ടി വി | Malayal.am

ചാനല്‍ക്കാഴ്ചക്കാരുടെ എണ്ണം കൂട്ടാന്‍ പ്രോഗ്രാം എക്സിക്യുട്ടീവുകള്‍ ഒഴുക്കുന്ന വിയര്‍പ്പ് ചില്ലറയല്ല. സ്വന്തം ചാനല്‍, സൌഹൃദചാനലുകള്‍ എന്നിവയില്‍ തുടരെത്തുടരെ ഓര്‍മ്മപ്പെടുത്തലുകള്‍, പത്രങ്ങള്‍ വഴി പരസ്യങ്ങള്‍, സമ്മാനവാഗ്ദാനങ്ങള്‍ ... നിരവധി ആകര്‍ഷണപദ്ധതികളാണ് ഓരോദിവസവും അവര്‍ മെനഞ്ഞെടുക്കുന്നത്.

രണ്ടാംഭാഗസിനിമയുടെ കാലമാണല്ലോ ഇത്. ഹിറ്റായവയും ഹിറ്റായെന്നു പറഞ്ഞുപരത്തപ്പെട്ടവയും ഒക്കെ രണ്ടാം ഭാഗമായെത്തുന്നു. പോരാത്തതിന് പഴയ സിനിമകള്‍തന്നെ പുതുതായി നിര്‍മിക്കപ്പെട്ടെത്തുകയും ചെയ്യുന്നു.

പാട്ടെഴുത്തില്‍ കാല്‌പനികലാളിത്യവും ദാര്‍ശനികലാവണ്യവും സമന്വയിപ്പിച്ച കവിയും ഗാനരചയിതാവുമായ ശ്രീകുമാരന്‍ തമ്പിയുടെ പുതിയ ടെലിവിഷന്‍ പരമ്പരയാണ്‌ പാട്ടുകളുടെ പാട്ട്‌. പാട്ടുകളും പാട്ടുകാരും നിറയുന്ന വ്യത്യസ്‌തമായൊരു ശില്‌പഘടനയാണ്‌ ഈ പരമ്പരയ്‌ക്കുള്ളത്‌. പ്രധാനവേഷത്തിലഭിനയിക്കുന്നത്‌ യുവഗായകനായ വിധു പ്രതാപാണ്‌.

വര്‍ഷങ്ങള്‍ നീളുന്ന സീരിയല്‍ ബഹളങ്ങള്‍ ഇന്ത്യന്‍ ടെലിവിഷന്റെ തനതു സംഭാവനയൊന്നുമല്ല. പല തരത്തിലുള്ള ടെലിവിഷന്‍ പരാക്രമങ്ങള്‍ക്ക് പേരു കേട്ടതാണ് അമേരിക്കന്‍ ടെലിവിഷന്‍ മാധ്യമങ്ങളും. പകല്‍ സമയങ്ങളിലെ സോപ്പുകളും (സോപ്പ് ഓപ്പറ അഥവാ കണ്ണീര്‍ സീരിയല്‍), വെക്കേഷനല്ലാത്ത സമയത്ത് പ്രൈം ടൈമിലെത്തുന്ന ഒരു സീസണില്‍ ഇരുപത്തിനാല് എപ്പിസോഡുകള്‍ കാണിക്കുന്ന ആഴ്ച (വീക്ക്‌ലി) പരമ്പരകളുമാണ് അവിടുത്തെ പ്രധാന സീരിയല്‍ അവതാരങ്ങള്‍. കൂടാതെ സീസണല്‍ റിയാലിറ്റി ഷോ ബഹളങ്ങളും പ്രൈം ടൈമില്‍ ടെലിവിഷന്‍ നിറക്കാനെത്താറുണ്ട്.

കണ്ടംചെയ്ത ശൈലിയുമായി ചര്‍ച്ചാവേദിയെ തമ്മിലടിവേദിയാക്കിമാറ്റിയിരുന്ന ശ്രീകണ്ഠന്‍നായരുടെ നമ്മള്‍തമ്മില്‍ ഇനി ഓര്‍മ. അവസാനത്തെ ഗുഡ്ബൈയും പറഞ്ഞ് ശ്രീകണ്ഠന്‍ നായര്‍ ഏഷ്യാനെറ്റിന്റെ പടിയിറങ്ങി. ശ്രീകണ്ഠന്‍ നായര്‍ക്കു പകരം ഇനിമുതല്‍ ഈ ജനപ്രിയചര്‍ച്ചാവേദി അവതരിപ്പിക്കുക പ്രമുഖതാരം ജഗദീശായിരിക്കും. ജഗദീശിന്റെ ആദ്യത്തെ നമ്മള്‍ തമ്മില്‍ ഇന്നാണ് സംപ്രേഷണം ചെയ്യുക.

തമാശലോകത്തിനു ആധുനികാനന്തര ആഗോള- ബൂലോഗ മലയാളിയുടെ സംഭാവനയായ ടിന്റുമോന്‍ ഇനി ടെലിവിഷനിലൂടെ പ്രേക്ഷകര്‍ക്കുമുന്നില്‍ നേരിട്ടു പ്രത്യക്ഷപ്പെടുന്നു. മുന്‍ഷി പോലെ അഞ്ചുമിനിറ്റ് മിനി എപ്പിസോഡുകളായാണു ടിന്റുമോന്‍ തമാശ പറയാനെത്തുന്നത്. സിനിമകളിലൂടെയും പരമ്പരകളിലൂടെയും സ്റ്റേജ് പ്രോഗ്രാമുകളിലൂടെയും പ്രശസ്തനായ ജോബിയാണ് ടിന്റുമോനെ അവതരിപ്പിക്കുന്നത്. സുരേഷ് അച്ചൂസ് സംവിധാനം ചെയ്യുന്ന പരിപാടിയുടെ പേര് ടിന്റുമോന്‍സ് കോര്‍ണര്‍ എന്നാണ്.

