വാര്‍ത്ത

സോഷ്യല്‍ മീഡിയയിലെ മറ്റു സൈറ്റുകളെ അപേക്ഷിച്ച് ഫേസ്ബുക്കും ട്വിറ്ററും എത്തിയപ്പോള്‍ കണ്ട പ്രധാന വ്യത്യാസം ആര്‍ക്കും എന്തിനെതിരേയും ഏതു തരത്തിലും പ്രതികരിക്കാമെന്നതും, അത് അനേകമാളുകള്‍ തങ്ങളുടെ സ്ക്രീനിനു മുന്നില്‍ കാണുമെന്നതാണ്. ഒരു തരത്തില്‍ ഇവ രണ്ടും ആളുകളുടെ പ്രതികരണശേഷി വര്‍ധിപ്പിച്ചുവെന്നു തന്നെ പറയാം. ഇന്ത്യയില്‍, അല്ലെങ്കില്‍ കുറഞ്ഞ പക്ഷം നമ്മുടെ കേരളത്തിലെങ്കിലും കൂടുതല്‍ ജനകീയമായത് ഫേസ്ബുക്കാണ്, ട്വിറ്ററിനെ അപേക്ഷിച്ച്. പ്രമുഖ ചാനലുകളും പത്രങ്ങളും അവരുടെ വാര്‍ത്തകള്‍ ഫേസ്ബുക്കില്‍ പോസ്റ്റ് ചെയ്യാന്‍ തുടങ്ങിയതോടെ അതിലേക്ക് നേരിട്ട് ഒട്ടേറെ പ്രതികരണങ്ങളെത്തിത്തുടങ്ങി. നാമെല്ലാമുള്‍പ്പെടുന്ന സമൂഹികജീവികള്‍ക്ക് അഭിപ്രായങ്ങള്‍ പങ്കുവെയ്ക്കുവാനും രോഷം പ്രകടിപ്പിക്കുവാനുമെല്ലാം പറ്റിയ ഒരു വേദി ഉണ്ടായിരുന്നില്ലയെന്നു തന്നെ പറയാം; ഉള്ളതാവട്ടെ വളരെ ചെറിയ അവസരങ്ങള്‍ മാത്രവും. അതു പ്രയോജനപ്പെടുത്തണമെങ്കില്‍ അതിനായി മിനക്കെടേണ്ട അവസ്ഥ. മാത്രമല്ല നമ്മുടെ പ്രതികരണങ്ങള്‍ക്കുള്ള 'പ്രതികരണങ്ങള്‍' എങ്ങനെയാകുമെന്ന് പേടിയും കൂട്ടിനു.

നേര്‍ക്ക്‌ നേരുള്ള സംവാദമാണ് സോഷ്യല്‍ മീഡിയകളുടെ പ്രത്യേകത. അച്ചടി മാദ്ധ്യമങ്ങളില്‍ നമുക്ക് വിയോജിപ്പുള്ള കാര്യങ്ങളില്‍ നമ്മുടെ അഭിപ്രായം അറിയിക്കാന്‍ മാര്‍ഗ്ഗങ്ങള്‍ കുറവാണ്. എന്നാല്‍ സോഷ്യല്‍ മീഡിയയില്‍ ഓരോ വാക്കിനെയും കീറി മുറിച്ച് അഭിപ്രായം പറയാനുള്ള വേദി കിട്ടുന്നു എന്നതാണ് അതിനെ ജനകീയമാക്കുന്നത്. മലയാള സോഷ്യല്‍ മീഡിയയുടെ ചരിത്രത്തില്‍ ഏറ്റവും തീക്ഷ്ണമായ വാദ പ്രതിവാദങ്ങള്‍ക്ക് ഇട നല്‍കിയ ഒന്നാണ് കൊച്ചി ബിനാലെ. അച്ചടി മാദ്ധ്യമങ്ങളില്‍ നിന്നും സോഷ്യല്‍ മീഡിയ പ്രത്യേകിച്ച് ഫെയ്സ് ബുക്ക് ഏറ്റെടുത്ത നേര്‍ക്ക്‌ നേരുള്ള സംവാദമായിരുന്നു ബിനാലയുടെ പേരില്‍ നടന്നത്. എഴുത്തുകാരും കലാകാരന്മാരും മാദ്ധ്യമ പ്രവര്‍ത്തകരും ഉള്‍പ്പെടെ വലിയൊരു ബൌദ്ധിക നിര ഒന്നായി രണ്ടു പക്ഷത്തുമായി നിന്നപ്പോള്‍ സംവാദം ഉയര്‍ന്ന നിലവാരത്തിലേക്ക് ഉയരുകയായിരുന്നു.

