ഇതു പോലെ ഒരു അമേരിക്കന് പ്രസിഡന്റ് തെരഞ്ഞെടുപ്പു കഴിഞ്ഞ് പുതിയ പ്രസിഡന്റിന്റെ സ്ഥാനാരോഹണത്തിനായി ലോകം മുഴുവന് കാത്തിരിക്കുന്ന വേളയിലാണ് ഇതിനു മുന്പ് ഇസ്രയേല് ഗാസയെ ആക്രമിക്കുന്നത്. 2008 ഡിസംബര് - 2009 ജനുവരി കാലത്തെ ആ യുദ്ധത്തില് ഇസ്രയേലി പട്ടാളം ചെയ്തു കൂട്ടിയ മനുഷ്യാവകാശ ലംഘനങ്ങളുടേയും, കെടുതികളുടേയും വിശദവും ആധികാരികവുമായ റിപോര്ട്ട് പിന്നീട് ഐക്യരാഷ്ട്ര സഭയുടെ ഗോള്ഡ്സ്റ്റോണ് കമ്മിഷന് തന്നെ പുറത്തു വിടുകയുണ്ടായി; അതിന്മേല് പതിവു പോലെ ഉത്തരവാദിത്വപ്പെട്ട ഇടങ്ങളില് ഗൗരവമായ ചര്ച്ചകളോ, നടപടികളോ ഒന്നും തന്നെ ഉണ്ടായില്ലെങ്കിലും. ആയിരത്തിയഞ്ഞൂറോളം പലസ്തീന്കാര് കൊല്ലപ്പെട്ട 'ഓപറേഷന് കാസ്റ്റ് ലീഡി'ന്റെ സമയത്ത് അന്നത്തെ പ്രസിഡന്റ്-ഇലക്റ്റ് ബറാക് ഒബാമ ഇസ്രയേലിനെതിരെ ഒന്നു ശബ്ദമുയര്ത്തുക പോലുമുണ്ടായില്ല. ഇന്ന്, ഒബാമ പ്രസിഡന്റായി വീണ്ടും തെരഞ്ഞെടുക്കപ്പെട്ട് രണ്ടാംഘട്ട അഭിഷേകത്തിനായി കാത്തിരിക്കുന്ന സമയത്തു തന്നെ ഇസ്രയേല് ഒരിക്കല് കൂടി ഗാസയെ ആക്രമിക്കുന്നത് യാദൃശ്ചികതയാവാന് തരമില്ല.
.jpg)
.jpg)
