കപടവാര്‍ത്ത

ശിവകാശി: ഉത്സവലഹരിയില്‍ മാലപ്പടക്കത്തിനും പൂക്കുറ്റിക്കും തറച്ചക്രത്തിനുമൊക്കെ തിരി കൊളുത്തിയ മലയാളി അറിയാതെ പോയ ഒരു രഹസ്യമുണ്ടായിരുന്നു ഇത്തവണത്തെ വിഷുപ്പടക്കങ്ങളില്‍. ഈ വിഷുവിനു പൊട്ടിയ പടക്കങ്ങളുടെ അവശിഷ്ടങ്ങളില്‍ കമ്പിത്തിരി കത്തിച്ച് നോക്കിയാല്‍ പോലും മലയാള പത്രത്തിന്റെ തുണ്ടോ തുരുമ്പോ കാണാന്‍ ഒക്കുകില്ലായിരുന്നു. കാരണം വളരെ നിസ്സാരം. മാലപ്പടക്കവും തറച്ചക്രവും പൂക്കുറ്റിയുമൊക്കെ പൊതിയുവാന്‍ ശിവകാശിക്കാര്‍ ഇത്തവണ ഉപയോഗിച്ചത് മലയാള പത്രങ്ങളല്ലായിരുന്നു...അന്യഭാഷാ പത്രങ്ങളായിരുന്നുവത്രെ.

കോഴിക്കോട്: രാഷ്ടീയ നിരീക്ഷകരും മാധ്യമപ്രവര്‍ത്തകരും ഒരു പോലെ ഉറ്റുനോക്കിക്കൊണ്ടിരുന്ന വിഎസിന്റെ പിബി പ്രവേശനം ജലരേഖയായതിനു പിന്നില്‍ ഉന്നത തല ഗൂഢാലോചന നടന്നതായി സംശയിക്കപ്പെടുന്നു. ദേശീയ സെക്രട്ടറിയായി വീണ്ടും തെരഞ്ഞെടുക്കപ്പെട്ട പ്രകാശ് കാരാട്ടും വി എസ് അച്യുതാനന്ദനും തമ്മില്‍ തന്നെയാണ് ഇതിനുള്ള കരുനീക്കങ്ങള്‍ നടന്നത് എന്നതിനെ അത്ഭുതത്തോടെയാണ് രാഷ്ടീയ നിരീക്ഷകര്‍ വീക്ഷിക്കുന്നത്.

ഇതിപ്പോള്‍ കപ്പല് മുതലാളിമാരുടെ കാലമാണ്... റോഡിലൂടെ പോകുന്ന സൈക്കിള്‍ യാത്രികനെ ഇടിച്ചിട്ട് നിര്‍ത്താതെ പോകുന്ന ബെന്‍സ് പോലെ കടലില്‍ ചെറുവള്ളങ്ങളെ ഇടിച്ചിട്ടും, വെടിവെച്ചും അര്‍മ്മാദിക്കുന്ന കപ്പല് മുതലാളിമാരുടെ കാലം. ഇക്കണ്ട കപ്പലിനൊക്കെ വെടി വെച്ചും ഇടിച്ചും കളിക്കാന്‍ ഈ കേരള തീരം മാത്രമേ കണ്ടുള്ളുവോ എന്റെ കര്‍ത്താവേ എന്ന് ഉമ്മന്‍ ചാണ്ടി മനസ്സില്‍ പറയുന്നുണ്ടാകും. പിറവം തെരഞ്ഞെടുപ്പാണെങ്കില്‍ ഇങ്ങെത്താറുമായി. പണ്ടൊരു കപ്പല്‍ വന്നതിന്റെ കേട് ഇതുവരെ മറന്നിട്ടില്ല. കപ്പല്‍ വന്നതും കെ വി തോമസ്‌ തോറ്റതും ഒന്നും അങ്ങനെ പെട്ടെന്ന് മറക്കാന്‍ പറ്റുമോ?

