മീഡിയ സ്കാന്‍

വര്‍ഷങ്ങളായി ഏഷ്യാനെറ്റില്‍ തിങ്കള്‍ മുതല്‍ വെള്ളിവരെ സംപ്രേഷണം ചെയ്തുവരുന്ന സ്റ്റാര്‍ സിങ്ങര്‍ എന്ന പാട്ടുറിയാലിറ്റി ഷോ വെള്ളി, ശനി, ഞായര്‍ ദിവസങ്ങളിലേക്ക് മാറുന്നു. പൊന്നുംവിലയുള്ള ആ പ്രൈംടൈമിനെ ലക്ഷ്യംവച്ചുതന്നെയാവണം, മറ്റൊരു പടം കളിച്ചുതുടങ്ങിയിരിക്കുന്നു - 'സിറ്റി ഗേള്‍സ്' എന്ന റിയല്‍ - റിയല്‍ ഷോ. കടിച്ചുകൊണ്ടിരുന്നതിനേക്കാളും വലുത് അളയിലാണിരുന്നിരുന്നതെന്ന് ആദ്യത്തെ തലനീട്ടലില്‍ത്തന്നെ പ്രതിലോമപരതയില്‍ നീലിപ്പിച്ചുഞെട്ടിച്ചുകൊണ്ട് ചാനല്‍ മാടമ്പി തെളിയിക്കുന്നു. അല്ലെങ്കില്‍ത്തന്നെ കടിച്ചതില്‍‌ക്കുറഞ്ഞ എന്തിനോടാണ് അസംഖ്യം സാംസ്കാരികവാസുകിമാര്‍ ഊതിക്കേറ്റിയ വിഷത്തില്‍ ഇതിനോടകം അരാഷ്ട്രീയപ്രതിരോധമാര്‍ജ്ജിച്ചുകഴിഞ്ഞ കേരളത്തിന്റെ സാംസ്കാരികശരീരം പ്രതികരിക്കാന്‍ പോകുന്നത്?

ഏഷ്യാനെറ്റില്‍ കഴിഞ്ഞ ദിവസം ഒരു അഭിമുഖമുണ്ടായിരുന്നു. ഇരുമ്പാണി തട്ടി മുളയാണിവച്ച് മാറ്റാന്‍ കൂട്ടത്തിലേക്കു ചാടിരക്ഷപ്പെട്ട ഒരു ചന്തുവായിരുന്നു വിചാരണയിലെ ഒന്നാം പ്രതി. പേര് ശെല്‍വരാജ്. ഒരാള്‍ ഒരു പാര്‍ട്ടിയില്‍നിന്നു പുറത്തുപോകുന്നത് ഒരു വലിയ കാര്യമല്ല. എന്നാല്‍, അയാള്‍ അടുത്ത ദിവസം നേരേ എതിര്‍രാഷ്ട്രീയദര്‍ശനം മുന്നോട്ടുവയ്ക്കുന്ന മറുപാര്‍ട്ടിയില്‍ അഭയം പ്രാപിക്കുന്നതുകാണുമ്പോള്‍ അതു കൌതുകകരമാണ്.

സിപിഐ(എം) സംസ്ഥാന സമ്മേളനത്തിന്റെ സമാപന സമ്മേളന വേദി ഗ്രീക്ക് - റോമന്‍ വാസ്തുശില്പ മാതൃകയിലായത് കോഴിക്കോട്ടെ ആര്‍ക്കോ പറ്റിയ ഒരു ബുദ്ധിമോശമാണ്. പക്ഷേ, എന്നെ അതിലേറെ അത്ഭുതപ്പെടുത്തിയത് കേരളത്തിലെ എല്ലാ പത്രങ്ങളിലെയും പത്രാധിപന്മാരുടെ പൊതുവിജ്ഞാന നിലവാരമാണ്. ആ നിര്‍മിതി റോമിലെ കൊളോസിയത്തിന്റെ മാതൃകയിലാണെന്നാണ് ഒന്നൊഴിയാതെ എല്ലാ പത്രങ്ങളും എഴുതിയിരിക്കുന്നത്.

