പുരുഷന്‍

ചട്ടന്‍ പൊട്ടന്‍ ചെമ്മാന്‍ ചെരുപ്പുകുത്തി മുതല്‍ തന്തയ്ക്ക് പിറക്കാത്ത ആണും പെണ്ണും കെട്ടവന്‍ വരെ. അപഹസിക്കാനും കുറ്റംപറയാനും നമുക്കുള്ള വാക്കുകള്‍ പ്രത്യേക ജനുസ്സാണ്. ആംഗലേയത്തിലെ underdog എന്ന പദത്തിന് അടിപ്പെട്ടത് എന്നര്‍ത്ഥം പറയാമെങ്കില്‍ ഈ തെറിവാക്കുകളെല്ലാം അടിപ്പെട്ട വാക്കുകള്‍ കൂടിയാണ്. സമൂഹത്തിലെ അധീശഭാഷണം മാനകഭാഷയായി മാറുമ്പോള്‍ അധീശസംസ്കാരം മോശപ്പെട്ടതായി കരുതുന്ന ശാരീരികമാനസീകാവസ്ഥകള്‍, ജാതിലിംഗപദവികള്‍, ലൈംഗികലീലകള്‍, തുടങ്ങിയവയൊക്കെ അധോഭാഷയുടെ പൊരുളടയാളങ്ങളാവും. ആധിപത്യത്തിനും അധികാരത്തിനും അനുഗുണമായി വികസിച്ച ഭാഷ അടിച്ചമര്‍ത്താനും അപഹസിക്കാനുമായി എങ്ങനെ ഉപയോഗിക്കപ്പെടുന്നു എന്നുള്ള അന്വേഷണമാണിവിടെ. ലേഖനത്തിലേക്ക്:

പാക്കിസ്ഥാനിലെ മൌലികവാദികളുടെ വധശ്രമത്തിന്ന് ഇരയാകേണ്ടി വന്ന മലാല എന്ന യുവതിയുടെ വ്യക്തിസ്വാതന്ത്ര്യത്തിന്റെ പേരിൽ അന്താരാഷ്ട്ര മാദ്ധ്യമങ്ങൾക്കൊപ്പം ഇന്ത്യൻ മാദ്ധ്യമങ്ങളിലും, സോഷ്യൽ നെറ്റ്‌വർക് സൈറ്റുകളിലും കൊണ്ടുപിടിച്ച പ്രചാരണം നടന്നു കൊണ്ടിരിക്കെ, രാജ്യത്തിന്റെ തലസ്ഥാന നഗരിയിൽ നടന്ന കൂട്ടബലാത്സംഗവും, ക്രൂരമായ കൊലപാതകവും ആഗോളതലത്തിൽ ഇന്ത്യയുടെ പ്രതിച്ഛായക്കുണ്ടാക്കിയ നാണക്കേട് ചെറുതല്ല. മലാല എന്ന യുവതിക്ക് നേരെ നടന്ന അക്രമങ്ങളെ മുൻ നിർത്തിക്കൊണ്ട് പാക്കിസ്ഥാനിലെ സ്ത്രീകൾ തീരെ സുരക്ഷിതരല്ല എന്ന നിലയ്ക്കുള്ള പ്രചാരണങ്ങൾ അഴിച്ചുവിടാൻ ഇന്ത്യൻ മാദ്ധ്യമങ്ങൾ കാണിച്ച അത്യുത്സാഹത്തിന്റെ മഷി ഉണങ്ങും മുൻപാണ് ഇന്ത്യക്ക് വൻനാണക്കേടുണ്ടാക്കിക്കൊണ്ട് തലസ്ഥാന നഗരിയായ ഡെൽഹിയിൽ കൂട്ടമാനഭംഗവും, കൊലപാതകവും അരങ്ങേറുന്നത്.

'എനിക്ക് ജീവിക്കണം. ഞാന്‍ തിരികെ ജീവിതത്തിലേക്ക് മടങ്ങിയെത്തും. ജീവിക്കാനുള്ള സമരം ഞാന്‍ തുടരുക തന്നെ ചെയ്യും. ' ഈ ശബ്ദത്തിന്റെ ഉടമ ഇനി വിങ്ങുന്ന ഓര്‍മ്മയാണ്. ശതകോടീശ്വരന്മാരുള്ള രാജ്യം, 120 കോടിയുള്ള മാനവ ശേഷി. ലോകത്തെ ഏറ്റവും വലിയ, ശക്തമായ ജനാധിപത്യത്തിന്റെ പൊങ്ങച്ചങ്ങള്‍ ഇവിടെ തകര്‍ന്നു വീഴുന്നു. കൂട്ടമാനബംഗത്തിന് ശേഷം ജീവനു വേണ്ടി യാചിച്ച 23 വയസുകാരി ഡല്‍ഹി പെണ്‍കുട്ടി ഇന്ന് നമുക്കൊപ്പമില്ല. പക്ഷെ അവള്‍ കൊളുത്തിയ ജ്യോതി ഓരോ മനുഷ്യമനസിലും ജ്വാലാമുഖിപോലെ ആളിപ്പടരുകയാണ്.

