ഭീമസേനനെ പ്രധാനകഥാപാത്രമാക്കി എംടി രണ്ടാമൂഴം എന്ന നോവല് എഴുതുന്നതിനു കാരണം, സ്വത്വാന്വേഷണപരമായി താന് എന്നുമൊരു രണ്ടാമൂഴക്കാരനായിരുന്നു എന്ന തന്റെതന്നെ തോന്നലായിരുന്നു. രണ്ടാമൂഴക്കാരന് ഒരിക്കലും ഒന്നാമൂഴക്കാരനാകുന്നില്ല. അതുതന്നെയാണ് കേന്ദ്രമന്ത്രിസഭയില് എ കെ ആന്റണിക്കും സംഭവിക്കുന്നത്. അദ്ദേഹം ഇന്നിതാ പ്രണബ് മുഖര്ജി ഒഴിഞ്ഞ രണ്ടാംസ്ഥാനത്തേക്ക് എത്തിയിരിക്കുന്നു. കഴിഞ്ഞ ദിവസങ്ങളില് ദേശീയ മാദ്ധ്യമങ്ങളുടെ മുഴുവന് ആകാംക്ഷയായിരുന്നു ആരാകും പ്രണബിന്റെ കസേരയിലിരിക്കുക എന്നത്. അത് ആന്റണിയോ ആഭ്യന്തരമന്ത്രി പി ചിദംബരമോ എന്നതായിരുന്നു ചര്ച്ച. എന്നാല്, ഇന്നലെ (11/07/12) മന്ത്രിസഭായോഗം ചേര്ന്നപ്പോള് രണ്ടാംകസേര പ്രതിരോധമന്ത്രി എ കെ ആന്റണിക്കായി ഒരുക്കിയിരിക്കുന്നുണ്ടായിരുന്നു. മൂന്നാം കസേരയില് ശരദ് പവാര്. നാലാം കസേരയില് ചിദംബരം.
.jpg)
