Popular content

'അ­മീബ ഇര­പി­ടി­ക്കാ­നി­റ­ങ്ങു­മ്പോ­ലെ' ഏ­ജ­ന്റ് ജാ­ദു­ ഐപി പി­ടി­ക്കാ­നി­റ­ങ്ങു­മ്പോള്‍ ഈ പു­തിയ ശി­ക്കാ­രി ശം­ഭു­വി­നെ വേ­ഷം­കെ­ട്ടി­യി­റ­ക്കിയ സി­നി­മ­ക്കാ­രു­ടെ ഭാ­വന സ്വ­ന്ത­മാ­ണോ എന്നു­കൂ­ടി നമു­ക്ക­റി­യ­ണ­മ­ല്ലോ. ആ നി­ല­യ്ക്കു­ള്ള അന്വേ­ഷ­ണ­മാ­ണ് ഇവി­ടെ. ലോകസിനിമയുടെ വര്‍­ത്ത­മാ­നം­ എന്ന ബ്ലോ­ഗി­ലൂ­ടെ ഓണ്‍­ലൈന്‍ വാ­യ­ന­ക്കാര്‍­ക്ക് സു­പ­രി­ചി­ത­നായ റോ­ബി കു­ര്യ­നാ­ണ് മല­യാ­ള­ത്തി­നു­വേ­ണ്ടി ഒറി­ജി­ന­ലി­നെ­യും പകര്‍­പ്പി­നെ­യും താ­ര­ത­മ്യം ചെ­യ്യു­ന്ന­ത്.

ആ­ശ­യം കടം­കൊ­ള്ളു­ന്ന­തോ, ആരെ­ങ്കി­ലും നേ­ര­ത്തെ സൃ­ഷ്ടി­ച്ച സാം­സ്കാ­രി­കോ­ത്പ­ന്നം മറ്റൊ­രു ക്യാന്‍­വാ­സി­ലേ­ക്ക് പകര്‍­ത്തു­ന്ന­തോ മോ­ശം കാ­ര്യ­മാ­യി ഞങ്ങ­ളാ­രും കാ­ണു­ന്നി­ല്ല. എന്നാല്‍ ചി­ലര്‍­ക്ക് മാ­ത്രം അവ­കാ­ശ­പ്പെ­ട്ട­താ­ണ് അതെ­ന്ന ന്യാ­യം ഉള്‍­ക്കൊ­ള്ളാന്‍­ത­ക്ക കു­ടി­ല­മ­ന­സ്ക­ത­യും ഞങ്ങള്‍­ക്കി­ല്ലെ­ന്ന് കൂ­ട്ടി­ക്കോ­ളൂ. ആ നി­ല­യ്ക്ക് ഒരു സാം­സ്കാ­രി­ക­സ­മ­ര­ത്തി­ന്റെ ഭാ­ഗ­മായ പക്ഷം­ചേ­രല്‍ കൂ­ടി­യാ­ണി­ത്. മറു­പ­ടി­കള്‍ പ്ര­സി­ദ്ധീ­ക­രി­ക്കാന്‍ ഞങ്ങള്‍ ഒരു­ക്ക­മാ­ണ്. എന്നാല്‍ ഞങ്ങ­ളു­ടെ പക്ഷം ഇതാ­ണ്. ഇത്ത­രം തു­ട­ര­ന്വേ­ഷ­ണ­ങ്ങ­ളി­ലേ­ക്ക് സാ­ങ്കേ­തി­വി­ദ്യ­യു­ടെ വളര്‍­ച്ച­യി­ലും പങ്കു­വ­പ്പി­ന്റെ രാ­ഷ്ട്രീ­യ­ത്തി­ലും വി­ശ്വ­സി­ക്കു­ന്ന ഏവ­രേ­യും ഞങ്ങള്‍ സ്വാ­ഗ­തം ചെ­യ്യു­ന്നു. ലേ­ഖ­ന­ത്തി­ലേ­ക്ക്:

