വാര്‍ത്ത

പ്രിയ വായനക്കാരെ,

മലയാളം പ്രസിദ്ധീകരിച്ച ഒരു ലേഖനത്തിനെതിരെ നിയമനടപടി സ്വീകരിക്കുമെന്ന മുന്നറിയിപ്പോടെ ഇന്നലെ ഞങ്ങള്‍ക്ക് ഒരു ഫോണ്‍ കോള്‍ ലഭിക്കുകയുണ്ടായി. മാതൃഭൂമി പത്രത്തിന്റെ എച്ച്ആര്‍ വിഭാഗത്തില്‍ നിന്നാണെന്നു സ്വയം പരിചയപ്പെടുത്തിക്കൊണ്ടാണു്  ജനുവരി 18, ഉച്ചയ്ക്കു് 14.06നു് ഫോണ്‍ വരുന്നതു്. സ്വകാര്യതയെ മാനിക്കുന്നതിനാല്‍ ഫോണ്‍ നമ്പര്‍ വെളിപ്പെടുത്തുന്നില്ല.

പാക്കിസ്ഥാനിലെ മൌലികവാദികളുടെ വധശ്രമത്തിന്ന് ഇരയാകേണ്ടി വന്ന മലാല എന്ന യുവതിയുടെ വ്യക്തിസ്വാതന്ത്ര്യത്തിന്റെ പേരിൽ അന്താരാഷ്ട്ര മാദ്ധ്യമങ്ങൾക്കൊപ്പം ഇന്ത്യൻ മാദ്ധ്യമങ്ങളിലും, സോഷ്യൽ നെറ്റ്‌വർക് സൈറ്റുകളിലും കൊണ്ടുപിടിച്ച പ്രചാരണം നടന്നു കൊണ്ടിരിക്കെ, രാജ്യത്തിന്റെ തലസ്ഥാന നഗരിയിൽ നടന്ന കൂട്ടബലാത്സംഗവും, ക്രൂരമായ കൊലപാതകവും ആഗോളതലത്തിൽ ഇന്ത്യയുടെ പ്രതിച്ഛായക്കുണ്ടാക്കിയ നാണക്കേട് ചെറുതല്ല. മലാല എന്ന യുവതിക്ക് നേരെ നടന്ന അക്രമങ്ങളെ മുൻ നിർത്തിക്കൊണ്ട് പാക്കിസ്ഥാനിലെ സ്ത്രീകൾ തീരെ സുരക്ഷിതരല്ല എന്ന നിലയ്ക്കുള്ള പ്രചാരണങ്ങൾ അഴിച്ചുവിടാൻ ഇന്ത്യൻ മാദ്ധ്യമങ്ങൾ കാണിച്ച അത്യുത്സാഹത്തിന്റെ മഷി ഉണങ്ങും മുൻപാണ് ഇന്ത്യക്ക് വൻനാണക്കേടുണ്ടാക്കിക്കൊണ്ട് തലസ്ഥാന നഗരിയായ ഡെൽഹിയിൽ കൂട്ടമാനഭംഗവും, കൊലപാതകവും അരങ്ങേറുന്നത്.

ഒരു മതിലിനിരുപുറവും നില്‍ക്കുന്നു എന്നതൊഴിച്ചാല്‍ നമ്മളൊന്നാണ്. നമ്മുടെ വികാരങ്ങള്‍, പ്രശ്നങ്ങള്‍ എല്ലാമൊന്നാണ്... നാം ഭരിക്കപ്പെടുന്നവര്‍. ഇവിടുത്തെയും അവിടുത്തെയും അധികാരം കയ്യാളുന്ന വര്‍ഗ്ഗത്തിനും ഇതുപോലൊരു പൊതുസ്വഭാവം കാണാം. എന്നിട്ടും നമുക്കിടയിലെ മതിലിന്റെ പേരില്‍ നമ്മള്‍ പരസ്പരം പോരടിക്കാന്‍ നിര്‍ബന്ധിതരാവുന്നു. ഈ അതിര്‍ത്തി നിലനിര്‍ത്താന്‍ അവര്‍ കാവല്‍ക്കാരെ നിയോഗിച്ചു. നമ്മുടെ വിയര്‍പ്പുകൊണ്ടവര്‍ ആയുധങ്ങള്‍ വാങ്ങിക്കൂട്ടി. നമ്മളുയര്‍ത്തുന്ന പ്രശ്നങ്ങള്‍ ഇല്ലാതാക്കാന്‍ അവര്‍ എനിക്കും നിനക്കും നേരെ ആയുധങ്ങളേന്തി. അതിര്‍ത്തി സംരക്ഷണവും ആയുധസമ്പത്തും നാള്‍ക്കുനാള്‍ വര്‍ദ്ധിക്കുന്നു. നമ്മളുയര്‍ത്തുന്ന പ്രശ്നങ്ങള്‍ അതെ പോലെ നിലനില്‍ക്കുന്നു...നമുക്കിടയിലെ വലിയ മതിലും.

ഞാനൊരു കഥാകാരിയാണ്, കാര്യകാരണസഹിതം വസ്തുതകള്‍ വിശദീകരിക്കാന്‍ അറിയില്ല. അതിനാല്‍ തന്നെ ഉള്ള ചില അഭിപ്രായങ്ങളും സംശയങ്ങളും മറ്റും പറയാം. ആദ്യമേ പറയട്ടെ, ഡിസംബര്‍ 29നു ഞാനും മരിച്ചു, എന്റെയും ഒരു ഭാഗം മരിച്ചു... ഈ മരണം എനിക്കും എപ്പോള്‍ വേണമെങ്കിലും സംഭവിക്കാം എന്ന സാധ്യത തുറന്നു തന്നെയിരിക്കുന്നതിനാല്‍ ഞാന്‍ ഭയപ്പാടോടെ നോക്കുന്നു, സമൂഹത്തെ. സമൂഹത്തെ എന്നാല്‍ ബലം പ്രയോഗിക്കാന്‍ മടിയില്ലാത്ത പുരുഷനേയും അതിനെ ന്യായീകരിക്കുന്ന അതിനു വിധേയയാകുന്ന സ്ത്രീയേയും.