വിനോദം | Malayal.am

അമല്‍ നീരദ് സംവിധാനം ചെയ്യുന്ന പുതിയ ചിത്രമായ ബാച്ചിലര്‍ പാര്‍ട്ടിയില്‍ പത്മപ്രിയയുടെ ഐറ്റം നമ്പരും. മലയാളത്തില്‍ അത്ര പരിചിതമല്ലാത്ത ഐറ്റം നമ്പര്‍ വല്ലപ്പോഴും മാത്രമാണിവിടെയുള്ളത്. ബോളിവുഡിലും ഇപ്പോള്‍ ടോളിവുഡ്, കോളിവുഡുകളിലും ഐറ്റം നമ്പര്‍ സ്ഥിരം നമ്പരാണ്. ഇവിടെ സാഗര്‍ ഏലിയാസ് ജാക്കിയില്‍ ജ്യോതിര്‍മയി, ബഡാ ദോസ്തില്‍ മേഘനാ നായിഡു, ഛോട്ടാ മുംബൈയില്‍ ഒരു ഉത്തരേന്ത്യന്‍ ഐറ്റം നമ്പര്‍ ഗേള്‍ എന്നിങ്ങനെ അപൂര്‍വമാണത്. എന്തായാലും മലയാളത്തില്‍ തിളങ്ങിയ ഒരു നായിക ഐറ്റം നമ്പര്‍ ചെയ്യുന്നത് അത്യപൂര്‍വം.

മലയാളത്തില്‍ കഴിഞ്ഞ രണ്ടുകൊല്ലമായി സിനിമാരംഗത്തു നടക്കുന്ന പുതുനിരശ്രമങ്ങളെ ഒന്നിച്ചുചേര്‍ത്ത്‌ നവതരംഗമെന്നും ന്യൂ ജനറേഷന്‍ സിനിമയെന്നും മള്‍ട്ടിപ്ലക്‌സ്‌ വിപ്ലവമെന്നും വിളിച്ചുവരികയാണ്‌. ട്രാഫിക്കില്‍ തുടങ്ങി 22 ഫീമെയില്‍ കോട്ടയത്തിലെത്തിനില്‍ക്കുന്ന ഈ ചിത്രങ്ങള്‍ ചില പൊതു സ്വഭാവങ്ങള്‍ പുലര്‍ത്തുന്നുണ്ട്‌. പുതിയ സംവിധായകര്‍, പുതിയ തിരക്കഥാകൃത്തുക്കള്‍, പുതിയ നടീനടന്മാര്‍, കേട്ടുപരിചയിച്ചതില്‍നിന്നു വ്യത്യസ്‌തമായ കഥകള്‍, നായകപ്രാമുഖ്യമില്ലാത്ത ഇതിവൃത്തഘടനകള്‍, ഛായാഗ്രഹണത്തിലും ദീപസംവിധാനത്തിലും എഡിറ്റിംഗിലും സന്നിവേശിക്കപ്പെടുന്ന പുതുശൈലികള്‍, കുറഞ്ഞ മുതല്‍മുടക്ക്‌ എന്നിവകള്‍ ഈ ചിത്രങ്ങള്‍ക്കു പൊതുവായുണ്ട്‌.

മമ്മൂട്ടിയും ലാല്‍ജോസും ഒരിക്കല്‍ക്കൂടി ഒന്നിക്കുന്നു. ഇമ്മാനുവല്‍ എന്ന കഥാപാത്രമായിട്ടാണ് മമ്മൂട്ടി ലാല്‍ജോസിന്റെ പുതിയ ചിത്രത്തിലെത്തുക. ചിത്രത്തിനും ഇമ്മാനുവല്‍ എന്നാണ് ഇപ്പോള്‍ പേരു നിശ്ചയിച്ചിരിക്കുന്നത്.

