വാര്‍ത്ത

സിപിഎമ്മും ആര്‍എസ്എസ്സും ഒന്നിക്കുമോ? മലയാളികള്‍ അവരുടെ ഏറ്റവും വന്യമായ ഭീതിസ്വപ്നങ്ങളില്‍പ്പോലും കാണാത്തൊരു കാര്യം, ചിന്തിക്കാത്തൊരു കാര്യം ഇപ്പോള്‍ പൊതുസമൂഹത്തിന്റെ ചര്‍ച്ചയ്ക്കുവന്നിരിക്കുന്നു. ഇടതുപക്ഷപ്രസ്ഥാനമായ സിപിഎമ്മും തീവ്രവലതുപക്ഷമെന്നു പേര്‍കൊണ്ട ആര്‍എസ്എസ്സും ഒന്നിക്കുമോ എന്നതാണാ ചിന്ത.
ആര്‍എസ്എസ്സിന്റെ മുഖപത്രമായ കേസരിയിലാണ് ഈ ചര്‍ച്ചയ്ക്കു കാരണമാകുന്ന ലേഖനം വന്നിരിക്കുന്നത്. സംഘടനയുടെ ഔദ്യോഗികമായ പ്രതികരണമെന്ന നിലയില്‍ത്തന്നെയാണു ലേഖനം വന്നിരിക്കുന്നത്.

കോഴിക്കോടുജില്ലയിലെ കൂരാച്ചുണ്ട് ഗ്രാമപഞ്ചായത്ത് ജൂണിയര്‍ സൂപ്രണ്ടും സ്വതന്ത്ര സോഫ്റ്റ്‌വെയര്‍ ആക്റ്റിവിസ്റ്റുമായ ജയ്സന്‍ നെടുമ്പാല, ഗ്രാമപഞ്ചായത്തുകളിലെയും പഞ്ചായത്ത് വകുപ്പിലേയും വിവരസാങ്കേതികവിദ്യയുടെ ഉപയോഗത്തെ സംബന്ധിച്ച് തയ്യാറാക്കിയ നിരീക്ഷകക്കുറിപ്പും ശുപാര്‍ശകളും ഈ വിഷയത്തില്‍ പൊതുസഞ്ചയത്തില്‍ ലഭ്യമായ മികച്ച പഠനമാണ്. ഐകെഎം എന്ന വെള്ളാനയും അവര്‍ വികസിപ്പിച്ച കാലഹരണപ്പെട്ട സോഫ്റ്റ്‌വെയര്‍ പ്രോഗ്രാമുകളും ഇ-ഭരണത്തിനു് എത്രമേല്‍ തടസ്സം നില്‍ക്കുന്നു എന്ന അന്വേഷണം കൂടിയാകുന്നുണ്ട്, റിപ്പോര്‍ട്ട്. പൊതുചര്‍ച്ചയ്ക്കായി ഈ കുറിപ്പ് മലയാളം വായനക്കാര്‍ക്കുമുമ്പില്‍ സമര്‍പ്പിക്കുന്നു: എഡിറ്റര്‍

‘അടുക്കളയുടെ തറ തുടച്ചുതുടച്ച് ഒരു സ്ത്രീയും രതിമൂര്‍ച്ഛയില്‍ എത്താറില്ല.’- ബെറ്റി ഫ്രീടന്‍.

ഏതാണ്ട് രണ്ടു മാസം മുമ്പ് യോനി പതിനെട്ടുകാരിയുടേത് പോലെ ‘മുറുക്കാനുള്ള’ ഒരു മരുന്നു സോഷ്യല്‍ മീഡിയ മുഴുവന്‍ ചര്‍ച്ചാവിഷയമായി. അത് സ്ത്രീയുടെ ലൈംഗികതയുടെയും ശരീരത്തിന്റെയും പുറത്തുള്ള അതിക്രമമായി കണക്കിലാക്കപ്പെട്ടു. പക്ഷെ, അതവിടെ തീര്‍ന്നു. പലപ്പോഴും സ്ത്രീയുടെ ലൈംഗികതയുമായി ബന്ധപ്പെട്ട ചര്‍ച്ച അങ്ങനെയാണ്. അത് കൊണ്ട് തന്നെയാണ് സെക്സ്, സെക്ഷുവാലിറ്റി എന്നിവയും അനുബന്ധ വിഷയങ്ങളും ഏതു രാജ്യത്തായാലും, ഏതു സമൂഹത്തിലായാലും, എക്കാലവും ഒരു ഫെമിനിസ്റ്റ്‌ വിഷയമായി നില്‍ക്കുന്നത്. പോര്‍ണോഗ്രഫി, ലിബര്‍ട്ടേറിയന്‍ ഫെമിനിസം മുതല്‍ നമ്മുടെ പോപ്‌ കള്‍ച്ചറും, മനശ്ശാസ്ത്രവും, കലയും വരെ ഉള്ള യാത്ര ഈ ലേഖനത്തോടെ തീരില്ല.

മലയാളിയുടെ മദ്യപാനത്തെക്കുറിച്ച് ചര്‍ച്ചകളുയരാന്‍ തുടങ്ങിയിട്ട് അല്പകാലമായി. മദ്യം ഒരു സാമൂഹികപ്രതിഭാസവും അതു വളരെയേറെ സാമൂഹികതരംഗങ്ങളുയര്‍ത്തുന്ന ഒന്നായതുകൊണ്ടും നിരന്തരം അതു ചര്‍ച്ചയില്‍ വരുന്നതില്‍ തെറ്റില്ലതാനും. ഏറ്റവും പുതുതായി മദ്യം വാര്‍ത്തകളില്‍ നിറയുന്നത് കഴിഞ്ഞദിവസം കോടതി നടത്തിയ ചില നിരീക്ഷണങ്ങളോടെയാണ്.
മലയാളിയുടെ മദ്യപാനശീലം പരിഷ്‌കൃതമല്ല എന്നതാണ് കോടതിയുടെ നിരീക്ഷണങ്ങളുടെ ആകെത്തുകയെന്നു വായിച്ചെടുക്കാന്‍ പ്രയാസമില്ല. അതിനെ പരിഷ്‌കൃതമാക്കാന്‍ ചില നിര്‍ദ്ദേശങ്ങളാണു കോടതി മുന്നോട്ടുവയ്ക്കുന്നതെന്നും മനസ്സിലാക്കാനാകുന്നു. മദ്യപാനം പരിഷ്‌കൃതമായ നിലയിലാണെങ്കില്‍ കുഴപ്പമില്ലെന്ന ധാരണയും കോടതി മുന്നോട്ടുവയ്ക്കുന്നു.