വാര്‍ത്ത

സമഗ്ര ചലച്ചിത്ര ഓണ്‍ലൈന്‍ മാഗസിന്‍ എന്ന അടിക്കുറിപ്പുമായി http://reverseclap.com ഇന്നലെ പ്രകാശിതമായി. http://malayal.am എന്ന മലയാളത്തിന്റെ കൂടപ്പിറപ്പാണ് റിവേഴ്‌സ് ക്ലാപ് എന്ന് അഭിമാനത്തോടെ പ്രഖ്യാപിക്കാന്‍, മലയാളത്തിന്റെ വായനക്കാരുമായി ഈ വാര്‍ത്ത പങ്കുവയ്ക്കുവാന്‍, ഈ അവസരം വിനിയോഗിക്കട്ടെ.

ഈസ്റ്റ്ബോണ്‍ സെന്റ് ഗ്രിഗോറിയോസ് ഇടവകയില്‍ പരിശുദ്ധ പരുമല തിരുമേനിയുടെ ഓര്‍മ്മപ്പെരുന്നാള്‍. ഈസ്റ്റ് ബോണ്‍ സെന്റ് ഗ്രീഗോറിയോസ് യാക്കോബായ സുറിയാനി ഓര്‍ത്തഡോക്സ് ഇടവകയില്‍ നവംബര്‍ 3നു ശനിയാഴ്ച മലങ്കരയുടെ മഹാപരിശുദ്ധനായ ചാത്തുരുത്തില്‍ ഗീവര്‍ഗ്ഗീസ് മോര്‍ ഗ്രീഗോറിയോസ് (പരുമല കൊച്ചുതിരുമേനി)യുടെ 110ാമത് ഓര്‍മ്മപ്പെരുന്നാളും ഇടവക വാര്‍ഷികവും ആഘോഷിക്കുന്നു.

യുകെയിലെങ്ങും ആവേശത്തിരയിളക്കുന്ന യുക്മ റീജിയണല്‍ കലാമേളക്ക് മിഡ്ലാന്‍ഡ്സില്‍ നവംബര്‍ 3-നു കൊടിയേറും. മിഡ്ലാന്‍ഡ്സ് കേരളൈറ്റ്സ് അസോസിയേഷന്‍ വാല്‍സാള്‍ ആണ് കലാമേളക്ക് ആതിഥ്യം അരുളുന്നത്. റീജിയനിലെ 12 അംഗ അസ്സോസിയേഷനുകളുടെയും പ്രാതിനിധ്യം ഉറപ്പിച്ചിരിക്കുന്ന ഈ കലാമേളയില്‍ 41 ഇനങ്ങളിലായി മത്സരങ്ങള്‍ അരങ്ങേറും. ആയിരത്തിലധികം പേരെ ഉള്‍ക്കൊള്ളിക്കാവുന്ന വിശാലമായ വേദിയാണ് സംഘാടകര്‍ കലാമേളക്കായി സജ്ജമാക്കിയിരിക്കുന്നത്.

മാലിന്യനിക്ഷേപത്തിന് എതിരായുള്ള വിളപ്പില്‍ശാലയിലെ ജനകീയ ചെറുത്തുനില്പിന്റെ പശ്ചാത്തലത്തില്‍ ബദല്‍ മാതൃകകളെ കുറിച്ചുള്ള ചര്‍ച്ചകളും അന്വേഷണങ്ങളും കൂടുതല്‍ ഊര്‍ജിതമായിക്കൊണ്ടിരിക്കുകയാണല്ലോ. മാലിന്യപ്രശ്നം അതുല്‍പാദിപ്പിക്കുന്ന ജനസഞ്ചയങ്ങളെ പോലെ തന്നെ വൈവിധ്യപൂര്‍ണ്ണമാണെന്നും അത് കൊണ്ട് തന്നെ ഒരു കുറുക്കുവഴി അല്ലെങ്കില്‍ ഒരേ സാങ്കേതികവിദ്യകൊണ്ട് എല്ലായിടത്തെയും മാലിന്യപ്രശ്നങ്ങളെ പരിഹരിച്ചുകളയാം എന്നത് മിഥ്യാധാരണ ആണെന്നും ഒരിക്കല്‍ കൂടി ഉറപ്പിച്ചു പറഞ്ഞു കൊണ്ട് ഈ കുറിപ്പ് ആരംഭിക്കുന്നു.