ഒരു മേഖലയില്‍ സവിശേഷമായ വൈദഗ്ദ്യം ഉള്ളവര്‍ അവര്‍ പ്രവര്‍ത്തിക്കുന്ന സ്ഥാപനത്തിന് പ്രത്യേകിച്ചും സമൂഹത്തിന് പൊതുവിലും പ്രിയപ്പെട്ടവരാണ്. അതിനാല്‍ തന്നെ എങ്ങനെയെങ്കിലും ഇത്തരക്കാരായ അപൂര്‍വ ജനുസുകളെ പിടിച്ച് നിര്‍ത്താന്‍ മാതൃസ്ഥാപനം പഠിച്ച പണി പതിനെട്ടും പയറ്റുമെന്നതും പിടിച്ചെടുക്കാന്‍ മറ്റുസ്ഥാപനങ്ങള്‍ വലവിരിക്കുമെന്നതും വിപണി സമവാക്യം. മനോരമ ന്യൂസില്‍ ബിസിനസ് വാര്‍ത്ത കൈകാര്യം ചെയ്തുകൊണ്ടിരുന്ന സനില്‍ എബ്രഹാം സ്ഥാപനം വിട്ട് ചേക്കേറുന്നത് ഓഹരി വിദഗ്ദന്‍ പൊറിഞ്ചു വെളിയത്തിന്റെ ഇക്വിറ്റി ഇന്റലിജന്‍സ് എന്ന ധനകാര്യ സ്ഥാപനത്തില്‍ വൈസ് പ്രസിഡന്റായി ആണ്.

ടെലിവിഷന്റെ മുന്നില്‍ നേരം പോക്കിനായി ഇരിക്കുന്ന പ്രേക്ഷകന്റെ പോക്കറ്റില്‍ കയ്യിട്ടു വാരി ചാനല്‍ മുതലാളിമാര്‍ കോടീശ്വരന്മാര്‍ ആകുന്ന കാലത്തിലാണ് ഞാനും നിങ്ങളും ജീവിക്കുന്നത്. പണിയെടുക്കാതെ ചുളുവില്‍ കാശ് ഉണ്ടാക്കുക എന്ന ഒരു സാധാരണ മനുഷ്യന്റെ ആഗ്രഹങ്ങള്‍ക്ക് മേലാണ് "നിങ്ങള്‍ക്കും ആകാം കോടീശ്വരന്‍" എന്ന ചാനല്‍ പരസ്യം ഫ്ലെക്സ് പോലെ വലിച്ചു കെട്ടുന്നത്.

കഴിഞ്ഞ ദിവസം പൊന്നമ്പലമേട്ടില്‍ മകരജ്യോതി സംഭവിച്ചു. സത്യം. അതിനെ ഇത്തവണയെങ്കിലും സംഭവിച്ചു എന്നുതന്നെ പറയേണ്ടിവരും. ഒരു സംഭവം വെറും സംഭവം മാത്രമാണോ, അല്ല, കുപ്രസിദ്ധമോ സുപ്രസിദ്ധമോ ആയ സംഭവമാണോ എന്ന കാര്യം പരിശോധിക്കേണ്ടത് കോടതിയാണെന്നു നമുക്കെല്ലാമറിയാം.

സന്തോഷ് ട്രോഫിയും നെഹൃ ട്രോഫിയും കഴിഞ്ഞാല്‍ കേരളത്തില്‍ ഏറ്റവുമധികം തവണ തത്സമയസംപ്രേഷണം നടന്നിട്ടുള്ളതു് സിപിഎം സമ്മേളനങ്ങള്‍ക്കാവും. ഫോര്‍വേഡിന്റെ മുന്നേറ്റവും ഗോളിയുടെ സേവുമൊക്കെ റേഡിയോയിലൂടെ കേള്‍ക്കുമ്പോഴും ചുണ്ടന്‍വള്ളങ്ങളുടെ ഹീറ്റ്സില്‍ കാരിച്ചാല്‍ ചമ്പക്കുളത്തെ മറികടക്കുമ്പോഴുമൊക്കെ ഉയരുമായിരുന്ന ഹര്‍ഷാരവത്തിന്റെ പുനഃസൃഷ്ടിക്ക് ഇക്കാലത്തു മാദ്ധ്യമങ്ങളാശ്രയിക്കുന്നത് സിപിഎമ്മിന്റെ മുമ്മൂന്നുവര്‍ഷം കൂടുമ്പോഴുള്ള ഈ സമ്മേളനകാലത്തെയാണ്. കഥ കിട്ടിയില്ലെങ്കിലും ഇല്ലാത്ത പൊയ്ത്തിന്റെ വല്ലാത്ത പുകില് വായനക്കാരിലും കാഴ്ചക്കാരിലുമെത്തിക്കേണ്ടതു് മുറിക്കുള്ളിലിരുന്നു കുരുക്ഷേത്രം വിവരിക്കുന്ന ഈ വിദുരരുതന്മാരാണു്.

