വിശകലനം

കാഴ്ചകളെ വിപണിതന്ത്രമായി ഉപയോഗിക്കുക എന്നത് ദൃശ്യമാധ്യമങ്ങളുടെ ഏറ്റവും പ്രകടമായ രാഷ്ട്രീയമാണ്. പക്ഷപാതപരമായ കാഴ്ചകളിലൂടെയാണ് ആധുനിക ദൃശ്യമാധ്യമമായ സിനിമ അതിന്റെ രാഷ്ട്രീയം പറയുന്നത്. സമൃദ്ധങ്ങളായ ദൃശ്യാനുഭവങ്ങളുടെ കേന്ദ്രീകരണത്തിലൂടെ സിനിമ സംസ്ക്കാരത്തിലിടപെടുകയും വ്യക്തി/ കുടുംബം/സമൂഹം/മതം/ജാതി/ലിംഗം/വര്‍ണം തുടങ്ങിയവയെ സിനിമയുടെ പ്രത്യയശാസ്ത്രത്തിന്‍ കീഴില്‍ വിവരിക്കുകയും ചെയ്യുന്നു. ഉപഭോഗം/പ്രതിനിധാനം ഇവയെ കൂട്ട്പിടിച്ചാണ് സിനിമ സംസ്ക്കാരത്തെ നിര്‍വ്വചിക്കുന്നത്. ‘മണവാട്ടി’ എന്ന പേരു കേള്‍ക്കുമ്പോള്‍ നമ്മുടെ മനസ്സിലേക്ക് കടന്നുവരുന്നത് സ്വര്‍ണ്ണത്തില്‍ പൊതിഞ്ഞു പട്ടുസാരിയും ചുറ്റിനില്‍ക്കുന്ന രൂപമാണ്. സിനിമയുടെയും പരസ്യത്തിന്റേയും മണവാട്ടിയുടെ പ്രതിനിധാനമാണ് നമ്മെ സ്വാധീനിക്കുന്നത്. ബോധപൂര്‍വ്വമോ അബോധപൂര്‍വ്വമോ സിനിമ പകര്‍ത്തുന്ന ഇത്തരം ദൃശ്യങ്ങള്‍ നമ്മുടെ മനസ്സില്‍ ഒരു സംസ്ക്കാരത്തിന്റെ നിര്‍വ്വചനമായിത്തീരുകയും ചെയ്യുന്നു.

കുട്ടനാട്ടില്‍ മുട്ടാര്‍ എന്ന സ്ഥലത്ത് പതിനഞ്ചുകാരനായ ലെജിന്‍ എന്ന വിദ്യാര്‍ത്ഥി സഹപാഠിയാല്‍ കഴുത്തറുത്തു കൊല്ലപ്പെട്ട സംഭവം നടുക്കത്തോടെയാണ് കേരളം അറിയുന്നത്. ആ നടുക്കത്തിന് നിമിഷങ്ങളുടെ ആയുസ്സേ ഉണ്ടാകൂ. അതിനാല്‍, ഇടയ്ക്കിടെ കേരളത്തെ നടുക്കാന്‍ ഇനിയും ഇത്തരം കഴുത്തറുപ്പുകള്‍ ഉണ്ടാകുക തന്നെ ചെയ്യും.

ഏതാണ്ട് മൂന്നു പതിറ്റാണ്ടിലധികമായി കേന്ദ്രസര്‍ക്കാരിന്റെയും കോടതികളുടെയും പരിഗണനയിലായിരുന്ന നദീസംയോജനമെന്ന മെഗാപദ്ധതി സംബന്ധിച്ച് ഫെബ്രുവരി 27നു് സുപ്രീംകോടതി അന്തിമവിധി പ്രഖ്യാപിച്ചിരിക്കുന്നു. ഇന്ത്യയുടെ ചീഫ് ജസ്റ്റിസ് ജ. കപാഡിയ അടക്കമുള്ള മൂന്നംഗബഞ്ചാണ് ദൂരവ്യാപകപ്രത്യാഘാതങ്ങള്‍ സൃഷ്ടിക്കുന്ന ഈ വിധി പ്രഖ്യാപിച്ചത്.

