വിശ്വരൂപം എന്ന സിനിമ ഏതൊരു സിനിമയേയുംപോലെ ഒരു സാംസ്കാരിക ഉത്പന്നമാണു്. സാംസ്കാരിക ഇടത്തില് ഇടപെടുന്ന ഏതു കലാസൃഷ്ടിക്കും ഒന്നിലേറെ വായനകള് സാധ്യമാണു്. അനുവാചകന് ആര്ജ്ജിച്ച സാംസ്കാരികവിദ്യാഭ്യാസവും രാഷ്ട്രീയചരിത്രബോധങ്ങളും മതകീയമായ ഇഷ്ടാനിഷ്ടങ്ങളും കലയുടെ അര്ത്ഥവിചാരങ്ങളും ഒക്കെതന്നെ, ഇത്തരം വായനകളെ സ്വാധീനിക്കും. ഇതില് ഏതെങ്കിലും ഒന്നുമാത്രമേ ശരിയാകൂ എന്ന വാദം അസ്ഥാനത്താണു്. ഇവിടെ ഈ സിനിമയെ തീര്ത്തും വിരുദ്ധമായ രണ്ടു പക്ഷങ്ങളില് നിന്നു് വിലയിരുത്തുകയാണു് ലേഖകന്. ഒന്നാം വായന ലേഖകന്റെ മനം തന്നെ പറയുമ്പോള് രണ്ടാം വായനയെ പ്രതിവായനയെന്നു വിശേഷിപ്പിക്കാം. മാധ്യമം ആഴ്ചപ്പതിപ്പില് പ്രസിദ്ധീകരിച്ച ലേഖനത്തിന്റെ പുനഃപ്രസിദ്ധീകരണം. സ്ഥലപരിമിതി മൂലം ആഴ്ചപ്പതിപ്പില് നിന്നു് ഒഴിവാക്കിയ നിരീക്ഷണങ്ങളും ഉള്ക്കൊള്ളിച്ചിട്ടുണ്ടു്.
.JPG)
.jpg)
