സച്ചിന്‍

സച്ചിന്‍ - വിടവാങ്ങലിനൊരുങ്ങുമ്പോള്‍

ലോകക്രിക്കറ്റ് സൃഷ്ടിച്ച ഏറ്റവും മഹാനായ ക്രിക്കറ്റര്‍ സച്ചിന്‍ തെണ്ടുല്‍ക്കര്‍ വിടവാങ്ങലിനൊരുങ്ങുകയാണ്. നവംബറില്‍ നടക്കുന്ന ഇന്ത്യ - ഇംഗ്ലണ്ട് ടെസ്റ്റു പരമ്പരയിലെ സ്വന്തം പ്രകടനത്തെ സ്വംയ വിലയിരുത്തി തന്റെ വിരമിക്കല്‍ കാര്യത്തില്‍ ഉചിതമായ തീരുമാനം കൈക്കൊള്ളുമെന്ന് താരം തന്നെ പറയുമ്പോള്‍ ഒരു യുഗത്തിന്റെ അന്ത്യത്തെക്കുറിച്ചുള്ള ഊഹാപോഹങ്ങള്‍ക്കു വിരാമമാകുകയാണ്. സച്ചിന്റെ വിരമിക്കല്‍ ഏറെക്കാലമായി ക്രിക്കറ്റ് ലോകത്ത് വാദവിവാദങ്ങളും കോലാഹലങ്ങളുമുയര്‍ത്തുന്നതിനിടെ, ഇതാദ്യമായാണ് സച്ചിന്‍ സ്വയം തന്റെ വിരമിക്കലിനെക്കുറിച്ച് ഇത്രയും കൃത്യമായി പറയുന്നത്.

സച്ചിന്‍ വിശ്രമം തുടരുന്നു

ശ്രീലങ്കന്‍ പര്യടനത്തിനുള്ള ഇന്ത്യന്‍ ക്രിക്കറ്റ് ടീം പ്രഖ്യാപിച്ചു. സച്ചിന്‍ തെണ്ടുല്‍ക്കറുടെ സ്ഥാനമായിരിക്കണം ഈ പര്യടനത്തിലെ ഒരു ശ്രദ്ധാവിഷയം. എന്നാല്‍, മുന്‍കൂട്ടിത്തന്നെ സച്ചിന്‍ വിശ്രമം ആവശ്യപ്പെട്ടിരുന്നെന്നു ചൊല്ലി സെലക്ഷന്‍ കമ്മിറ്റി അദ്ദേഹത്തിനു വിശ്രമം അനുവദിച്ചിരിക്കുകയാണ്. രണ്ടുകൊല്ലത്തോളമായി സച്ചിന്‍ ഏകദിനത്തില്‍ തുടരുന്ന വിശ്രമപരമ്പര അങ്ങനെ നീളുകയാണ്.

സച്ചിനു വീടുവേണ്ട, വാര്‍ത്ത മതി

സച്ചിന്‍ തെണ്ടുല്‍ക്കര്‍ ഇന്ത്യയിലെ ഏറ്റവും ജനപ്രീതിയുള്ള ആളുകളിലൊരാളാണ്. ക്രിക്കറ്റിലെ ദൈവം. സിനിമയും ക്രിക്കറ്റും രാഷ്ട്രീയവും ഏറ്റവും വലിയ ഷോ ബിസിനസുകളായിട്ടുള്ള ഇന്ത്യയിലെ ഈ മൂന്നുവിധതാരങ്ങളിലും പ്രമുഖന്‍. മറ്റു താരങ്ങളില്‍നിന്നു വ്യത്യസ്തമായി അഹങ്കാരം നിറഞ്ഞ സംസാരമോ മറ്റോ കാണിക്കാതെ മര്യാദ പാലിക്കുന്ന ഒരു വ്യക്തിത്വമെന്ന നിലയിലും സച്ചിന്‍ ശ്രദ്ധേയനാണ്. ക്രിക്കറ്റിനോടു വലിയ താല്പര്യമില്ലാത്തവരില്‍പ്പോലും സച്ചിന്റെ സ്വഭാവഭംഗി മതിപ്പുണര്‍ത്തിയിട്ടുണ്ട്. ഭാരതരത്നയ്ക്കുവരെ സച്ചിന്റെ പേര് നിര്‍ദേശിക്കേണ്ടതാണെന്ന് ശക്തമായ അഭിപ്രായവുമുണ്ട്.