കാഴ്ചകളെ വിപണിതന്ത്രമായി ഉപയോഗിക്കുക എന്നത് ദൃശ്യമാധ്യമങ്ങളുടെ ഏറ്റവും പ്രകടമായ രാഷ്ട്രീയമാണ്. പക്ഷപാതപരമായ കാഴ്ചകളിലൂടെയാണ് ആധുനിക ദൃശ്യമാധ്യമമായ സിനിമ അതിന്റെ രാഷ്ട്രീയം പറയുന്നത്. സമൃദ്ധങ്ങളായ ദൃശ്യാനുഭവങ്ങളുടെ കേന്ദ്രീകരണത്തിലൂടെ സിനിമ സംസ്ക്കാരത്തിലിടപെടുകയും വ്യക്തി/ കുടുംബം/സമൂഹം/മതം/ജാതി/ലിംഗം/വര്‍ണം തുടങ്ങിയവയെ സിനിമയുടെ പ്രത്യയശാസ്ത്രത്തിന്‍ കീഴില്‍ വിവരിക്കുകയും ചെയ്യുന്നു. ഉപഭോഗം/പ്രതിനിധാനം ഇവയെ കൂട്ട്പിടിച്ചാണ് സിനിമ സംസ്ക്കാരത്തെ നിര്‍വ്വചിക്കുന്നത്. ‘മണവാട്ടി’ എന്ന പേരു കേള്‍ക്കുമ്പോള്‍ നമ്മുടെ മനസ്സിലേക്ക് കടന്നുവരുന്നത് സ്വര്‍ണ്ണത്തില്‍ പൊതിഞ്ഞു പട്ടുസാരിയും ചുറ്റിനില്‍ക്കുന്ന രൂപമാണ്. സിനിമയുടെയും പരസ്യത്തിന്റേയും മണവാട്ടിയുടെ പ്രതിനിധാനമാണ് നമ്മെ സ്വാധീനിക്കുന്നത്. ബോധപൂര്‍വ്വമോ അബോധപൂര്‍വ്വമോ സിനിമ പകര്‍ത്തുന്ന ഇത്തരം ദൃശ്യങ്ങള്‍ നമ്മുടെ മനസ്സില്‍ ഒരു സംസ്ക്കാരത്തിന്റെ നിര്‍വ്വചനമായിത്തീരുകയും ചെയ്യുന്നു.

ഈ വര്‍ഷത്തെ ശബരിമല ഉല്‍സവം കൊടിയിറങ്ങിയത് അഴിമതിപാരായണോല്‍സവത്തിനു കൊടിയേറ്റിയ ശേഷം മാത്രമാണ്. അനധികൃതവും ആചാരാനുഷ്ഠാനങ്ങളെ നഗ്നമായി ലംഘിച്ചുകൊണ്ടും നടത്തിയ ഒരു ദേവപ്രശ്നമാണ് അതിനു വഴിവെച്ചത്. അനാവശ്യ ദേവപ്രശ്നം യഥാര്‍ഥ 'പ്രശ്നം' തന്നെ ആയി. അഴിമതിയുടെ കൊടുമുടി കയറി ശബരിമലയിലെ അഡ്മിനിസ്ട്രേറ്റീവ് ഓഫീസര്‍ കെ. രാജന്‍ നടത്തിയ പച്ചയായ പല വെട്ടിപ്പുകള്‍ക്കും വെളിച്ചം കാണാനായത് ഇതോടെയാണ്.

കുട്ടനാട്ടില്‍ മുട്ടാര്‍ എന്ന സ്ഥലത്ത് പതിനഞ്ചുകാരനായ ലെജിന്‍ എന്ന വിദ്യാര്‍ത്ഥി സഹപാഠിയാല്‍ കഴുത്തറുത്തു കൊല്ലപ്പെട്ട സംഭവം നടുക്കത്തോടെയാണ് കേരളം അറിയുന്നത്. ആ നടുക്കത്തിന് നിമിഷങ്ങളുടെ ആയുസ്സേ ഉണ്ടാകൂ. അതിനാല്‍, ഇടയ്ക്കിടെ കേരളത്തെ നടുക്കാന്‍ ഇനിയും ഇത്തരം കഴുത്തറുപ്പുകള്‍ ഉണ്ടാകുക തന്നെ ചെയ്യും.

ചെമ്മീന്‍.

തകഴിയുടെ വിശ്വവിഖ്യാതമായ നോവല്‍. ലോകമൊട്ടാകെ മിക്ക പ്രമുഖഭാഷകളിലേക്കും മൊഴിമാറ്റം ചെയ്യപ്പെട്ട അനശ്വരപ്രേമഗാഥ.

മലയാളത്തില്‍ ആ ചിത്രം സിനിമയായപ്പോഴും അനശ്വരമായ കലാസൃഷ്ടിയായി. രാമുകാര്യാട്ടിന്റെ ചിത്രഭാഷയും ലോകം അംഗീകരിച്ചു. മലയാളത്തിന് ആ ചിത്രം ദേശീയപുരസ്കാരം നേടിത്തന്നു.