റിയാലിറ്റി ഷോകളിലെ ബിഗ് ബിസിനസായിമാറിയ 'കോന്‍ ബനേഗാ ക്രോര്‍പതി' എന്ന റിയാലിറ്റി ക്വിസ് പരിപാടിയുമായി ഒരിക്കല്‍ക്കൂടി ബോളിവുഡിന്റെ ബിഗ് ബിസിനസായ ബിഗ് ബി അമിതാഭ് ബച്ചന്‍ സ്വീകരണമുറികളിലെത്തുന്നു. കെബിസിയുടെ നാലാം സീസണ്‍ അമിതാഭിന്റെ സഹകരണത്തോടെ ചെയ്യാമെന്നു തീരുമാനമായി. സ്റ്റാറിനു പകരം സോണിയാണ് ഇത്തവണ ഷോ അവതരിപ്പിക്കുന്നത്.

വാഷിംങ്ടണ്‍: സിഎന്‍എന്‍ ചാനലില്‍ 1985 മുതല്‍ നടത്തിവന്നിരുന്ന ലാറി കിങ് ലൈവ് എന്ന പരിപാടി നിര്‍ത്തുന്നതായി ലാറി കിങ് പ്രഖ്യാപിച്ചു. നേതാക്കന്മാരും, കായികതാരങ്ങളും, മാദ്ധ്യമ പ്രവര്‍ത്തകരുമടക്കം 40,000ഓളം പേരെ ഇന്റര്‍വ്യൂ ചെയ്തിട്ടുള്ള ലാറി കിങ് ഒരേസമയം ഒരേപേരില്‍ ഏറ്റവും കൂടുതല്‍ കാലം ടെലികാസ്റ്റ് ചെയ്ത ടിവി പരിപാടിയെന്ന ഗിന്നസ് റെക്കോര്‍ഡിനര്‍ഹമായി.

ഗ്ലോറി ഓര്‍മയായി, മലയാളമനസ്സ് തേങ്ങലടക്കാതെ...
സോഫി സുരക്ഷിത, മലയാളിവീട്ടമ്മമാര്‍ക്ക് നെടുവീര്‍പ്പ്
ഇനിയുമെത്തുമോ ഗ്ലോറിയും സോഫിയും?

അങ്ങനെ അതവസാനിച്ചു. എന്റെ മാനസപുത്രി എന്ന സീരിയല്‍ അവസാനിച്ചു. രണ്ടു ചാനലുകളിലായി ഏതാണ്ട് ആയിരത്തോളം എപ്പിഡോസുകള്‍ (കടപ്പാട് സിദ്ദീഖ് ലാല്‍) നീണ്ട മാനസപുത്രിക്കും അതിലൂടെ പ്രശസ്തരായ ഗ്ലോറി സോഫിമാര്‍ക്കും കേരളക്കര കണ്ണീരോടെ വിടനല്കി. ലോകമൊട്ടാകെയുള്ള മലയാളം ചാനല്‍പ്രേക്ഷകര്‍ക്ക് സങ്കടം ഇപ്പോഴും അടക്കാനാവുന്നില്ല. ഗ്ലോറിയും സോഫിയുമില്ലാതെ എങ്ങനെ ഇനിയുള്ള ദിവസങ്ങള്‍ തള്ളിനീക്കും എന്നറിയാതെ ഉഴലുകയാണ് പല വീട്ടമ്മമാരും. മാനസപുത്രി തീര്‍ന്നതിന്റെ ആഘാതം താങ്ങാനാവാതെ വീട്ടമ്മമാര്‍ ആത്മഹത്യ ചെയ്യാനിടയുണ്ടെന്നും അതിനാല്‍ സാമൂഹികശാസ്ത്രജ്ഞരും സര്‍ക്കാര്‍ തന്നെയും ഉല്‍ക്കണ്ഠയിലാണെന്നും ചില അജ്ഞാതകേന്ദ്രങ്ങള്‍ റിപ്പോര്‍ട്ടു ചെയ്യുന്നു.

ബോളിവുഡ് താരസുന്ദരി പ്രിയങ്ക ചോപ്ര മിനിസ്ക്രീനില്‍ എത്തുന്നു. ഒരു റിയാലിറ്റി ഷോയുടെ അവതാരകയായാണ് പ്രിയങ്ക മിനിസ്ക്രീനില്‍ എത്തുന്നത്. കളേഴ്സ് ചാനലിലെ ഖത് രോണ്‍ കെ ഖിലാഡി എന്ന സാഹസിക റിയാലിറ്റി ഷോയുടെ അവതാരകയായാണ് പ്രിയങ്കയുടെ മിനിസ്ക്രീനിലേക്കുള്ള രംഗപ്രവേശനം. പ്രമുഖ ചാനലായ എഎക്സ്എന്‍ സംപ്രേക്ഷണം ചെയ്യുന്ന യുഎസ് റിയാലിറ്റി ഷോ ഫിയര്‍ ഫാക്ടറിന്റെ ഹിന്ദിപ്പതിപ്പാണ് ഖത് രോണ്‍ കെ ഖിലാഡി.

Tuesday, May 22, 2012