വിദേശം | Malayal.am

അഫ്ഗാനിസ്ഥാനില്‍ ഗസിനിയില്‍ അമ്മയെയും മകളെയും കല്ലെറിഞ്ഞും ദ്രോഹിച്ചും ഒടുവില്‍ വെടിവെച്ചും കൊന്ന് താലിബാന്‍ ക്രൂരത വീണ്ടും. അവിഹിതബന്ധങ്ങള്‍ ആരോപിച്ചാണ് കൊലകള്‍ അരങ്ങേറിയത്. വീട്ടിനുള്ളില്‍ കയറി അമ്മയെയും മകളെയും വലിച്ചിറക്കി തെരുവിലൂടെ കല്ലെറിഞ്ഞോടിച്ച് ഒടുവില്‍ കൊലപ്പെടുത്തുകയായിരുന്നു.

പാരിസ്: പൊതുനിരത്തില്‍ മുഖാവരണം ധരിക്കുന്നതിനെ വിലക്കിയ ഫ്രഞ്ച് സര്‍ക്കാരിനെതിരെ പുതിയ സമരപരിപാടിയുമായി ഒരു സ്ത്രീ. അടുത്തവര്‍ഷത്തെ തിരഞ്ഞെടുപ്പില്‍ പ്രസിഡന്റ് സ്ഥാനാര്‍ത്ഥിയായി മത്സരിക്കുമെന്നാണ് കെന്‍സ ഡ്രൈഡര്‍ എന്ന മുഖാവരണ അനുകൂലി മുന്നറിയിപ്പു നല്‍കുന്നത്.

വാഷിംഗ്ടണ്‍: സാമ്പത്തിക പ്രതിസന്ധി മറികടക്കുന്നതിനായി വിക്കിലീക്‌സ് സ്ഥാപകന്‍ ജൂലിയന്‍ അസാന്‍ജെ സ്വകാര്യവസ്തുക്കള്‍ ലേലത്തിനു വയ്ക്കുന്നു. അമേരിക്കന്‍ നയതന്ത്ര രഹസ്യങ്ങള്‍ പുറത്തുവിട്ട അസാന്‍ജെയുടെ ലാപ്‌ടോപ്പ്, ജയിലിലായിരുന്നപ്പോള്‍ ഉപയോഗിച്ചിരുന്ന കോഫി സഞ്ചി, അസാന്‍ജെയുടെ കൈയ്യൊപ്പോടുകൂടിയ ഐക്യരാഷ്ട്രസഭയേക്കുറിച്ചുള്ള വെളിപ്പെടുത്തലുകള്‍ അടങ്ങിയ രഹസ്യരേഖകള്‍, ഫോട്ടോഗ്രാഫുകള്‍ തുടങ്ങി അസാന്‍ജെയുടെ പത്തു സ്വകാര്യ ശേഖരങ്ങളാണ് ലേലത്തിനുവയ്ക്കുന്നത്.

നെയ്‌റോബി: കെനിയന്‍ തലസ്ഥാനമായ നെയ്‌റോബിയില്‍ പെട്രോള്‍ പൈപ്പ് ലൈനിലുണ്ടായ അഗ്നിബാധയില്‍ നൂറിലധികം പേര്‍ മരിച്ചു. നഗരത്തിലെ ലുംഗലുംഗ പ്രദേശത്തെ വ്യാവസായിക മേഖലയ്ക്കു സമീപമാണ് സംഭവം. തീയണയ്ക്കുന്നതിനായി അഗ്നിശമനസേന ശ്രമം തുടരുകയാണ്. പ്രദേശവാസികള്‍ ചോരുന്ന പെട്രോള്‍ ശേഖരിക്കാന്‍ തിരക്കുകൂട്ടിയതാണ് മരണസംഖ്യ കൂടാന്‍ കാരണമായത്.

പത്രപ്രവര്‍ത്തകയെ കൊലപ്പെടുത്തിയ കേസില്‍ റഷ്യയില്‍ ഉന്നത പൊലീസുദ്യോഗസ്ഥന്‍ അറസ്റ്റില്‍. മോസ്‌കോയിലെ പൊലീസ് ഓഫീസറായിരുന്ന ലഫ്.കേണല്‍ ദിമിത്രി പവ്‌ലൂച്ചെകോവാണ് പത്രപ്രവര്‍ത്തകയായ അന്ന പൊലിത്‌കോവ്‌സ്‌കയെ കൊലപ്പെടുത്തിയ കേസില്‍ അറസ്റ്റിലായത്.

