കേരളീയം

പരിസ്ഥിതി വിഷയങ്ങള്‍ക്ക് ഊന്നല്‍ നല്‍കി തൃശൂരില്‍ നിന്ന് പ്രസിദ്ധീകരിക്കുന്ന കേരളീയം മാസിക നല്‍കുന്ന ബിജു.എസ്. ബാലന്‍ അനുസ്മരണ പരിസ്ഥിതി മാധ്യമ ഫെല്ലോഷിപ്പിലേക്ക് അപേക്ഷ ക്ഷണിക്കുന്നു. മാധ്യമപ്രവര്‍ത്തകര്‍ക്കും മാധ്യമപ്രവര്‍ത്തനത്തില്‍ താത്പര്യമുള്ള 35 വയസ്സില്‍ താഴെ പ്രായമുള്ള യുവതീ/യുവാക്കള്‍ക്കും അപേക്ഷിക്കാം.

ഞാനൊന്നും അറിയില്ല എന്ന കരുണാകരന്റെ ഭാവം യഥാര്‍ഥത്തില്‍ പച്ചക്കള്ളമാണ്‌. കാരണം ആന്ധ്രയിലെ കമ്മ്യൂണിസ്റ്റുകാരെ ടോര്‍ച്ചര്‍ ചെയ്‌ത്‌ ശീലമുള്ളവരെ തെരഞ്ഞെടുത്ത്‌ ഇവിടേയ്‌ക്ക്‌ അയച്ചത്‌ എങ്ങിനെ നിഷ്‌കളങ്കമാകും? അടിയന്തരാവസ്ഥാ തടവുകാരനായിരുന്ന ശംഭുദാസ്‌. കെ എഴുതുന്നു . കേരളീയം കരുണാകരന്‍ പതിപ്പില്‍ പ്രസിദ്ധീകരിച്ച ലേഖനം :

കേരളീയം കരുണാകരന്‍ പതിപ്പില്‍ കെ വേണു എഴുതിയ ലേഖനം:

കെ കരുണാകരന്റെ നിര്യാണ സന്ദര്‍ഭം കേരളത്തിലെ മാദ്ധ്യമപ്രവര്‍ത്തനത്തിന്റെ നിലവാരത്തകര്‍ച്ച ഏതറ്റം വരെ എത്തിയിരിക്കുന്നു എന്നു കാണിച്ചുതരാന്‍ അവസരമൊരുക്കി. കരുണാകരന്റെ ഒട്ടും ആകര്‍ഷണീയമല്ലാത്ത ഇരുണ്ടവശങ്ങളെ വേണ്ടുവോളം തുറന്നുകാട്ടിക്കൊണ്ടിരുന്ന മാദ്ധ്യമങ്ങള്‍ ഒന്നടങ്കം നിര്യാണസമയത്ത്‌ കരുണാകരനെ വാനോളം പാടിപ്പുകഴ്‌ത്താന്‍ മത്സരിക്കുകയായിരുന്നു. ഇന്ത്യയിലെ ഏറ്റവുമധികം രാഷ്ട്രീയ കക്ഷിയെ പ്രതിനിധാനം ചെയ്‌ത്‌ കേരളത്തിന്‌ ഏറ്റവുമധികം ഭരണനേതൃത്വം കയ്യാളിയ ഒരു നേതാവിനോട്‌ ജനങ്ങളില്‍ ഗണ്യമായ ഒരു വിഭാഗം വൈകാരിക അടുപ്പം പുലര്‍ത്തുന്നത്‌ സ്വാഭാവികമാണ്‌. കരുണാകരന്റെ അന്ത്യയാത്രയില്‍ ആദരാഞ്‌ജലികള്‍ അര്‍പ്പിക്കാന്‍ ഉടനീളം തടിച്ചുകൂടിയ ജനാവലിയെ കണ്ട മാദ്ധ്യമങ്ങള്‍ ആ വൈകാരികതയെ മുതലാക്കാന്‍ മത്സരിച്ചുകൊണ്ടിരിക്കുകയാണ്‌.

കേരളീയം കരുണാകരന്‍ പതിപ്പില്‍ പി സി ഉണ്ണിച്ചെക്കന്‍ എഴുതിയ ലേഖനം:

1975 ജൂണ്‍ 25ന്‌ സ്ഥാപിച്ച ഇന്ദിരാഭരണം ജനിച്ചത്‌ നുണയിലാണ്‌. നുണകൊണ്ടാണ്‌ വളര്‍ന്നത്‌. അതിന്റെ അടിസ്ഥാനഘടകംതന്നെ നുണയിലാണ്‌.

