സംഗീതം | Malayal.am

അടുത്തകാലത്തെ പാട്ടുകളിലേക്ക് തിരിഞ്ഞു നോക്കിയാല്‍ 'കൊലവെറി' തരംഗമാണ്ആദ്യം ശ്രദ്ധയില്‍ പെടുക. 'വൈ ദിസ് കൊലവെറി ഡി ' തയ്യാറാക്കുമ്പോള്‍ സിനിമാഗാന രംഗത്ത്‌ ഒരു പുതിയ തരംഗം സൃഷ്ടിക്കുക എന്ന ഉദ്ദേശമൊന്നും ധനുഷിനോ കൂട്ടുകാര്‍ക്കോ ഉണ്ടായിരുന്നില്ല. എന്നല്ല പാട്ട് ഹിറ്റാകുമോ എന്ന ആത്മവിശ്വാസം പോലും ധനുഷിനു ഇല്ലായിരുന്നു. പക്ഷെ ഏവരെയും അമ്പരപ്പിച്ചു കൊണ്ട് ഒരു 'സുനാമി' തരംഗം തന്നെയാണ് ഉണ്ടായത് - സോഷ്യല്‍ മീഡിയ വഴി അത് ആഗോള തലത്തില്‍ പ്രചരിച്ചു... പരിഭാഷകള്‍, പാരഡികള്‍, അനിമേഷനുകള്‍... അങ്ങനെ 'കൊലവെറി' പാട്ട് പോപ്പുലര്‍ കള്‍ച്ചറിന്റെ ഭാഗമായി.

പാട്ടിലേക്കു വഴികള്‍, പാട്ടിന്റെ വഴികള്‍?...

കുട്ടിക്കാലം തൊട്ടേ സംഗീതലോകമായിരുന്നു എന്റെ സ്വപ്‌നം. സംഗീതം പഠിച്ചിട്ടുണ്ട്‌. പന്ത്രണ്ടാം ക്ലാസില്‍ പഠിക്കുമ്പോഴാണ്‌ ഞാന്‍ ആദ്യമായി ഒരു സിനിമയില്‍ പാടുന്നത്‌. ഡാഡിയുടെ പരിചയമായിരുന്നു അതിനു കാരണമായത്‌. തുളസീദാസിന്റെ മേലേവാര്യത്തെ മാലാഖക്കുട്ടികള്‍ എന്ന ചിത്രത്തില്‍. അതുവരെ ഗാനമേളയില്‍ രണ്ടരക്കൊല്ലം പാടി നടന്നു. കൊച്ചിന്‍ കോറസില്‍.

സിനിമയില്‍ വരും എന്ന്‌ അന്നൊന്നും ചിന്തിച്ചിട്ടില്ല. തുളസീദാസിന്റെ സിനിമ കഴിഞ്ഞ്‌ രണ്ടുമൂന്ന്‌ ഓഫറുകള്‍ വന്നപ്പോഴാണ്‌ ഈ ഫീല്‍ഡില്‍ ഒരു ഹോപ്പുണ്ടെന്ന്‌ തോന്നിത്തുടങ്ങിയത്‌.

കേരളത്തിന്റെ തനതുകലയാണ്‌ മിമിക്രി. മിമിക്രിയിലൂടെ ജനപ്രിയകലയായ സിനിമയിലെത്തിയ താരങ്ങള്‍ നിരവധി. മിമിക്രിയിലൂടെ അല്ലാതെ സിനിമയിലെത്തിയ താരങ്ങള്‍ പോലും തങ്ങള്‍ക്ക്‌ അനുകരണകല വഴങ്ങുമെന്ന്‌ തെളിയിക്കാന്‍ ശ്രമിച്ചുകാണാറുമുണ്ട്‌. മിമിക്രിയല്ല അനുകരണമാണ്‌ ഇവിടെ വിഷയം. സിനിമയില്‍ താരപദവിയിലേയ്‌ക്കുള്ള ചവിട്ടുപടിയാണ്‌ അനുകരണകലയെങ്കില്‍ മിനിസ്‌ക്രീനില്‍ അനുകരണം തന്നെ ജീവിതം.