കറാച്ചി: തുറമുഖ നഗരമായ കറാച്ചിയില്‍ അഞ്ചാം ദിവസവും തുടരുന്ന കലാപത്തില്‍ മരിച്ചവരുടെ എണ്ണം 78 ആയി. ആറ് പോലീസുകാരടക്കം 11 പേരാണ് ഇന്നലെ മരിച്ചത്. ചക്രഗോത് മേഖലയില്‍ തീവ്രവാദികള്‍ ബസിന് നേരെ നടത്തിയ ആക്രമണത്തിലാണ് ആറ് പോലീസുകാര്‍ മരിച്ചത്. 50 പേര്‍ക്ക് പരിക്കേറ്റു.

ജോര്‍ജ്ടൗണ്‍: കരീബിയന്‍ രാജ്യമായ ഗയാനയിലെ ജോര്‍ജ്ടൗണ്‍ വിമാനത്താവളത്തില്‍ ഇറങ്ങുന്നതിനിടെ വിമാനം റണ്‍വേയില്‍ നിന്ന് തെന്നിമാറി രണ്ടായി പിളര്‍ന്നു. വിമാനത്തിലുണ്ടായിരുന്ന 163 പേരും രക്ഷപ്പെട്ടെന്നത് ദുരന്തത്തിനിടയിലും ആശ്ചര്യകരമായ വാര്‍ത്തയായി. ന്യൂയോര്‍ക്കില്‍ നിന്ന് വരികയായിരുന്നു വിമാനം. കരീബിയന്‍ എയര്‍ലൈന്‍സിന്റെ ബോയിങ് 737-800 വിമാനമാണ് രണ്ടായിപ്പിളര്‍ന്നത്.

ടോക്കിയോ: ആണവ വികിരണഭീഷണിയുണ്ടായ ഫുക്കുഷിമയിലും പരിസരപ്രദേശങ്ങളില്‍ നിന്നുമുളള കന്നുകാലികളുടെ കയറ്റുമതി ജപ്പാനീസ് സര്‍ക്കാര്‍ നിരോധിച്ചു. റേഡിയേഷന്‍ ബാധിച്ചുവെന്ന് കരുതപ്പെടുന്ന കന്നുകാലികളെ ജപ്പാനിലെ വിവിധ ഭാഗങ്ങളില്‍ വില്‍പ്പനയ്ക്കായി കൊണ്ടുപോയതായി വ്യക്തമായതിനെത്തുടര്‍ന്നാണ് സര്‍ക്കാരിന്റെ കര്‍ശന നിയന്ത്രണമുണ്ടായത്.

അബൂജ: നൈജീരിയന്‍ നടിക്ക് വധശിക്ഷ. കാമുകനെ കൊലപ്പെടുത്തിയ കേസിലാണ് നൈജീരിയന്‍ നടി റാബി ഇസ്മയിലിനെ പരമോന്നത കോടതി വധശിക്ഷയ്ക്ക് വധിച്ചത്. 2002ലാണ് കേസിനാസ്പദമായ സംഭവം നടക്കുന്നത്. സ്വത്തുക്കള്‍ കൈവശപ്പെടുത്തുന്നതിനായി കാമുകനായിരുന്ന ഇബ്രാഹിമിനെ റാബി കൊലപ്പെടുത്തുകയായിരുന്നു.

ഡര്‍ബന്‍: ദക്ഷിണ കൊറിയയിലെ പിയോംഗ് ചാംഗ് 2018ലെ ശരത്കാല ഒളിംപിക്‌സിന് വേദിയാകും. ഫ്രാന്‍സിലെ അനേസി നഗരത്തെയും ജര്‍മ്മനിയിലെ മൂണിക്കിനെയും പിന്‍തള്ളിയാണ് ദക്ഷിണ കൊറിയന്‍ നഗരം വേദിയായി തിരഞ്ഞെടുക്കപ്പെട്ടത്. ഡര്‍ബനില്‍ നടന്ന അന്തര്‍ദേശീയ ഒളിംപിക് കമ്മിറ്റിയുടെ 95 അംഗങ്ങള്‍ പങ്കെടുത്ത യോഗത്തിലാണ് തീരുമാനം കൈക്കൊണ്ടത്.

Tuesday, May 22, 2012