ലോകപ്രശസ്‌ത പത്രപ്രവര്‍ത്തകനായ ബെര്‍ണ്ണാഡ്‌ ലെവിന്റെ ഈ നിരീക്ഷണം അടിയന്തിരാവസ്ഥയിലെ ഇരുണ്ട നാളുകളെക്കുറിച്ച്‌ സ്വയം സംസാരിക്കുന്ന ഒന്നാണ്‌.

തൃശൂരില്‍നിന്ന് പ്രസിദ്ധീകരിക്കുന്ന പരിസ്ഥിതി മാസികയായ കേരളീയത്തിന്റെ കരുണാകരന്‍ പതിപ്പിറങ്ങി. കേരളീയ ജീവിതത്തില്‍ കരുണാകരനെ അടയാളപ്പെടുത്തുന്നതെങ്ങനെയതിനെക്കുറിച്ച് ചിന്തകരും എഴുത്തുകാരും സാമൂഹിക പ്രവര്‍ത്തകരും എഴുതുന്നു. പി സി ഉണ്ണിച്ചെക്കന്‍, കെ വേണു, കെ പി സേതുനാഥ്, കെ എ മുഹമ്മദ്, കെ പി ജയകുമാര്‍, എം ജി രാധാകൃഷ്ണന്‍, ഷീബ അമീര്‍, നിരഞ്ജന്‍, സിവിക് ചന്ദ്രന്‍, എസ് ഭാസുരേന്ദ്രബാബു, സി ആര്‍ നീലകണ്ഠന്‍, അഡ്വ. ജയശങ്കര്‍, സി ആര്‍ പരമേശ്വരന്‍, വി മോഹനന്‍, ശംഭുദാസ് കെ എന്നിവരാണ് കേരളീയത്തിന്റെ കരുണാകരന്‍ പതിപ്പില്‍ എഴുതിയിരിക്കുന്നത്.

കേരളത്തിന്റെ രാഷ്‌ട്രീയ ചരിത്രത്തില്‍നിന്ന്‌ വിഭിന്നമായൊരു ചരിത്രം അക്രമരാഷ്‌ട്രീയത്തിനില്ല. ഓരോ കാലത്തിനനുസരിച്ചും അത്‌ മാറിവന്നിരുന്നുവെന്നുമാത്രം. പഴയകാലങ്ങളില്‍ എതിര്‍രാഷ്‌ട്രീയ പാര്‍ട്ടികളിലെ വിമര്‍ശകര്‍ക്കുനേരെ മാത്രമായിരുന്നു 'പാര്‍ട്ടി' ആക്രമണം. എന്നാല്‍ പിന്നീടത്‌ എതിര്‍രാഷ്‌ട്രീയ പാര്‍ട്ടിയിലെ ആര്‍ക്കുമെതിരെയും ഉണ്ടാകുമെന്നായി. കേരളത്തിലെ 'രാഷ്‌ട്രീയ' പ്രവര്‍ത്തനത്തിന്റെ മാറിയ ഈ മുഖത്തിന്‌ ഉദാഹരണമായി പല സ്ഥലങ്ങളും മാറുകയും ചെയ്‌തു. എന്നാല്‍ ഇപ്പോഴത്തെ അവസ്ഥ അങ്ങേയറ്റം ഭയാനകമാണ്‌. പാര്‍ട്ടി നിലപാടുകളെ വിമര്‍ശിക്കുന്ന ആരെയും ആക്രമിക്കുമെന്ന നിലയിലേയ്‌ക്കാണ്‌ കാര്യങ്ങള്‍ മാറിയിരിക്കുന്നത്‌. പലകാലങ്ങളില്‍ ഇതിന്‌ നല്ല ഉദാഹരണങ്ങളുണ്ടായിരുന്നു.

2009 ആഗസ്റ്റില്‍ മഹാരാഷ്‌ട്രയിലെ ഗട്‌ചിറോളി ജില്ലയിലെ മേന്ത ഗ്രാമം സന്ദര്‍ശിക്കുകയും ആദിവാസികളുടെ അതിഥിയായി താമസിക്കുകയും ചെയ്‌ത ലേഖകന്‍ ഗോത്രസമൂഹത്തിന്റെ ഭരണ-സാമൂഹിക സംവിധാനങ്ങളെക്കുറിച്ച്‌ നടത്തിയ നിരീക്ഷണങ്ങള്‍ പങ്കുവയ്‌ക്കുന്നു.

