മലയാളബൂലോഗത്തില് കവിതകൊണ്ടുതീമൂട്ടിയ യൌവ്വനങ്ങളില് പ്രധാനിയാണ് കുഴൂര് വിത്സന് . അച്ചടിമലയാളം നാടുകടത്തിയ കവിതകള് എന്നു സ്വയം പ്രഖ്യാപിച്ച്, താനിനി വാരികകള്ക്കുവേണ്ടി കവിതകളെഴുതില്ലെന്നു നിനച്ച് സധൈര്യം സൈബറാകാശത്ത് കവിതകളെഴുതിനിറച്ചവന്. "ആദ്യം മരിച്ചാല് നിന്നെ ആര് നോക്കുമെന്നല്ലായിരുന്നു സങ്കടം; ആരെല്ലാം നോക്കുമെന്നായിരുന്നു" (ഒരു നഗരപ്രണയകാവ്യം / പാപ്പിറസ് ബുക്സ്) എന്ന് മലയാളിയെന്ന ഇക്കിളിപ്പടത്തെ നോക്കി ഊറിച്ചിരിച്ചവന്. മരങ്ങളാലെ കവിതയുടെ തായ്ത്തടി പണിതവന് . വിത്സണ് കവിതകളുടെ ഏറ്റവും പുതിയ സമാഹാരമാണ് ഡിസി ബുക്സ് പുറത്തിറക്കുന്ന "കുഴൂര് വിത്സന്റെ കവിതകള് ". തടാകത്തില് പ്രതിഫലിക്കുന്ന ഈന്തപ്പനയുടെ നിഴല് എന്നാണ് മേതില് രാധാകൃഷ്ണന് ഈ കവിതയെ അടയാളപ്പെടുത്തുന്നത്. 2012 നവംബര് 7ന് കൊച്ചി പുസ്തകോത്സവത്തില് വച്ച് കുഴൂരിന്റെ ഈ കവിതാപുസ്തകം പ്രകാശനം ചെയ്യപ്പെടും. പുസ്തകത്തില് കവി വിഷ്ണുപ്രസാദ് എഴുതിയ കുറിപ്പാണ് ചുവടെ. ഒപ്പം അമ്പി സുധാകരന് വരച്ച പെയിന്റിങ്ങുകളും.
