ഗള്‍ഫ് | Malayal.am

സൗദി അറേബ്യയിലെ കാര്യം കുറച്ചു കടുപ്പം തന്നെ. ലോകം മുഴുവന്‍ മാറിയിട്ടും മാറില്ലെന്നു നെടുങ്കട്ടായം പിടിച്ചുനില്‍ക്കുകയാണ് ഈ മതരാഷ്ട്രം. സ്ത്രീകള്‍ വാഹനം ഓടിക്കുന്നതു നിയമം മൂലം നിരോധിച്ചിരിക്കുകയാണ് ഈ രാജ്യത്ത്. എന്നാലും എല്ലാം ആഗോളീകൃതമായ ഈ കാലത്തും ഈ നിയമം നിലനില്‍ക്കുന്നതു കടുപ്പം.

ദുബായ്: ക്രിക്കറ്റ് വേള്‍ഡ് കപ്പ് 2011 ന്റെ പരിപൂര്‍ണ്ണ തത്സമയ പ്രക്ഷേപണ അവകാശം ചാനല് 4 റേഡിയോ നെറ്റ് വര്ക്കിന്റെ മലയാളം റേഡിയോ സ്റ്റേഷനായ ഗോള്‍ഡ് 101.3 FM നു ലഭിച്ചു. മിഡില്‍ ഈസ്റ്റ്, നോര്‍ത്ത് ആഫ്രിക്ക മേഖലയിലെ പരിപൂര്‍‌ണ്ണ തത്സമയ പ്രക്ഷേപണ അവകാശമാണ് ഗോള്‍ഡ് എഫ് എമ്മിന് ലഭിച്ചത്.

ദമ്മാം: സൗദി അറേബ്യയിലെ അനധികൃത താമസക്കാര്‍ക്ക് രാജ്യം വിടാനുള്ള അവസരം ഒരുക്കുന്നതിനായി അധികൃതര്‍ പൊതുമാപ്പ് പ്രഖ്യാപിച്ചു. ഇന്നലെ വൈകി സൗദി അറേബ്യന്‍ ആഭ്യന്തര മന്ത്രാലയമാണ് ഇതു സംബന്ധിച്ച ഉത്തരവ് പുറപ്പെടുവിച്ചത്. ഹജ്ജ്, ഉംറ, വിസിറ്റിങ് വിസകളിലെത്തി കാലാവധി കഴിഞ്ഞിട്ടും രാജ്യം വിടാത്തവര്‍, നിയമപരമായ രേഖകളില്ലാതെ രാജ്യത്ത് തങ്ങുന്ന തൊഴിലാളികള്‍, ഏജന്റുമാരുടെ തൊഴില്‍ത്തട്ടിപ്പിന് ഇരയായി സൗദിയില്‍ കുടുങ്ങിപ്പോയവര്‍ തുടങ്ങി എല്ലാത്തരത്തിലുള്ള അനധികൃത താമസക്കാര്‍ക്കും ഈ അവസരം പ്രയോജനപ്പെടുത്താവുന്നതാണെന്ന് ആഭ്യന്തര മന്ത്രാലയം അറിയിച്ചു.

മാന്ദ്യം ദൂബൈയെ മാന്ദ്യത്തിലാക്കിയെന്നു വ്യാമോഹിച്ചവര്‍ക്ക്‌ ഇപ്പോള്‍ പുറത്തിറങ്ങാന്‍ വയ്യാത്ത അവസ്ഥയാണ്‌. മാന്ദ്യത്തെ അതിജീവിച്ച്‌ അമാന്തമില്ലാതെ മുമ്പോട്ടു കുതിക്കുകയാണ്‌ ദൂബൈ. ഇതും വെറും വമ്പുപറച്ചിലല്ല. കണക്കുകള്‍ തെളിയിക്കുന്ന മഹാസത്യം.

ഷാര്‍ജ: നാഷണല്‍ പെയിന്റിനു സമീപം വെയര്‍ ഹൗസില്‍ വന്‍ അഗ്നിബാധ. നിര്‍മ്മാണ യൂണിറ്റിലും പരിസരത്തുമാണ് തീ ആദ്യം കണ്ടത്. അത് പിന്നീട് പടര്‍ന്ന് പിടിക്കുകയായിരുന്നു. തീ കണ്ടയുടനെ തൊഴിലാളികള്‍ കമ്പനിയില്‍ നിന്ന് പുറത്തേക്കിറങ്ങിയതിനാല്‍ ആളപായം ഉണ്ടായില്ല. എന്നാല്‍ തീപിടുത്തത്തില്‍ രണ്ടു പേര്‍ക്ക് ഗുരുതരമായ പൊള്ളലേറ്റതായി റിപ്പോര്‍ട്ടുണ്ട്. അപകടത്തെ തുടര്‍ന്ന് ഷാര്‍ജയില്‍നിന്ന് അജ്മാനിലേക്കും ദുബായിലേക്കുമുള്ള എല്ലാ റോഡുകളും സുരക്ഷാകാരണങ്ങളാല്‍ അടച്ചിരിക്കുയയാണ്. ഷാര്‍ജയിലേയും ദുബായിയിലേയും സുരക്ഷാ ഉദ്യോഗസ്ഥരും അജ്മനിലെ സിവിള്‍ ഡിഫന്‍സും തീയണയ്ക്കാനുള്ള ശ്രമങ്ങള്‍ നടത്തുന്നുണ്ട്.

