പങ്കാളിത്ത പെന്ഷന് പദ്ധതി നടപ്പാക്കുന്നതിനെതിരെ കേരളത്തിലെ സര്ക്കാര് ജീവനക്കാര് നടത്തിയ സമരം പിന്വലിച്ചെങ്കിലും അതിനാധാരമായ വിഷയം സജീവ ചര്ച്ചയില് നില്ക്കുന്നു. സാമൂഹികസുരക്ഷിതത്വം എന്ന ലക്ഷ്യം നേടണമെങ്കില് എല്ലാവര്ക്കും പെന്ഷന് നല്കേണം എന്നിരിക്കെ സമരങ്ങളിലൂടെ പെന്ഷന് അവകാശം നേടിയെടുത്ത സര്ക്കാര് ജീവനക്കാര് എന്തോ അരുതാത്തതു് പറ്റുന്നുവെന്നും അവര്ക്കു് സ്റ്റാറ്റ്യൂട്ടറി പെന്ഷന്റെ ആവശ്യമില്ലെന്നുമുള്ള അസൂയയില് പൊതിഞ്ഞ നിലപാടാണു് സര്ക്കാര് സര്വ്വീസിനു പുറത്തുള്ള, വരുമാനമുള്ളവരും അല്ലാത്തവരുമായ അനവധിയാളുകള് കൈക്കൊണ്ടതു്. ഇത്തരമൊരു അഭിപ്രായ രൂപീകരണത്തില് വര്ത്തമാനപത്രങ്ങള് വഹിച്ച പങ്കു ചെറുതല്ല.