അമൃതൈശ്വര്യത്തിനും ശ്രീശ്രീത്വത്തിനും തത്തുല്യമായ മറ്റ് ആദ്ധ്യാത്മികദര്‍ശനങ്ങള്‍ക്കും ആത്മീയചൈതന്യങ്ങള്‍ക്കും കനത്ത വെല്ലുവിളിയുയര്‍ത്തിക്കൊണ്ട് ഇപ്പോള്‍ പ്രചാരത്തില്‍ വരുന്ന ഡിങ്കോയിസത്തിന് വ്യാപനമേറുന്നു. ഡിങ്കോയിസത്തിലെ ചൈതന്യമൂര്‍ത്തിയായ ഡിങ്കന്റെ അദ്ഭുതപ്രവര്‍ത്തനങ്ങള്‍ ദിനംചെല്ലുന്തോറും കൂടുതലായി സാക്ഷ്യപ്പെടുത്തപ്പെട്ടുകൊണ്ടിരിക്കുകയുമാണ്. ഇതിനെത്തുടര്‍ന്ന് ഡിങ്കമതത്തിന്റെ വേദപുസ്തകമായ ബാലമംഗളത്തിന്റെയും പ്രചാരം ഏറുന്നു. മീശമാര്‍ജാരനിസത്തിന്റെ വേദപുസ്തകമായ ബാലഭൂമി, മായാവിസത്തിന്റെ വേദപുസ്തകമായ ബാലരമ എന്നിവ അന്തംവിട്ടുനില്‍ക്കുകയാണ്.

ക്രൂഡ് ഓയില്‍‌പുരം : വയനാട്ടില്‍ ആത്മഹത്യ ചെയ്ത ഒന്നോ രണ്ടോ കര്‍ഷകരെ സംബന്ധിച്ച വാര്‍ത്തകള്‍ പത്രങ്ങളിലും, ചാനല്‍ ചര്‍ച്ചകളിലും, സൈബര്‍ സ്പേസിലും ഇടം നേടുമ്പോള്‍ ആത്മഹത്യയുടെ വക്കത്തെത്തി നില്‍ക്കുന്ന മറ്റൊരു കൂട്ടം കൃഷിക്കാരുടെ കദനകഥ എവിടെയും ഇടം തേടാതെ പോകുന്നു. എന്ന് മാത്രമല്ല, പലപ്പോഴും ഇവര്‍ പഴി ചാരപ്പെടുകയും ചെയ്യുന്നു. കോര്‍പ്പറേറ്റ് വിരോധത്തിന്റേതായ ഈ കാലഘട്ടത്തില്‍ കോര്‍പ്പറേറ്റ് ആയിരിക്കുക എന്നത് തികഞ്ഞ വിപ്ലവപ്രവര്‍ത്തനമാണെന്ന് ജോര്‍ജ്ജ് ഓര്‍വെല്ലിനെ ഉദ്ധരിച്ച് കേഴുകയാണ് ഈ പാവങ്ങള്‍..

പൂജപ്പുര: വൈദ്യശാസ്ത്രരംഗത്തെ മൌലിക നേട്ടത്തിനുള്ള നൊബേല്‍ സമ്മാനം ഇത്തവണ കേരളത്തിലേക്ക് വരാനുള്ള സാധ്യത തള്ളിക്കളയാനാവില്ലെന്ന് ഈ മേഖലയിലെ വിദഗ്ദര്‍ സൂചിപ്പിച്ചു. ആധുനിക വൈദ്യശാസ്ത്രത്തിനു പ്രഹേളികയായിരുന്ന ഡിസിലിപിലിഡെമിയ, ഹീമോക്രോമോറ്റോസിസ് വിത്ത് ക്രോണിക്ക് ലിവര്‍ ഡിസീസസ്, ഡയബറ്റിക് മെലിറ്റസ്, ഹിയാറ്റസ് ഹെര്‍മിയ വിത്ത് ജര്‍ഡ്, സര്‍വിക്കല്‍ സ്‌പോണ്ടിലോസിസ്, അഡ്വാന്‍സ്ഡ് കണ്ടക്ഷന്‍ സിസ്റ്റം ഡിസോര്‍ഡര്‍, റൈറ്റ് ബണ്ടില്‍ ബ്രാഞ്ച് ബ്ലോക്ക് വിത്ത് പ്രീമെച്ചര്‍ വെന്‍ട്രിക്കുലാര്‍ കോണ്‍ട്രാക്ഷന്‍സ്, ഡയബറ്റിക്കല്‍ പെരിഫറല്‍ ന്യൂറോപ്പതി എന്നീ രോഗങ്ങള്‍ക്ക് ഫലപ്രദമായ ചികിത്സ കണ്ടുപിടിച്ചത് നൊബല്‍ സമ്മാനത്തിനര്‍ഹമായ മൌലികമായ കണ്ടെത്തലാണെന്ന് വിദഗ്ദര്‍ പറഞ്ഞു.

