യൂറോ കപ്പ്

മ്യൂണിക്ക്: ലോകകപ്പിന് പിന്നാലെ പരിക്കേറ്റ ജര്‍മന്‍ ക്യപ്റ്റന്‍ മൈക്കല്‍ ബല്ലാക്കിന് യൂറോ കപ്പ് യോഗ്യതാ റൗണ്ടിലും കളിക്കാനാവില്ല. പരിക്കില്‍ നിന്ന് മോചിതനാവാത്ത ബല്ലാക്കിന് അടുത്തമാസം തുര്‍ക്കിക്കും കസാഖിസ്‌ഥാനുമെതിരെയുമുളള മത്സരങ്ങളാണ് നഷ്‌ടമാവുക. ബല്ലാക്കിന്റെ ഇടതുകാല്‍മുട്ടിനാണ് പരിക്ക്. ബല്ലാക്ക് 98 മത്സരങ്ങളില്‍ ജര്‍മന്‍ കുപ്പായം അണിഞ്ഞിട്ടുണ്ട്.

ലണ്ടന്‍: 2011ലെ യൂറോ കപ്പോടെ ഇംഗ്ലണ്ട് ഫുട്ബോള്‍ ടീമിന്റെ പരിശീലക സ്ഥാനം ഒഴിയുമെന്ന് ഫാബിയോ കപ്പെല്ലോ. 64 വയസ്സായ താന്‍ യൂറോകപ്പിന് ശേഷം വിശ്രമിക്കാനാണ് ഉദ്ദേശിക്കുന്നതെന്ന് കപ്പെല്ലോ വ്യക്തമാക്കി.

ലണ്ടന്‍: യൂറോ കപ്പ് ഫുട്ബോളിന്റെ യോഗ്യതാറൗണ്ടില്‍ പോര്‍ച്ചുഗലിന്റെ ദുരിതകാലം തുടരുന്നു. ആദ്യമത്സരത്തില്‍ സമനില വഴങ്ങിയ പോര്‍ച്ചുഗല്‍ രണ്ടാം മത്സരത്തില്‍ നോര്‍വേയോട് തോറ്റു. ഒരൊറ്റഗോളിനായിരുന്നു നോര്‍വേയുടെ ജയം. ലോകകപ്പ് തോല്‍വിയുടെ ആഘാതത്തില്‍മുങ്ങിയിരുന്ന ഫ്രാന്‍സ് കരകയറി. ഫ്രാന്‍സ് 2-0ന് ബോസ്‌നിയ-ഹെര്‍സിഗോവിനയെ തോല്‍പിച്ചു. മറ്റ് മത്സരങ്ങളില്‍ കരുത്തരായ ഇംഗ്ലണ്ട്, ഇറ്റലി,ഫ്രാന്‍സ്, ജര്‍മനി,ഹോളണ്ട് എന്നിവര്‍ ജയത്തോടെ മൂന്ന് പോയിന്റ് സ്വന്തമാക്കി.

ലണ്ടന്‍: 2012ലെ യൂറോ കപ്പിന് യോഗ്യതയുറപ്പാക്കാന്‍ കളിത്തട്ടിലിങ്ങിയ മുന്‍നിര ടീമുകള്‍ക്ക് വിജയത്തുടക്കം. നിലവിലെ ചാമ്പ്യന്‍മാരായ സ്പെയ്ന്‍, ഹോളണ്ട്, ഇംഗ്ലണ്ട്, ജര്‍മ്മനി, ഇറ്റലി, നോര്‍വേ തുടങ്ങിയവരെല്ലാം വിജയത്തോടെ തുടങ്ങി. അതേസമയം ഫ്രാന്‍സിന്റെ തുടക്കം തോല്‍വിയോടെയായി. ബെലാറസ് ഒരൊറ്റഗോളിന് സ്വന്തംനാട്ടുകാര്‍ക്ക് മുന്നില്‍ ഫ്രാന്‍സിനെ നാണംകെടുത്തി. കരുത്തരായ പോര്‍ട്ടുഗല്‍ 4-4ന് സൈപ്രസുമായി സമനില നേടി രക്ഷപ്പെട്ടു.

ലണ്ടന്‍: 2012ലെ യൂറോ കപ്പ് ഫുട്ബോളിനുളള യോഗ്യതാ മത്സരങ്ങള്‍ക്ക് ഇന്ന് തുടക്കമാവും. യൂറോപ്പിലെ മുന്‍നിര ടീമുകളെല്ലാം ഇന്ന് കളത്തിലിറങ്ങും. 51 ടീമുകളാണ് യോഗ്യതാ റൗണ്ടില്‍ മത്സരിക്കുന്നത്. സ്‌പെയ്‌നാണ് നിലവിലെ ചാമ്പ്യന്‍മാര്‍. 2012 ജൂണ്‍ എട്ട് മുതല്‍ ജൂലൈ ഒന്നു വരെ പോളണ്ടിലും ഉക്രൈനിലുമായാണ് യൂറോ കപ്പ് നടക്കുക. എട്ടു വേദികളിലായി നടക്കുന്ന ടൂര്‍ണമെന്റിലേക്ക് 16 ടീമുകളാണ് യോഗ്യത നേടുക.

Tuesday, May 22, 2012