അ­സ­മ­ത്വം എന്ന­തി­നേ­ക്കാള്‍ ­വ്യ­ത്യാ­സം­ എന്ന­തി­ലൂ­ന്നി പല­തി­നെ­യും കു­റി­ച്ചു ചി­ന്തി­ക്കുക രസ­ക­ര­മാ­ണ്. ആണ്‍ പെണ്‍ അ­സ­മ­ത്വം­ എന്ന് ചി­ന്തി­ക്കു­മ്പോ­ഴു­ള്ള­ത്ര കാ­ര്യ­ങ്ങള്‍ തന്നെ ആണ്‍ പെണ്‍ വ്യ­ത്യാ­സം എന്ന് ചി­ന്തി­ക്കു­മ്പോള്‍ മന­സ്സി­ലേ­യ്ക്ക് വരാ­റു­ണ്ട്. സത്യം പറ­ഞ്ഞാല്‍ വ്യ­ത്യാ­സ­ത്തെ­ക്കു­റി­ച്ച് ചി­ന്തി­ക്കു­ക­യാ­ണ് എളു­പ്പം. സു­ഖ­ക­രം. അസ­മ­ത്വ­മാ­കു­മ്പോള്‍ പ്ര­തീ­ക്ഷ­യി­ല്ലാ­യ്മ­യു­ടെ നി­രാ­ശ­യു­ണ്ടെ­നി­ക്ക്. എന്നാല്‍ വ്യ­ത്യാ­സ­ങ്ങ­ളെ­ക്കു­റി­ച്ചാ­ലോ­ചി­ക്കു­ന്ന­ത് എന്തെ­ങ്കി­ലും വാ­യി­ക്കു­ന്ന­തു­പോ­ലെ­യാ­ണ്. ചി­ന്ത­യെ അതി­ന്റെ വഴി­ക്ക് വി­ട്ട് കി­ട­ന്നോ ഇരു­ന്നോ ഒക്കെ വാ­യി­ക്കാം. വാ­യി­ച്ച­തെ­ല്ലാം ഓര്‍­മ­യു­ണ്ടാ­വ­ണ­മെ­ന്നി­ല്ല. എന്നാ­ലും ഒരി­ക്ക­ലും മറ­ക്കാ­ത്ത ചി­ല­തെ­ങ്കി­ലും ഉണ്ടാ­വു­ക­യും ചെ­യ്യും. വ്യ­ത്യാ­സ­ങ്ങ­ളു­ടെ ഉല്‍­ഭ­വ­ത്തെ­ക്കു­റി­ച്ച് ചി­ന്തി­ച്ചാല്‍ വീ­ണ്ടും പ്ര­ശ്ന­മാ­കും എന്ന­ത് വേ­റെ കാ­ര്യം.

­ക്രൈം വാര്‍­ത്ത­ക­ളില്‍ വര്‍­ത്ത­മാ­ന­പ്പ­ത്ര­ങ്ങ­ളെ വി­ശ്വാ­സ­ത്തി­ലെ­ടു­ക്കും­പോ­ലെ മണ്ട­ത്ത­രം വേ­റൊ­ന്നു­മി­ല്ല. ഫാ­ക്ച്വല്‍ റി­പ്പോര്‍­ട്ടി­ങ് തൊ­ട്ടു­തീ­ണ്ടി­യി­ട്ടി­ല്ലാ­ത്ത ബീ­റ്റാ­ണ­തു­്. പൊ­ലീ­സ് സോ­ഴ്സ് പറ­യു­ന്ന­തെ­ന്താ­ണോ, അതാ­ണു് ക്രൈം ­വാര്‍­ത്ത. മള്‍­ട്ടി­പ്പിള്‍ സോ­ഴ്സു­ക­ളെ ഉപ­യോ­ഗി­ക്കു­ക­യാ­വ­ട്ടെ, സം­ശ­യ­ങ്ങ­ളു­ന്ന­യി­ക്കു­ക­യാ­വ­ട്ടെ, ഒന്നു­മി­ല്ല. പൊ­ലീ­സ് ഭാ­ഷ്യം അതേ­പ­ടി വി­ഴു­ങ്ങി­യ­ശേ­ഷം കഴി­യു­മെ­ങ്കില്‍ മാ­ദ്ധ്യ­മ­വി­ചാ­ര­ണ­കൂ­ടി ഫി­റ്റ് ചെ­യ്തു­കൊ­ടു­ക്കു­ക. പൈ­ങ്കി­ളി­വാ­രി­ക­ക­ളി­ലെ അപ­സര്‍­പ്പ­ക­റി­പ്പോര്‍­ട്ടു­ക­ളെ വെ­ല്ലു­ന്ന രീ­തി­യി­ലാ­ണു് ഇന്നി­പ്പോള്‍ മു­ഖ്യ­ധാ­രാ പത്ര­ങ്ങ­ളി­ലും ചാ­ന­ലു­ക­ളി­ലും ക്രൈം റി­പ്പോര്‍­ട്ടി­ങ് നട­ക്കു­ന്ന­തു­്. ലേ­ഖ­ക­ന്റെ അനു­മാ­ന­ങ്ങ­ളും കഥ­യെ­ഴു­ത്തു­സാ­മര്‍­ത്ഥ്യ­വും അനു­സ­രി­ച്ചു് എരി­വും പു­ളി­യു­മേ­റും. വാ­യി­ക്കു­ന്ന­വര്‍ എഴു­തി­യ­ത­പ്പാ­ടെ വി­ശ്വ­സി­ക്ക­ണ­മെ­ന്ന നിര്‍­ബ­ന്ധ­ബു­ദ്ധി ഓരോ വാ­ച­ക­ത്തി­ലു­മു­ണ്ടാ­വും. പൊ­തു­ബോ­ധ­നിര്‍­മ്മി­തി­ക­ളെ ഊട്ടി­യു­റ­പ്പി­ക്കുക എന്ന­തില്‍­ക്ക­വി­ഞ്ഞു് മാ­ദ്ധ്യ­മ­ങ്ങള്‍­ക്കു് മറ്റൊ­ര­ജ­ണ്ട­യു­മി­ല്ലെ­ന്നു തോ­ന്നും.

