം നിയന്ത്രിക്കുന്നതിന്റെ ഭാഗമായി റിസര്‍വ് ബാങ്ക് വായ്പാ നിരക്കുകളില്‍ 25 ബേസിസ് പോയിന്റ് വര്‍ധന വരുത്തി. റിപ്പോ നിരക്ക് 7.50 ശതമാനമായും റിവേഴ്‌സ് റിപ്പോ നിരക്ക് 6.5 ശതമാനമായുമാണ് വര്‍ധിപ്പിച്ചിരിക്കുന്നത്. ഇതോടെ ഭവനവായ്പ, വാഹന വായ്പ തുടങ്ങി വിവിധ വായ്പകളുടെ പ്രതിമാസ പലിശനിരക്ക് വര്‍ധിക്കും. 2010 മാര്‍ച്ചിനു ശേഷം ഇത് 10-ാം തവണയാണ് നിരക്കുകളില്‍ റിസര്‍വ് ബാങ്ക് വര്‍ധന വരുത്തുന്നത്.

പി സി സിറിയക് ഫെഡറല്‍ ബാങ്കിന്റെ ചെയര്‍മാനായി നിയമിതനായി. ഐ എ എസ് ഉദ്യോഗസ്ഥനായിരുന്ന പി സി സിറിയക് 2004 സപ്തംബര്‍ മുതല്‍ ബാങ്കിന്റെ ഡയറക്ടര്‍ ബോര്‍ഡ് അംഗമാണ്. 35 വര്‍ഷം നീണ്ട സര്‍ക്കാര്‍ ജീവിതത്തിനിടെ കൊമേഷ്യല്‍ ടാക്‌സസിലെ പ്രിന്‍സിപ്പല്‍ കമ്മീഷണര്‍, തമിഴ് നാട് വ്യവസായ വകുപ്പ് പ്രിന്‍സിപ്പല്‍ സെക്രട്ടറി, തമിഴ്‌നാട് ഇന്‍ഡസ്ട്രിയല്‍ എക്‌സ്‌പ്ലോസീവിന്റെ ചെയര്‍മാനും മാനേജിങ് ഡയറക്ടറും, തമിഴ്‌നാട് വൈദ്യുതി ബോര്‍ഡിന്റെ ചെയര്‍മാന്‍, റബര്‍ ബോര്‍ഡ് ചെയര്‍മാന്‍ തുടങ്ങിയ പല പദവികളിലും പി സി സിറിയക് സേവനമനുഷ്ടിച്ചിട്ടുണ്ട്. ജീവന്‍ ടിവിയുടെ മാനേജിങ് ഡയറക്ടറായും പ്രവര്‍ത്തിച്ചിട്ടുണ്ട്.

മുംബൈ : ഇന്ത്യന്‍ ക്രെഡിറ്റ് കാര്‍ഡിനു പേരു നിശ്ചയിച്ചു. റുപിയ എന്നാണ് ഉടനെ പ്രാബല്യത്തിലാകുന്ന ഇന്ത്യന്‍ ക്രെഡിറ്റ് കാര്‍ഡിന്റെ പേര്. രണ്ടു വര്‍ഷത്തെ കാത്തിരിപ്പിനൊടുവിലാണ് റുപിയയുടെ ആവിര്‍ഭാവം. റുപിയ പുറത്തിറക്കുന്ന നാഷണല്‍ പെയ്മെന്‍റ് കോര്‍പ്പറേഷന്‍ റുപിയയുടെ അന്തിമ രൂപമായെന്ന് അറിയിച്ചു. വാണിജ്യാടിസ്ഥാനത്തില്‍ റുപിയ പുറത്തിറങ്ങുന്നതു ഉടനുണ്ടാകുമെന്നും അറിയിപ്പില്‍ പറയുന്നു.

Tuesday, May 22, 2012