യുഎസ് | Malayal.am

പോപ്പ് സംഗീതധാരയിലെ ഇതിഹാസതാരം മൈക്കല്‍ ജാക്‌സനെ അദ്ദേഹത്തിന്റെ സ്വകാര്യ ഡോക്ടര്‍ ചികിത്സിച്ചു കൊന്നതുതന്നെയാണ് എന്ന് കോടതിയുടെ കണ്ടെത്തല്‍. അന്ത്യനിമിഷങ്ങളില്‍ അദ്ദേഹത്തെ ചികിത്സിച്ച ഡോക്ടര്‍ കോണ്‍റാഡ് മുറെ ചികിത്സാപ്പിഴവിന്റെ കാര്യത്തില്‍ കുറ്റക്കാരനാണെന്നു വിധി പറഞ്ഞ കോടതി ബോധപൂര്‍വ്വമല്ലാത്ത നരഹത്യ എന്ന കുറ്റമാണ് അദ്ദേഹത്തിനുമേല്‍ ചുമത്തിയിരിക്കുന്നത്. ശിക്ഷ പിന്നീട് വിധിക്കും. ലോസ് ആഞ്ജലസ് കോടതിയാണ് നിര്‍ണായകമായ വിധി പുറപ്പെടുവിച്ചത്.

അമേരിക്കന്‍ വൈസ് പ്രസിഡന്റ് ജോ ബൈഡന്റെ അനുജന്‍ ഫ്രാന്‍സിസ് ബൈഡന് വന്ന അജ്ഞാതതപാല്‍ ആന്താക്സ് അടങ്ങിയതാണെന്നു തിരിച്ചറിഞ്ഞു. ഇതോടെ ഇടക്കാലത്ത് അമേരിക്കയെ ഭീതിയിലാഴ്ത്തിയ ആന്ത്രാക്സ് അണുഭീതി വീണ്ടും ആരംഭിച്ചു. ഇത്തവണ പ്രതിസ്ഥാനത്ത് ഇന്ത്യയും ഇന്ത്യക്കാരുമാണെന്നതാണ് ഇന്ത്യന്‍ തലവേദനയാകുന്നത്.

ന്യൂയോര്‍ക്ക്: ഐറിന്‍ ചുഴലിക്കൊടുങ്കാറ്റ് ശക്തിപ്രാപിച്ചതോടെ ന്യൂയോര്‍ക്കില്‍ അടിയന്തിരാവസ്ഥ പ്രഖ്യാപിച്ചു. അമേരിക്കയുടെ കിഴക്കന്‍ സംസ്ഥാനങ്ങള്‍ക്ക് കടുത്ത ഭീഷണി സൃഷ്ടിച്ചുകൊണ്ട് എത്തിയ ഐറിനെ നേതിടാന്‍ അമേരിക്കയില്‍ വന്‍ സന്നാഹമാണൊരുക്കിയിരിക്കുന്നത്. അവധിക്കാലയാത്ര വെട്ടിച്ചുരുക്കി മസാച്യുസെറ്റ്‌സില്‍നിന്ന് വാഷിങ്ടണിലേയ്ക്ക് ഒബാമ മടങ്ങിയെത്തി.

അമേരിക്കയില്‍ ഭൂകമ്പഭീതിക്കിടെ ചുഴലിക്കാറ്റ് ഭീഷണിയും. ബഹാമാസ് ദ്വീപില്‍ വീശിയടിച്ച ഐറീന്‍ ചുഴലിക്കാറ്റ് വൈകാതെ അമേരിക്കന്‍ തീരത്തെത്തുമെന്നാണ് ആശങ്ക. പ്രധാനമായും അമേരിക്കയുടെ പടിഞ്ഞാറന്‍ തീരത്തുളള സംസ്ഥാനങ്ങളാണ്. ഭീതിയിലായത്. കഴിഞ്ഞ ഏഴുവര്‍ഷത്തിനിടയിലെ ഏറ്റവും വലിയ ചുഴലിക്കാറ്റാണ് ഐറീന്‍ എന്നാണ് ഇതുവരെയുളള വിലയിരുത്തലുകള്‍ സൂചിപ്പിക്കുന്നത്. നേരത്തേ കാറ്റഗറി 2ല്‍ പ്പെടുത്തിയിരുന്ന ചുഴലിക്കാറ്റ് ഇന്നലെ വീണ്ടും ശക്തിപ്രാപിച്ചതിനെത്തുടര്‍ന്ന് കാറ്റഗറി 3 ലേക്ക് മാറ്റിയിരുന്നു.

ന്യൂയോര്‍ക്ക്: സ്വവര്‍ഗവിവാഹത്തിന് ന്യൂയോര്‍ക്കില്‍ അനുമതി. സ്വവര്‍ഗ്ഗ വിവാഹത്തിന് അനുമതി നല്‍കുന്ന ആറാമത്തെ അമേരിക്കന്‍ സംസ്ഥാനമായി ന്യൂയോര്‍ക്ക്. റിപ്പബ്‌ളിക്കന്‍ ഭൂരിപക്ഷമുളള സെനറ്റ് 29 നെതിരെ 33 വോട്ടിനാണ് ബില്‍ പാസ്സാക്കിയത്. ഡെമോക്രാറ്റുകള്‍ക്ക് ഭൂരിപക്ഷമുളള ഉപരിസഭ നേരത്തേ തന്നെ ഈ ബില്ലിന് അനുമതി നല്‍കിയിരുന്നു.