മാലിന്യത്തിന്റെ അളവ്

തിരുവനന്തപുരത്ത് പ്രതി ദിനം ശരാശരി 150 ടണ്‍ മാലിന്യങ്ങള്‍ പൊതു നിരത്തിലേക്ക് വലിച്ചെറിയപ്പെടുന്നു എന്ന് അനുമാനിക്കുകയാണെങ്കില്‍ കഴിഞ്ഞ ഡിസംബര്‍ 22 മുതല്‍ക്കു (വിളപ്പില്‍ ശാലയിലേക്കുള്ള മാലിന്യ നീക്കം തടസ്സപ്പെട്ട ദിനം ) ഒക്ടോബര്‍ 31 വരെ ഏതാണ്ട് 310 ദിവസത്തെ മാലിന്യങ്ങള്‍ ഇവിടെ പലയിടങ്ങളിലായി കുന്നുകൂടി കിടക്കുന്നണ്ടാകണം. അതായത് ഏതാണ്ട് 46000 ടണ്‍ മാലിന്യങ്ങള്‍. ഇതില്‍ ഏകദേശം 50 ശതമാനത്തോളം ജൈവ മാലിന്യങ്ങള്‍ ആയിരിക്കും എന്ന് കണക്കാക്കുകയാണെങ്കില്‍ ഏതാണ്ട് 23000 ടണ്‍ മാലിന്യങ്ങള്‍ ജൈവ മാലിന്യങ്ങളും അത്ര തന്നെ അജൈവ മാലിന്യങ്ങളും ഇവിടെ കൂടിക്കിടക്കുന്നുണ്ട്.

ഇന്ത്യയുടെ ഔദ്യോഗിക എയർലൈനുകളിലെ യാത്രകൾ ദേശദ്രോഹപാതകമായി മാറുന്നുവോ? കഴിഞ്ഞ കുറച്ചു ദിവസങ്ങളായി എയർ ഇന്ത്യ എക്സ്‌പ്രസ് യാത്രയുമായി ബന്ധപ്പെട്ടു നടക്കുന്ന അനിഷ്ട സംഭവങ്ങൾ ചേർത്തുവായിക്കുമ്പോൾ പ്രവാസികൾ സ്വന്തം കയ്യിലെ കാശുമുടക്കി ദേശദ്രോഹക്കുറ്റം ഏറ്റുവാങ്ങുവാനാണ് സർക്കാർ സർവ്വീസായ എയർ ഇന്ത്യ എക്സ്‌പ്രസിൽ യാത്ര ചെയ്യുന്നതെന്നു തോന്നിപ്പോകുന്നു.

"നിന്റെ അഴുകിയ ഭക്ഷണം, നിന്റെ മക്കളുടെ വിസര്‍ജ്ജ്യം പേറുന്ന പൊതിക്കെട്ടുകള്‍, നിന്റെ ഉച്ചിഷ്ടങ്ങള്‍, നിന്റെ കഫം നിറച്ച കോളാമ്പികള്‍, നിന്റെ പഴുപ്പുതുടച്ച പഞ്ഞിക്കെട്ടുകള്‍, നിന്റെ ഭാര്യയുടെ ആര്‍ത്തവരക്തം പുരണ്ട തുണിക്കഷ്ണങ്ങള്‍... ഇതെല്ലാം വലിച്ചെറിയേണ്ടത് എന്റെ സന്തതികളുടെ മുകളിലല്ല, നിന്റെ വിസര്‍ജ്ജ്യം നീ മറവുചെയ്യണം, അതിനു കഴിയുന്നില്ലെങ്കില്‍ നീ തന്നെ തിന്നുതീര്‍ക്കണം; പന്നിയെപ്പോലെ."

മാലിന്യസംസ്കരണത്തിന് പുതുവഴി കണ്ടെത്തിയ യുവഗവേഷകന്റെ പദ്ധതിയെ കേരള ശാസ്ത്രസാഹിത്യപരിഷത്ത് അട്ടിമറിച്ചു എന്ന ആരോപണം ഒരു ഓണ്‍ലൈന്‍ ദിനപ്പത്രത്തില്‍ പ്രസിദ്ധീകരിച്ചുവന്നത് കഴിഞ്ഞ ജൂലായിലാണ്. (അന്നത്തെ യുആര്‍ഐ ആ പോര്‍ട്ടലിനു നഷ്ടമായതിനാല്‍ പ്രസ്തുതലേഖനം പുതിയ ഇടത്ത് പ്രസിദ്ധീകരിച്ചിട്ടുണ്ട്.) ലേഖനത്തിലെ പരാമര്‍ശങ്ങളോട് പ്രതികരിച്ച് ആരോപണവിധേയനായ ഐആര്‍റ്റിസി മുന്‍ ഡയറക്റ്റര്‍ ആര്‍വിജി മേനോന്‍ നല്‍കിയ മറുപടി മലയാളം പ്രസിദ്ധീകരിച്ചിരുന്നു. കൊടുങ്ങല്ലൂര്‍ നഗരസഭയില്‍ പരാമര്‍ശിതനായ ഗവേഷകന്‍ കെ ബി ജോയി സ്ഥാപിച്ചുപരിപാലിക്കുന്ന പ്ലാന്റ് സന്ദര്‍ശിച്ച് ബ്ലോഗര്‍ നിരക്ഷരന്‍ എഴുതിയ 'കൊടുങ്ങല്ലൂര്‍ മാലിന്യ സംസ്കരണ പ്ലാന്റ്: ഒരു മാതൃക' എന്ന ബ്ലോഗ് പോസ്റ്റ് പഴയ വിവാദങ്ങളെ വീണ്ടും ശ്രദ്ധയിലെത്തിച്ചിരിക്കയാണ്. ഈ സാഹചര്യത്തില്‍ ആര്‍വിജിയുടെ മറുപടിലേഖനത്തോടുള്ള ജോയിയുടെ പ്രതികരണം ഞങ്ങള്‍ പ്രസിദ്ധീകരിക്കുകയാണ്.

