ചിത്രകല

അലച്ചിലിന്റെ കല; മാറ്റത്തിന്റെയും

Country:

Default Home Page

UK Home Page

Authors:

Suraj Rajan

ഒറ്റപ്രദര്‍ശനത്തിനു് എന്തുമാറ്റം വരുത്താന്‍ കഴിയും? ഒരുപാടു്... അതാണു് കചടതപ എന്നു പേരിട്ട ഭട്ടതിരിയുടെ മലയാളം കാലിഗ്രാഫി പ്രദര്‍ശനം കൊണ്ടുവന്ന മാറ്റം. കേരളത്തിലെ വിവിധ പ്രസിദ്ധീകരണങ്ങളിലായി വര്‍ഷങ്ങള്‍കൊണ്ടു് ഭട്ടതിരി വരച്ച ഡിസൈനുകള്‍ / നോവലുകളുടെ, കഥകളുടെ, കവിതകളുടെ, ലേഖനങ്ങളുടെ ഒക്കെ തലക്കെട്ടെഴുത്തുകള്‍, പ്രസിദ്ധീകരണങ്ങളുടെ മാസ്റ്റ് ഹെഡ്, കടകളുടെ സൈന്‍ബോര്‍ഡ് ഇവയെല്ലാം തപ്പിപ്പെറുക്കി തിരുവനന്തപുരത്തെ ഒരു ചെറിയ ആര്‍ട്സ് കഫേയില്‍ 2012 ഡിസംബര്‍ 9 മുതല്‍ 15 വരെ ഒരു കാലിഗ്രാഫി പ്രദര്‍ശനം നടന്നു. ചലച്ചിത്രോത്സവക്കാലത്തു് തിരുവനന്തപുരം വഴുതക്കാടുള്ള സൂര്യ ആര്‍ട് ഗ്യാലറിയില്‍ നടന്ന ആ പ്രദര്‍ശനം കാണാന്‍ മലയാളം വരയെഴുത്തില്‍ താത്പര്യമുള്ള ഒട്ടേറെപ്പേര്‍ കേരളത്തിലെമ്പാടുനിന്നും വന്നു. ആ പ്രദര്‍ശനം ഉണ്ടാക്കിയ ഉണര്‍വ്വ് ചില്ലറയല്ല.

“Space is not there for the eye only : it is not a picture; one wants to live in it. we reject space as a painted coffin for our living bodies”

El Lissitzky (റഷ്യന്‍ ചിത്രകാരന്‍)

Country:

Default Home Page

UK Home Page

Authors:

Sajan Mani

ചുവരെഴുത്തുകളെക്കുറിച്ച് നാലുഭാഗമുള്ള ലേഖനപരമ്പരയുടെ മൂന്നാംഭാഗമാണിത്. ആദ്യ ഭാഗം ഏളിതങ്ങളുടെ കല: ഗ്രഫീടിയെ പറ്റി ചിലത് എന്ന ലിങ്കില്‍ നിന്നും രണ്ടാംഭാഗം കല, ഭാഗം 2 : പദ(ഥ)യാത്ര" href="http://malayal.am/node/22561">ഏളിതങ്ങളുടെ കല, ഭാഗം 2 : പദ(ഥ)യാത്ര എന്ന ലിങ്കില്‍ നിന്നും വായിക്കാം.

കൊച്ചി-മുസിരിസ് ബിനാലെക്ക്^* ഒരു ടിപ്പണി : ഭാഗം 1

സാംസ്കാരിക കണ്ടുപിടിത്തങ്ങളിൽ പൂജയും പൂജ്യവും പൂജ്യങ്ങളുടെ പൂജയും മാത്രം നീക്കിയിരുന്ന് കിട്ടിയ ഒരു ജനത കൂത്തമ്പലങ്ങൾക്കു വെളിയിൽ ദൂരെ നിന്നു കഥകളെയും സംഗീതത്തെയും ആസ്വദിച്ചേടത്ത് നിന്നാണ് കൊച്ചിയിലെ ബിനാലെയിലേക്കുള്ള വഴിക്കല്ലുകളെ എണ്ണിത്തുടങ്ങേണ്ടത്. മാറിനിന്ന് ഭയഭക്തിയോടെ കാണേണ്ടുന്നതും കണ്ട്, “എന്തൊരു റിയലിസ്റ്റിക്” എന്ന് അത്ഭുതം കൂറേണ്ടുന്നതുമായ കലാസാമാനങ്ങൾ എല്ലാം മണ്ണിനടിയിലോ മ്യൂസിയങ്ങളിലോ ഒതുങ്ങിയ ദേശങ്ങളിൽ നിന്നാണ് ‘സമകാലീനകല’യെന്ന സങ്കല്പം ജലവും വായുവും കടന്ന് കൊച്ചിത്തുറമുഖത്തിറങ്ങിയത്; അതാകട്ടെ നമ്മോടാവശ്യപ്പെടുന്നത് “തീണ്ടാതെ മാറിനിൽക്ക്” എന്നല്ല, വരൂ, ഇതിലൊന്ന് തൊട്ടുനോക്കൂ എന്നാണ്.

