കേരളം | Malayal.am

റവലൂഷനറി പാർട്ടി നേതാവ് ടി.പി ചന്ദ്രശേഖരന്റെ കൊലപാതകത്തിനുത്തരവാദിത്വത്തിൽ നിന്നു പുറത്തുകടക്കാനാകാതെ സിപിഐ(എം) പ്രയാസപ്പെടുമ്പോൾ തന്നെ പൊതുപ്രവണതക്ക് വിരുദ്ധമായി തീർത്തും വ്യത്യസ്തമായ നിലപാടുകൾ കൈരളി ചാനലിലും, പാർട്ടി സെക്രട്ടറി പിണറായി വിജയനിൽ നിന്നുമുണ്ടായത് പിന്നീടുള്ള ബഹളത്തിൽ മുങ്ങിപ്പോയെങ്കിലും, കേസ് അന്വേഷണം മുന്നോട്ടു നീങ്ങവെ അന്വേഷണ സംഘം കണ്ടെത്തിയ ചില വസ്തുതകളുമായി യാദൃശ്ചികമായെങ്കിലും ബന്ധമുള്ളതാണ്.

ഇക്കഴിഞ്ഞ ദിവസം വലിയൊരു ദിവസമായിരുന്നു. കേരളത്തിലെ ഏറ്റവും പുതിയ, അതായത് നിലവിലുള്ള സര്‍ക്കാരിന്റെ ഒന്നാം പിറന്നാള്‍. കഴിഞ്ഞ വര്‍ഷം ജനിച്ച യുഡിഎഫ് സര്‍ക്കാരാണ് കഴിഞ്ഞ ദിവസം ഒന്നാം പിറന്നാളുണ്ടത്. സര്‍ക്കാരിന് ഒരു വയസ്സായപ്പോള്‍, ആള്‍ നൂറുമീറ്റര്‍ ഓട്ടത്തില്‍ പങ്കെടുത്താല്‍ ട്രോഫിനേടുമെന്ന അവസ്ഥയിലാണ് എന്ന് യുഡിഎഫ് നേതാക്കള്‍ പറയുന്നു. എല്‍ഡിഎഫ് നേതാക്കള്‍ പറയുന്നത്, പയ്യന്‍ അല്ലെങ്കില്‍ പയ്യി, ഇപ്പോഴും പയ്യെപ്പോ നയമാണ്. പിടിച്ചുപിടിച്ചുപോലും നടക്കില്ല, അവരുടെ നേതാക്കന്മാരില്‍ ചിലര്‍ക്കെങ്കിലും മൂക്കില്‍ പല്ലുവന്നെങ്കിലും സര്‍ക്കാരിനു വായില്‍ പല്ലുപോലും മുളച്ചില്ല, ഒരക്ഷരമെങ്കിലും പഠിച്ചിട്ടില്ല എന്നൊക്കെയാണ്.

തെരഞ്ഞെടുപ്പ് അടുത്താല്‍ ഹിന്ദുവായാലും മുസ്ലീമായാലും ക്രിസ്ത്യാനിയായാലും ബഹുഭൂരിപക്ഷം കേരളീയരും തികഞ്ഞ മതേതരവാദികളാണ്. സ്വന്തം ജീവിതവുമായി ബന്ധപ്പെട്ട എല്ലാ കാര്യത്തിലും കടുത്ത മതവാദികളും തികഞ്ഞ വിശ്വാസികളും (ചിലപ്പോള്‍ വിശ്വാസികളെ വെല്ലുന്ന അന്ധവിശ്വാസികളും) ആയ കേരളീയര്‍ തെരഞ്ഞെടുപ്പുകാലത്ത് മാത്രം മതേതരവാദികളായി പരിണമിക്കുന്നതിന്റെ രാസഘടനയെക്കുറിച്ച് വലിയൊരു ഗവേഷണത്തിന് തന്നെ സ്‌കോപ്പുണ്ട്.

വെട്ടിനുറുക്കി എന്തിനീ ശരീരം ഉപേക്ഷിച്ചു. അങ്കക്കലി തീര്‍ക്കാനിത് കൊണ്ടുപോയി ചുട്ടുതിന്നാതിരുന്നതെന്തേ കാപാലികരേ...