കേരള സമൂഹത്തിലേക്ക് അരാഷ്ട്രീയത കടന്നു വരുന്നത് 1990കളിലാണ്. 90കളിൽ രണ്ട് വഴിത്തിരിവുകൾ ചരിത്രത്തിലുണ്ടായി. ഒന്ന് കമ്മ്യൂണിസ്റ്റ് ബ്‌ളോക്കിന്റെ തകർച്ച, മറ്റൊന്ന് ഇന്ത്യൻ സമ്പദ്‌വ്യവസ്ഥയുടെ ഉദാരവൽക്കരണം. ഇവ രണ്ടും നമ്മുടെ സമൂഹ നിർമ്മിതിയെ പ്രത്യക്ഷമായി തന്നെ ബാധിച്ചു. മറ്റൊരു പ്രധാന സംഭവം ബാബറിപ്പള്ളിയുടെ ധ്വംസനമാണ്. രാഷ്ട്രീയം ഒഴിഞ്ഞ മനസുകളിൽ വർഗ്ഗീയത കയറി പറ്റാൻ ബാബറിപ്പള്ളിയുടെ തകർക്കൽ ഒരു കാരണമായി എന്നതും ഓർക്കാതെ പോകുന്നത് ശരിയല്ല.

ഇന്ത്യന്‍ സമുദ്രാതിര്‍ക്കുള്ളില്‍വച്ച് രണ്ട് ഇന്ത്യന്‍ മത്സ്യബന്ധനത്തൊഴിലാളികളെ കാരണമൊന്നും കൂടാതെ വെടിവച്ചുകൊന്ന കേസില്‍പ്പെട്ട ഇറ്റാലിയന്‍ കപ്പല്‍ എന്‍റിക്ക ലെക്സി പോകാനൊരുങ്ങുകയാണ്. കപ്പലിന് ഉപാധികളോടെ തീരംവിടാമെന്നു സുപ്രീം കോടതി സമ്മതിച്ചിരിക്കുന്നു. പ്രതികളെ ആവശ്യപ്പെടുമ്പോള്‍ കൊണ്ടുവരാമെന്നും മൂന്നുകോടി കോടതിയില്‍ കെട്ടിവയ്ക്കാമെന്നുമുള്ള ഉപാധികളൊക്കെയുണ്ട്.

സിപിഎമ്മുമായി ബന്ധപ്പെട്ട സംഭവങ്ങളെ പക്ഷം ചേര്‍ന്നു മാത്രം വിലയിരുത്തുന്ന വാര്‍ത്താമാദ്ധ്യമങ്ങള്‍ വളരെ ന്യൂട്രലായി ഫാക്ച്വല്‍ റിപ്പോര്‍ട്ടിങ് നടത്തിയ ഒരു സംഭവം ഈയിടെ അരങ്ങേറി. സിപിഎം സംസ്ഥാനകമ്മിറ്റിയംഗമായ എം വിജയകുമാറിന്റെ പെരുന്ന സന്ദര്‍ശനമാണിത്. വിജയകുമാര്‍ പെരുന്നയില്‍ രണ്ടുതവണ പോയ കാര്യവും പിന്നീട് എന്‍എസ്എസും സിപിഎമ്മുമായി ബന്ധപ്പെട്ട പ്രശ്നങ്ങളെല്ലാം പരിഹരിച്ചു എന്ന അദ്ദേഹത്തിന്റെ പ്രസ്താവനയും മാത്രമാണു് നാം ചാനലുകളില്‍ കണ്ടതു്. പത്രങ്ങളൊന്നും ഇതു കാര്യമായി ഫോളോ ചെയ്തതുമില്ല.

ദൈവനാമത്തില്‍ സത്യപ്രതിജ്ഞ ചെയ്യുന്ന മന്ത്രിമാരാണ് ഇന്നും നമ്മുടെ മതേതര രാഷ്ട്രത്തിന്റെ ജനാധിപത്യത്തെ മുന്നോട്ടുതള്ളിക്കൊണ്ടുപോകുന്നത്. മതേതരം എന്നത് ഏതു മതത്തെയും തരംപോലെ പുണരുകയും പിരിയുകയും ചെയ്യാനുള്ള കേവലസ്വാതന്ത്ര്യം മാത്രമല്ല, സ്വന്തം മതവിശ്വാസങ്ങളെ ഉയര്‍ത്തിപ്പിടിക്കാനും അതില്‍ സ്വാതന്ത്ര്യത്തോടെയും സമാധാനത്തോടെയും അഭിമാനത്തോടെയും ജീവിച്ചുപോകാനുള്ള അവകാശം കൂടിയാണ്.