ബെയ്റൂട്ട്: ഭൂകമ്പമുണ്ടാകുന്നത് സ്ത്രീകളുടെ സ്വാഭാവം മോശമായതുകൊണ്ടാണെന്ന് ഇറാനിലെ ഒരു മതപണ്ഡിതന്‍. സ്ത്രീകള്‍ തങ്ങളുടെ ശരീരം പ്രദര്‍ശിപ്പിക്കുന്നതരത്തിലുള്ള വസ്ത്രം ധരിക്കുന്നതും സദാചാരമില്ലാതെ നടക്കുന്നതുമാണ് എല്ലാ പ്രശ്നങ്ങള്‍ക്കും കാരണം. ലൈംഗീകതയില്‍ അച്ചടക്കം സൂക്ഷിക്കാത്ത സ്ത്രീകളെ വളരെ സൂക്ഷിക്കണം- പുരോഹിതന്‍ ആരോപിച്ചു.

മസ്കറ്റ്: ഉര്‍ദ്ദു കവി സുരേന്ദന്‍ ഭൂട്ടാനിയെ മസ്കറ്റില്‍ ആദരിച്ചു. ഉര്‍ദ്ദു സാഹിത്യത്തിന് നല്‍കിയ സംഭാവനകളെ അടിസ്ഥാനമാക്കിയാണ് ഒമാനിലെ ഇന്ത്യന്‍ സോഷ്യല്‍ അസോസിയേഷന്‍ സുരേന്ദന്‍ ഭൂട്ടാനിയെ ആദരിച്ചത്. ശനിയാഴ്ച ഇന്ത്യന്‍ എംബസി ഓഡിറ്റോറിയത്തിലാണ് പരിപാടി സംഘടിപ്പിച്ചത്.

വിലക്കയറ്റത്തിലും മറ്റ് ആഭ്യന്തര പ്രശ്നങ്ങളിലും മനംനൊന്ത് കമ്യൂണിസ്റ്റ് പാര്‍ട്ടികള്‍ രാജ്യവ്യാപകമായി ജയില്‍നിറയ്ക്കല്‍ സമരം പ്രഖ്യപിച്ച സമയത്താണ് പിണറായി സഖാവ് ഗള്‍ഫിന് പോയത്. ഗള്‍ഫിലെ പാവംപിടിച്ച മലയാളികളെ കാണുകയും വ്യവസായികളോടൊപ്പം ഇത്തിരി പത്തിരിയും കോഴിക്കറിയും കഴിക്കുകയുമായിരുന്നു, ലക്ഷ്യം.

ദുബായ്: കേരള ഐപിഎല്‍ ടീം വിവാദത്തിലെ പ്രധാന നായികയായ സുനന്ദ പുഷ്കര്‍ ഇപ്പോള്‍ ടീകോമിലെ ജീവനക്കാരിയല്ല. ചെന്നൈയില്‍ ടീമിന്റെ ലേലത്തിന് മുമ്പായി സുനന്ദ പുഷ്കര്‍ ടീകോമില്‍ നിന്ന് രാജിവച്ചുവെന്ന് സ്മാര്‍ട്ട് സിറ്റി നടത്തിപ്പുകാരായ ടീകോം അറിയിച്ചു. മാര്‍ച്ച് 13ന് മുമ്പായി തന്നെ സുനന്ദ പുഷ്കര്‍ കമ്പനി വിട്ടുവെന്നാണ് ടീകോം പറയുന്നത്.

കുവൈറ്റ് സിറ്റി: കുവൈറ്റില്‍ ശമ്പളനിരക്കുകള്‍ പ്രഖ്യാപിച്ചു. ഒരു മാസത്തെ ഏറ്റവും കുറഞ്ഞകൂലി 60 ദിനാര്‍ ആണ്. എന്നാല്‍ കുറഞ്ഞകൂലിയായി ഇത്രയും ചെറിയ തുക പ്രഖ്യാപിച്ചതിനെതിരെ മുറുമുറുപ്പുകള്‍ ഉയരുന്നുണ്ട്. വളരെ ചെറിയ കൂലിയില്‍ വിദേശികളായ കരാര്‍തൊഴിലാളികളെ ജോലി ചെയ്യിപ്പിക്കാന്‍ നിയമത്തിന്റെ അംഗീകാരം ലഭിക്കുന്നു എന്നതാണ് ആക്ഷേപം.

Tuesday, May 22, 2012