മനുഷ്യനെ സ്‌നേഹിക്കുകയും മനുഷ്യരുടെ ദുരിതങ്ങളില്‍ പങ്കുചേരുകയും ചെയ്യുന്ന ഒരു മനുഷ്യനെ ഇങ്ങനെ തന്നെ കൊല്ലണം. വെട്ടിവെട്ടി നുറുക്കി നുറുക്കി കൊല്ലണം. പെറ്റമ്മ പോലും തിരിച്ചറിയാത്ത വിധം മുഖം കൊത്തിനുറുക്കണം. അന്യന്റെ ശബ്ദം സംഗീതം പോലെ കേള്‍ക്കാന്‍ കഴിയും വിധം സമത്വസുന്ദര ലോകം കെട്ടിപ്പടുക്കാന്‍ വേണ്ടി വിപ്ലവകാരികളായി മാറിയ സഖാക്കളെ മരണം ഇങ്ങനെ തന്നെ കാത്തിരിക്കണം...

സി പി എം വിമത നേതാവ് ടി പി ചന്ദ്രശഖരന്റെ കൊലപാതകം വടക്കന്‍ കേരളത്തെ അക്ഷരാര്‍ത്ഥത്തില്‍ ഞെട്ടിച്ചു. വെള്ളിയാഴ്ച രാത്രി പത്തേകാലോടെ വടകരയ്ക്ക് വള്ളിക്കാട്ട് വച്ചാണ് ചന്ദ്രശേഖരനെ ഇന്നോവ കാറിലെത്തിയ അക്രമി സംഘം വെട്ടിക്കൊലപ്പെടുത്തിയത്. രാത്രി വീട്ടിലേക്ക് ബൈക്കില്‍ പോവുകയായിരുന്ന ചന്ദ്രശേഖരനെ ബോംബെറിഞ്ഞ് വീഴ്ത്തിയാണ് വെട്ടിക്കൊലപ്പെടുത്തിയത്.

കേരള രാഷ്ട്രീയത്തിൽ മാറ്റങ്ങൾ‌ ഉണ്ടാകുന്നത് ഇപ്പോൾ വളരെപ്പെട്ടെന്നാണ്. കഴിഞ്ഞ ലോകസഭാ തെരഞ്ഞെടുപ്പിൽ മതേതരത്വത്തിന്റെ 916 പരിശുദ്ധി യഥാർത്ഥ ഇടതർ അടക്കം പതിച്ചു കൊടുത്ത മുസ്ലിം ലീഗ് അഞ്ചാം മന്ത്രി സ്ഥാനം നേടിയതോടെ യഥാർത്ഥ വർഗ്ഗീയ പാർട്ടി ആയി മുദ്ര കുത്തപ്പെട്ടു. അതുപോലെ തന്നെ ഉണ്ടായ മഹാത്ഭുതങ്ങളിൽ ഒന്നാണ് സിപിഐ(എം) എംഎൽഎ രാജി വച്ച് കൈപ്പത്തി ചിഹ്നത്തില്‍ സ്ഥാനാർത്ഥി ആയി മത്സരിക്കുന്നതും (തമിഴ് നാട്ടിലും കർണ്ണാടകയിലും കഴിഞ്ഞ് 5 വർഷങ്ങളിൽ നടന്നത് പോലെ). ഇത് സിപിഎമ്മിനെ സംബന്ധിച്ചിടത്തോളം വളരെ നിർണ്ണായകമാകുന്ന തെരഞ്ഞെടുപ്പാകുന്നതും ഈ മഹാത്ഭുതം കൊണ്ടാണ്.

വിഎസ് അച്യുതാനന്ദനെ പീബിയിലെടുക്കുമോ ഇല്ലയോ എന്നത് കൊടുംചര്‍ച്ചയായിരുന്നു സിപിഎം സമ്മേളനത്തിനു മുന്‍പ്. എടുക്കാഞ്ഞപ്പോള്‍ അതും എടുത്തിരുന്നെങ്കില്‍ അതും കൊയ്ത്താകുക മലയാളമനോരമയ്ക്കാണല്ലോ. സമ്മേളനത്തിനുമുന്‍പ് ജനറല്‍ സെക്രട്ടറി ഒരു മാന്യനാണ് എന്ന് നിന്ദാസ്തുതി അലങ്കാരം ഉപയോഗിച്ച് അച്യുതാനന്ദന്‍ ആവേശം ആളിക്കത്തിക്കുകയും ചെയ്തു.