പത്രവാര്‍ത്തകള്‍ കാലത്തെ അടയാളപ്പെടുത്തുന്നതു് വിചിത്രമായ രീതികളിലാണു്. ഇന്നത്തെ മലയാള മനോരമ പത്രത്തില്‍ അച്ചടിച്ചുവന്ന രണ്ടുവാര്‍ത്തകളില്‍ നിന്നു് വായിച്ചെടുക്കാന്‍ ഒട്ടേറെയുണ്ടു്. അതിലുണ്ടു്, മനുഷ്യന്റെ നിസ്സഹായതയും വക്രതയും വല്ലായ്മയും സങ്കടവും.

മേല്‍സൂചിപ്പിച്ച വാര്‍ത്തകളില്‍ ഒന്നാണു ചുവടെ. കുഞ്ഞിനെ ഉപേക്ഷിക്കാന്‍ എത്തിയ യുവതി പൊലീസ് കസ്റ്റഡിയില്‍; സഹോദരന് എതിരേ പീഡനക്കേസ് എന്നാണു തലക്കെട്ടു്.

ഞാനൊരു കഥാകാരിയാണ്, കാര്യകാരണസഹിതം വസ്തുതകള്‍ വിശദീകരിക്കാന്‍ അറിയില്ല. അതിനാല്‍ തന്നെ ഉള്ള ചില അഭിപ്രായങ്ങളും സംശയങ്ങളും മറ്റും പറയാം. ആദ്യമേ പറയട്ടെ, ഡിസംബര്‍ 29നു ഞാനും മരിച്ചു, എന്റെയും ഒരു ഭാഗം മരിച്ചു... ഈ മരണം എനിക്കും എപ്പോള്‍ വേണമെങ്കിലും സംഭവിക്കാം എന്ന സാധ്യത തുറന്നു തന്നെയിരിക്കുന്നതിനാല്‍ ഞാന്‍ ഭയപ്പാടോടെ നോക്കുന്നു, സമൂഹത്തെ. സമൂഹത്തെ എന്നാല്‍ ബലം പ്രയോഗിക്കാന്‍ മടിയില്ലാത്ത പുരുഷനേയും അതിനെ ന്യായീകരിക്കുന്ന അതിനു വിധേയയാകുന്ന സ്ത്രീയേയും.

ഇന്ത്യയുടെ തലസ്ഥാനനഗരിയായ ഡൽഹിയിൽ, ഡിസംബർ 16 നു നടന്ന കൂട്ട റേപ്പ് , ഇന്ത്യയുടെ റേപ്പ് ചരിത്രത്തിൽ മാത്രമല്ല ഇന്ത്യയുടെ ജനകീയ ചരിത്രത്തിൽ തന്നെ ഒരു നാഴികക്കല്ലാകുന്നു എന്നതു അസ്വാഭാവികമല്ല; പൊലീസിന്റെ ലാത്തിയേയും ജലപീരങ്കിയേയും ചൂരവടിപ്രയോഗങ്ങളെയും ചവിട്ടിനെയും അടിയേയും അതിജീവിച്ച്, ഡൽഹിയിലെ സാധാരണ ജനങ്ങൾ നടത്തിയ നിലയ്ക്കാത്ത പ്രതിഷേധമാണ് അതിനു കാരണം. പ്രധാനമന്ത്രി മന്മോഹൻ സിംഗും, പ്രസിഡന്റ് പ്രണാബ് മുഖർജിയും പ്രസ്താവനകളിറക്കി. കോൺഗ്രസ് പ്രസിഡന്റ് സോണിയ ഗാന്ധി, ഗുരുതരാവസ്ഥയിൽ ആശുപത്രിയിൽ കഴിയുന്ന പെൺകുട്ടിയെ സന്ദർശിച്ചു. കൂട്ട ബലാത്സംഗമന്വേഷിക്കാൻ ജുഡീഷ്യൽ കമ്മിഷനായി. എന്നിട്ടും ഡൽഹിയുടെ മുഖ്യമന്ത്രി, ഷീലാ ദീക്ഷിത് പെൺകുട്ടിയെ സന്ദർശിക്കാൻ മടിച്ചു എന്നു കേൾക്കുന്നു. ശേഷം, വിദഗ്ദ്ധ ചികിത്സയ്ക്കായി അവരെ സിംഗപ്പൂരിലേക്കു കൊണ്ടു പോയി. ഒടുവിൽ ഇതാ അവളെ രക്ഷിക്കാൻ സിംഗപ്പൂർ മെഡിക്കൽ റ്റീമിനും കഴിയാതെ വന്നു, അവൾ മരിച്ചു.