സുറിയാനി ക്രിസ്‌ത്യാനികളുടെ ഇടയില്‍ പ്രചാരത്തിലുള്ള ഒരു കലയാണ്‌ മാര്‍ഗം കളി. സംഘക്കളിയുടെ ഒരനുകരണമാണു മാര്‍ഗംകളി എന്ന്‌ ഒരഭിപ്രായമുണ്ട്‌. രാജ്യരക്ഷാര്‍ത്ഥം ആയുധം ധരിച്ച പ്രാചീന ക്രിസ്‌ത്യാനികള്‍ വിനോദാര്‍ത്ഥം ഏര്‍പ്പെട്ടിരുന്ന ഒരു കളിയത്രെ ഇത്‌. ക്രിസ്‌തുശിഷ്യനായ മാര്‍ത്തോമായുടെ രംഗപ്രവേശവും അദ്ദേഹത്തിന്റെ മതപരിവര്‍ത്തന സംരംഭങ്ങളുമാണ്‌ മാര്‍ഗംകളിക്കു തെരഞ്ഞെടുത്ത വിഷയം. മാര്‍ഗംകളിയുടെ ആരംഭകാലത്തുള്ള ഉദ്ദേശ്യമെന്തായിരുന്നാലും പില്‍ക്കാലത്ത്‌ സുറിയാനി ക്രിസ്‌ത്യാനികളുടെ വിവാഹാവസരങ്ങളില്‍ മാര്‍ഗംകളി ഒഴിച്ചകൂടാനാവാത്ത ഒരു ചടങ്ങായി തീര്‍ന്നു.

മലയാളത്തിന്റെ കാല്‌പനിക ശബ്‌ദത്തിന്റെ സൗകുമാര്യമാണ്‌ ഗായകന്‍ ജി വേണുഗോപാല്‍. പാട്ടിന്റെ മൂന്നാം പതിറ്റാണ്ടു പൂര്‍ത്തിയാക്കിക്കൊണ്ടിരിക്കുന്ന വേണുഗോപാല്‍ മലയാളിയുടെ ഇഷ്‌ടഗാനശേഖരത്തിലേക്ക്‌ സമ്മാനിച്ച പാട്ടുകളുടെ നിര അതിവിപുലം. 'ചന്ദനമണിവാതില്‍ പാതിചാരി...' (മരിക്കുന്നില്ല ഞാന്‍) 'താനേപൂവിട്ട മോഹം മൂകം വിതുമ്പുന്ന നേരം...' (സസ്‌നേഹം) 'മഞ്ഞിന്‍ വിലോലമാം യവനികക്കുള്ളിലൊരു മഞ്ഞക്കിളിത്തൂവല്‍ പോലെ'(ഉത്തരം), 'കനകമുന്തിരികള്‍ മണികള്‍ കോര്‍ക്കുമൊരു പുലരിയില്‍...' (പുനരധിവാസം) 'പൂക്കാലം വലം കൈയ്യിലേന്തി വാസന്തം...' (കളിക്കളം)... ഇഷ്‌ടഗാനങ്ങളുടെ പട്ടിക നീണ്ടുനീണ്ടുപോകുന്നു. വെയില്‍ ചാഞ്ഞുതുടങ്ങുന്ന ഒരു ഉച്ചനേരത്തിന്റെ ആലസ്യത്തിലേക്ക്‌ പൊടുന്നനെ മഴയിറങ്ങുമ്പോലെയാണ്‌ വേണുഗോപാലിന്റെ പാട്ടുകള്‍. വേണുഗോപാലുമായി നടത്തിയൊരു സംഭാഷണത്തില്‍നിന്ന്‌...

ഒരിക്കല്‍ ഗള്‍ഫില്‍ ഒരു സംഗീത പരിപാടി നടക്കുകയാണ്‌. മലയാളത്തിലെ പ്രമുഖരായ എല്ലാ ഗായകുമുണ്ട്‌. എന്നാല്‍ പതിവ്‌ ഗള്‍ഫ്‌ ഓഡിയന്‍സില്‍ നിന്നും വ്യത്യസ്‌തമായിരുന്നു ആ സദസ്‌. അടിപൊളി ഗാനങ്ങള്‍ക്കല്ലാതെ മറ്റൊന്നിനും ഒരു സാധ്യതയുമില്ല. മെലഡി പാടാനൊരുങ്ങുമ്പോള്‍ കൂവല്‍ ഉയരും.

"വല്ലാതെ വിഷമം തോന്നിയ സമയം. എല്ലാവരും ആകെ ഡസ്‌പായി, പിന്‍സ്റ്റേജില്‍ ഇരിക്കുകയായിരുന്നു ഞാന്‍. കോട്ടും സ്യൂട്ടുമൊക്കെ ധരിച്ച ഒരാള്‍ എന്റെ മുന്നില്‍ വന്നുനിന്നു. വളരെ പരിചിതമായ മുഖം. പക്ഷെ, എന്റെ അപ്പോഴത്തെ മൂഡില്‍ അതാരാണെന്നൊന്നും ഐഡന്റിഫൈ ചെയ്യാന്‍ എനിക്കു സാധിച്ചില്ല."