പാർട്ടി പോലീസിന്റെ തെളിവു ശേഖരണവും, പാർട്ടി കോടതിയുടെ വിചാരണയും, വധശിക്ഷയുമൊക്കെയായി കുപ്രസിദ്ധി നേടിയ തളിപ്പറമ്പ് ശുക്കൂർ വധത്തോടു കൂടി മലബാറിലെ പ്രത്യേകിച്ചും കണ്ണൂരിൽ നടക്കുന്ന രാഷ്ട്രീയ അക്രമങ്ങൾ ഒരിക്കൽ കൂടി മാധ്യമശ്രദ്ധ നേടുകയാണ്. പതിവു പോലെ സി.പി.എം തന്നെയാണ് പ്രതിസ്ഥാനത്തുള്ളത്. പാർട്ടി സെക്രട്ടറിയെ അക്രമിച്ച വർഗ്ഗശത്രുവാണു കൊലചെയ്യപ്പെട്ടതെന്ന പാർട്ടി ന്യായീകരണം നേതാക്കളൂം അണികളും സധൈര്യം പ്രചരിപ്പിക്കുന്നു. സി.പി.എം രാഷ്ട്രീയത്തെ അറിയുന്നവർക്ക് അതിൽ അതിശയം ഉണ്ടാകാൻ ഇടയില്ല. എതിരാളിയെ ലക്ഷ്യമിട്ടു അവരെ വർഗ്ഗ ശത്രുവും, പാർട്ടി ശത്രുവുമാക്കി മുദ്രകുത്തി അക്രമിക്കാനും, അതിനു താത്വികമായ നിർവചനം നൽകി പ്രചരിപ്പിക്കാനും സി.പി.എമ്മിനുള്ള കഴിവു കഴിച്ചിട്ടേ മറ്റാർക്കുമുള്ളൂ... അതുകൊണ്ട് തന്നെ സി.പി.എമ്മിന്റെ പ്രതികരണങ്ങളിൽ അസ്വാഭാവികമായി ഒന്നും തന്നെ കാണാൻ സാധിക്കില്ല.

പിറവം ഉപതെരഞ്ഞെടുപ്പ് കഴിഞ്ഞതോടെ ഉമ്മന്‍ ചാണ്ടി സര്‍ക്കാരിന്റെ ഭരണ നടപടികള്‍ കൂടുതല്‍ ശ്രദ്ധേയമാകുകയാണ്. സോഷ്യല്‍ നെറ്റുവര്‍ക്‍ സൈറ്റുകളില്‍ പറന്നു നടന്ന ഒരു വിശേഷനം കടെമെടുത്തല്‍ പിറവത്തെ മകളുടെ വിവാഹം കഴിയാനായി കാത്തിരിക്കുകയായിരുന്നു ഉമ്മന്‍ ചാണ്ടി. പിറവം തെരഞ്ഞെടുപ്പെന്ന മകളുടെ കല്യാണം കഴിഞ്ഞു. ഇനി ജനത്തെ ഭയക്കേണ്ടതില്ല, ബഹുമാനിക്കേണ്ടതുമില്ല.

മരിക്കുന്നതിനു മുമ്പ് തന്റെ വക ഒരമ്പു കൂടി പിണറായി വിജയന്റെ നെഞ്ചിലിരിക്കട്ടെ എന്ന ക്രൂരമായ ശാഠ്യം എന്തിനായിരുന്നുവെന്ന് ഇനി ആരോടാണു സഖാവേ, ഞങ്ങള്‍ ചോദിക്കേണ്ടത്? മരണം ആസന്നമാണെന്നറിയുമ്പോള്‍ ശത്രുക്കളോടു പോലും ക്ഷമിക്കുന്നവരാണല്ലോ സാധാരണ മനുഷ്യര്‍. അങ്ങാകട്ടെ, അസാധാരണമായ സദ്ഗുണ വിശേഷങ്ങള്‍ക്കുടമയും. നന്മയുടെ പൂമരവും മാനവികതയുടെ ചെമ്പകവും കാരുണ്യത്തിന്റെ കടമ്പുമരവുമായി വാഴ്ത്തപ്പെടുന്ന അങ്ങേയ്ക്ക് പിണറായി വിജയനോട് പൊറുക്കാമായിരുന്നില്ലേ?

Tuesday, May 22, 2012