“...women are objects of erotic delight, intended for the pleasure and adornment of the male; and their physical beauty is paramount...The pleasure that the possession of a beautiful woman affords is entirely physical and is coupled by an absolute disdain for her ‘being’ ”

Mary Donaldson-Evans: A Woman’s Revenge

(Her commenting on the characters of Maupassaunt)

ദില്ലിയിലെ ബലാത്സംഗങ്ങളെപ്പറ്റിയാണ് പറയാന്‍ വരുന്നത്, വളഞ്ഞുവളഞ്ഞേ എഴുതാന്‍ പറ്റുന്നുള്ളൂ - ഇതെങ്ങനെ സൌമ്യമായ ഭാഷയില്‍ പറയണെമെന്നറിയില്ല. ചാള്‍സ് ഡാര്‍വിനും മറ്റും പറഞ്ഞുവെച്ചതാണ് മൃഗങ്ങളില്‍ നിന്നും പരിണമിച്ചാണ് മനുഷ്യനുണ്ടായതെന്ന്. പരിണാമം കൊണ്ട് മനുഷ്യന്‍ ഗസല്‍ സംഗീതം ആസ്വദിക്കാന്‍ പഠിച്ചു, പുസ്തകം വായിച്ചും സിനിമ കണ്ടും മറ്റും ഹര്‍ഷോന്മാദിയാകാനും ഗഹനമായ വിഷയങ്ങളെക്കുറിച്ച് ചിന്തിക്കാനും പഠിച്ചു, എന്നൊക്കെ പറയാമെങ്കിലും മൃഗത്തില്‍ നിന്നും മനുഷ്യനിലേക്ക് വലിയ പരിണാമമൊന്നും നടന്നിട്ടില്ല എന്നതാണ് വാസ്തവം. പുരോഗമനം തൊലിപ്പുറത്താണ്. ഉണ്ടായ പുരോഗമനം തന്നെ ചില രാജ്യങ്ങളിലും ചില സമൂഹങ്ങളിലുമൊക്കെയാണ്. പലയിടങ്ങളിലും മനുഷ്യന്‍ ഒന്നാന്തരം മൃഗമാണ്.

കഴിഞ്ഞ കുറേ ദിവസങ്ങളായി ഈ പോര്‍ട്ടല്‍ നിശബ്ദമായിരുന്നു. ഈ ലേഖകന്റെ ഒരു സ്വകാര്യദുരന്തമാണു് ആ അവസ്ഥയുണ്ടാക്കിയതു്. എഡിറ്റര്‍ എന്ന നിലയില്‍ മറ്റ് സംവിധാനങ്ങളൊരുക്കാന്‍ കഴിയാതെ വന്നതു് വ്യക്തിപരമായ പരാജയംകൂടിയാണു്. വായനക്കാരോടു് മാപ്പ്. ഡിസംബര്‍ നാലിനു ശേഷം ഇതേവരെ ഞാന്‍ ഒന്നും എഴുതിയിട്ടില്ല. യാതൊന്നും വായിച്ചതുമില്ല. പുറംലോകത്തു് എന്തൊക്കെ സംഭവിച്ചുവെന്നോ ആരെല്ലാം എന്തെല്ലാം പറഞ്ഞുവെന്നോ സോഷ്യല്‍ നെറ്റ്‌വര്‍ക്കുകളിലെ പുതിയ ചര്‍ച്ചകളെന്തിനെക്കുറിച്ചാണെന്നോ നോക്കിയില്ല. ചുറ്റുമുള്ള വാര്‍ത്തകളധികം അറിഞ്ഞതുമില്ല. പത്രങ്ങളൊന്നും വായിക്കുന്നുണ്ടായിരുന്നില്ല. സങ്കടം പൊതിയുമ്പോഴും എവിടെയോ എന്റെ രാഷ്ട്രീയം എന്നെ തിരിച്ചുവിളിക്കുന്നു. അതുകൊണ്ടുമാത്രം ഈ കുറിപ്പു്.