വിശകലനം

ചാനല്‍ രംഗത്തേക്കുള്ള മീഡിയ വണ്‍ എന്ന നവാഗതന്റെ വരവ് ഓണ്‍ലൈന്‍ ഇടങ്ങളില്‍ ആഘോഷിക്കപ്പെട്ടത് വാര്‍ത്താവായനക്കാരിയുടെ മഫ്തയില്‍ പിടിച്ചു വലിച്ചു കൊണ്ടായിരുന്നു. ബഹുസ്വര സമൂഹത്തില്‍ പ്രകടമായ മതചിഹ്നവുമായി പ്രത്യക്ഷപ്പെടുന്നതിലെ അപകടം ചിലരില്‍ ആശങ്കയുളവാക്കിയെങ്കില്‍, മറു വശത്ത് ഇസ്ലാമികവേഷമായ ഹിജാബ് അണിഞ്ഞു കൊണ്ട് കേരളത്തില്‍ ആദ്യമായി ടീവി വാര്‍ത്താവായനക്കാരിയായി പ്രത്യക്ഷപ്പെട്ട കുട്ടിയെ അഭിനന്ദിച്ചും അതിനു വേദിയൊരുക്കിയ മാധ്യമം ഗ്രൂപ്പിനെ പ്രശംസയില്‍ മൂടിയും മറ്റു ചിലര്‍ അര്‍മാദിച്ചു.

നോര്‍വേയില്‍ ജോലി ചെയ്യുന്ന ആന്ധ്രപ്രദേശ് സ്വദേശി ചന്ദ്രശേഖര്‍ വല്ലഭനേനിയും ഭാര്യ അനുപമയും അവിടത്തെ നിയമത്തിന്റെ ക്രൂരവിനോദത്തിന് ഇരയായിരിക്കുകയാണ്. ഇരുവരും തങ്ങളുടെ ഏഴുവയസ്സുകാരന്‍ മകന്‍ സായ് ശ്രീറാമിനെ മാനസികമായും ശാരീരികമായും പീഡിപ്പിച്ചെന്നും ഭീഷണിപ്പെടുത്തിയെന്നുമുള്ളതാണ് കേസ്. കുട്ടികളെ ഭീഷണിപ്പെടുത്തുന്നതും ശിക്ഷിക്കുന്നതും വലിയ കുറ്റമായിക്കാണുന്ന നോര്‍വേയിലെ നിയമപ്രകാരമാണ് കേസ് ശക്തമായ നിലയില്‍ എടുത്തിരിക്കുന്നത്.

കേരളത്തിലെ സര്‍ക്കാര്‍ സര്‍വ്വീസിനെ സമൂലമായ നവീകരണം ആവശ്യപ്പെടുന്ന ഒന്നായി കരുതിക്കൊണ്ടുള്ള ഒരു പദ്ധതിയും ഓര്‍ത്തെടുക്കാനില്ല. സര്‍ക്കാര്‍ സര്‍വ്വീസിന്റെ നവീകരണം എന്ന സങ്കല്‍പ്പം ഈ ലേഖനത്തില്‍ ഉപയോഗിക്കാന്‍ പോകുന്നത് ഏതര്‍ത്ഥത്തില്‍ ആണ് എന്ന് സൂചിപ്പിക്കുന്നത് തുടര്‍ന്നുള്ള വായനയ്ക്ക് ഉപകാരപ്രദമായിരിക്കും.

മലയാളിയുടെ മദ്യപാനത്തെക്കുറിച്ച് ചര്‍ച്ചകളുയരാന്‍ തുടങ്ങിയിട്ട് അല്പകാലമായി. മദ്യം ഒരു സാമൂഹികപ്രതിഭാസവും അതു വളരെയേറെ സാമൂഹികതരംഗങ്ങളുയര്‍ത്തുന്ന ഒന്നായതുകൊണ്ടും നിരന്തരം അതു ചര്‍ച്ചയില്‍ വരുന്നതില്‍ തെറ്റില്ലതാനും. ഏറ്റവും പുതുതായി മദ്യം വാര്‍ത്തകളില്‍ നിറയുന്നത് കഴിഞ്ഞദിവസം കോടതി നടത്തിയ ചില നിരീക്ഷണങ്ങളോടെയാണ്.
മലയാളിയുടെ മദ്യപാനശീലം പരിഷ്‌കൃതമല്ല എന്നതാണ് കോടതിയുടെ നിരീക്ഷണങ്ങളുടെ ആകെത്തുകയെന്നു വായിച്ചെടുക്കാന്‍ പ്രയാസമില്ല. അതിനെ പരിഷ്‌കൃതമാക്കാന്‍ ചില നിര്‍ദ്ദേശങ്ങളാണു കോടതി മുന്നോട്ടുവയ്ക്കുന്നതെന്നും മനസ്സിലാക്കാനാകുന്നു. മദ്യപാനം പരിഷ്‌കൃതമായ നിലയിലാണെങ്കില്‍ കുഴപ്പമില്ലെന്ന ധാരണയും കോടതി മുന്നോട്ടുവയ്ക്കുന്നു.