ചുവരെഴുത്തുകളെക്കുറിച്ച് നാലുഭാഗമുള്ള ലേഖനപരമ്പരയുടെ രണ്ടാംഭാഗമാണിത്. ആദ്യ ലേഖനം ഏളിതങ്ങളുടെ കല: ഗ്രഫീടിയെ പറ്റി ചിലത് എന്ന ലിങ്കില്‍ നിന്നു വായിക്കാം.

നഗരസംസ്കാരത്തിന്റെ ചലനാത്മകതയെ ആത്മാവാക്കി വികസിക്കുന്ന നഗരമതിലെഴുത്തുകലകള്‍ അക്കാരണം കൊണ്ടുതന്നെ ഭാഷയ്ക്കും ഏറേ സംഭാവനകള്‍ നല്‍കിയിട്ടുണ്ട്. നഗരത്തിന്റെ അധോലോകങ്ങളുപയോഗിക്കുന്ന കോഡുഭാഷയെ കലയിലേക്കും കലയെ കോഡുഭാഷയിലേക്കും ചേര്‍ത്തിളക്കുമ്പോള്‍ സംഭവിക്കുന്ന അര്‍ത്ഥങ്ങളുടെ ഉരുക്കിവാര്‍ക്കലും നവപദങ്ങളുടെ ഉത്ഭവവും ഈ കലയുടെ പ്രത്യേകതയാണ്. ഇതില്‍ ചിലത് ഈ കലയിലെ സാങ്കേതികതകളുമായികൂടി ചേര്‍ന്ന് കിടക്കുന്നതാണ്. ഏതാനും പ്രയോഗങ്ങളും പദങ്ങളും ഈ ഭാഗത്തിൽ പരിചയപ്പെടുത്താം. ഇതൊരു സമ്പൂര്‍ണപട്ടികയല്ല, ഒരു "ആസ്വാദന സഹായി " എന്ന നിലയ്ക്ക് കണ്ടാല്‍ മതി.

മലയാളിയുടെ പരമ്പരാഗതവും യാഥാസ്ഥിതികവുമായ കാഴ്ചാശീലങ്ങളെ പിടിച്ചുകുലുക്കുകയും പലപ്പോഴും കീഴ്മേല്‍ മറിക്കുകയും ചെയ്യുന്ന ഒരനുഭവമാണ് കൊച്ചിയില്‍ നടന്നുകൊണ്ടിരിക്കുന്ന ബിയനാലെയിലെ കലാസൃഷ്ടികളില്‍ ഭൂരിഭാഗവും. അതുകൊണ്ട് തന്നെയാണ് മലയാളി ആസ്വാദകനു ഏറെക്കുറേ പരിചിതമായ പെയിന്റിങ്, ശില്പകല തുടങ്ങിയ കലാ സങ്കേതങ്ങളെ അപേക്ഷിച്ച് അത്ര പരിചിതമല്ലാത്ത ഇന്‍സ്റ്റലേഷന്‍, വീഡിയോ ആര്‍ട്ട് തുടങ്ങിയ കലാരൂപങ്ങള്‍ പലരുടെയും നെറ്റി ചുളിപ്പിക്കുന്നതും.