കേരളത്തില്‍ കഴിഞ്ഞ മുപ്പതുവര്‍ഷത്തിനിടയില്‍ ആകെയുണ്ടായിരുന്ന കണ്ടല്‍ക്കാടുകളുടെ 94 ശതമാനവും നശിപ്പിച്ചു കഴിഞ്ഞു. കൊച്ചിനഗരത്തെ ചുറ്റിക്കിടക്കുന്ന കടല്‍പ്പരപ്പുകളുടെ പകുതിയും നഷ്‌ടപ്പെട്ടിരിക്കുന്നു. ഇനിയും നികത്തപ്പെടാത്ത ഒരേയൊരു ദ്വീപ്‌ വളന്തക്കാടാണ്‌. ഒപ്പം അവിടെ ഇതിനോടകം കണ്ടുപിടിക്കപ്പെട്ടിട്ടുള്ള 77തരം സസ്യജാലങ്ങളും 27 തരം ജലജീവികളും. അത്രയും അനിതരസാധാരണമായ ജൈവവൈവിധ്യമാണ്‌ ഹൈടെക്‍ സിറ്റി വന്നാല്‍ മണ്‍മറഞ്ഞുപോകുന്നത്‌. വികസനത്തിന്റെ വിദൂരമെങ്കിലുമായ ഒരൊറ്റ ഗുണഗണങ്ങള്‍ക്കും പകരംവയ്‌ക്കാനാകാത്ത കണ്ടല്‍ക്കാടുകളാണ്‌ ഇവിടെ നശിപ്പിക്കപ്പെടാന്‍ പോകുന്നത്‌.

മഞ്ഞുകാലത്ത്‌ കാട്ടിലൂടെ നടക്കുമ്പോള്‍ പ്രകൃതിയിലെ മനോഹാരിതകളെക്കുറിച്ച് ഏറെ ആഹ്ലാദത്തോടെയും വിസ്‌മയത്തോടെയും ഓര്‍മ്മിക്കാറുണ്ട്‌. കണ്ണുകള്‍ക്കുമുന്നില്‍ ഈര്‍പ്പമാര്‍ന്ന മഞ്ഞ്‌ പുതഞ്ഞങ്ങനെ നില്‍ക്കും. ചില വേളകളില്‍ അതിനിടയിലൂടെ ഒരു ചൂളക്കാക്കയുടെ പാട്ട്‌ നമ്മെ തേടിയെത്തും. അപ്പോള്‍ മഞ്ഞിനിടയിലൂടെ കണ്ണുമിഴിച്ച്‌ അതിനെ തേടി നടക്കും. തൊട്ടടുത്തെവിടെയോ ഇരുന്നു ആ പക്ഷിപാടുന്നുണ്ട്‌. പക്ഷെ, നമ്മള്‍ക്കതിനെ കാണുവാനാകുന്നിലല്ലൊ? ആ മനോഹരസംഗീതത്തിന്റെ ഉറവിടം തേടി നാം മഞ്ഞിനിടയിലൂടെ നീന്തി എത്തുമ്പോള്‍, ആ ഗാനം നിലയ്‌ക്കുന്നു. ഒരു നിമിഷം വീണ്ടും കുറച്ചപ്പുറത്തുനിന്നും കേള്‍ക്കുകയായി. ബാല്യകാല സ്‌മരണകളിലെ കണ്ണുകെട്ടിക്കളികളിലേക്ക്‌ ആ പക്ഷി നമ്മെ കൂട്ടിക്കൊണ്ടുപോകുന്നു.

സാമൂഹ്യസാമ്പത്തിക മേഖലകളില്‍ കേരളം (നിലവിലുള്ള പ്രത്യേക രാഷ്‌ട്രീയ കാരണങ്ങളാല്‍) നിര്‍ണ്ണായക പുരോഗതി നേടിയിട്ടുണ്ടെങ്കിലും ഇപ്പോഴത്തെ വികസന മാതൃകയുടെ സാധുതയെക്കുറിച്ച്‌ ഏറെ ആശങ്കകളുണ്ട്‌. ലോകത്തിന്റെ ജനസാന്ദ്രത ഏറ്റവും കൂടുതലുള്ള സ്ഥലങ്ങളിലൊന്നായതുകൊണ്ട്‌ കേരളം രൂക്ഷമായ പ്രകൃതിവിഭവ ദാരിദ്ര്യത്തെ നേരിടുന്നുണ്ട്‌. അണക്കെട്ട്‌, അതിവേഗപ്പാത, വ്യവസായ വികസനം, ഖനനം തുടങ്ങി ഏതുതരം വികസന പ്രവര്‍ത്തനമായാലും അവയുടെ ഒരിക്കലും നിര്‍ണ്ണയിക്കപ്പെടാത്ത പ്രായോഗികതയെക്കുറിച്ച്‌ ഒരുപാട്‌ ചര്‍ച്ചകള്‍ ഉയരാറുണ്ട്.

Tuesday, May 22, 2012