കാലങ്ങളായി കേരളീയ സമൂഹത്തില്‍ ഗുണപരമായ പല മുന്നേറ്റങ്ങള്‍ക്കും നേതൃത്വം വഹിച്ചിട്ടുള്ള കേരള ശാസ്ത്ര സാഹിത്യ പരിഷത്തിന്റെ ആണവോര്‍ജ്ജ വിരുദ്ധ നിലപാട് കേരളത്തില്‍ ആണവ നിലയം വേണമോ എന്നുള്ള ചര്‍ച്ചയില്‍ പല പ്രാവശ്യം ഉയര്‍ന്നു വന്നിട്ടുണ്ട്. അവിടെയെല്ലാം മുഴങ്ങിക്കേട്ട പരിഷത്തിന്റെ നിലപാട് കേരളത്തിലെ ജനസാന്ദ്രത ഒരു ആണവ നിലയത്തിന്റെ നിര്‍മ്മാണത്തിനു ഉതകുന്നതല്ല എന്നതായിരുന്നു. കേരളീയസമൂഹത്തില്‍ വളരെ അംഗീകാരം ഈ നിലപാടിന് കിട്ടിയിട്ടുമുണ്ട്. അതിന്റെ ഫലം കൂടിയായാണ് പെരിങ്ങോമില്‍ ആണവവൈദ്യുത നിലയം സ്ഥാപിക്കാനുള്ള നീക്കം ഇല്ലാതായത്.

ഇന്ത്യന്‍ പ്രധാനമന്ത്രി മന്മോഹൻ സിങ്ങ് ഇന്ധന വില വർദ്ധനയെയും ചില്ലറ വില്പന രംഗത്തെ വിദേശ നിക്ഷേപത്തെയും ന്യായീകരിച്ച് നടത്തിയ പ്രസംഗം ഏറെ ശ്രദ്ധേയമായിരുന്നു. ആ പ്രസംഗത്തിൽ അദ്ദേഹം ചോദിച്ചത് ഡീസൽ വിലയ്ക്ക് ഇപ്പോൾ നൽകുന്ന സബ്സിഡി 17 രൂപയാണ്, അതിൽ നിന്നും 5 രൂപയാണ് കുറച്ചത്, ധനികർ ഉപയോഗിക്കുന്ന എസ്.യു.വി. കാറുകളും ഫാക്ടറികളും വ്യവസായങ്ങളുമാണ് ഡീസൽ ഉപഭോഗത്തിന്റെ ഒരു വലിയ ഭാഗം, അത് സബ്സിഡൈസ് ചെയ്ത് ഗവണ്മെന്റ് വലിയ ധനകാര്യ കമ്മി വരുത്തേണ്ടതുണ്ടോ എന്നാണ്. ഇപ്പോൾ ഈ സബ്സിഡി കുറയ്ക്കൽ നടപടികൾ സ്വീകരിച്ചില്ലായിരുന്നെങ്കിൽ ഇന്ധന സബ്സിഡി ഈ വർഷം രണ്ട് ലക്ഷം കോടി രൂപയായേനെ, ഈ പണം എവിടെനിന്നു വരും, പണം മരത്തിൽ നിന്നും കായ്ക്കുന്നില്ല എന്നാണ് മന്മോഹൻ സിങ്ങ് പറയുന്നത്.

ഭക്ഷണപദാര്‍ത്ഥങ്ങള്‍ക്കു ജാതിയും മതവുമുണ്ടോ?

മതം ലോകത്തെ ഏതാണ്ടു സിംഹഭൂരിപക്ഷം വരുന്ന മനുഷ്യരുടെയും സ്വകാര്യവും സാമൂഹികവുമായ സ്വത്വവുമായിത്തന്നെ ബന്ധപ്പെട്ടുനില്‍ക്കുന്ന കാര്യമായതുകൊണ്ട് ജീവിതവുമായി ബന്ധപ്പെട്ട ചെറുതും വലുതുമായ ഏതാണ്ടെല്ലാക്കാര്യങ്ങള്‍ക്കും മതവുമായും ബന്ധമുണ്ടാകും. ഇന്ത്യ പോലെ നാനാജാതികളും ഉപജാതികളുമായി സമുദായം വിഘടിച്ചുകിടക്കുന്ന സങ്കീര്‍ണസ്ഥലങ്ങളില്‍ അതു കൂടുതല്‍ നിഗൂഢവും ഭീകരവുമായിത്തീരും. അതുകൊണ്ടാണ് വസ്ത്രവിശേഷങ്ങള്‍ മുതല്‍ നിലവിളക്കു വരെ ഇവിടെ മതവുമായി ബന്ധപ്പെട്ട ചര്‍ച്ചകള്‍ക്കു വിധേയമാകുന്നത്.