ആ ചിത്രത്തില്‍ ചെറിയൊരു വേഷത്തിലഭിനയിച്ച നടിയാണ് രാജകുമാരി. കടാപ്പുറത്തിന്റെ കാണപ്പെട്ട ദൈവം തുറയിലാശാന്റെ ഭാര്യ താത്തിക്കുട്ടി. പിന്നീട്, ഗതികേടിലാകുമ്പോള്‍ ചെമ്പന്‍കുഞ്ഞിന്റെ രണ്ടാംഭാര്യയാകുന്നവള്‍.

ഏതാണ്ട് മൂന്നു പതിറ്റാണ്ടിലധികമായി കേന്ദ്രസര്‍ക്കാരിന്റെയും കോടതികളുടെയും പരിഗണനയിലായിരുന്ന നദീസംയോജനമെന്ന മെഗാപദ്ധതി സംബന്ധിച്ച് ഫെബ്രുവരി 27നു് സുപ്രീംകോടതി അന്തിമവിധി പ്രഖ്യാപിച്ചിരിക്കുന്നു. ഇന്ത്യയുടെ ചീഫ് ജസ്റ്റിസ് ജ. കപാഡിയ അടക്കമുള്ള മൂന്നംഗബഞ്ചാണ് ദൂരവ്യാപകപ്രത്യാഘാതങ്ങള്‍ സൃഷ്ടിക്കുന്ന ഈ വിധി പ്രഖ്യാപിച്ചത്.

കേരള സമൂഹത്തിലേക്ക് അരാഷ്ട്രീയത കടന്നു വരുന്നത് 1990കളിലാണ്. 90കളിൽ രണ്ട് വഴിത്തിരിവുകൾ ചരിത്രത്തിലുണ്ടായി. ഒന്ന് കമ്മ്യൂണിസ്റ്റ് ബ്‌ളോക്കിന്റെ തകർച്ച, മറ്റൊന്ന് ഇന്ത്യൻ സമ്പദ്‌വ്യവസ്ഥയുടെ ഉദാരവൽക്കരണം. ഇവ രണ്ടും നമ്മുടെ സമൂഹ നിർമ്മിതിയെ പ്രത്യക്ഷമായി തന്നെ ബാധിച്ചു. മറ്റൊരു പ്രധാന സംഭവം ബാബറിപ്പള്ളിയുടെ ധ്വംസനമാണ്. രാഷ്ട്രീയം ഒഴിഞ്ഞ മനസുകളിൽ വർഗ്ഗീയത കയറി പറ്റാൻ ബാബറിപ്പള്ളിയുടെ തകർക്കൽ ഒരു കാരണമായി എന്നതും ഓർക്കാതെ പോകുന്നത് ശരിയല്ല.

ഇന്ത്യന്‍ സമുദ്രാതിര്‍ക്കുള്ളില്‍വച്ച് രണ്ട് ഇന്ത്യന്‍ മത്സ്യബന്ധനത്തൊഴിലാളികളെ കാരണമൊന്നും കൂടാതെ വെടിവച്ചുകൊന്ന കേസില്‍പ്പെട്ട ഇറ്റാലിയന്‍ കപ്പല്‍ എന്‍റിക്ക ലെക്സി പോകാനൊരുങ്ങുകയാണ്. കപ്പലിന് ഉപാധികളോടെ തീരംവിടാമെന്നു സുപ്രീം കോടതി സമ്മതിച്ചിരിക്കുന്നു. പ്രതികളെ ആവശ്യപ്പെടുമ്പോള്‍ കൊണ്ടുവരാമെന്നും മൂന്നുകോടി കോടതിയില്‍ കെട്ടിവയ്ക്കാമെന്നുമുള്ള ഉപാധികളൊക്കെയുണ്ട്.

ആനകളും കെഎസ്ആര്‍ടിസി ബസ്സും തമ്മില്‍ എന്താണു ബന്ധം? കെഎസ്ആര്‍ടിസി ബസ്സുകളെ പൊതുവെ ആനവണ്ടികള്‍ എന്നു വിളിക്കാറുണ്ട്. പിന്നെ ആനവണ്ടികളുടെ വശങ്ങളില്‍ ചാര്‍ത്തിയിരിക്കുന്ന എംപ്ലം രണ്ട് ആനകള്‍ ഉള്‍പ്പെടുന്നതാണ്. കൂടാതെ രണ്ടും റോഡില്‍ ഇറങ്ങിയാല്‍ നമുക്ക് പേടികൂടാതെ യാത്ര ചെയ്യാനാവില്ല. ഇവയൊക്കെ മാത്രമാണ് ഇത്രനാളും പറയത്തക്കതായി ഉണ്ടായിരുന്ന ബന്ധം.

Tuesday, May 22, 2012