പത്തനാപുരം: മന്ത്രി ഗണേഷ് കുമാര്‍ അദ്ദേഹത്തിന്റെ പിതാവ് ബാലകൃഷ്ണപ്പിള്ളയെപ്പോലെ തന്നെ ഒരു വ്യക്തിയല്ലെന്നും ഒരു പ്രസ്ഥാനമാണെന്നും കേരള കോണ്‍ഗ്രസ് ബി പത്തനാപുരം മണ്ഡലം ഭാരവാഹി വാര്‍ത്താസമ്മേളനത്തില്‍ വ്യക്തമാക്കി. ‘ഗണേശിന്റെ അനുചരര്‍ക്ക് വിലസാന്‍ ഒമ്പതാം നമ്പര്‍ കാറുകള്‍ അഞ്ച് ‘ എന്ന ദേശാഭിമാനി വാര്‍ത്തയോട് പ്രതികരിച്ചുകൊണ്ട് വിളിച്ചു ചേര്‍ത്ത വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.

ജനാഭിലാഷത്തിനും ജനകീയപ്രക്ഷോഭത്തിനും മുന്നില്‍ കേന്ദ്രസര്‍ക്കാര്‍ ഒരിക്കല്‍ക്കൂടി മുട്ടുമടക്കി. പെട്രോള്‍ വില കൂട്ടാനുള്ള പൊതുജനത്തിന്റെ നിരന്തരമായ അഭ്യര്‍ത്ഥനയ്ക്കും പ്രക്ഷോഭങ്ങള്‍ക്കും മുന്നില്‍ കാലിടറി വീണ സര്‍ക്കാര്‍ ഓയില്‍ക്കമ്പനികള്‍ക്കു മേല്‍ കനത്ത സമ്മര്‍ദ്ദം ചെലുത്തി പെട്രോള്‍ വില വീണ്ടും കൂട്ടി. 1.82 രൂപയാണ് ഇത്തണ കൂട്ടിയത്.

ഉമ്മന്‍ ചാണ്ടിയെ പരിശുദ്ധനായി പ്രഖ്യാപിച്ചു. കേരളത്തില്‍നിന്ന് അല്‍ഫോന്‍സാമ്മയ്ക്കും ചാവറ ഏലിയാസ് അച്ചനും ഒക്കെ ശേഷം ഉമ്മന്‍ ചാണ്ടി കൂടി പരിശുദ്ധനായി പ്രഖ്യാപിക്കപ്പെടുന്നതോടെ മലയാളികളായ പരിശുദ്ധന്മാരുടെ എണ്ണം കൂടുകയാണ്. ഇനിമുതല്‍ ഉമ്മന്‍ ചാണ്ടി സെയിന്റ് ഉമ്മന്‍ ചാണ്ടിയെന്നായിരിക്കും അറിയപ്പെടുക. അതായത്, ഇനിമുതല്‍ മലയാളത്തില്‍ ഇടനിലപ്രാര്‍ത്ഥനയ്ക്ക് കൂടുതല്‍ സൗകര്യം ആയിരിക്കും.

മലയാളത്തിലെ പ്രമുഖഹാസ്യനടനായ മാമുക്കോയയ്ക്ക്‌ ചെറിയ മാനസികരോഗമുണ്ടെന്ന് വിശ്വപ്രസിദ്ധനടനും സംവിധായകനുമായ സര്‍ സിഡ്‌നി പോറ്റിയേ പറഞ്ഞു. തനിയ്ക്കറിയുന്ന ധാരാളം മലയാളികള്‍ ഈ നടനെ ആരാധിക്കുന്നുണ്ടെന്നതുകൊണ്ട്‌ കേരളം ഒരു ഭ്രാന്താലയമായിരിക്കാന്‍ പോലും സാധ്യതയുണ്ടെന്ന് അദ്ദേഹം അഭിപ്രായപ്പെട്ടു. ടോക്യോയിലെ 'വരേണ്യവാദി' എന്ന ഇന്‍ഡ്യന്‍ റെസ്റ്റോറന്റിന്റെ ഉദ്ഘാടനച്ചടങ്ങില്‍ പങ്കെടുത്തതിനു ശേഷം മസാലവട കഴിച്ചുകൊണ്ടിരിക്കെ ഒരു സ്വകാര്യസംഭാഷണത്തിലാണ്‌ അദ്ദേഹം ഈ ലേഖകനോട്‌ ഈ അഭിപ്രായം പങ്കുവെച്ചത്‌.

Tuesday, May 22, 2012