അടുത്തകാലത്തെ പാട്ടുകളിലേക്ക് തിരിഞ്ഞു നോക്കിയാല്‍ 'കൊലവെറി' തരംഗമാണ്ആദ്യം ശ്രദ്ധയില്‍ പെടുക. 'വൈ ദിസ് കൊലവെറി ഡി ' തയ്യാറാക്കുമ്പോള്‍ സിനിമാഗാന രംഗത്ത്‌ ഒരു പുതിയ തരംഗം സൃഷ്ടിക്കുക എന്ന ഉദ്ദേശമൊന്നും ധനുഷിനോ കൂട്ടുകാര്‍ക്കോ ഉണ്ടായിരുന്നില്ല. എന്നല്ല പാട്ട് ഹിറ്റാകുമോ എന്ന ആത്മവിശ്വാസം പോലും ധനുഷിനു ഇല്ലായിരുന്നു. പക്ഷെ ഏവരെയും അമ്പരപ്പിച്ചു കൊണ്ട് ഒരു 'സുനാമി' തരംഗം തന്നെയാണ് ഉണ്ടായത് - സോഷ്യല്‍ മീഡിയ വഴി അത് ആഗോള തലത്തില്‍ പ്രചരിച്ചു... പരിഭാഷകള്‍, പാരഡികള്‍, അനിമേഷനുകള്‍... അങ്ങനെ 'കൊലവെറി' പാട്ട് പോപ്പുലര്‍ കള്‍ച്ചറിന്റെ ഭാഗമായി.

അഞ്ജലി മേനോന്റെ അരങ്ങേറ്റചിത്രം മഞ്ചാടിക്കുരു മെയ് പതിനെട്ടിന് തിയറ്ററുകളിലെത്തുകയാണ്. രണ്ടുവര്‍ഷമായി പൂര്‍ത്തിയായി പെട്ടിയിലിരിക്കുകയായിരുന്നു ഈ ചിത്രം. ഇപ്പോള്‍ ഏറെ ശ്രമപ്പെട്ടാണ് അഞ്ജലി ചിത്രത്തിന് വിതരണക്കാരെ കണ്ടെത്തിയിരിക്കുന്നത്.

ശ്രീവല്ലഭന്‍ സംവിധാനം ചെയ്യുന്ന ചിത്രമായ പകരത്തില്‍ കശ്മീര്‍ പ്രധാനപശ്ചാത്തലമാകുന്നു. ടിപി ദേവരാജനാണു ചിത്രത്തിന്റെ രചന നിര്‍വഹിക്കുന്നത്. ശ്രീവല്ലഭന്റെ മുന്‍ചിത്രമായ ശ്യാമം ന്യൂയോര്‍ക്ക് ഫിലിം ഫെസ്റ്റിവലില്‍ മികച്ച സംവിധായകനുള്ള പുരസ്കാരം നേടിയിരുന്നു.

അമര്‍ അക്ബര്‍ ആന്റണിയെന്ന സൂപ്പര്‍ഹിറ്റ് ചിത്രത്തിലെ ഹൈലൈറ്റായിരുന്നു അമിതാഭ് ബച്ചന്‍ പാടി അഭിനയിച്ച മൈ നെയിം ഈസ് ആന്റണി ഗോണ്‍സാല്‍വസ് എന്ന പാട്ട്. ആ പാട്ടും പാട്ടുരംഗവും പുനര്‍ജനിക്കുന്നു. മകന്‍ അഭിഷേക് ബച്ചന്‍ നായകനാകുന്ന ബോല്‍ ബച്ചന്‍ എന്ന പുതിയ ചിത്രത്തിനുവേണ്ടിയാണ് അമിതാഭ് ബച്ചന്‍ പഴയ വേഷമിടുന്നത്. ചിത്രത്തില്‍ ഈ ഗാനരംഗത്തുമാത്രമാണു് അമിതാഭ് ബച്ചന്‍ ഉണ്ടാകുക.