ചുവരെഴുത്തുകള്‍ ഫ്ലക്സ് ബോര്‍ഡുകള്‍ക്കു് വഴിമാറിയ കേരളത്തില്‍ സ്ട്രീറ്റ് ആര്‍ട്ടിന്റെ സാദ്ധ്യതകളെ സമൂഹമദ്ധ്യത്തിലേക്കു് പുനരാനയിച്ചതു് കൊച്ചി ബിനാലെയില്‍ പങ്കെടുക്കുന്ന വിദേശ ആര്‍ട്ടിസ്റ്റുകളാണു്. അധികാരത്തെ കൊഞ്ഞനംകുത്തുന്ന പരിഹാസശരങ്ങളാല്‍ ചുവരുകളെ രാഷ്ട്രീയചര്‍ച്ചാവേദികയാക്കുന്ന ഗ്രഫീടിയുടെ ചരിത്രം കലാസ്വാദകര്‍ക്കും മനുഷ്യപ്രയത്നങ്ങളെ ആദരവോടെ പിന്തുടരുന്നവര്‍ക്കും ഒരേ പോലെ ഉത്തേജകങ്ങളാണു്. ഈ സാഹചര്യത്തില്‍ ഗ്രഫീടി-സ്ട്രീറ്റ് ആര്‍ട്ട് സങ്കേതത്തിന്റെ ചരിത്രവും ആസ്വാദനസഹായകമായ സൂചനകളും അടങ്ങുന്ന നാലുഭാഗമുള്ള ലേഖനപരമ്പര മലയാളം പ്രസിദ്ധീകരിക്കയാണു്. മലയാളം ഓണ്‍ലൈന്‍ സമൂഹത്തിനു പരിചിതനായ ഡോ. സൂരജ് രാജനാണ് ഈ ദൌത്യം ഏറ്റെടുത്തിരിക്കുന്നതു്. കലാചരിത്രവും അതിലെ വകഭേദങ്ങളെക്കുറിച്ചുള്ള ചുരുക്കവിവരണവുമാണ് ആദ്യഭാഗത്ത്. ഗ്രഫീടി-തെരുവുമതിലെഴുത്ത് കലാപദപരിചയമാണ് രണ്ടാം ലേഖനം. മൂന്നാംഭാഗത്ത് മതിലെഴുത്തുകലയിലെ രൂപകങ്ങളും ചിഹ്നങ്ങളും പരിചയപ്പെടുത്തുന്നു. തുടര്‍ന്ന് ശ്രദ്ധേയരായ തെരുവുചിത്ര കലാകാരന്മാരെയും പരിചയപ്പെടുത്തും. ആദ്യ ഭാഗത്തേക്കു്:

ഇരുപത്തി ഒന്നാം നൂറ്റാണ്ടിന്റെ ചിത്രകാരന്‍ എന്ന് കലാനിരൂപകര്‍ വിശേഷിപ്പിക്കുന്ന ആരിയല്‍ ഹസ്സന്‍ കൊച്ചി-ബിനാലെ നഗരത്തിന്റെ തെരുവുകള്‍ക്ക്‌ ഇന്ന് പരിചിതനാണ്. നിറഞ്ഞ ചിരിയും തുറന്ന മനസുമായി ഈ ചിത്രകാരന്‍ തന്റെ ഏറ്റവും പുതിയ കലാപദ്ധതിയായ HFV -Project (Hypothetical future Values) മായാണ് കൊച്ചി മുസിരിസ്‌ ബിനാലെയില്‍ പങ്കെടുക്കുന്നത്. (ഒരു സാമ്പത്തിക നിക്ഷേപത്തിന്റെ ഭാവിയെ അളക്കുക എന്ന ഒരേ സമയം കറുത്ത ഫലിതവും, അതേസമയം ചിത്രകലയും, സമൂഹവും നമ്മുടെ തലമുറയും തമ്മിലുള്ള സംവാദ സാധ്യതകളുടെ വലിയ ലോകവും തുറക്കുന്ന ഒന്ന്)

"താങ്കള്‍ ജീവകാരുണ്യപ്രവര്‍ത്തനത്തിനായി എനിക്കൊരു ചിത്രം ചെയ്ത് തരുമോ" എന്ന ചോദ്യത്തിനു പ്രസിദ്ധ ഗ്രഫീടികലാകാരന്‍ ബാങ്ക്സിയുടെ ഒരു മറുപടിയുണ്ട് :

What are you? Blind? In which case maybe. I mostly support projects working to restore sight and prevent eye disease. Or as I like to call it “expanding the market".

കലയും സമൂഹവും തമ്മിലെ രസകരമായ വ്യവഹാരത്തിന്റെ ആണിയാണീ വാചകം.