വിട | Malayal.am

ചെമ്മീന്‍.

തകഴിയുടെ വിശ്വവിഖ്യാതമായ നോവല്‍. ലോകമൊട്ടാകെ മിക്ക പ്രമുഖഭാഷകളിലേക്കും മൊഴിമാറ്റം ചെയ്യപ്പെട്ട അനശ്വരപ്രേമഗാഥ.

മലയാളത്തില്‍ ആ ചിത്രം സിനിമയായപ്പോഴും അനശ്വരമായ കലാസൃഷ്ടിയായി. രാമുകാര്യാട്ടിന്റെ ചിത്രഭാഷയും ലോകം അംഗീകരിച്ചു. മലയാളത്തിന് ആ ചിത്രം ദേശീയപുരസ്കാരം നേടിത്തന്നു.

ആ ചിത്രത്തില്‍ ചെറിയൊരു വേഷത്തിലഭിനയിച്ച നടിയാണ് രാജകുമാരി. കടാപ്പുറത്തിന്റെ കാണപ്പെട്ട ദൈവം തുറയിലാശാന്റെ ഭാര്യ താത്തിക്കുട്ടി. പിന്നീട്, ഗതികേടിലാകുമ്പോള്‍ ചെമ്പന്‍കുഞ്ഞിന്റെ രണ്ടാംഭാര്യയാകുന്നവള്‍.

കൃഷ്ണന്‍കുട്ടി നായര്‍ മരിച്ചു. അന്തരിച്ചു, ദിവംഗതനായി, നിര്യാതനായി... എന്തെല്ലാം ബഹുമാനപദങ്ങളാണ് ഒരാള്‍ മരിക്കുമ്പോള്‍പോലും. ഇല്ല, അത്തരം ജാഡകളൊന്നും കൃഷ്ണന്‍കുട്ടിനായര്‍ സഹിക്കുമെന്നു തോന്നുന്നില്ല. മരിച്ചു. അത്രമതി. അതാണു സത്യവും. കൃഷ്ണന്‍കുട്ടിനായര്‍ മരിച്ചു. കെ.എസ്. കൃഷ്ണന്‍കുട്ടിനായര്‍ എന്നോര്‍ത്തെടുക്കാം. അത്രമാത്രം. അതിനപ്പുറമൊന്നുമില്ല.

"എവിടെ നിന്നാണ് ആ മുഴക്കം കേള്‍ക്കുന്നത്? ഇടതടവില്ലാത്ത ഒരു വാക്പ്രവാഹം എവിടെ നിന്നാരംഭിക്കുന്നു? ശ്രോതാക്കളുടെ കരഘോഷത്തില്‍ നിന്നാരംഭിച്ച് അടുത്ത കരഘോഷത്തില്‍ അലിഞ്ഞു ചേരുന്ന ആ പദധോരണിയുടെ ഉറവിടം അന്വേഷിച്ച് ചെവിവട്ടം പിടിച്ചുപിടിച്ചു നാം ചെല്ലുമ്പോള്‍ കാണാം, ഒരു മെലിഞ്ഞ ദേഹം ക്ഷീണംകൊണ്ടോ ആവേശംകൊണ്ടോ വീണുപോകാതിരിക്കാന്‍ ഉച്ചഭാഷിണിയുടെ ഉരുക്കുദണ്ഡിനെതന്നെ ഇടം കൈകൊണ്ടൊരുമിച്ച് പിടിച്ചിരിക്കുന്നു. വളരെ മൃദുവായ ശബ്ദത്തില്‍ കീഴ്‌സ്ഥായിയില്‍ തുടങ്ങി പതുക്കെപ്പതുക്കെ ദൃഢമായി ഗൗരവം കലര്‍ന്ന സ്വരത്തില്‍ ഇടയ്ക്കല്‍പം ഫലിതവും പരിഹാസവും ചേര്‍ത്ത, ഉച്ചണ്ഡമായ കാലവര്‍ഷക്കൊടുങ്കാറ്റിന്റെ വീറും വീര്യവും പ്രദര്‍ശിപ്പിച്ച്, ഇത്രാമത്തെ മിനിറ്റില്‍ സദസ്സിനെക്കൊണ്ട് കയ്യടിപ്പിക്കാനുദ്ദേശിച്ചുവോ, ആ മിനിറ്റില്‍ തന്നെ കയ്യടിപ്പിക്കാന്‍ കഴിവുള്ള വാഗ്മിത്വവും വാചാലതയും കൂടിച്ചേര്‍ന്ന ഒരു പ്രകടനമാണത്"

ഗോവന്‍ സംസ്‌കാരത്തെ വരകളിലൂടെ ലോകത്തിനു മുന്‍പാകെ സാക്ഷാല്‍ക്കരിച്ച പ്രശസ്‌ത ചിത്രകാരനും കാര്‍ട്ടൂണിസ്റ്റുമായ മരിയോ മിറാന്‍ഡ അന്തരിച്ചു. 85 വയസ്സുണ്ടായിരുന്നു. ഇലസ്‌ട്രേറ്റഡ്‌ വീക്കിലി, ഫെമിന, ടൈംസ്‌ ഓഫ്‌ ഇന്ത്യ, എക്കണോമിക്‌സ്‌ ടൈംസ്‌ തുടങ്ങിയ പ്രമുഖ പത്രസ്ഥാപനങ്ങളില്‍ കാര്‍ട്ടൂണിസ്റ്റായി സേവനമനുഷ്‌ഠിച്ചിട്ടുണ്ട്‌.