കേരളത്തില്‍ സിപിഎം അകത്തുനിന്നു കടുത്ത ജീര്‍ണത നേരിടുന്ന കാലമാണിതെന്ന് നമുക്കറിയാം. കേരളസംസ്ഥാനം കണ്ട ഏറ്റവും ദുര്‍ബലവും പൊരുത്തമില്ലായ്മ നിറഞ്ഞതുമായ ഭരണകൂടത്തെയും മുന്നണിയെയുമാണ് യുഡിഎഫ് അവതരിപ്പിച്ചിട്ടുള്ളതെങ്കിലും അതിനേക്കാള്‍ ദുര്‍ബലവും പിടിപ്പുകെട്ടതുമായ പ്രതിപക്ഷമായി മാറിക്കൊണ്ട് മുന്നണിനേതൃത്വം പോലും ശരിയാംവണ്ണം നിര്‍വഹിക്കാനാകാതെ സിപിഎം ചുഴിക്കറക്കം നടത്തുകയാണ്. ഇതിനിടെയാണ് അങ്ങു ന്യൂഡല്‍ഹിയില്‍ ഇടതുപക്ഷബുദ്ധിജീവികളുടെ റിക്രൂട്ടിംഗ് സെന്റര്‍ എന്നു പറയാവുന്ന ജവഹര്‍ലാല്‍ നെഹ്റു സര്‍വകലാശാലയില്‍ ഒരു കലാപക്കൊടുങ്കാറ്റ് പാര്‍ട്ടിയുടെ വിദ്യാര്‍ത്ഥി സംഘടനയായ എസ്എഫ്ഐയ്ക്ക് അകത്തുനിന്ന് ഉണ്ടായിരിക്കുന്നത്.

പച്ച എന്ന നിറം ഏറെ അര്‍ത്ഥഗാംഭീര്യങ്ങളുള്‍ക്കൊള്ളുന്ന ഒന്നാണ്. അതിന്റെ പ്രായോഗികമായ തലങ്ങളില്‍ അര്‍ത്ഥവൈപരീത്യങ്ങളെത്തന്നെ അതുള്‍ക്കൊള്ളുന്നു. പച്ചക്കള്ളം എന്നാണു നാം പറയാറ്. അതുപോലെതന്നെ നേര്‍വിപരീതമായി പച്ചപരമാര്‍ത്ഥം എന്നും പറയും. പച്ചജീവന്‍, പച്ചയിറച്ചി, പച്ചവെള്ളം, പച്ചനോട്ടുകള്‍, പച്ചപ്പാതിരാ, പച്ചയ്ക്ക് എന്നിങ്ങനെ പ്രയോഗങ്ങളില്‍ ഇത്രയേറേ മുഖങ്ങള്‍ ലഭിച്ചിട്ടുള്ള വേറേ നിറമില്ല. കഥകളിയിലും നിറമായി പറയപ്പെടുന്നതൊന്നുമാത്രം - പച്ച. അതു കളിക്കുന്നയാള്‍ അകത്ത് വീരഭദ്രനില്ലാതെയാണ് അരങ്ങത്തേറുന്നതെങ്കില്‍ നാം പറയും, ആശാനിന്നു പച്ചയാണെന്ന്. വേഷവും പച്ച, ആളും പച്ച. അര്‍ത്ഥങ്ങള്‍ തലങ്ങും വിലങ്ങും മാറുന്നു. പച്ചയ്ക്കു കത്തിച്ചാല്‍ കരിയാകും എന്നു പറഞ്ഞാല്‍ കഥകളിയിലെ പ്രധാനപ്പെട്ട വേഷത്രയം പൂര്‍ത്തിയാകും.

ജനവിധി സ്പഷ്ടം. ആര്‍ ശെല്‍വരാജ് തന്നെ നെയ്യാറ്റിന്‍കരയുടെ ശബ്ദം. വിജയത്തില്‍ തീര്‍ച്ചയായും യുഡിഎഫിന് ആഹ്ലാദിക്കാം. തെരഞ്ഞെടുപ്പു പ്രചാരണംതന്നെ, വോട്ടര്‍മാര്‍ക്കിടയില്‍ സ്വാധീനം വര്‍ദ്ധിപ്പിക്കാനുള്ള ശ്രമമാണെന്നിരിക്കെ വോട്ടര്‍മാര്‍ പലവിധ സ്വാധീനത്തില്‍ പെട്ട് കാലുമാറ്റക്കാരനു വോട്ടുചെയ്തു എന്നാക്ഷേപിക്കുന്നതില്‍ അയുക്തിയുണ്ട്. തങ്ങള്‍ക്കു വോട്ടുചെയ്തവരെക്കൂടി അപഹസിക്കുന്ന രീതിയാണത്. ജനവിധിയെ അംഗീകരിക്കാനുള്ള മടികൊണ്ട് സമ്മതിദായകരെ അവമതിക്കുന്നത് ജനാധിപത്യവിരുദ്ധമാണ്. ജനാധിപത്യത്തിലെ രീതികളോടാണ് എതിര്‍പ്പെങ്കില്‍ അക്കാര്യമാണ് പറയേണ്ടത്.

Wednesday, May 22, 2013

Send your articles to
editor@malayal.am