രോഗാവസ്ഥയില് മനുഷ്യകോശം എങ്ങനൊക്കെ മാറുന്നു, എങ്ങനെയെല്ലാം മരുന്നുകളോട് പ്രതികരിക്കുന്നു എന്നൊക്കെ അറിയാന് ഇനി ജന്തുക്കളില് പരീക്ഷിച്ച് വലയേണ്ട കാര്യമില്ല എന്ന് വന്നാലത്തെ സൗകര്യമോര്ത്ത് നോക്കൂ. ജന്തുക്കളില് ഫലിക്കുന്നത് മനുഷ്യനൊക്കുമോ എന്നൊക്കെയുള്ള ശങ്കയില്ലാതെ നാളത്തെ വൈദ്യഗവേഷണം സുഗമമാകും. മാത്രമോ, ഓരോ രോഗിയിലെയും കോശമെടുത്ത് അതില് പരീക്ഷണം നടത്തി ഫലപ്രദമെന്ന് കാണുന്ന മരുന്ന് മാത്രം അയാള്ക്ക് നല്കിയാല് മതി എന്ന് വന്നാല് ? നിങ്ങളുടെ ജനിതകപ്രത്യേകതകളെ എല്ലാം അച്ചട്ടായി അനുകരിക്കുന്ന ഒരു കൂട്ടം കോശങ്ങളെ നിങ്ങളില് നിന്ന് തന്നെ ഉണ്ടാക്കി, അതില് പരീക്ഷിച്ച ചികിത്സകള് മാത്രം നിങ്ങള്ക്ക് ലഭ്യമാക്കാന് ഡോക്ടര്ക്ക് കഴിയും !
തവളയുടെ കുടലിലെ കോശത്തിനെ കോശമര്മ്മം മാറ്റിവയ്ക്കല് (nuclear transplant) വഴി ഭ്രൂണകോശമാക്കി മാറ്റി വാല്മാക്രിയെ ഉണ്ടാക്കിയ സര് ജോണ് ഗെര്ഡനും, അങ്ങനെ "വളര്ച്ച മുറ്റിയ" കോശങ്ങളിലെ ജീനുകളില് ചില വേലത്തരങ്ങള് നടത്തിയാല് ഏത് കോശത്തെയും ഭ്രൂണകോശമാക്കി മാറ്റാമെന്ന് കാണിച്ചുതന്ന ഷിന്യ യമനകയ്ക്കുമാണ് ഇത്തവണത്തെ വൈദ്യശാസ്ത്ര നോബല്. ഭൂമിയുടെ ഭാവിയെ തന്നെ മാറ്റിവരയ്ക്കാന് പോകുന്ന ഈ കണ്ടെത്തലുകളുടെ ഒരു ലളിതാഖ്യാനം.
.jpg)
.JPG)
.jpg)