ബ്രസീല്‍ ഫുട്‌ബോള്‍ ടീം മുന്‍ നായകനും ഇതിഹാസതാരവുമായ സോക്രട്ടീസ്‌ അന്തരിച്ചു. 57 വയസ്സായിരുന്നു. ആമാശയസംബന്ധമായ അസുഖം ബാധിച്ചിരുന്ന സോക്രട്ടീസ് അല്പകാലമായി ചികിത്സയിലായിരുന്നു. സാവോ പോളോയിലെ ആല്‍ബര്‍ട്ട്‌ ഐന്‍സ്‌റ്റീന്‍ ഇസ്രായേലി ആശുപത്രിയില്‍ വച്ചാണ് മരണമുണ്ടായത്.

ബോളിവുഡിലെ നിത്യഹരിതനായകന്‍ എന്നു പേരുകേട്ട നടന്‍ ദേവാനന്ദ് അന്തരിച്ചു. 88 വയസ്സായിരുന്നു. ഹൃദയാഘാതമാണ് മരണകാരണം. വാര്‍ദ്ധക്യസഹജമായ അവശതകള്‍ കാരണം, പരിശോധനകള്‍ക്കായി മകന്‍ സുനിലിനൊപ്പം ലണ്ടനില്‍ എത്തിയതായിരുന്നു. അവിടെ വച്ചാണു മരണം.

ജ്ഞാനപീഠജേത്രിയായ പ്രമുഖ അസമീസ് എഴുത്തുകാരി ഇന്ദിര ഗോസ്വാമി നിര്യാതയായി. എഴുപതു വയസ്സായിരുന്നു. ഹൃദംസ്തംഭനമാണു മരണകാരണം. അസുഖബാധിതതായി ഏറെക്കാലമായി ചികിത്സയിലായിരുന്ന ഇന്ദിരാ ഗോസാമി ഇന്നു പുലര്‍ച്ചെയാണ് മരണത്തിനു കീഴടങ്ങിയത്.

ഗോവയില്‍ നടക്കുന്ന അന്താരാഷ്ട്ര ചലച്ചിത്രമേളയില്‍ പങ്കെടുക്കാനെത്തിയ പ്രമുഖ ബ്രസീലിയന്‍ സംവിധായകന്‍ ഓസ്‌കാര്‍ മാരോണ്‍ ഫില്‍ഹോ ഹൃദയാഘാതം മൂലം അന്തരിച്ചു. 56 വയസ്സായിരുന്നു. ഗോവന്‍ ചലച്ചിത്രമേളയില്‍ ഫുട്‌ബോള്‍ സിനിമകളുടെ പ്രത്യേക വിഭാഗത്തിലുള്‍പ്പെടുത്തിയ' മരിയാ ഫില്‍ഹോ: ദ ക്രിയേറ്റര്‍ ഓഫ് ക്രൗഡ്‌സ്' എന്ന ഡോക്യുമെന്ററിയുടെ സംവിധായകനെന്ന നിലയില്‍ മേളയില്‍ പങ്കെടുക്കാനെത്തിയതായിരുന്നു അദ്ദേഹം.

അതിപ്രശസ്തനായ സാരംഗി വാദകനും ഹിന്ദുസ്ഥാനി ഗായകനുമായ ഉസ്താദ് സുല്‍ത്താന്‍ ഖാന്‍ അന്തരിച്ചു. 71 വയസ്സായിരുന്നു. ഞായറാഴ്ച വൈകീട്ട് മുംബൈയിലെ സ്വകാര്യ ആശുപത്രിയില്‍ വെച്ച് നിര്യാതനായ ഉസ്താദിന്റെ സംസ്കാരം ഇന്നാണു നടക്കുക.

കവിയും ഗാനരചയിതാവുമായ ഏറ്റുമാനൂര്‍ സോമദാസന്‍ അന്തരിച്ചു. എഴുപത്തിയഞ്ചു വയസ്സായിരുന്നു. കേരള സാഹിത്യ അക്കാദമി പുരസ്‌കാരം, വാമദേവന്‍ പുരസ്‌കാരം, കൃഷ്ണഗീതി പുരസ്‌കാരം, മൂലൂര്‍ കവിതാ അവാര്‍ഡ്, ഉള്ളൂര്‍ സ്മാരക പുരസ്‌കാരം, പി. കുഞ്ഞിരാമന്‍ നായര്‍ സ്മാരക പുരസ്‌കാരം തുടങ്ങിയ പുരസ്കാരങ്ങള്‍ കവിതകള്‍ക്കു ലഭിച്ചിട്ടുണ്ട്. എ. തുളസീബായി അമ്മയാണ് ഭാര്യ. മക്കള്‍: എസ്. കവിത, ഡോ. എസ്. പ്രതിഭ.

Tuesday, May 22, 2012