ഒരു കൊലപാതകം മലയാളികള്‍ക്ക് മോറല്‍ പൊലീസിംഗ് എന്ന മനോരോഗത്തെപ്പറ്റി ചര്‍ച്ച ചെയ്യാന്‍ അവസരമൊരുക്കി. പ്രമുഖപത്രങ്ങള്‍ ഈ വൈകൃതത്തെപ്പറ്റി മുഖപ്രസംഗമെഴുതി, ചാനലുകള്‍ ഗൌരവമായി ഈ കാര്യം ചര്‍ച്ച ചെയ്തു. എന്നാല്‍ അപ്പോഴും ലൈംഗിക സദാചാരമാണ് മുഖ്യമായും വിഷയമായത്. അത്തരം കാര്യങ്ങളെപ്പറ്റി സംസാരിക്കുന്നതില്‍ മോറല്‍ പൊലീസിങ്ങിലെന്ന പോലെത്തന്നെ ഒരു സുഖമുണ്ടല്ലോ.

റിപ്പോര്‍ട്ടര്‍ ടിവിയുടെ ടെലിഫോണ്‍ ഓപ്പറേഷന്‍ സംബന്ധിച്ച ബെര്‍ളി തോമസ് എഴുതിയ Reporter Effect (അല്‍പം ജേണലിസം) (ബ്ലോഗ് / ബസ്) എന്ന ലേഖനം ഇങ്ങനെ തുടങ്ങുന്നു:

ഏതു തൊഴിലിനും അതിന്റേതായ നിയമങ്ങളുണ്ട്, തത്വശാസ്ത്രങ്ങളും മാന്യതയുമുണ്ട്. പത്രപ്രവര്‍ത്തനം അത്തരത്തില്‍ ലോകത്ത് ഏറെ മൂല്യങ്ങളുള്ള ഒരു തൊഴില്‍മേഖലയാണ്.അത് തകരുമ്പോള്‍ ഇല്ലാതാവുന്നത് ഒരു പ്രൊഫഷന്റെ മാന്യത മാത്രമല്ല,വിശ്വാസ്യത കൂടിയാണ്.

പാമോലിന്‍ കേസില്‍ ഉമ്മന്‍ ചാണ്ടിക്കെതിരെ തുടരന്വേഷണത്തിന് ഉത്തരവിട്ട ജസ്റ്റിസ് ഹനീഫ കേസ് തുടര്‍ന്ന് കേള്‍ക്കുന്നതില്‍ നിന്ന് ഒഴിഞ്ഞത് ശനിയാഴ്ചയായിരുന്നു. "സുപ്രീംകോടതിയുടെ ഉത്തരവുകളും രാജ്യത്തെ നിയമങ്ങളും പരിഗണിച്ചാണ് പാമോയില്‍ കേസില്‍ താന്‍ തുടരന്വേഷണത്തിന് ഉത്തരവിട്ടത്. എന്നാല്‍ തനിക്കെതിരെ കുറേനാളുകളായി മാധ്യമങ്ങളിലൂടെ വ്യക്തിപരമായ ആക്ഷേപങ്ങളാണ് ചിലര്‍ ഉന്നയിക്കുന്നത്. ഈ സാഹചര്യത്തില്‍ കേസില്‍ വാദം കേള്‍ക്കുന്നതില്‍ നിന്ന് തന്നെ ഒഴിവാക്കണമെന്ന് ഹൈക്കോടതിയോട് അഭ്യര്‍ഥിക്കാന്‍ തീരുമാനിച്ചു" എന്നാണ് ജഡ്ജി അറിയിച്ചത്.

Tuesday, May 22, 2012