പലയിടങ്ങളിലും ഗംഭീര പ്രഭാഷണങ്ങള്‍ ഇടയ്ക്കിടെ കേള്‍ക്കാറുണ്ടല്ലോ. കവലപ്രസംഗം പോലുള്ള ആ ഗണത്തെയാണ് ഉദ്ദേശിച്ചത്. അത് ശ്രദ്ധിച്ചപ്പോള്‍ മനസ്സിലാക്കാന്‍ കഴിഞ്ഞത് ഒരു തമാശയാണ്. ഒരു വിഷയത്തെക്കുറിച്ച് ആധികാരികമായി ഒരു പ്രാസംഗികന്‍ പ്രതിപാദിച്ചാല്‍, അതേ വിഷയം തന്നെ അടുത്ത സ്ഥലത്ത് തികച്ചും വ്യത്യസ്തമായി മറ്റൊരാള്‍ അവതരിപ്പിക്കുന്നതു കാണാം. രണ്ടു വിധത്തിലുള്ള അഭിപ്രായങ്ങളോ പരാമര്‍ശങ്ങളോ ആണെങ്കില്‍ നന്ന്, പക്ഷേ വസ്തുതകള്‍ തിരിച്ചും മറിച്ചും സന്ദര്‍ഭോചിതമായി പ്രയോഗിച്ചാലോ? 'ജനകീയ സമരങ്ങള്‍ വിജയിച്ച ചരിത്രമില്ല'യെന്ന് ഒരു പ്രസംഗത്തില്‍ കേള്‍ക്കുമ്പോള്‍ അടുത്തയാള്‍ പറയുക 'ജനകീയ സമരങ്ങള്‍ എന്നും ജയിച്ചു മുന്നേറിയ ചരിത്രമേയുള്ളു' എന്നാണ്.

ഹോസ്റ്റല്‍ മെസിലെ വിഭവങ്ങള്‍ നിശ്ചയിക്കുന്നത് ആരാണ്? ഏതെങ്കിലും പ്രത്യേകതരം ഭക്ഷണം മാത്രമേ വിളമ്പാവൂ എന്നും മറ്റുള്ളതെല്ലാം വര്‍ജ്ജിക്കണമെന്നും തീരുമാനിക്കാന്‍ വിദ്യാര്‍ത്ഥികളില്‍ ആര്‍ക്കെങ്കിലും പ്രത്യേക അവകാശമുണ്ടോ? ഇത്തരം ചോദ്യങ്ങളോടുള്ള പ്രതികരണമായാണ് ഇന്ത്യയിലുടനീളം വിവിധ സര്‍വ്വകലാശാലാ ഹോസ്റ്റലുകളില്‍ ബീഫ് ഫെസ്റ്റിവലുകളും പോര്‍ക്ക് ഫെസ്റ്റിവലുകളും നടക്കുന്നത്. ദളിത് വിദ്യാര്‍ത്ഥി സംഘടനകളാണ് മിക്കയിടത്തും ഇതിന്റെ സംഘാടകര്‍. മുസ്ലീം, ദളിത് സ്വത്വങ്ങളുടെ ഉണര്‍ച്ച എന്നതിനുപരി വ്യത്യസ്തമായ ഭക്ഷണശീലങ്ങളെ ബുള്‍ഡോസര്‍ ചെയ്യാനുള്ള മിലിറ്റന്റ് വെജിറ്റേറിയനിസത്തിന്റെ ശ്രമത്തിനെതിരായ സമരോത്സുകപ്രതികരണം കൂടിയായി മാറുന്നുണ്ട്, ഈ മേളകള്‍.

Sunday, May 19, 2013

Send your articles to
editor@malayal.am