അങ്കം രണ്ട്‌

(പ്രകാശം. സംഗീതം. സ്‌ത്രീയും പ്രൊഫസറും തലയണകളില്‍ ഇരിക്കുന്നു. കളിക്കാര്‍ ചുറ്റുമിരിക്കുന്നു. സംഗീതം അവസാനിക്കുന്നതോടൊപ്പം സ്‌ത്രീ എഴുത്തുകാരന്‌ വീഞ്ഞ്‌ പകര്‍ന്നുകൊടുക്കുന്നു.)
പ്രൊഫസര്‍ : നന്ദി. (സുഖമായി ചാരിയിരുന്നുകൊണ്ട്‌) ഞാന്‍ നിങ്ങളെ എമീലിയ എന്നു വിളിച്ചു കൊള്ളട്ടേ?
സ്‌ത്രീ : അമ്മ തന്ന പേരാണത്‌. എല്ലാവരും എന്നെ ആ പേരില്‍ തന്നെ വിളിക്കമെന്നായിരിക്കും, അമ്മ ഉദ്ദേശിച്ചിരിക്കുക. അല്‌പം കൂടി വീഞ്ഞ്‌?
(ഒഴിക്കുന്നു)

മാധ്യമം ആഴ്ചപ്പതിപ്പില്‍ സി.എസ്‌.വെങ്കിടേശ്വരന്‍ എഴുതിയ മലയാളസിനിമയും ജീവിതവും - ചില മള്‍ട്ടിപ്ലക്‌സ്‌ കാഴ്‌ചകള്‍ (ഏപ്രില്‍ 23ന്റെ ലക്കം) എന്ന ലേഖനത്തിന്റെ തുടക്കത്തില്‍ ബി.അബുബക്കര്‍ ക്വോട്ട്‌ ചെയ്യപ്പെടുന്നുണ്ട്‌. ഇപ്പോള്‍ പൊതുവേ നവതരംഗമെന്നു വിശേഷിപ്പിക്കപ്പെടുന്ന ഒരുപിടി പുതുനിരസിനിമകളെപ്പറ്റിയുള്ള ലേഖനമാകയാല്‍, അതേ നിര സിനിമകളുടെ പടപ്പുറപ്പാടിനെ മള്‍ട്ടിപ്ലക്‌സ്‌ വിപ്ലവം എന്നു വിശേഷിപ്പിച്ച എന്റെ, ഒരു ലേഖനത്തിലെ ഏതാനും വരികളാണ്‌ അദ്ദേഹം എടുത്തുചേര്‍ത്തത്‌. അത്‌ മള്‍ട്ടിപ്ലക്‌സ്‌ സിനിമകളുടെ ഗുണവശങ്ങളെ നിര്‍വചിക്കുവാനോ സംക്ഷിപ്‌തമായി പറഞ്ഞുവയ്‌ക്കാനോ അര്‍ത്ഥമാക്കിയ വരികളായിരുന്നു. എന്നാല്‍, ക്വോട്ടുചെയ്‌ത വരികള്‍ ശരിയായ പ്രകരണത്തിലാണോ സംഭവിച്ചത്‌ എന്ന സന്ദേഹത്താല്‍ ഈ പ്രതികരണം.

സോള്‍ട്ട് ആന്റ് പെപ്പറും 22 എഫ്കെയും വന്‍വിജയമാക്കിയ ആഷിക് അബുവിന്റെ അടുത്ത ചിത്രം 'ടാ തടിയാ...' വിചിത്രമായ പേരുമായി വരുന്ന ഈ ചിത്രത്തില്‍ തികച്ചും പുതുമുഖങ്ങളാണു പ്രധാനകഥാപാത്രങ്ങളെ അവതരിപ്പിക്കുന്നത്. ഇതുമൂലം ആഷിക് അബുവിന്റെ മമ്മൂട്ടി പദ്ധതിയും പൃഥ്വിരാജ് പദ്ധതിയും മാറ്റിവച്ചിരിക്കുകയാണ്.

Tuesday, May 22, 2012