ഒ­റ്റ­പ്ര­ദര്‍­ശ­ന­ത്തി­നു് എന്തു­മാ­റ്റം വരു­ത്താന്‍ കഴി­യും? ഒരു­പാ­ടു­്... അതാ­ണു് കച­ട­തപ എന്നു പേ­രി­ട്ട ഭട്ട­തി­രി­യു­ടെ ­മ­ല­യാ­ളം­ ­കാ­ലി­ഗ്രാ­ഫി­ പ്ര­ദര്‍­ശ­നം കൊ­ണ്ടു­വ­ന്ന മാ­റ്റം. കേ­ര­ള­ത്തി­ലെ വി­വിധ പ്ര­സി­ദ്ധീ­ക­ര­ണ­ങ്ങ­ളി­ലാ­യി വര്‍­ഷ­ങ്ങള്‍­കൊ­ണ്ടു് ­ഭ­ട്ട­തി­രി­ വര­ച്ച ഡി­സൈ­നു­കള്‍ / നോ­വ­ലു­ക­ളു­ടെ, കഥ­ക­ളു­ടെ, കവി­ത­ക­ളു­ടെ, ലേ­ഖ­ന­ങ്ങ­ളു­ടെ ഒക്കെ തല­ക്കെ­ട്ടെ­ഴു­ത്തു­കള്‍, പ്ര­സി­ദ്ധീ­ക­ര­ണ­ങ്ങ­ളു­ടെ മാ­സ്റ്റ് ഹെ­ഡ്, കട­ക­ളു­ടെ സൈന്‍­ബോര്‍­ഡ് ഇവ­യെ­ല്ലാം തപ്പി­പ്പെ­റു­ക്കി തി­രു­വ­ന­ന്ത­പു­ര­ത്തെ ഒരു ചെ­റിയ ആര്‍­ട്സ് കഫേ­യില്‍ 2012 ഡി­സം­ബര്‍ 9 മു­തല്‍ 15 വരെ ഒരു കാ­ലി­ഗ്രാ­ഫി പ്ര­ദര്‍­ശ­നം നട­ന്നു. ചല­ച്ചി­ത്രോ­ത്സ­വ­ക്കാ­ല­ത്തു് തി­രു­വ­ന­ന്ത­പു­രം വഴു­ത­ക്കാ­ടു­ള്ള സൂ­ര്യ ആര്‍­ട് ഗ്യാ­ല­റി­യില്‍ നട­ന്ന ആ പ്ര­ദര്‍­ശ­നം കാ­ണാന്‍ മല­യാ­ളം വര­യെ­ഴു­ത്തില്‍ താ­ത്പ­ര്യ­മു­ള്ള ഒട്ടേ­റെ­പ്പേര്‍ കേ­ര­ള­ത്തി­ലെ­മ്പാ­ടു­നി­ന്നും വന്നു. ആ പ്ര­ദര്‍­ശ­നം ഉണ്ടാ­ക്കിയ ഉണര്‍­വ്വ് ചി­ല്ല­റ­യ­ല്ല.