മറുനാട്

ലണ്ടനില്‍ മലയാളിവക സാമ്പത്തികത്തട്ടിപ്പ്. മലയാളികളില്‍നിന്നു തന്നെ ഒന്നരക്കോടിയോളം രൂപ തട്ടിയെടുത്ത മലയാളി തട്ടിപ്പുവീരനാണ് പണവുമായി കേരളത്തിലേക്ക് മുങ്ങിയതായി റിപ്പോര്‍ട്ട്.

അഫ്ഗാനിസ്ഥാനില്‍ ഗസിനിയില്‍ അമ്മയെയും മകളെയും കല്ലെറിഞ്ഞും ദ്രോഹിച്ചും ഒടുവില്‍ വെടിവെച്ചും കൊന്ന് താലിബാന്‍ ക്രൂരത വീണ്ടും. അവിഹിതബന്ധങ്ങള്‍ ആരോപിച്ചാണ് കൊലകള്‍ അരങ്ങേറിയത്. വീട്ടിനുള്ളില്‍ കയറി അമ്മയെയും മകളെയും വലിച്ചിറക്കി തെരുവിലൂടെ കല്ലെറിഞ്ഞോടിച്ച് ഒടുവില്‍ കൊലപ്പെടുത്തുകയായിരുന്നു.

പോപ്പ് സംഗീതധാരയിലെ ഇതിഹാസതാരം മൈക്കല്‍ ജാക്‌സനെ അദ്ദേഹത്തിന്റെ സ്വകാര്യ ഡോക്ടര്‍ ചികിത്സിച്ചു കൊന്നതുതന്നെയാണ് എന്ന് കോടതിയുടെ കണ്ടെത്തല്‍. അന്ത്യനിമിഷങ്ങളില്‍ അദ്ദേഹത്തെ ചികിത്സിച്ച ഡോക്ടര്‍ കോണ്‍റാഡ് മുറെ ചികിത്സാപ്പിഴവിന്റെ കാര്യത്തില്‍ കുറ്റക്കാരനാണെന്നു വിധി പറഞ്ഞ കോടതി ബോധപൂര്‍വ്വമല്ലാത്ത നരഹത്യ എന്ന കുറ്റമാണ് അദ്ദേഹത്തിനുമേല്‍ ചുമത്തിയിരിക്കുന്നത്. ശിക്ഷ പിന്നീട് വിധിക്കും. ലോസ് ആഞ്ജലസ് കോടതിയാണ് നിര്‍ണായകമായ വിധി പുറപ്പെടുവിച്ചത്.

ഇന്ത്യന്‍ തൊഴിലന്വേഷകരുടെയും തൊഴില്‍ സംരംഭകരുടെയും പറുദീസകളിലൊന്നായ സിംഗപ്പൂറില്‍ വിസാനിയമങ്ങള്‍ കര്‍ക്കശമാക്കുന്നു. സിംഗപ്പൂരിലെ മൊത്തം ജനസംഖ്യയുടെ 9.2 ശതമാനം, അഥവാ, 3,53,000 പേര്‍ ഇന്ത്യക്കാരാണ്. ഇത്രയും വലിയൊരു തൊഴില്‍മേഖലയായിരിക്കെ, അവിടത്തെ കുടിയേറ്റ, വിസാ നിയമങ്ങള്‍ കര്‍ക്കശമാക്കുന്നത് ഏറ്റവുമേറെ ബാധിക്കുക ഇന്ത്യന്‍ തൊഴിലന്വേഷകരെയായിരിക്കുമെന്നതില്‍ സംശയമില്ല.

ലണ്ടന്‍: ഒഐസിസി യുകെയുടെ ആഭിമുഖ്യത്തില്‍ ലണ്ടനില്‍ കേരളപ്പിറവിയും ബക്രീദും സംയുക്തമായി ആഘോഷിക്കുന്നു. നവംബര്‍ എട്ട് ചൊവ്വാഴ്ച കേരള ടൂറിസം മന്ത്രി എ.പി. അനില്‍കുമാര്‍ ഉദ്ഘാടനം ചെയ്യും. യുകെയില്‍ നിന്നും കേരളത്തില്‍ നിന്നുമുള്ള പ്രതിനിധികള്‍ ആഘോഷങ്ങളില്‍ പങ്കെടുക്കും.

