അസോസിയേഷന്‍

ലണ്ടന്‍: ഗ്ലോബല്‍ പ്രവാസി മലയാളി കൗണ്‍സിലിന്റെയും ഒ.ഐ.സി.സിയുടെയും പ്രതിനിധികള്‍ നിയമസഭാ സ്പീക്കര്‍ ജി. കാര്‍ത്തികേയനെ സന്ദര്‍ശിച്ച് ചര്‍ച്ച നടത്തി. പ്രവാസികളുടെ പ്രശ്‌നങ്ങളും കേരളത്തില്‍ നിക്ഷേപം നടത്താന്‍ ആഗ്രഹിക്കുന്ന പ്രവാസികള്‍ നേരിടുന്ന പ്രതിസന്ധികളും സംഘം സ്പീക്കറുടെ ശ്രദ്ധയില്‍പ്പെടുത്തി. വൈദ്യുതിയും റോഡുമില്ലാതെ നിക്ഷേപ സൗഹൃദ സംസ്ഥാനമായി മാറാന്‍ കേരളത്തിന് കഴിയില്ലെന്ന് സംഘം പറഞ്ഞു.

"ഛിദ്രങ്ങള്‍ ഛിദ്രങ്ങളെ നിങ്ങള്‍ സ്വര്‍ഗ്ഗകുമാരികളല്ലോ..."

പാട്ടൊന്നു മാറ്റിപ്പാടി നോക്കിയതാണ്. ആലോചിച്ചു നോക്കിയപ്പോള്‍ കറകറക്ട്. പുസ്തകത്താളില്‍ മയില്‍പ്പീലി പെറുന്നതുപോലെ സംഘടനകള്‍ പെരുകണമെങ്കില്‍ അടിനടന്നിരിക്കണം. എന്നാല്‍ മാത്രമേ എല്ലാവര്‍ക്കും പ്രസിഡന്റും സെക്രട്ടറിയും ആവാന്‍ പറ്റൂ. ഒരു വശത്തുനിന്ന് യുക്മ യുകെയിലെ എല്ലാ മലയാളി സംഘടനകളേയും ഒന്നിപ്പിക്കുമെന്ന് ശപഥമെടുത്തിറങ്ങുമ്പോള്‍ ഇങ്ങനെ ചില കുമിളകളൊക്കെ പൊട്ടിയില്ലെങ്കില്‍ പിന്നെ വൈകിട്ടെന്തു പരിപാടി?

മാദ്ധ്യമപ്രവര്‍ത്തനം മുമ്പും വ്യവസായമായിരുന്നെങ്കിലും നല്ല വാര്‍ത്തകള്‍ നല്ല രീതിയില്‍ നല്‍കിക്കൊണ്ടാണ് അവര്‍ അതിലേര്‍പ്പെട്ടിരുന്നത്. ഇതിനുവിരുദ്ധമായി ഇക്കിളിക്കഥകളിലും നിറംപിടിപ്പിച്ച കുറ്റകൃത്യ വര്‍ണ്ണനയിലും അഴിമതിക്കഥകളിലുമൊക്കെ നീരാടിയിരുന്ന മാദ്ധ്യമങ്ങളെ അവയുടെ ഉള്ളടക്കത്തിന്റെ സ്വഭാവമനുസരിച്ച് മഞ്ഞപ്രത്രമെന്നോ കൊച്ചുപുസ്തകമെന്നോ വിളിച്ചുപോന്നു.

അനുദിനമെന്നോണം പെരുകിവരുന്ന മലയാളം ഓണ്‍‌ലൈന്‍ വാര്‍ത്താ പോര്‍ട്ടലുകളുടെ മത്സരം തുറന്ന പോരിലേക്ക്. ബ്രിട്ടനിലെ മലയാളിവായനക്കാരെ പ്രത്യേകമായി ലക്ഷ്യമാക്കുന്ന ചില ന്യൂസ് വെബ്സൈറ്റുകളാണ് രൂക്ഷമായ തമ്മിലടിയില്‍ ഏര്‍പ്പെട്ടിരിക്കുന്നത്. പ്രവാസി മലയാളികളുടെ യഥാര്‍ത്ഥ താത്പര്യ സംരക്ഷകരുടെ വേഷം ആര്‍ക്കാവണം എന്നതിനെ ചൊല്ലിയാണ് ഈ പത്രങ്ങളുടെ കലഹം. മലയാളി സംഘടനകളുടെ പിളര്‍പ്പിലേക്കും വര്‍ഗ്ഗീയാടിസ്ഥാനത്തിലുള്ള ചേരിതിരിവിലേക്കും വരെ ഇത് ചെന്നെത്തുമെന്ന അവസ്ഥയാണ് ഇപ്പോഴുള്ളത്.

Tuesday, May 22, 2012