പൊതുവിടങ്ങളിലെ സ്ത്രീ സാന്നിധ്യം ഇന്നൊരു പുതുമയല്ല. അതുകൊണ്ടുതന്നെ അടുക്കളയില്‍ നിന്നും അരങ്ങത്തേക്ക് എന്നത് പോലെയുള്ള രചനകള്‍ക്ക്ഇന്നൊരു പ്രസക്തിയുമില്ല. മാറ് മറയ്ക്കാനും പൊതുവിടങ്ങളില്‍ സജീവമാകാനും വിദ്യാഭ്യാസം നേടാനും ജോലി ചെയ്യാനും ഇന്നവള്‍ക്ക് അവകാശമുണ്ട്. തിരുവാതിരകളിയും കുമ്മിയടിയും മാത്രമാണ് സ്ത്രീകളുടെ സങ്കേതങ്ങള്‍ എന്നുള്ള പഴയ സങ്കല്‍പ്പങ്ങളില്‍ നിന്നും പൊതുവിടങ്ങളിലെ പെണ്ണിന്റെ സ്വീകാര്യതയിലേക്ക് എത്തിയതിന്റെ പിന്നില്‍ നവോത്ഥാന നായകന്മാര്‍ നല്‍കിയ സംഭാവനകളും വിദ്യാഭ്യാസത്തിന്റെ പങ്കും എടുത്തു പറയേണ്ടവയാണ്.

കേരളക്കരയിലാകെ എന്ന മട്ടില്‍ പത്രഏജന്റുമാര്‍ തുടങ്ങിവച്ച സമരം അതിന്റെ രണ്ടാം വാരത്തിലേക്കു കടക്കുകയാണ്. ഇനിയും പത്രഉടമകള്‍ സമരത്തോട് അനുഭാവപൂര്‍വമായ ഒരു നിലപാടു സ്വീകരിച്ചിട്ടില്ല എന്നു മാത്രമല്ല, തീര്‍ത്തും ഉദാസീനമായ മുഖമാണ് അതിനോടു ദീക്ഷിച്ചിട്ടുള്ളത്. ഇതിനിടെ, പത്രവിതരണത്തിന് സവിശേഷമായ ചില സമാന്തരസാദ്ധ്യതകള്‍ ഉടമകള്‍ ആരായുന്നുമുണ്ട്. ഇതെല്ലാം ചേര്‍ന്ന് ഒരു വിചിത്രസങ്കീര്‍ണമായ സാമൂഹികാവസ്ഥ സൃഷ്ടിക്കപ്പെടുന്നുമുണ്ട്. ഇവ വിശകലനം ചെയ്യേണ്ടത് അത്യാവശ്യമായി മാറുന്നു.

അടുത്ത അഞ്ച് വര്‍ഷം കഴിഞ്ഞ് ഓര്‍ത്തുവയ്ക്കാന്‍ പറ്റിയ, അല്ലെങ്കില്‍ വരും കാലത്ത് വീണ്ടും എടുത്ത് പറയാന്‍ കഴിയുന്ന ദീര്‍ഘകാലാടിസ്ഥാനത്തിലുള്ള പദ്ധതിയോ നയവ്യതിയാനമോ ഇല്ലാത്ത ഒരു ബജറ്റ്. കടുത്ത ആഘാതവും ഏല്‍പ്പിക്കുന്നില്ല, അമിതാഹ്ലാദത്തിനും വകയില്ല. ചുരുക്കത്തില്‍ പറഞ്ഞാല്‍ അടുത്ത ഒരു വര്‍ഷം സര്‍ക്കാര്‍ സംവിധാനം നടത്തിക്കൊണ്ട് പോകാനുള്ള ഒരു അക്കൌണ്ടന്‍സിപരമായ സ്റ്റേറ്റ്മെന്റ്. പ്രതിരോധത്തിന് മൊത്തം വരുമാനത്തിന്റെ രണ്ട് ശതമാനം നീക്കിയിരുത്തിയപ്പോള്‍ ആരോഗ്യ കുടുംബക്ഷേമ കാര്യത്തിനുള്ള നീക്കിവയ്പ്പ് ഇതിന്റെ നാലിലൊന്ന് പോലും ഇല്ല.

Tuesday, May 22, 2012