മാഞ്ചസ്റ്റര്‍: ഒഐസിസി യുകെയുടെ ആഭിമുഖ്യത്തില്‍ മാഞ്ചസ്റ്ററില്‍ നടത്തിയ ഗാന്ധിജയന്തിയാഘോഷം പ്രവാസിമലയാളികള്‍ക്ക് മാതൃകയായി. ഗാന്ധിജയന്തി ദിനമായ ഒക്ടോബര്‍ രണ്ടിന് രാവിലെ 9.30 മുതല്‍ ഉച്ചകഴിഞ്ഞ് 2 വരെയാണ് പരിപാടി നടന്നത്. രജിസ്ട്രേഷനോടുകൂടി ആരംഭിച്ച പരിപാടിയില്‍ മിഠായി നല്‍കിയാണ് ഓരോവ്യക്തിയെയും അനുസ്മരണവേദിയിലേയ്ക്ക് സ്വീകരിച്ചത്.

അമേരിക്കന്‍ വൈസ് പ്രസിഡന്റ് ജോ ബൈഡന്റെ അനുജന്‍ ഫ്രാന്‍സിസ് ബൈഡന് വന്ന അജ്ഞാതതപാല്‍ ആന്താക്സ് അടങ്ങിയതാണെന്നു തിരിച്ചറിഞ്ഞു. ഇതോടെ ഇടക്കാലത്ത് അമേരിക്കയെ ഭീതിയിലാഴ്ത്തിയ ആന്ത്രാക്സ് അണുഭീതി വീണ്ടും ആരംഭിച്ചു. ഇത്തവണ പ്രതിസ്ഥാനത്ത് ഇന്ത്യയും ഇന്ത്യക്കാരുമാണെന്നതാണ് ഇന്ത്യന്‍ തലവേദനയാകുന്നത്.

സൗദി അറേബ്യയിലെ കാര്യം കുറച്ചു കടുപ്പം തന്നെ. ലോകം മുഴുവന്‍ മാറിയിട്ടും മാറില്ലെന്നു നെടുങ്കട്ടായം പിടിച്ചുനില്‍ക്കുകയാണ് ഈ മതരാഷ്ട്രം. സ്ത്രീകള്‍ വാഹനം ഓടിക്കുന്നതു നിയമം മൂലം നിരോധിച്ചിരിക്കുകയാണ് ഈ രാജ്യത്ത്. എന്നാലും എല്ലാം ആഗോളീകൃതമായ ഈ കാലത്തും ഈ നിയമം നിലനില്‍ക്കുന്നതു കടുപ്പം.

പാരിസ്: പൊതുനിരത്തില്‍ മുഖാവരണം ധരിക്കുന്നതിനെ വിലക്കിയ ഫ്രഞ്ച് സര്‍ക്കാരിനെതിരെ പുതിയ സമരപരിപാടിയുമായി ഒരു സ്ത്രീ. അടുത്തവര്‍ഷത്തെ തിരഞ്ഞെടുപ്പില്‍ പ്രസിഡന്റ് സ്ഥാനാര്‍ത്ഥിയായി മത്സരിക്കുമെന്നാണ് കെന്‍സ ഡ്രൈഡര്‍ എന്ന മുഖാവരണ അനുകൂലി മുന്നറിയിപ്പു നല്‍കുന്നത്.

വാഷിംഗ്ടണ്‍: സാമ്പത്തിക പ്രതിസന്ധി മറികടക്കുന്നതിനായി വിക്കിലീക്‌സ് സ്ഥാപകന്‍ ജൂലിയന്‍ അസാന്‍ജെ സ്വകാര്യവസ്തുക്കള്‍ ലേലത്തിനു വയ്ക്കുന്നു. അമേരിക്കന്‍ നയതന്ത്ര രഹസ്യങ്ങള്‍ പുറത്തുവിട്ട അസാന്‍ജെയുടെ ലാപ്‌ടോപ്പ്, ജയിലിലായിരുന്നപ്പോള്‍ ഉപയോഗിച്ചിരുന്ന കോഫി സഞ്ചി, അസാന്‍ജെയുടെ കൈയ്യൊപ്പോടുകൂടിയ ഐക്യരാഷ്ട്രസഭയേക്കുറിച്ചുള്ള വെളിപ്പെടുത്തലുകള്‍ അടങ്ങിയ രഹസ്യരേഖകള്‍, ഫോട്ടോഗ്രാഫുകള്‍ തുടങ്ങി അസാന്‍ജെയുടെ പത്തു സ്വകാര്യ ശേഖരങ്ങളാണ് ലേലത്തിനുവയ്ക്കുന്നത്.

Tuesday, May 22, 2012