റെഫ്യൂജിയോ, ടെക്സാസ് : വൃദ്ധയെ ബലാത്സംഗം ചെയ്യുന്നതിനിടെ മദ്ധ്യവയസ്കന്‍ കുഴഞ്ഞുവീണുമരിച്ചു. യുഎസിലെ ടെക്സാസിലാണ് സംഭവം. ഇസബെല്‍ ഷാവെലോ ഗുട്യേരസ് (53) ആണ് ബലാല്‍ക്കാരം ചെയ്യവേ മരിച്ചത്. ബലാത്സംഗത്തിനിടെ കുറ്റവാളി കുഴഞ്ഞുവീണുമരിക്കുന്നത് അപൂര്‍വ്വ സംഭവമാണ്.

വാഷിംഗ്ടണ്‍: അമേരിക്കന്‍ പ്രസിഡന്റ് ബരാക് ഒബാമയുടെ അടുത്ത സുഹൃത്തിനെ വ്യഭിചാരക്കുറ്റത്തിന് പൊലീസ് പിടികൂടി. ഒബാമയുടെ സുഹൃത്തായ റിച്ചാര്‍ഡ് റ്റിറ്റ്‌കോമ്പ് (49) നെയാണ് ഹവായ് പൊലീസ് കുടുക്കിയത്. 'ഹവായ് നൗ ന്യൂസ്' ആണ് ഈ വാര്‍ത്ത റിപ്പോര്‍ട്ട് ചെയ്തത്.

ലണ്ടന്‍: ബ്രിട്ടന്‍ കുടിയേറ്റ നിയമങ്ങള്‍ കര്‍ശനമാക്കുന്നു. ഇന്ത്യയില്‍ നിന്നുള്ള കുടിയേറ്റക്കാരായ ഉയര്‍ന്ന തൊഴില്‍വിദഗ്ധരെയാണ് ബ്രിട്ടന്റെ പുതിയ നീക്കം കൂടുതലായി ബാധിക്കുക. പുതുക്കിയ നിയമം അനുസരിച്ച് ബ്രിട്ടനില്‍ താമസിക്കാന്‍ ഉദ്ദേശിക്കുന്നവര്‍ക്ക് നിരവധി അഭിമുഖങ്ങളെ നേരിടേണ്ടി വരും. കൂടാതെ കുടിയേറ്റക്കാരുടെ മുഴുവന്‍ വരുമാനവും വെളിപ്പെടുത്തണം.

ട്രിപ്പോളി: ലിബിക്കെതിരെ ഫ്രാന്‍സിന്റേയും അമേരിക്കയുടെയും നേതൃത്വത്തില്‍ നടത്തുന്ന യുദ്ധം തീരാന്‍ മുപ്പതുവര്‍ഷമെടുക്കുമെന്ന ഞെട്ടിപ്പിക്കുന്ന വെളിപ്പെടുത്തലുമായി പാശ്ചാത്യ മാദ്ധ്യമങ്ങള്‍ രംഗത്തെത്തി. നീണ്ടകാലത്തെ യുദ്ധത്തിന്‌ തയ്യാറാണെന്ന ലിബിയന്‍ നേതാവ്‌ ഗദ്ദാഫിയുടെ പ്രസ്‌താവന പുറത്തുവന്ന്‌ അധികം കഴിയുന്നതിന്‌ മുമ്പാണ്‌ സഖ്യരാജ്യങ്ങളെ ഞെട്ടിപ്പിച്ച റിപ്പോര്‍ട്ടുകള്‍ മാദ്ധ്യമങ്ങള്‍ പുറത്തുവിട്ടത്‌.

വാഷിംഗ്ടണ്‍: മധ്യ അര്‍ക്കന്‍സാസിലെ ബീബെ പട്ടണത്തില്‍ മഴപോലെ ചത്ത പക്ഷികള്‍ പൊഴിഞ്ഞു വീണത് പരിസ്ഥിതി സംരക്ഷകരെ അങ്കലാപ്പിലാക്കിയിരിക്കുകയാണ്. വെള്ളിയാഴ്ച രാത്രി പട്ടണത്തില്‍ ഒരു മൈല്‍ ദൂരത്തില്‍ രണ്ടായിരത്തിലധികം പക്ഷികളാണ് ചത്തു വീണത്. ചുവന്ന ചിറകുള്ള കറുത്ത പക്ഷികളാണ് അജ്ഞാത കാരണത്താല്‍ പട്ടണത്തിന്റെ ഒരു പ്രദേശത്ത് ചത്ത് വീണത്. ഞായറാഴ്ച ഉച്ചയോടെയാണ് ചത്ത പക്ഷികളെ മാറ്റി പട്ടണം വൃത്തിയാക്കിയതെന്ന് അധികൃതര്‍ വ്യക്തമാക്കുന്നു.

Tuesday, May 22, 2012