ഹൃദയത്തില്‍ തൊടുന്ന സംഗീതമാണ്‌ മോഹന്‍ സിത്താരയുടേത്‌. `രാരീ... രാരീരം രാരോ... പാടീ രാക്കിളി പാടീ...' (ഒന്നുമുതല്‍ പൂജ്യം വരെ) എന്ന താരാട്ടുപാട്ടില്‍ ആരംഭിച്ച്‌ നിരവധി ഹിറ്റുകള്‍ മലയാള സിനിമയ്‌ക്ക്‌ സമ്മാനിച്ച്‌ സംഗീത സംവിധായകന്‍. ഓരോ പാട്ടിനും പറ്റിയ ശബ്‌ദങ്ങള്‍ തേടിപ്പോയ സംഗീതകാരനുമായിരുന്നു മോഹന്‍ സിത്താര. തന്‍മാത്രയിലെ `ഇതളൂര്‍ന്നുവീണ പനിനീര്‍ ദലങ്ങള്‍...' എന്ന ഗാനം മോഹന്‍ലാലിനെക്കൊണ്ട്‌ പാടിച്ചാണ്‌ അദ്ദേഹം ഹിറ്റാക്കിയത്‌. മലയാളത്തിന്‌ മറക്കാനാവാത്ത ഒരുപിട്‌ ആര്‍ദ്രഗാനങ്ങളാണ്‌ മോഹന്‍ സിത്താര സമ്മാനിച്ചത്‌. അതുപോലെ നമ്മളിലെ സുഖമാണീ കാറ്റ്‌.... എന്ന പാട്ടിലൂടെ ജ്യോത്സ്‌ന എന്ന പുതുഗായികയുടെ നറുംനാദവും നമ്മള്‍ കേട്ടുതുടങ്ങി.

മലയാളികള്‍ ദൃശ്യമാധ്യമങ്ങളിലൂടെ കണ്ടു പരിചയിച്ച ഒരു പെയിന്റു ബ്രാന്റിന്റെ മൂന്നു പരസ്യജിംഗിളുകളുടെ "സാഹിത്യ"മാണ്‌ ചുവടെ ഉദ്ധരിച്ചിരിക്കുന്നത്‌. ഒരു പക്ഷേ, വരികള്‍ ഓര്‍മ്മിക്കുന്നില്ലെങ്കിലും അവയുടെ ഈണങ്ങള്‍ നമ്മളുടെ ഉള്ളിലുണ്ടാവാതിരിക്കില്ല. കാരണം ഈ ഈണങ്ങള്‍ യഥാക്രമം വഞ്ചിപ്പാട്ട്‌, തുള്ളല്‍, പുള്ളുവന്‍പാട്ട്‌ എന്നീ കേരളത്തിന്റെ വ്യത്യസ്‌ത വംശീയതകള്‍ നിഴലിക്കുന്ന സാംസ്‌കാരികപ്രകടനങ്ങളില്‍നിന്ന്‌ കടം കൊണ്ടവയാണ്‌.

ഫേസ് ബുക്കില്‍ ഈയടുത്ത കാലത്ത് വളരെ വ്യാപകമായി ഷെയര്‍ ചെയ്യപ്പെട്ട ഒന്നാണ് പ്രസീതയുടെ 'ഞാനും എന്റെ അളിയനും കൂടി ...." എന്ന പാട്ട് . ആ വീഡിയോയുമായി ബന്ധപ്പെട്ടു സംഗീതത്തിന്റെ ജാതിയെ കുറിച്ചുള്ള ചില ആലോചനകളാണ് ഞാന്‍ പങ്കു വയ്ക്കാന്‍ ശ്രമിക്കുന്നത്. വീഡിയോയിലെ ദൃശ്യങ്ങളെ സംബന്ധിച്ച് വളരെ കാതലായ അഭിപ്രായങ്ങള്‍ ചിലരെങ്കിലും ഫേസ് ബുക്കില്‍ ഉന്നയിച്ചിട്ടുണ്ട്. പ്രധാനമായും സദസിന്റെ മുഖഭാവങ്ങളും പാട്ടുമായുള്ള ഇടപാടിനെ സംബന്ധിച്ചും ഉള്ള ചിന്തകള്‍ തീര്‍ച്ചയായും ശ്രദ്ധ അര്‍ഹിക്കുന്ന ഒന്നാണ്.

ലക്കി അലി മലയാളിയായ സംഗീതസംവിധായകന്‍ ജാസി ഗിഫ്റ്റിന്റെ സംഗീതസംവിധാനത്തില്‍ പാട്ടുപാടി. കന്നഡ ചിത്രത്തിലാണ് ജാസിയുടെ ഈണം ലക്കി പാടിയത്. തനിക്ക് മലയാളത്തില്‍ പാടാന്‍ വലിയ ആഗ്രഹമുണ്ടെന്നു ജാസിയോടു പറയാനും ലക്കി അലി മടി കാട്ടിയില്ല.

Tuesday, May 22, 2012